საქართველოს პროკურატურაში პატიმრების წამებისა  და არაჰუმანური მოპყრობის ფაქტზე მიმდინარე გამოძიების ფარგლებში, დამამძიმებელ გარემოებებში ჩადენილი წამებისათვის ბრალდებულად არის ცნობილი გლდანის მე-8 სასჯელაღსრულების დაწესებულების ოპერატიული მორიგე ვლადიმერ ბედუკაძე. ვლადიმერ ბედუკაძეს აღკვეთი ღონისძიების სახით დაუსწრებლად შეეფარდა დაპატიმრება და მის მიმართ გამოცხადდა ძებნა ინტერპოლის წითელი ცირკულარით.

სასჯელაღსრულების დეპარტამენტის თანამშრომელთა მიმართ მიმდინარე გამოძიების ფარგლებში, დღეს, 29 სექტემბერს დაკავებულ იქნა ქუთაისის მე-2 საპყრობილის კონტროლიორი ირაკლი ამირანაშვილი.

ჭიათურაში იუსტიციის სახლის მშენებლობას ჩაეყარა საფუძველი. ახალგაჭრილ საძირკველში  კაფსულა სიმბოლურად იუსტიციის მინისტრის მოადგილემ ოთარ კახიძემ და იმერეთში პრეზიდენტის რწმუნებულმა ლაშა მაქაცარიამ ჩადეს.

სასჯელაღსრულების დეპარტამენტის თანამშრომელთა მიმართ მიმდინარე გამოძიების ფარგლებში, დღეს, 28 სექტემბერს დასავლეთ საქართველოს საოლქო  პროკურატურამ დააკავა პატიმართა მიმართ არაადამიანურ მოპყრობასა და  წამებაში მხილებული კიდევ 2 პირი.

საფრანგეთის ეროვნული ჟანდარმერიის მიერ მოწოდებული ინფორმაციის  საფუძველზე დაწყებული გამოძიების ფარგლებში,  გიორგი ხაინდრავას მიმართ გამოძიებას დამატებითი შეკითხვები გააჩნია. ამასთან დაკავშირებით ის კვლავ დაბარებული იქნება დაკითხვაზე.

ხაშურის რაიონის სოფელ გომში საზოგადოებრივი ცენტრი გაიხსნა, სადაც მოსახლეობა ერთ სივრცეში 200-ზე მეტ სერვისს სოფლიდან გაუსვლელად მიიღებს. 

საზოგადოებრივი ცენტრი ადგილობრივ მოსახლეობასთან ერთად, სახელმწიფო სერვისების განვითარების სააგენტოს თავმჯდომარემ გიორგი გაბრიელაშვილმა და ენერგეტიკისა და ბუნებრივი რესურსების მინისტრმა ვახტანგ ბალავაძემ გახსნეს.  

სასჯელაღსრულების დეპარტამენტის თანამშრომელთა მიმართ მიმდინარე გამოძიების ფარგლებში, დღეს გამთენიისას დაკავებული არიან პატიმართა მიმართ არაადამიანურ მოპყრობასა, წამებასა და გაუპატიურებაში მხილებული 4 პირი.

თანამედროვე არქიტექტურის ულამაზესი შენობა, სასიამოვნო ინტერიერი, 300-ზე მეტი გამარტივებული სერვისი ერთ სივრცეში, რომლის მიღებასაც მოქალაქეები, საშუალოდ ორმოცდახუთი წამიდან - წუთნახევრამდე ანდომებენ, რიგში დგომის დრო კი 5 წუთზე ნაკლებია, ერთ-ერთი ყველაზე თანამედროვე სერვისცენტრი - იუსტიციის სახლი დღეს, 26 სექტემბერს გორში, საქართველოს პრეზიდენტმა, მიხეილ სააკაშვილმა გახსნა.

გარდაბნის მუნიციპალიტეტის სოფელ სართიჭალაში, დღეს სახელმწიფო სერვისების განვითარების სააგენტოს თავმჯდომარემ გიორგი გაბრიელაშვილმა და ქვემო ქართლის გუბერნატორმა დავით კირკიტაძემ  საზოგადოებრივი ცენტრი გახსნეს.

საფრანგეთიდან მიღებული მასალების საფუძველზე დაწყებული გამოძიების ფარგლებში, საგამოძიებო ორგანოში დაკითხვის მიზნით დაბარებულია გიორგი ხაინდრავა.

რამდენიმე კვირის წინ ქართულმა მხარემ მიიღო ინფორმაცია საფრანგეთის რესპუბლიკის ჟანდარმერიისაგან, რომელიც საქართველოს სახელმწიფოს ეროვნული ინტერესების უსაფრთხოებისათვის უმნიშვნელოვანეს საკითხებს ეხება.

დღეს, 25 სექტემბერს საქართველოს იუსტიციის სამინისტროს შუამდგომლობის საფუძველზე, საფრაგეთის სასამართლოს სანქციით, ქართველ სამართალდამცველებს ოფიციალურად გადმოეცა ეს მასალა.

2012 წლის 25 სექტემბერს, თბილისში, სასტუმრო "რედისონში" მუშაობა დაიწყო საერთაშორისო კონფერენციამ ,,საჯარო სამსახურის სერვისები - ორიენტაცია თანამედროვე გადაწყვეტაზე",  რომელიც საჯარო სამსახურში გატარებულ რეფორმებს ეძღვნება. კონფერენციის მუშაობაში მონაწილეობს 132 უცხოელი და ადგილობრივი დელეგატი.

2012 წლის 2 მარტს, საქართველოს იუსტიციის სამინისტროს გენერალური ინსპექციის საგამოძიებო სამმართველოში დაიწყო გამოძიება სისხლის სამართლის საქმეზე,  განსაკუთრებული ისტორიული, კულტურული, მეცნიერული და ეროვნული ღირებულების ნივთის მართლსაწინააღმდეგოდ მისაკუთრებისა და არქეოლოგიური ობიექტების საქართველოდან უნებართვოდ გატანის მცდელობის ფაქტებზე. დანაშაული გათვალისწინებულია საქართველოს სისხლის სამართლის კოდექსის 183-ე მუხლის პირველი ნაწილით და 19,259⁴-ე მუხლით.

21 სექტემბერს, თბილისში, სანაპიროზე მსოფლიოში ყველაზე დიდი სერვისცენტრი - იუსტიციის სახლი გაიხსნა. ცნობილი იტალიელი  არქიტექტორის   მასიმილიანო ფუკსასის პროექტით შექმნილი თანამედროვე ნაგებობა, რომლის საერთო ფართობი 32.000 კვადტარული მეტრია, საქართველოს პრეზიდენტმა, მიხეილ სააკაშვილმა გახსნა. ღონისძიებას ესწრებოდნენ საქართველოს საკანონმდებლო, აღმასრულებელი და სასამართლო ხელისუფლების, აგრეთვე, ქართული და საერთაშორისო არასამთავრობო ორგნიზაციების წევრები, ქვეყანაში აკრედიტებული საელჩოებისა და მისიების წარმომადგენლები, ჟურნალისტები. ღონისძიებაში მონაწილეობისათვის უამრავი სტუმარი საქართველოში სპეციალურად  ჩამოვიდა.

დღეს, 20:00 საათზე თბილისის იუსტიციის სახლი გაიხსნება. ცნობილი იტალიელი არქიტექტორის მასიმილიანო ფუქსასის პროექტით შექმნილი თანამედროვე ნაგებობა გააერთიანებს სახელმწიფო და კერძო სერვისებს. 

სასჯელაღსრულების დეპარტამენტის თანამშრომელთა მიმართ მიმდინარე გამოძიების ფარგლებში, დაკავებულია 11 მოხელე. მათ წარედგინათ ბრალი და შეეფარდათ წინასწარი აღკვეთი ღონისძიება.

სრული პასუხისმგებლობით  ვაცხადებთ, რომ ვლადიმერ ბედუკაძის ოჯახის წევრებზე არცერთი სამართალდამცველი ორგანოს მიერ ზეწოლა არანაირი ფორმით არ ხორციელდება.

სასჯელაღსრულების დეპარტამენტის თანამშრომელთა მიმართ საქართველოს პროკურატურაში მიმდინარე გამოძიების ფარგლებში 20 სექტემბერს, გამთენიისას სამართალდამცველებმა დააკავეს კიდევ ერთი  დამნაშავე, გლდანის მე-8 საპყრობილის არასრულწლოვანთა განყოფილების მორიგე ინსპექტორი კობა ჩიკვატია. იგი არასრულწლოვანის მიმართ ჩადენილ დანაშაულშია მხილებული.

სასჯელაღსრულების დეპარტამენტის თანამშრომელთა მიმართ საქართველოს პროკურატურაში მიმდინარე გამოძიების ფარგლებში, გლდანის #8 სასჯელაღსრულების დაწესებულების ოფიცერი დავით აკობია ამჟამად მთავარ პროკურატურაში დაკითხვაზე იმყოფება.

სასჯელაღსრულების დეპარტამენტის თანამშრომელთა მიმართ საქართველოს პროკურატურაში მიმდინარე გამოძიების ამ ეტაპზე, სისხლის სამართლის კოდექსის 144¹ (წამება) და 144³ (დამამცირებელი ან არაადამიანური მოპყრობა) მუხლებით გათვალისწინებული ბრალდებით დაკავებულია 10 მოხელე, ერთს ბრალდება წარედგინა დაუსწრებლად და იძებნება. მიმდინარეობს საგამოძიებო მოქმედებები სხვა დამნაშავე პირთა დასადგენად.

გურჯაანის რაიონის სოფელ შაშიანში დღეს პირველი  საზოგადოებრივი ცენტრი გახსნა. ადგილობრივ მცხოვრებლებთან ერთად შაშიანის საზოგადოებრივი ცენტრის სტუმრები საქართველოს იუსტიციის მინისტრი ზურაბ ადეიშვილი და შრომის, ჯანმრთელობისა და სოციალური დაცვის მინისტრი ზურაბ ჭიაბერაშვილი იყვნენ. გახსნის ცერემონიას დაესწრნენ სახელმწიფო სერვისების განვითარების სააგენტოს ხელმძღვანელი გიორგი გაბრიელაშვილი, ადგილობრივი თვითმმართველობის წარმომადგენლები და კერძო კომპანიების ხელმძღვანელი პირები.

ყვარელში იუსტიციის სასწავლო ცენტრის ახალი ოფისი და სასტუმრო „რუმს კახეთი" გაიხსნა. თანამედროვე სტანდარტების შენობა „რუმს ჰოტელ გრუპისა" და იუსტიციის სასწავლო ცენტრის ერთობლივი პროექტია, შენობა  უახლესი  საოფისე ინვენტარით აღიჭურვა. პროექტის ავტორია ქართველი არქიტექტორი, კომპანია „არქიტექტორული ჯგუფი და პარტნიორების" არქიტექტორი ირაკლი შარაშიძე.

კიდევ ერთი იუსტიციის სახლი კახეთში. 16 სექტემბერს სერვისცენტრი, რომელიც 300-მდე სახელმწიფო და კერძო სერვისს აერთიანებს, ყვარელშიც ამოქმედდა. ყვარლის იუსტიციის სახლის პროექტი ქართველ არქიტექტორს, კომპანია „არქიტექტორული ჯგუფი და პარტნიორების" არქიტექტორს, ირაკლი შარაშიძეს ეკუთვნის.

სამასზე მეტი სახელმწიფო და კერძო სერვისი ერთ სივრცეში დღეს უკვე თელაველებისთვისაც გაერთიანდა. კახეთის ისტორიულ ქალაქში იუსტიციის სახლი 15 სექტემბერს, საქართველოს პრეზიდენტმა მიხეილ სააკაშვილმა გახსნა.

13 სექტემბერს, რუსთავის იუსტიციის სახლს ნატოს ელჩები ესტუმრნენ.  მაღალი რანგის ხუთ დიპლომატს იუსტიციის სახლის აღმასრულებელმა დირექტორმა ნინო ჩიჩუამ უმასპინძლა. მან სტუმრებს მომსახურების სივრცეები დაათვალიერებინა და იუსტიციის სახლის კონცეფცია გააცნო.

სამასამდე სერვისი ერთ სივრცეში, სწრაფი და კომფორტული მომსახურება, სასიამოვნო და მყუდრო გარემო, თავაზიანი, მომხმარებელზე ორიენტირებული პერსონალი -  დღეიდან იუსტიციის სახლის სერვისებით სარგებლობა მარნეულის მოსახლეობასაც შეუძლია, რეგიონს კი თანამედროვე არიტექტურის ულამაზესი შენობა შეემატა.

8 სექტემბერს, იუსტიციის სამინისტროსა და იუსტიციის სახლის თანამშრომლები   კახეთს ეწვივნენ. მათ  რთველში მიიღეს მონაწილეობა და ყვარლის რაიონის სოფელ ჭიკაანში მცხოვრებ გლეხს ყურძნის დაკრეფაში დაეხმარნენ.