მდგრადი სოფლის მეურნეობის, ირიგაციის და მიწის პროექტის (GRAIL) მიზანი სასოფლო-სამეურნეო მიწის ბაზრის გააქტიურება, აგრობიზნესში ინვესტიციების მოზიდვის ხელშეწყობა და კლიმატის ცვლილებისადმი ადაპტაციის ღონისძიებების დაგეგმვაა, რაც ეკონომიკურ სარგებელს მოუტანს სოფლის მოსახლეობას.

იუსტიციის სამინისტროს საჯარო რეესტრის ეროვნული სააგენტო ინოვაციური ტექნოლოგიების გამოყენებით მიწის ადმინისტრირების სერვისების დანერგვაზე, ეროვნული სივრცითი მონაცემების ინფრასტრუქტურისა (NSDI) და გეოპორტალის შექმნაზე იმუშავებს.

პროექტის პრეზენტაციისას იუსტიციის მინისტრის პირველმა მოადგილე თამარ ტყეშელაშვილმა აღნიშნა: „მნიშვნელოვანია, რომ პროექტი თანაბრად ფინანსდება საქართველოს მთავრობისა და მსოფლიო ბანკის მიერ და უზრუნველყოფს, მათ შორის, გამართული ეროვნული სივრცითი მონაცემების ინფრასტრუქტურის (NSDI) შექმნას, რაც გაამყარებს სოციალურ და ეკონომიკურ განვითარებას და ინოვაციური ტექნოლოგიების გამოყენებით ხელს შეუწყობს მიწის ადმინისტრირების სერვისებს“.

ღონისძიების მონაწილეებს ახალი პროექტის ფარგლებში დაგეგმილი სამუშაოების შესახებ დეტალური ინფორმაცია მიაწოდეს საჯარო რეესტრის ეროვნული სააგენტოს თავმჯდომარე დავით დევიძემ და პროექტის მენეჯერმა ელენე გრიგოლიამ.

იუსტიციის სამინისტროს მსოფლიო ბანკთან ერთობლივი პროექტების განხორციელების წარმატებული გამოცდილება აქვს, კერძოდ: ირიგაციისა და მიწის ბაზრის განვითარების პროექტის ფარგლებში, საჯარო რეესტრის ეროვნულმა სააგენტომ წარმატებით განახორციელა მიწის ბაზრის განვითარების პროექტის კომპონენტი, რის შედეგადაც, მიღებული ცოდნისა და გამოცდილების ანალიზის საფუძველზე, საქართველოს მთავრობის გადაწყვეტილებით და სრულად სახელმწიფოს დაფინანსებით 2022 წლიდან ქვეყნის მასშტაბით მიმდინარეობს მიწის სისტემური რეგისტრაცია, რომელიც 2024 წელს დასრულდება.

ახალი პროექტის პრეზენტაციას ესწრებოდნენ ფინანსთა მინისტრი ლაშა ხუციშვილი, სოფლის მეურნეობის მინისტრი ოთარ შამუგია, მსოფლიო ბანკის სამხრეთ კავკასიის რეგიონული დირექტორი როლანდ პრაისი და მოწვეული სტუმრები.

იუსტიციის მინისტრის მოადგილე ბექა ძამაშვილი გაერთიანებული ერების ორგანიზაციის წამებისა და სხვა სასტიკი, არაადამიანური ან დამამცირებელი მოპყრობის ან დასჯის პრევენციის ქვეკომიტეტის (SPT) დელეგაციას შეხვდა.

საუბარი შეეხო იუსტიციის სამინისტროსა და სპეციალური პენიტენციური სამსახურის მიერ პატიმართა უფლებების დაცვისა და პირობების გაუმჯობესების მიმართულებით განხორციელებულ და დაგეგმილ ღონისძიებებს. ყურადღება გამახვილდა ისეთ საკითხებზე, როგორიცაა: ახალი პენიტენციური კოდექსი, პატიმართათვის ხელმისაწვდომი რესოციალიზაცია-რეაბილიტაციის პროგრამები, დასაქმების შესაძლებლობები, მცირე ზომის ახალი დაწესებულებების მშენებლობა და სხვ.

უკვე განხორციელებული რეფორმების ეფექტიანობის ყველაზე მკაფიო ინდიკატორი ადამიანის უფლებათა ევროპული სასამართლოს სტატისტიკაა, რომლის მიხედვითაც, ევროპულ სასამართლოს 2012 წლის შემდეგ საქართველოს პენიტენციური სისტემიდან გაგზავნილი არცერთი საქმე არ მიუღია წარმოებაში, რაც ადასტურებს პატიმართა უფლებების ქვეყნის შიგნით დაცვის მაღალ სტანდარტს. ამასთან, ოფიციალური სტატისტიკის თანახმად, მკვეთრად შემცირდა საქართველოს წინააღმდეგ ევროპულ სასამართლოში არსებული საქმეების საერთო რაოდენობა. კერძოდ, 2011 წლისთვის ადამიანის უფლებათა ევროპული სასამართლოს წარმოებაში იყო საქართველოს წინააღმდეგ შეტანილი 3045 საქმე. შედარებისთვის – 2023 წლის იანვრის მდგომარეობით ეს რიცხვი 147-მდე შემცირდა, რაც 2011 წლის მონაცემებზე 20-ჯერ ნაკლებია.

მინისტრის მოადგილის თქმით, პენიტენციური სისტემის რეფორმა აქტიურად გაგრძელდება იუსტიციის სამინისტროს 10-წლიანი სტრატეგიის შესაბამისად, რომლის ფარგლებშიც მხედველობაში იქნება მიღებულია SPT-ის რეკომენდაციები.

შეხვედრას, ასევე, ესწრებოდნენ იუსტიციის სამინისტროსა და სპეციალური პენიტენციური სამსახურის რელევანტური დეპარტამენტების წარმომადგენლები.

აღსანიშნავია, რომ SPT-ის დელეგაცია საქართველოს პირველად სტუმრობს. დამოუკიდებელი და მიუკერძოებელი ექსპერტისგან შემდგარი ქვეკომიტეტის ძირითადი ფუნქციაა გაერო-ს წევრ ქვეყნებში წამებისა და არასათანადო მოპყრობის პრევენციის პროაქტიული და მდგრადი მიდგომების დანერგვა. ქვეკომიტეტი, ასევე, შეხვდება სხვა სამთავრობო უწყებებს, სახალხო დამცველის აპარტსა და პრევენციის ეროვნული მექანიზმის წარმომადგენლებს. ვიზიტის ფარგლებში SPT, ასევე, ესტუმრება თავისუფლებააღკვეთის დაწესებულებებს.

ვიზიტის შემდგომ SPT შეიმუშავებს ანგარიშს და საქართველოსთან მიმართებით გასცემს რეკომენდაციებს თავისუფლებააღკვეთილ პირთა მოპყრობასა და დაცვასთან დაკავშირებით.

დელეგაციის ვიზიტი დღეს დაიწყო და მიმდინარე წლის 13 ოქტომბერს დასრულდება.

საერთაშორისო სტანდარტების შესაბამისი, 150 მსჯავრდებულზე გათვლილი დაწესებულების მშენებლობა 2024 წელს დასრულდება.

საქართველოსთვის სრულიად ახალი ტიპის დაწესებულება იძლევა ციხის უფრო მეტად ეფექტიანი მართვის შესაძლებლობას. რუსთავის ახალ პენიტენციურ დაწესებულებაში იქნება თანამედროვე ტიპის საკნები, სასადილო, მაღაზია, სპორტული ინფრასტრუქტურა, რესოციალიზაციის სივრცეები, გაუმჯობესებული პირობები თანამშრომლებისთვის და უსაფრთხოების უახლესი სისტემები.

სიმბოლური კაფსულა იუსტიციის მინისტრმა რატი ბრეგაძემ და სპეციალური პენიტენციური სამსახურის ხელმძღვანელმა ნიკა ცხვარაშვილმა თანამშრომლებთან ერთად ჩადეს.c

საერთაშორისო სტანდარტების შესაბამისი, 150 მსჯავრდებულზე გათვლილი დაწესებულების მშენებლობა 2024 წელს დასრულდება.

საქართველოსთვის სრულიად ახალი ტიპის დაწესებულება იძლევა ციხის უფრო მეტად ეფექტიანი მართვის შესაძლებლობას. რუსთავის ახალ პენიტენციურ დაწესებულებაში იქნება თანამედროვე ტიპის საკნები, სასადილო, მაღაზია, სპორტული ინფრასტრუქტურა, რესოციალიზაციის სივრცეები, გაუმჯობესებული პირობები თანამშრომლებისთვის და უსაფრთხოების უახლესი სისტემები.

სიმბოლური კაფსულა იუსტიციის მინისტრმა რატი ბრეგაძემ და სპეციალური პენიტენციური სამსახურის ხელმძღვანელმა ნიკა ცხვარაშვილმა თანამშრომლებთან ერთად ჩადეს.

ევროინტეგრაციის პროცესში მიგრაციის მართვის მნიშვნელობასა და ორმხრივ თანამშრომლობაზე ისაუბრეს იუსტიციის მინისტრის პირველმა მოადგილე თამარ ტყეშელაშვილმა და იუსტიციის მინისტრის მოადგილე ბექა ძამაშვილმა მიგრაციის საერთაშორისო ორგანიზაციის (IOM) სამხრეთ-აღმოსავლეთ ევროპის, აღმოსავლეთ ევროპისა და ცენტრალური აზიის რეგიონულ დირექტორ მანფრედ პროფაზთან შეხვედრაზე.

მხარეებმა მიგრაციის მართვის პროცესში მიგრაციის საკითხთა სამთავრობო კომისიის საქმიანობაზეც იმსჯელეს, რომელიც IOM-ის წარმომადგენელთა განცხადებით, არაერთი ქვეყნისთვისაა სამაგალითო.

მიგრაციის საკითხთა სამთავრობო კომისია მთავრობის სათათბირო ორგანოა, რომელსაც ხელმძღვანელობს იუსტიციის მინისტრი. კომისია მსჯელობს და გადაწყვეტილებებს იღებს მიგრაციის მართვასთან დაკავშირებულ საკითხებზე.

შეხვედრას, ასევე, ესწრებოდნენ საქართველოს იუსტიციის სამინისტროს და სსიპ „სახელმწიფო სერვისების განვითარების სააგენტოს“, როგორც მიგრაციის საკითხთა სამთავრობო კომისიის სამდივნოს, წარმომადგენლები.

ორი დღის განმავლობაში ფორუმზე განიხილეს სამართლის დარგში აქტუალური პრობლემები და გამოწვევები, მათ შორის, ჩეხური სამართლის სისტემის თავისებურებები და საქმიანობის მოდელები. სპეციალური სესია დაეთმო ევროკავშირის სამართლის რეგულაციების ეროვნულ დონეზე იმპლემენტაციის საკითხს.

ფორუმის დასრულების შემდეგ ორი ქვეყნის იუსტიციის მინისტრებმა აღნიშნეს, რომ ფორუმის მიმდინარეობისას გაზიარებული ინფორმაცია და გამოცდილება ორივე მხარისთვის სასარგებლო აღმოჩნდა და გამოთქვეს მზადყოფნა, მომავალშიც დაუჭირონ მხარი საქართველოსა და ჩეხეთს შორის სამართლებრივი პლატფორმის განვითარებას.

ქართულ-ჩეხური სამართლებრივი ფორუმის იდეა შარშან ოქტომბერში ჩეხეთისა და საქართველოს იუსტიციის მინისტრების შეხვედრისას გაჩნდა; რიგით მეორე ფორუმს კი, თბილისის შემდეგ მომავალ წელს პრაღა უმასპინძლებს.

საქართველოსთვის განსაკუთრებით მნიშვნელოვანია ჩეხურ მხარესთან თანამშრომლობა და იმ გამოცდილების გაზიარება თუ რა სამართლებრივი პროცესების გავლა მოუწევს საქართველოს ევროკავშირში გაწევრების გზაზე ქართული კანონმდებლობის ევროკავშირთან დაახლოების საკითხში, რასაც ხელს უწყობს ორ ქვეყანას შორის სექტორული თანამშრომლობის ფარგლებში დაგეგმილი ღონისძიებები.

საერთაშორისო სამართლებრივი თანამშრომლობის განვითარება უწყების ერთ-ერთი პრიორიტეტია და მსგავსი პლატფორმა საქართველოს იუსტიციის სამინისტროს ჩეხეთის გარდა გერმანიას, აზერბაიჯანსა და სომხეთთანაც აქვს.

ერთობლივი ფორუმის იდეა შარშან ოქტომბერში ჩეხეთისა და საქართველოს იუსტიციის მინისტრების შეხვედრისას გაჩნდა. ფორუმის მიზანი ქართულ-ჩეხური სამართლის სისტემების კიდევ უფრო დაახლოება და ორ ქვეყანას შორის დარგობრივი თანამშრომლობის გაძლიერებაა, მათ შორის, ქართული კანონმდებლობის ევროპულ სამართალთან დაახლოების მიმართულებით, რაც განსაკუთრებული მნიშვნელობის მატარებელია საქართველოსათვის კანდიდატის სტატუსის მინიჭების პროცესსა და ევროპული პერსპექტივის კონტექსტში.

ღონისძიება საქართველოს იუსტიციის მინისტრმა რატი ბრეგაძემ და ჩეხეთის იუსტიციის მინისტრმა პაველ ბლაჟეკმა გახსნეს. ფორუმში ორი ქვეყნის იუსტიციის სამინისტროს წარმომადგენლებთან ერთად სასამართლოს, პროკურატურის, ადვოკატთა ასოციაციისა და იურიდიული დახმარების სამსახურის სამართლის დარგის ექსპერტები მონაწილეობენ;

განიხილავენ ქართული და ჩეხური სამართლებრივი სისტემების თავისებურებებს, საქმიანობის მოდელებსა და სამომავლო თანამშრომლობის პერსპექტივებს. სექტორული თანამშრომლობა საქართველოსა და ჩეხეთს შორის განსაკუთრებით ინტენსიურად ვითარდება ორი ქვეყნის იუსტიციის სამინისტროებს შორის დეკლარაციის გაფორმების შემდეგ, რომელსაც რატი ბრეგაძემ და პაველ ბლაჟეკმა გასულ წელს მოაწერეს ხელი.

პირველი ქართულ-ჩეხური სამართლებრივი ფორუმი 6 ოქტომბერს დასრულდება, 2024 წელს კი, ღონისძიება პრაღაში გაიმართება.

საქართველოს ნოტარიუსთა პალატის გამგეობის თავმჯდომარის 2023 წლის 27 სექტემბრის N230/ს ბრძანებით გამოცხადდა სტაჟიორთა კონკურსი. კონკურსი იუსტიციის სასწავლო ცენტრში 2023 წლის 01 ნოემბრიდან 15 ნოემბრის ჩათვლით, ტესტირების ფორმით, ორ ეტაპად ჩატარდება.

I ეტაპი - ზოგადი უნარები, 1 ნოემბერი, 2023 წ.

II ეტაპი - პროფესიული ნაწილი, 15 ნოემბერი, 2023 წ.

სტაჟირების გავლის მსურველმა პირმა კონკურსში მონაწილეობის მისაღებად ელექტრონულად უნდა წარმოადგინოს შემდეგი საბუთები:

ა) უმაღლესი იურიდიული განათლების დამადასტურებელი დოკუმენტის ასლი;
შენიშვნა: აპლიკანტს, რომელსაც უმაღლესი იურიდიული განათლება მიღებული აქვს უცხოეთში, კონკურსში რეგისტრაციისათვის უნდა წარმოადგინოს განათლების აღიარების შესახებ სსიპ - განათლების ხარისხის განვითარების ეროვნული ცენტრის მიერ გაცემული შესაბამისი დოკუმენტი;
ბ) განაცხადი თანდართული ფორმის შესაბამისად (დანართი №1ა);
გ) პირადობის დამადასტურებელი დოკუმენტის ასლი;
დ) ორი ფოტოსურათი (ზომით 3X4).

რეგისტრაციის დასრულებამდე, იუსტიციის სასწავლო ცენტრი ამოწმებს აპლიკანტის მიერ წარმოდგენილი დოკუმენტების შესაბამისობას კანონით დადგენილ მოთხოვნებთან. თუ აპლიკანტის მიერ საბუთები წარმოდგენილია არასრული სახით, მას უფლება ეძლევა გამოასწოროს ხარვეზი რეგისტრაციის დასრულებამდე. რეგისტრაციის ვადა სრულდება კონკურსის ჩატარებამდე 5 დღით ადრე. ვადის გასვლის შემდეგ წარმოდგენილი განცხადებები აღარ მიიღება.

კონკურსში მონაწილეობის მისაღებად სტაჟირების გავლის მსურველმა პირმა მითითებული დოკუმენტები უნდა წარმოადგინოს ელექტრონული ფორმით შემდეგ მისამართზე: stajirebanotary@tcj.gov.ge ან იუსტიციის სასწავლო ცენტრის კომისიის სამდივნოში, მისამართი: ქ. თბილისი, ანა პოლიტკოვსკაიას ქ. N1.

საბუთების მიღება წარმოებს 2023 წლის 28 სექტემბრიდან 26 ოქტომბრის ჩათვლით, შემდეგ ელექტრონულ მისამართზე: stajirebanotary@tcj.gov.ge

საკონტაქტო პირები:

ქეთევან ზვიადაძე, ელ. ფოსტა: kzviadadze@tcj.gov.ge
საკონტაქტო ტელეფონი (+995 32) 294 22 65
მეგი ოდიშელიძე, ელ. ფოსტა: modishelidze@tcj.gov.ge
საკონტაქტო ტელეფონი (+995 32) 238 22 59

მოთხოვნები სტაჟირების გავლის მსურველი პირის მიმართ

„სტაჟიორთა კონკურსის ჩატარების წესისა და პირობების შესახებ დებულებისა და საქართველოს ნოტარიუსთა პალატაში სტაჟირების გავლის წესის დამტკიცების თაობაზე“ იუსტიციის მინისტრის 2019 წლის 23 ოქტომბრის N450 ბრძანების მე-3 მუხლის შესაბამისად:

ა) სტაჟირების კონკურსში მონაწილეობის უფლება აქვს საქართველოს მოქალაქეს, ქმედუნარიან პირს, რომელსაც აქვს უმაღლესი იურიდიული განათლება;

გამოცდის ფორმა და ეტაპები

პირველი ეტაპი - ზოგადი უნარები - 100 კითხვა, 2 საათი.
მეორე ეტაპი - პროფესიულ ნაწილში ტესტირება 100 კითხვა, 3 საათი.

საგამოცდო ტესტი შედგება 100 ტესტური დავალებისგან 4 სავარაუდო პასუხით, რომელთაგან მხოლოდ ერთი არის სწორი. სწორი პასუხი ფასდება 1 ქულით.

კანდიდატს, რომელიც ზოგადი უნარების ტესტში მიიღებს 70 ან მეტ ქულას, უფლება აქვს მონაწილეობა მიიღოს პროფესიული ნაწილის ტესტირებაში, ხოლო პროფესიული ნაწილის ტესტირებაში დადებითი შეფასების მისაღებად კანდიდატმა უნდა დააგროვოს მინიმუმ 75 ქულა.

კონკურსში გამარჯვებულად ითვლება პირი, რომელიც წარმატებით გაივლის ტესტირების ორივე ეტაპს თითოეულ ეტაპზე დააგროვებს განსაზღვრულ ქულას.

გამოცდის თარიღისა და სხვა საორგანიზაციო საკითხების შესახებ ინფორმაციას მიიღებთ რეგისტრაციისას წარმოდგენილ ელექტრონულ მისამართზე.

იხილეთ სტაჟიორთა გამოცდასთან დაკავშირებული სამართლებრივი აქტები:

განაცხადის ფორმა;

„სტაჟიორთა კონკურსის ჩატარების წესისა და პირობების შესახებ დებულებისა და საქართველოს ნოტარიუსთა პალატაში სტაჟირების გავლის წესის დამტკიცების თაობაზე“ საქართველოს იუსტიციის მინისტრის 2019 წლის 23 ოქტომბრის N450 ბრძანება.

სტაჟიორთა კონკურსის საგამოცდო პროგრამა

თავმჯდომარისა და გამგეობის წევრების არჩევნები ფარული კენჭისყრით, ხმის მიცემის ელექტრონული პროგრამით ჩატარდა. თავმჯდომარეობის გამარჯვებულმა კანდიდატმა ეკატერინე ნანდოშვილმა 248 ხმა მიიღო.

თავმჯდომარის, მოადგილის და გამგეობის წევრობის კანდიდატებმა კოლეგებს სამოქმედო გეგმა გააცნეს.

სსიპ „საქართველოს ნოტარიუსთა პალატის“ საერთო კრებაზე მისასალმებელ სიტყვაში იუსტიციის მინისტრმა ხაზი გაუსვა ნოტარიუსების საქმიანობის მნიშვნელობას ქვეყნის სამართლებრივი უსაფრთხოების უზრუნველყოფაში.

საერთო კრებაზე აღინიშნა 2021-2023 წლებში სისტემაში განხორციელებული წარმატებული რეფორმების შესახებ, მათ შორის: ნოტარიუსის თანამდებობაზე ყოფნის ზღვრული ასაკის 70 წლამდე გაზრდა; სანოტარო მომსახურების გეოგრაფიული არეალის გაფართოება; ბიუროების ადაპტირება შშმ პირთა საჭიროებებზე; დარგობრივი თანამშრომლობის გაძლიერება პარტნიორ ქვეყნებთან და სხვ.

ღონისძიებას ესწრებოდნენ სსიპ ნოტარიუსთა პალატის კურატორი - იუსტიციის მინისტრის პირველი მოადგილე თამარ ტყეშელაშვილი, მინისტრის მოადგილეები და იუსტიციის სამინისტროს სხვა წარმომადგენლები.

28 საპილოტო არეალში, სადაც მსოფლიო ბანკის დაფინანსებით მიმდინარეობს სარწყავი სისტემების მშენებლობა და აღდგენა, მიწის ნაკვეთების სისტემური წესით რეგისტრაცია დასრულდა. მსოფლიო ბანკის მისიის შეფასებით, პროექტის ფარგლებში შექმნილი სისტემური რეგისტრაციის მეთოდოლოგია და ტექნოლოგიური გადაწყვეტები სამაგალითოა და საჯარო რეესტრს აქვს მაღალი პოტენციალი იმისთვის, რომ სხვა ქვეყნებს ექსპერტული მხარდაჭერა გაუწიოს.

აღნიშნული საპილოტო პროექტის შედეგად მიღებულმა გამოცდილებამ ხელი შეუწყო საჯარო რეესტრის ეროვნული სააგენტოს მიერ 2022 წელს მასშტაბური პროექტის – მთელს ქვეყანაში მიწის სისტემური რეგისტრაციის დაწყებას, რომელიც სახელმწიფოს სახსრებით ფინანსდება და 2024 წლის ბოლოსთვის დასრულდება.

სტუმრებს იუსტიციის მინისტრის პირველმა მოადგილე თამარ ტყეშელაშვილმა მიმართა. მან ხაზი გაუსვა საჯარო რეესტრის მიერ განხორციელებული პროექტის მნიშვნელობას როგორც საკუთრების უფლების დაცვის, ისე უძრავი ქონების ბაზრის განვითარებისა და ეკონომიკური მაჩვენებლების შემდგომი ზრდისათვის; დეტალური პრეზენტაცია კი, დამსწრე საზოგადოებას საჯარო რეესტრის ეროვნული სააგენტოს თავმჯდომარე დავით დევიძემ გააცნო.

ღონისძიების მონაწილეებს, ასევე, სიტყვით მიმართეს გარემოს დაცვისა და სოფლის მეურნეობის მინისტრის მოადგილე თენგიზ ნასარიძემ, ფინანსთა მინისტრის მოადგილე ეკატერინე გუნცაძემ და მსოფლიო ბანკის წარმომადგენელმა იან ნიჯჰოფმა.

„ირიგაციისა და მიწის ბაზრის განვითარების“ პროექტის ღონისძიების ბოლოს საჯარო რეესტრის ეროვნული სააგენტოსა და სოფლის მეურნეობის სამინისტროს თანამშრომლებს სპეციალური ჯილდოები გადაეცათ.

ღონისძიებას ესწრებოდნენ იუსტიციის მინისტრის მოადგილეები, საკანონმდებლო ხელისუფლების წარმომადგენლები და მოწვეული სტუმრები.