ცხელი ხაზი2 405 505

სიახლეები

Share
Print

იუსტიციის მინისტრი შვეიცარიის ელჩს შეხვდა

რატი ბრეგაძემ და ჰაიდი გრაუმ საქართველოსა და შვეიცარიის იუსტიციის სამინისტროებს შორის თანამშრომლობის გაღრმავების პერსპექტივები განიხილეს.

მინისტრმა შვეიცარიის ელჩს იუსტიციის სამინისტროს განვითარების ათწლიანი სტრატეგია გააცნო. ჰაიდი გრაუ განსაკუთრებით დაინტერესდა მომსახურების სფეროში დაგეგმილი რეფორმებით, მათ შორის, ისეთი ნოვაციებით, როგორიცაა: მობილური იუსტიციის სახლი, პერსონალური ასისტენტი, პრობბოქსი, ციფრული უნივერსიტეტი, მიწის სისტემური რეგისტრაციის რეფორმა და სხვა.

საქართველოს იუსტიციის მინისტრი და შვეიცარიის ელჩი თანამშრომლობის გაღრმავებაზე შეთანხმდნენ.

Share
Print
Share
Print

რატი ბრეგაძე: „მინდა, ვკითხო ხალხს, ვინც არეულობის უკან დგას, მზად არიან, ჩახედონ 2008 წელს დაღუპული ბიჭების მშობლებს თვალებში?“

„მინდა, ვკითხო ხალხს, ვინც არეულობის უკან დგას, მზად არიან, ჩახედონ 2008 წელს დაღუპული ბიჭების მშობლებს თვალებში? ან მათ, ვინც შეიძლება დაიღუპოს საქართველოში სამხედრო შეტაკებისას ან ომიანობის შემთხვევაში? ერთხელ მაინც მოუნახულებიათ ქართველი ჯარისკაცების საფლავები ან ქართული ჯარისთვის რამე გაუკეთებიათ?“ – ასეთი კითხვით მიმართა ოპოზიციის ნაწილს იუსტიციის მინისტრმა რატი ბრეგაძემ.

რატი ბრეგაძის თქმით, ბოლო პერიოდში დეზინფორმაციული კამპანია ხორციელდება, რომლის მიზანია, საქართველო მოექცეს საომარი ვითარების ეპიცენტრში. იუსტიციის მინისტრი აცხადებს, რომ ამ მიზნისთვის ოპოზიციის ნაწილი საქართველოს ხელისუფლების პრორუსულობაზე საუბრობს და პრემიერ-მინისტრის გადადგომას მოითხოვს, „მიზანი კი არის, რომ ქვეყანაში დაიწყოს არეულობა... ჩვენ ვიხილოთ ისევ მტრის ჯარი საქართველოს ტერიტორიაზე“.

რატი ბრეგაძემ ირაკლი ღარიბაშვილის თავდაცვის მინისტრობის პერიოდი გაიხსენა და აღნიშნა, რომ ეს პერიოდი ქართულ ჯარში უპრეცედენტო აღმავლობის პერიოდი იყო.

„ამ პერიოდში ქართულ ჯარში იყო უპრეცედენტო აღმავლობა. ყველამ იცის, როგორი ზრუნვა იყო ქართულ ჯარზე, დაწყებული ფორმებიდან, კვებით, შეიარაღებით, გადაიარაღებით დასრულებული, და ერთხელ და სამუდამოდ დასრულდა ქართულ ჯარში ის ეპოქა, როდესაც ჩვენი ჯარისკაცები გადაადგილდებოდნენ საბჭოთა „კრაზებით“ და ძველი საბჭოთა მანქანებით. ასეთი მაღალი დონის თანამშრომლობა ჩვენს სტრატეგიულ პარტნიორთან არასდროს ყოფილა; მთელი ქმედებები მიმართული იყო იქით, რომ რაც შეიძლება ამაღლებულიყო მოტივაცია ქართულ ჯარში და ჯარში სამსახური გამხდარიყო რაც შეიძლება პრესტიჟული და რაც შეიძლება მეტმა ადამიანმა გაიგოს იმის შესახებ, რას ემსახურება ქართული ჯარი“, – განაცხადა იუსტიციის მინისტრმა.

რატი ბრეგაძემ ქართულ ჯარში მსახურების შესახებ ოპოზიციის დამოკიდებულებაც გაიხსენა და აღნიშნა, რომ ეს იყო „დემორალიზაციის უბადრუკი და წარუმატებელი მცდელობა“.

„დღეს ეს ხალხი, ვინც ქართველ ახალგაზრდებს მაქსიმალურად ხელს უშლიდა იმაში, რომ ქართველ ახალგაზრდებს მიეღოთ ელემენტარული სამხედრო განათლება... მოუწოდებდნენ, რომ ჯარში არ წასულიყვნენ და „გირჩის“ მამაოდ სთავაზობდნენ გახდომას; ეს ხალხი დღეს საუბრობს ტერიტორიების დაცვაზე და მოგვიწოდებს, რადიკალური ნაბიჯები გადავდგათ, რომ ესკალაცია მოხდეს“, – აღნიშნა მან.

რატი ბრეგაძის განცხადებით, ნაციონალური მოძრაობის ხელისუფლებაში ყოფნის შემთხვევაში, „დღეს, ძალიან მაღალი ალბათობით, საომარ ვითარებაში ვიქნებოდით და განმეორდებოდა ის ტრაგედია, რაც იყო 2008 წელს“, რადგან ეს ძალა მზადაა, ყველა სიტუაცია თავისი მერკანტილური ინტერესებისთვის გამოიყენოს. „დარწმუნებული ვარ, საქართველოს მთავრობა, პრემიერ-მინისტრის ხელმძღვანელობით, საქართველოს მოსახლეობას გაიყვანს მშვიდობიან ფონზე“, - განაცხადა რატი ბრეგაძემ ტელეკომპანია „იმედის“ ეთერში.


Share
Print

რატი ბრეგაძე: „ჩვენი ფორმულაა მეგობრების უპირობო მხარდაჭერა და ამავდროულად საქართველოს ეროვნული ინტერესების დაცვა“

„ჩვენ ვთქვით, რა არის ჩვენი ფორმულა – ეს არის მეგობრების უპირობო და ურყევი მხარდაჭერა აბსოლუტურად ყველა პლატფორმაზე და ამავდროულად საქართველოს ეროვნული ინტერესების დაცვა, და ეს არის ნებისმიერი პასუხისმგებლიანი ხელისუფლების გადაწყვეტილება, როდესაც იგი იცავს საკუთარი მოსახლეობის ინტერესებს“, – ამის შესახებ იუსტიციის მინისტრმა რატი ბრეგაძემ ტელეკომპანია „იმედის“ ეთერში განაცხადა.


მინისტრის თქმით, პაუხისმგებლიანი ხელისუფლება ვალდებულია, ყველა რისკი შეაფასოს სათანადოდ და არ დაუშვას არავითარი ძალადობა საკუთარი ქვეყნის ტერიტორიაზე.


„შემდეგნაირად შევხედოთ სიტუაციას – საქართველოს ტერიტორიაზე ამჟამად იმყოფება რუსეთის სამხედრო ბაზები, ქვეყნის ტერიტორიების, დაახლოებით, 20% ოკუპირებულია რუსეთის ფედერაციის მიერ. ასევე, მილიონამდე ქართველი იმყოფება რუსეთის ფედერაციაში და, ბუნებრივია, გასათვალისწინებელია, ასევე, მათი ბედი და მათი ოჯახების წევრების ბედი, რომლებიც იმყოფებიან საქართველოში. ასევე, ჩვენ გვყავს ჩვენი მოქალაქეები უკრაინის ტერიტორიაზე და, ბუნებრივია, უნდა მივიღოთ მხედველობაში ის ძალიან რთული უსაფრთხოების გარემოც, რომელიც ამ პერიოდში, სამწუხაროდ, ჩამოყალიბდა საქართველოს ირგვლივ და, ასევე, კოვიდპანდემიით გამოწვეული ეკონომიკური შედეგები, რომელთა დაძლევაც მეტნაკლებად ეტაპობრივად დავიწყეთ. რა თქმა უნდა, ამ ვითარებაში ნებისმიერი პაუხისმგებლიანი ხელისუფლება ვალდებულია, ყველა რისკი შეაფასოს სათანადოდ და არ დაუშვას არავითარი ძალადობა საკუთარი ქვეყნის ტერიტორიაზე. ჩვენ ეს პერიოდი გამოვიარეთ – ბოლოს, გახსოვთ, ეს იყო 2008 წლის ძალიან ტრაგიკული ომი და, ასევე, დამოუკიდებლობის მოპოვებიდან 30 წლის განმავლობაში საქართველო იმყოფება ქრონიკულად სისხლისღვრის, ომიანობის პერიოდში და, როგორც იქნა, ეს პერიოდი მეტნაკლებად დავძლიეთ და 2012 წლის მერე საქართველოში შესაძლებელი გახდა მშვიდობის შენარჩუნება. ეს, რა თქმა უნდა, პირველ რიგში, არის მოსახლეობის ინტერესებში და, ბუნებრივია, ჩვენი უპირობო ვალდებულებაა, რომ ყველა ეს ფაქტორი ავწონოთ და ნებისმიერი გადაწყვეტილება მიღებული იყოს ჩვენი მოქალაქეების საკეთილდღეოდ და ჩვენი მეგობრების უპირობო და ძლიერი მხარდაჭერით“, – განაცხადა რატი ბრეგაძემ.

Share
Print

რატი ბრეგაძე: „შესაძლებელია, კონკრეტულ შემთხვევებში რომელიმე შეფასება არ იყოს სასიამოვნოდ ჟღერადი და კარგად მოსასმენი, მაგრამ ჩვენ გავაგრძელებთ მთელ რიგ იმ დადებით ქმედებებს, რომელთაც საქართველოს ხელისუფლება ქართველ ხალხთან ერთად ახორციელებს უკრაინასთან მიმართებით“

იუსტიციის მინისტრმა რატი ბრეგაძემ ტელეკომპანია „იმედის“ ეთერში განაცხადა, რომ საქართველოს ხელისუფლება ქართველ ხალხთან ერთად მხარს უჭერს უკრაინელ ხალხს და ეს მხარდაჭერა მომავალშიც გაგრძელდება. რატი ბრეგაძემ აღნიშნა, რომ ძალიან ბევრი ადამიანისთვის, ვინც საქართველოში ცხოვრობს, უკრაინა დაკავშირებულია მრავალ დადებით ემოციასთან.

„მე შეგნებულად ვისაუბრე იმ მხარდაჭერაზე, რომელიც საქართველომ აღმოუჩინა უკრაინას. აქ არ არის მხოლოდ ხელისუფლების მხარდაჭერა, აქ არის ხალხის მხარდაჭერაც. ქართველ და უკრაინელ ხალხს აქვს ერთმანეთთან ძალიან კარგი ურთიერთობა. ბუნებრივია, როდესაც ვსაუბრობთ უკრაინაზე, ჩემთვის, პირადად, და ძალიან ბევრი ადამიანისთვის, რომელიც საქართველოში ცხოვრობს, ეს დაკავშირებულია მრავალ დადებით ემოციასთან. ჩვენ გვყავს იქ ჩვენი პირადი მეგობრებიც და უამრავი ახლობელი ადამიანი, რომელთა ბედსაც განვიცდით და გულთან ახლოს მიგვაქვს“, – განაცხადა რატი ბრეგაძემ.

იუსტიციის მინისტრმა ისაუბრა დღეს უკრაინის პრეზიდენტის მხრიდან საქართველოს ხელისუფლების მიმართ გაკეთებულ განცხადებაზეც. რატი ბრეგაძის თქმით, როდესაც უკრაინა იმყოფება საომარ მდგომარეობაში, როდესაც მიმდინარეობს ძლიერი დეზინფორმაციული კამპანია, როგორც უკრაინაში, ისე საქართველოში, ამ განცხადების შეფასების დრო არ არის. მინისტრმა, ასევე, გამოთქვა ვარაუდი, რომ შესაძლოა, ამ განცხადების გაკეთების საფუძველი სწორედ უკრაინასა და საქართველოში მიმდინარე დეზინფორმაციული კამპანია გამხდარიყო.

„შესაძლებელია, კონკრეტულ შემთხვევებში რომელიმე შეფასება არ იყოს სასიამოვნოდ ჟღერადი და კარგად მოსასმენი, მაგრამ დავრჩები იმავე პოზიციაზე, რომ, როდესაც ადამიანები არიან გასაჭირში, როდესაც მათ ტერიტორიაზე არის ეს ომი... როდესაც, სხვათა შორის, მიმდინარეობს ძლიერი დეზინფორმაციული კამპანია, რომელიც, სამწუხაროდ, გაჩაღებულია საქართველოშიც, შესაძლოა, ამ განცხადებების მომზადებისას იქონიოს მთელმა ამ პრეისტორიამ გარკვეული ნეგატიური ზეგავლენა. თუმცა, როგორც ვთქვი, ამ ეტაპზე, ამ საუბრისგან თავს შევიკავებ და, პირიქით, გავაგრძელებთ მთელ რიგ იმ დადებით ქმედებებს, რომელთაც საქართველოს ხელისუფლება ქართველ ხალხთან ერთად ახორციელებს უკრაინასთან მიმართებით“, – განაცხადა რატი ბრეგაძემ.

Share
Print

რატი ბრეგაძე: „ეს ხალხი ეწევა პოლიტიკურ მოროდიორობას და საკუთარი ვიწრო ადგილობრივი პოლიტიკური ინტერესებისთვის ცდილობს ქვეყანაში არეულობის გამოწვევას“

იუსტიციის მინისტრი რუსთაველის გამზირზე მყოფი ახალგაზრდების პარლამენტში შესვლის შესახებ გაჟღერებულ მოწოდებებსა და პოლიციელების მიმართ მუქარას გამოეხმაურა. რატი ბრეგაძე მიიჩნევს, რომ აღნიშნული მოწოდებები საქართველოსა და უკრაინას შორის ურთიერთობების დაძაბვას და ქვეყანაში არეულობის გამოწვევას ემსახურება.


„ეს ხალხი დღეს ცდილობს, საქართველოს და უკრაინას შორის დაძაბოს ურთიერთობები, მაშინ, როდესაც საქართველო თავიდან ბოლომდე ცდილობს, ყველა შესაძლო რესურსის ფარგლებში აღმოუჩინოს სრული მხარდაჭერა. ეს ხალხი ეწევა პოლიტიკურ მოროდიორობას და ცდილობს, საკუთარი ვიწრო ადგილობრივი პოლიტიკური ინტერესებისთვის გამოიყენოს ეს ვითარება, გამოიწვიოს ქვეყანაში არეულობა და მოიპოვოს ამით ხელისუფლება. მათთვის აბსოლუტურად არანაირი მნიშვნელობა არ აქვს, თუ რა გზით მოიპოვებენ ხელისუფლებას“, – განაცხადა იუსტიციის მინისტრმა.


რატი ბრეგაძის განცხადებით, კანონიერი ხელისუფლების წინააღმდეგ მიმართული არეულობის ნებისმიერი მცდელობა აღკვეთილი იქნება.


„ვის აწყობს დღეს არეულობა საქართველოში? რა თქმა უნდა, ეს არ არის საქართველოს კეთილმოსურნე და, შესაბამისად, ნებისმიერი არეულობის მცდელობა, რომელიც მიმართული იქნება კანონიერი ხელისუფლების წინააღმდეგ, ბუნებრივია, არ იქნება დაშვებული არავითარ შემთხვევაში და საქართველოს ხელისუფლებას აქვს ყველა შესაძლებლობა იმისათვის, რომ იმოქმედოს ქართველი ხალხის ინტერესებიდან გამომდინარე და არ დაუშვას საქართველოში ხელმეორედ ომი. ეს არის მხოლოდ და მხოლოდ ჩვენი ინტერესი“, – განაცხადა იუსტიციის მინისტრმა რატი ბრეგაძემ ტელეკომპანია „იმედის“ პირდაპირ ეთერში.

Share
Print

რატი ბრეგაძე: „ჩვენ ვამტკიცებთ ჩვენს პროევროპულობას საქმით და არა ყალბი განცხადებებით“

„ჩვენ ზედმეტი აჟიოტაჟის გარეშე ვმოქმედებთ იმ საჭიროებებიდან გამომდინარე, რომელიც აქვს უკრაინის სახელმწიფოს, ბუნებრივია, ჩვენი ეროვნული ინტერესების გათვალისწინებით“, – ამის შესახებ საქართველოს იუსტიციის მინისტრმა ტელეკომპანია „იმედის“ ეთერში განაცხადა.


რატი ბრეგაძის თქმით, საქართველოს დღევანდელი ხელისუფლება არ არის ორიენტირებული დაყვედრებაზე და ადამიანებს და მეგობარ სახელმწიფოებს ყოველ წამს არ ახსენებს გაწეული დახმარების შესახებ. იუსტიციის მინისტრი ოპოზიციის ქმედებებსაც გამოეხმაურა და უკრაინის ნაცვლად შიდაპოლიტიკურ საკითხებზე დისკურსის გადმოტანას „ძალიან სამწუხარო“ უწოდა.


მინისტრმა ოპოზიციის ბრალდებებსაც უპასუხა და მკაფიოდ განმარტა, რომ „ქართული ოცნების“ ხელისუფლებაში ყოფნის პერიოდში განცხადებების ნაცვლად, საქმით დამტკიცდა ქვეყნის პროევროპული კურსისადმი ერთგულება.


„სწორედ „ქართული ოცნების“ მმართველობის პირობებში კონსტიტუციაში იქნა მიღებული ცვლილებები, რომელთა თანახმადაც გაჩნდა კონსტიტუციაში მუხლი 78 და სწორედ ამ კონსტიტუციურმა ჩანაწერმა მისცა დავალება ყველა კონსტიტუციურ ორგანოს, საკუთარი უფლებამოსილების ფარგლებში მიიღონ ყველა ღონისძიება, რომ მოხდეს საქართველოს სრულფასოვანო ინტეგრაცია ევროპის კავშირსა და ჩრდილოატლანტიკური ხელშეკრულების ორგანიზაციაში. აი აქ გამოხატა საქართველოს ხელისუფლებამ საკუთარი ნება“, – აღნიშნა მინისტრმა.

რატი ბრეგაძემ ადამიანის უფლებათა ევროპულ სასამართლოში რუსეთის წინააღმდეგ დავებზეც ისაუბრა. მინისტრის განცხადებით, „ქართული ოცნების“ პირობებში საქართველომ უკვე მოიგო ორი უმნიშვნელოვანესი სარჩელი: „სწორედ „ქართული ოცნების“ პერიოდში მოიგო საქართველომ საქმე უკანონოდ დეპორტირებულებზე და რუსეთის ფედერაციას დაეკისრა ვალედებულება, გადაიხადოს 10 მილიონი ევრო... საქართველომ მოიგო ე.წ ომის საქმე, რომლის თანახმადაც პირველად გაჩნდა საერთაშორისო დოკუმენტებში ჩანაწერი, რომ რუსეთი არის ოკუპანტი“.


მინისტრი ე.წ. მცოცავი ოკუპაციის საქმესაც შეეხო და აღნიშნა, რომ დავა სტრასბურგის სასამართლოში გრძელდება და მას ხელისუფლება ბოლომდე მიიყვანს. იუსტიციის მინისტრის თქმით, საქართველო არასდროს ყოფილა ევროპასთან ისე ახლოს, როგორც დღეს არის:


„ქართული ოცნების“ ხელისუფლების პერიოდში შესაძლებელი გახდა უვიზო მიმოსვლა ევროპის კავშირთან. დღეს საქართველო ევროპის კავშირთან არის ისე ახლოს, როგორც არასდროს. ჩვენ ვამტკიცებთ ჩვენს პროევროპულობას საქმით და არა ყალბი განცხადებებით“.

Share
Print

ჟურნალ „იუსტიციის“ პირველი ნომერი უკვე ხელმისაწვდომია

„იუსტიციის სამინისტრომ კიდევ ერთი დაპირება შეასრულა, ჩვენ უკვე გამოვეცით ჟურნალ „იუსტიციის“ პირველი ნომერი. ჟურნალი იქნება ხიდი მეცნიერებასა და პრაქტიკას შორის, მისცემს ბევრ ახალგაზრდა მეცნიერს შესაძლებლობას, თავისი ნააზრევი გააცნოს ფართო საზოგადოებას“, – ასე შეაფასა იუსტიციის მინისტრმა რატი ბრეგაძემ ჟურნალ „იუსტიციის“ პირველი ნომრის გამოსვლა.

იუსტიციის სამინისტროს ორენოვანი, ქართულ-ინგლისური ჟურნალი „იუსტიცია“ (ლათ. IUSTITIA) გასული წლის ივნისში იუსტიციის მინისტრის ინიციატივით დაარსდა. ის ყოველკვარტალური, საერთაშორისო რეფერირებადი და რეცენზირებადი გამოცემაა. მისი პირველი ნომრის პრეზენტაცია დღეს იუსტიციის სამინისტროში გაიმართა.

გამოცემა სამართლის საკითხებით დაინტერესებულ მკითხველს მნიშვნელოვან სიახლეებს სთავაზობს. ქართულ ენაზე პირველად ქვეყნდება ცნობილი გერმანელი სამართლის ფილოსოფოს ვილჰელმ ზაუერის თხზულება „სამართლიანობა“, რომელიც სპეციალურად „იუსტიციისათვის“ ითარგმნა. საზოგადოების ფართო წრისათვის ნაკლებად არის ცნობილი საქართველოს პირველი რესპუბლიკის სენატის ხელმძღვანელ დავით ხელთუფლიშვილის ბიოგრაფიაც, მის დღემდე უცნობ ფოტოს კი, მკითხველი პირველად ამ ჟურნალის ფურცლებზე იხილავს.

სტატიები მრავალფეროვანი თემატიკით გამოირჩევა და ეხება როგორც თანამედროვე სამართლის აქტუალურ საკითხებს, ისე სამართლის კლასიკური მემკვიდრეობის ძეგლებსა და კონსტიტუციონალიზმის მიღწევებს, პუბლიკაციები ხელს უწყობს სამართლის ცალკეული დარგის განვითარებასა და იურიდიულ საკითხებზე აკადემიური დისკუსიის გაღრმავებას.

Share
Print

მსჯავრდებულთა პროფესიული მომზადებისა და გადამზადების ცენტრს თამთა დემურიშვილი უხელმძღვანელებს

მსჯავრდებულთა პროფესიული მომზადებისა და გადამზადების ცენტრს თამთა დემურიშვილი უხელმძღვანელებს. ცენტრის ახალი დირექტორი რეაბილიტაცია-რესოციალიზაციის მიმართულებით არაერთი ახალი პროექტის დაწყებას გეგმავს, რაც უწყების საქმიანობას კიდევ უფრო ეფექტურს გახდის.

თამთა დემურიშვილი 2014 წლიდან სასჯელაღსრულებისა და პრობაციის სამინისტროს სამედიცინო დეპარტამენტს ხელმძღვანელობდა; იმავე პოზიციაზე 2018 წლიდან სპეციალურ პენიტენციურ სამსახურში დაინიშნა; 2004 წლიდან 2007 წლამდე შრომის, ჯანმრთელობისა და სოციალური დაცვის სამინისტროში ჯანმრთელობის დაცვის პოლიტიკის დეპარტამენტის უფროსი იყო და ამავე უწყებაში მინისტრის უფროსი მრჩევლის თანამდებობა ეკავა. თამთა დემურიშვილი მსჯავრდებულთა პროფესიული მომზადებისა და გადამზადების ცენტრის დირექტორის თანამდებობაზე მუშაობას დღეიდან შეუდგა.

ახალი ხელმძღვანელი თანამშრომლებს იუსტიციის მინისტრის მოადგილე ბუბა ლომუაშვილმა წარუდგინა.