ცხელი ხაზი2 405 505

სიახლეები

Share
Print

რატი ბრეგაძე სალომე სამადაშვილს: რასაც დაგიწერენ, იმას ახმოვანებთ, ეს არის არაფორმალური მმართველობა“

,,ვისაც ჩემი გამოსვლა პერსონალურად ეხებოდა, ეს იყო ოთხოზორია, ტატუნაშვილი, ბაშარული. ჩემი გამოსვლა ეხებოდა მთლიანად სისტემას და არა ერთ კონკრეტულ ადამიანს“ - ასე უპასუხა იუსტიციის მინისტრმა საპარლამენტო უმცირესობის წარმომადგენლის, სალომე სამადაშვილის კითხვას მსჯავრდებულ ყოფილ პრეზიდენტთან დაკავშირებით.

რატი ბრეგაძის განცხადებით, მიხეილ სააკაშვილს ჰყავდა 292 ვიზიტორი მე-12 და მე-18 დაწესებულებაში ყოფნის პერიოდში. სარგებლობდა ყველა უფლებით, როგორც ყველა სხვა პატიმარი. ყველა სახის სამედიცინო მომსახურება მიეწოდა, რაც კი დასჭირდა. იმავე მე-12 დაწესებულებაში სპეციალურად მორიგეობდა რეანომობილი, რომ პატიმრის ჯანმრთელობის გაუარესების თეორიული შანსიც გამორიცხული.

,,რაც შეეხება წერილობით თანხმობას, მე ერთ რჩევას მოგცემთ ქალბატონო სალომე, გეცოდინებათ საკანონმდებლო მაცნეს პროგრამა, შეგიძლიათ გახსნათ პატიმრობის კოდექსი და ნახოთ 46-ე მუხლი და თქვენვე გასცემთ თქვენს თავს პასუხს, საჭირო იყო თუ არა წერილობითი თანხმობა“ - განაცხადა რატი ბრეგაძემ საპარლამენტო ტრიბუნიდან.

მინისტრმა არაფორმალურ მმართველობასთან დაკავშირებით ოპოზიციონერი დეპუტატის განცხადებასაც უპასუხა: ,, ჩვენ გვაქვს ერთმანეთთან აზრების გაცვლა-გამოცვლა. თქვენ კი მიჩვეული ხართ არაფორმალურ მმართველობას. გყავთ არჩეული თავმჯდომარე, თუმცა გადაწყვეტილებებს იღებს უკრაინის მოქალაქე, რომელსაც უფლება არ აქვს ისარგებლოს საქართველოში აქტიური ან პასიური საარჩევნო უფლებით. თქვენ პარტიულ სტრუქტურას კი არ ემორჩილებით, არამედ უცხო ქვეყნის მოქალაქეს და ამაზე კლასიკური არაფორმალურ მმართველობაზე თუ შეგიძლიათ რამე მაგალითი მოიყვანოთ, მე ტაშს დაგიკრავთ- განაცხადა რატი ბრეგაძემ.

Share
Print

რატი ბრეგაძე ევროპის საბჭოს მიერ ორგანიზებულ მინისტერიალში მონაწილეობდა

მაღალი რანგის წარმომადგენლობით მინისტერიალში „დანაშაული და სისხლის სამართლის მართლმსაჯულება – აღდგენითი მართლმსაჯულების როლი ევროპაში“ საქართველოს იუსტიციის მინისტრთან ერთად მონაწილეობდნენ ევროპის საბჭოს საპარლამენტო ასამბლეის პრეზიდენტი რიკ დემსი, ვენეციის კომისიის პრეზიდენტი ჯანი ბუკიკიო, იტალიის იუსტიციის მინისტრი მარტა კარტაბია და ევროპის ქვეყნების იუსტიციის მინისტრები.

რატი ბრეგაძე მინისტერიალის სამ სესიაზე სიტყვით გამოვიდა. საქართველოს იუსტიციის მინისტრმა კოლეგებს „არასრულწლოვანთა მართლმსაჯულების კოდექსი“ და აღდგენითი მართლმსაჯულების ქართული მოდელი გააცნო.

ამ სფეროში გატარებული რეფორმების შედგად 2010-2021 წლებში 5200 არასრულწლოვანს მიეცა კიდევ ერთი შანსი, თავიდან აერიდებინათ სისხლისსამართლებრივი დევნა და ნასამართლობა. განრიდების პროგრამის დასრულებიდან 3 წლის განმავლობაში მათგან მხოლოდ 9%-მა ჩაიდინა დანაშაული, რაც პროექტების წარმატების დადასტურებაა.

საქართველოს იუსტიციის მინისტრმა ევროპის ქვეყნების მინისტრებს საკუთარი ხედვებიც გააცნო აღდგენითი მართლმსაჯულების კიდევ უფრო განვითარებისათვის. მინისტერიალის პარალელურად, რატი ბრეგაძემ შეხვედრები გამართა იტალიის, უნგრეთის, სომხეთისა და აზერბაიჯანის იუსტიციის მინისტრებთან.

იტალიის იუსტიციის მინისტრ მარტა კარტაბიასთან შეხვედრაზე რატი ბრეგაძემ საქართველოს იუსტიციის სამინისტროს განვითარების ათწლიან სტრატეგიაზე ისაუბრა. განსაკუთრებული ყურადღება დაეთმო ევროკავშირთან საქართველოს კანონმდებლობის ჰარმონიზაციის პროცესს და ამ კუთხით იტალიასთან თანამშრომლობის საკითხებს. მხარეებმა განიხილეს ურთიერთთანამშრომლობის მემორანდუმის გაფორმების შესაძლებლობაც.

თანამშრომლობის მემორანდუმი გაფორმდა უნგრეთის იუსტიციის სამინისტროსთან. სომეხ და აზერბაიჯანელ კოლეგებთან შეხვედრისას რატი ბრეგაძემ ორმხრივ ურთიერთობებსა და სერვისების მიწოდების სფეროში დაგეგმილ რეფორმებზე ისაუბრა. კოლეგების განსაკუთრებული ინტერესი გამოიწვია მობილური იუსტიციის სახლის პროექტმა, რომელიც საქართველოში საპილოტე რეჟიმში 2021 წლის აგვისტოდან ფუნქციონირებს.

Share
Print

​იუსტიციის სამინისტროში წიგნების წინასაახალწლო გამოფენა-გაყიდვა გაიმართა

იუსტიციის სამინისტროში წიგნების წინასაახალწლო გამოფენა-გაყიდვა გაიმართა. სამინისტროს ცენტრალური აპარატის, საჯარო რეესტრის ეროვნული სააგენტოს, ციფრული მმართველობის სააგენტოსა და გენერალური პროკურატურის თანამშრომლებს გამომცემლობებმა – „ბაკურ სულაკაურის გამომცემლობა“, „პალიტრა მედია“, „დიოგენე“, „წიგნები ბათუმში“ და „წიგნიერი“ – 20-დან 80 პროცენტამდე ფასდაკლება შესთავაზეს.

გამოფენაზე სხვადასხვა ასაკისა და ინტერესის მქონე მკითხველისათვის განკუთვნილი ლიტერატურა იყო წარმოდგენილი; მათ შორის, საბავშვო წიგნებიც სამინისტროს თანამშრომელთა შვილებისათვის. წიგნების წინასაახალწლო გამოფენა-გაყიდვა იუსტიციის სამინისტროში, ტრადიციულად, ყოველ წელს იმართება.

Share
Print

​რატი ბრეგაძემ აზერბაიჯანის იუსტიციის მინისტრს სერვისების მიწოდების სფეროში დაგეგმილი რეფორმები გააცნო


საქართველოს იუსტიციის მინისტრმა აზერბაიჯანელ კოლეგას სამინისტროს განვითარების ათწლიანი სტრატეგია გააცნო. რატი ბრეგაძისა და ფიქრათ მამადოვის შეხვედრა ვენეციაში ევროპის საბჭოს მიერ ორგანიზებული მინისტერიალის ფარგლებში გაიმართა.

საქართველოს იუსტიციის მინისტრმა ფიქრათ მამადოვს ინფორმაცია მიაწოდა სერვისების ხელმისაწვდომობის გაზრდის მიმართულებით დაგეგმილ ინოვაციურ რეფორმებზე. განსაკუთრებული ყურადღება დაეთმო საჯარო სერვისების ხელმისაწვდომობას, მათ შორის, მობილური იუსტიციის სახლების ინოვაციურ პროექტს, აგრეთვე, პრობაციისა და პენიტენციური სისტემების რეფორმას.

შეხვედრაზე გადაწყდა, რომ ორი ქვეყნის იუსტიციის სამინისტროებს შორის ურთიერთთანამშრომლობის მემორანდუმი გაფორმდება. ფიქრათ მამადოვმა რატი ბრეგაძე აზერბაიჯანში მიიწვია.

მინისტერიალში „დანაშაული და სისხლის სამართლის მართლმსაჯულება – აღდგენითი მართლმსაჯულების როლი ევროპაში“ ევროპის საბჭოს საპარლამენტო ასამბლეის პრეზიდენტი რიკ დემსი, ვენეციის კომისიის პრეზიდენტი ჯანი ბუკიკიო, იტალიის იუსტიციის მინისტრი მარტა კარტაბია და ევროპის ქვეყნების იუსტიციის მინისტრები მონაწილეობენ. რატი ბრეგაძემ მინისტერიალის მონაწილეებს სიტყვით მიმართა და მათ საქართველოში აღდგენითი მართლმსაჯულების მიღწევები და მისი სამომავლო განვითარების ხედვა გააცნო.

ორდღიანი მინისტერიალის ფარგლებში საქართველოს იუსტიციის მინისტრმა შეხვედრები გამართა იტალიის, უნგრეთისა და სომხეთის იუსტიციის მინისტრებთან.

რატი ბრეგაძის ვიზიტი იტალიაში დღეს დასრულდება.

Share
Print

რატი ბრეგაძე სომხეთის იუსტიციის მინისტრს შეხვდა

მობილური იუსტიციის სახლები და საერვისების სფეროში დაგეგმილი სხვა ინოვაციური პროექტები განიხილეს საქართველოსა და სომხეთის იუსტიციის მინისტრების შეხვედრაზე. რატი ბრეგაძე კარენ ანდრესიანს ვენეციაში ვიზიტის ფარგლებში შეხვდა.

საქართველოს იუსტიციის მინისტრი მაღალი დონის კონფერენციაში მონაწილეობს, რომელიც ევროპის საბჭოს ორგანიზებით იმართება. შეხვედრის ფარგლებში საუბარი შეეხო საქართველო-სომხეთის თანამშრომლობის საკითხებსაც იუსტიციის სფეროში. ორი ქვეყნის მინისტრები შეთანხმდნენ, რომ მომავალი წლის თებერვალში ქართულ-სომხური სამართლებრივი ფორუმი გაიმართება.

სომხეთის იუსტიციის მინისტრის თქმით, ის აღფრთოვანებულია მობილური იუსტიციის სახლების მოდელით, რომელიც ნოვაციაა არა მარტო რეგიონული, არამედ მსოფლიო მასშტაბით სერვისების გაცემის სფეროში. კარენ ანდრესიანმა საქართველოს იუსტიციის მინისტრი სომხეთში მიიწვია. მინისტერიალი „დანაშაული და სისხლის სამართლის მართლმსაჯულება – აღდგენითი მართლმსაჯულების როლი ევროპაში“ ევროპის საბჭოს საპარლამენტო ასამბლეის პრეზიდენტი რიკ დემსი, ვენეციის კომისიის პრეზიდენტი ჯანი ბუკიკიო, იტალიის იუსტიციის მინისტრი მარტა კარტაბია და ევროპის ქვეყნების იუსტიციის მინისტრები მონაწილეობენ. რატი ბრეგაძემ მინისტერიალის მონაწილეებს სიტყვით მიმართა და მათ საქართველოში აღდგენითი მართლმსაჯულების მიღწევები და მისი სამომავლო განვითარების ხედვა გააცნო.

Share
Print

საქართველოსა და უნგრეთის იუსტიციის სამინისტროებს შორის ურთიერთთანამშრომლობის მემორანდუმი გაფორმდა

საქართველოსა და უნგრეთის იუსტიციის სამინისტროებს შორის ურთიერთთანამშრომლობის მემორანდუმი გაფორმდა. დოკუმენტს ხელი მოაწერეს საქართველოს იუსტიციის მინისტრმა რატი ბრეგაძემ და უნგრეთის იუსტიციის მინისტრმა. ღონისძიება ევროპის საბჭოს მიერ ორგანიზებული მინისტერიალის პარალელურად გაიმართა, რომელშიც ევროპის საბჭოს საპარლამენტო ასამბლეის პრეზიდენტი რიკ დემსი, ვენეციის კომისიის პრეზიდენტი ჯანი ბუკიკიო, იტალიის იუსტიციის მინისტრი მარტა კარტაბია და ევროპის ქვეყნების იუსტიციის მინისტრები მონაწილეობენ. დღესვე მინისტერიალის ორ სესიაზე საქართველოს იუსტიციის მინისტრი სიტყვით გამოვიდა.

როგორც საქართველოს იუსტიციის მინისტრმა უნგრელ კოლეგასთან შეხვედრისა და მემორანდუმის ხელმოწერის შემდეგ აღნიშნა, ურთიერთთანამშრომლობის დოკუმენტის გაფორმება დამატებით შესაძლებლობებს ქმნის ორი ქვეყნის თანამშრომლობისათვის იუსტიციის სფეროში. ევროკავშირის წევრ ქვეყანასთან ურთიერთობის გააქტიურება ხელს შეუწყობს ქართული სამართლის ევროკავშირის სამართალთან ჰარმონიზაციის პროცესს.

რატი ბრეგაძემ ევროპის საბჭოს მიერ ორგანიზებული მინისტერიალიც შეაფასა. მინისტრის განცხადებით, კონფერენციის მონაწილეებისათვის ძალიან საინტერესოა არასრულწლოვანთა მართლმსაჯულების ქართული კოდექსი და საქართველოს პროგრესი პრობაციის მიმართულებით; საქართველო კი მზადაა, გაუზიაროს ევროპის ქვეყნებს საკუთარი მიღწევები და მიიღოს ის გამოცდილება, რაც აღდგენითი მართლმსაჯულების კუთხით ევროსაბჭოს წევრ ქვეყნებში არსებობს.

იტალიაში ვიზიტის ფარგლებში საქართველოს იუსტიციის მინისტრი სიტყვით გამოვიდა მინისტერიალის ორ სესიაზე. უკვე შედგა შეხვედრები იტალიისა და უნგრეთის იუსტიციის მინისტრებთან, ხვალ კი, რატი ბრეგაძე სომხეთისა და აზერბაიჯანის იუსტიციის მინისტრებს შეხვდება.

Share
Print

რატი ბრეგაძემ ევროპის საბჭოს მიერ ორგანიზებული მაღალი დონის კონფერენციის მონაწილეებს აღდგენითი მართლმსაჯულების განვითარების საკუთარი ხედვა გააცნო

საქართველოს იუსტიციის მინისტრმა რატი ბრეგაძემ ევროპის საბჭოს მიერ ორგანიზებული მაღალი დონის კონფერენციის მონაწილეებს აღდგენითი მართლმსაჯულების განვითარების საკუთარი ხედვა გააცნო. ეს მინისტერიალის მეორე სესიაა, რომელზედაც საქართველოს იუსტიციის მინისტრი სიტყვით გამოვიდა. მინისტერიალში „დანაშაული და სისხლის სამართლის მართლმსაჯულება – აღდგენითი მართლმსაჯულების როლი ევროპაში“ ევროპის საბჭოს საპარლამენტო ასამბლეის პრეზიდენტი რიკ დემსი, ვენეციის კომისიის პრეზიდენტი ჯანი ბუკიკიო, ევროპის საბჭოს გენერალური მდივანი მარია პეიჩინოვიჩ ბურიჩი, იტალიის იუსტიციის მინისტრი მარტა კარტაბია და ევროპის ქვეყნების იუსტიციის მინისტრები მონაწილეობენ.

საქართველოს იუსტიციის მინისტრმა აღდგენითი მართლმსაჯულების მიმართულებით საქართველოში არსებული პრაქტიკა მიმოიხილა. როგორც მან აღნიშნა, „არასრულწლოვანთა მართლმსაჯულების კოდექსის“ თანახმად, არასრულწლოვანთა მართლმსაჯულების პროცესში ჩართული ნებისმიერი პირი სპეციალიზებული უნდა იყოს ამ მიმართულებით. შესაბამისად, ადვოკატებმა, გამომძიებლებმა, პროკურორებმა, მოსამართლეებმა, პოლიციელებმა, მედიატორებმა, სოციალურმა მუშაკებმა, პრობაციის ოფიცრებმა სპეციალური ტრენინგები გაიარეს არასრულწლოვნებთან ურთიერთობის მეთოდებზე და მათთან დაკავშირებულ სხვა საკითხებზე.

რატი ბრეგაძის თქმით, მიუხედავად იმისა, რომ საქართველოში ჯერ კიდევ არ არის ხელმისაწვდომი შესაბამისი საბაკალავრო/სამაგისტრო პროგრამა, ევროკავშირთან თანამშრომლობით შემუშავდა სპეციალური სახელმძღვანელო უნივერსიტეტებისთვის აღდგენითი მართლმსაჯულების შესახებ; 2021 წელს კი, პრობაციის სისტემაში პროფესიონალთა მომზადების სახელმძღვანელოს დაემატა სპეციალური თავი აღდგენითი მართლმსაჯულების თაობაზე.

იუსტიციის მინისტრმა არასრულწლოვანთა მართლმსაჯულების პროცესში ჩართული სპეციალისტების გადამზადებაზეც ისაუბრა და აღნიშნა, რომ იუსტიციის სამინისტრომ შეიმუშავა მედიატორის რეესტრის მექანიზმი, რომელიც საშუალებას იძლევა, მომზადდნენ მედიატორები პრაქტიკული საქმიანობისთვის პროფესიული მენტორობის პროგრამის ფარგლებში; მოსამართლეების, პროკურორების, გამომძიებლების, პოლიციელებისა და სხვა პროფესიონალების გადამზადებას კი, შესაბამისი უწყებების სასწავლო ცენტრები ახორციელებენ.

რატი ბრეგაძის თქმით, მიუხედავად წინგადადგმული ნაბიჯებისა, მნიშვნელოვანია, რომ აღდგენითი მართლმსაჯულების პრინციპები, მეთოდები, პრაქტიკა და პირობები შევიდეს საუნივერსიტეტო სასწავლო გეგმებსა და სხვა საგანმანათლებლო პროგრამებში, რათა ყველა პროფესიონალს ჰქონდეს საჭირო ცოდნა და ინფორმაცია არასრულწლოვნებთან მუშაობისათვის აღდგენითი მართლმსაჯულების მიმართულებით.

იტალიაში ვიზიტის ფარგლებში საქართველოს იუსტიციის მინისტრი სიტყვით გამოვა მინისტერიალის კიდევ ერთ სესიაზე. რატი ბრეგაძემ უკვე გამართა შეხვედრა იტალიელ კოლეგასთან. პირისპირ შეხვედრებია დაგეგმილი უნგრეთის, სომხეთისა და აზერბაიჯანის იუსტიციის მინისტრებთან.

Share
Print

რატი ბრეგაძემ ევროპის საბჭოს მიერ ორგანიზებული მინისტერიალის მონაწილეებს „არასრულწლოვანთა მართლმსაჯულების კოდექსი“ და აღდგენითი მართლმსაჯულების ქართული მოდელი გააცნო

საქართველოს იუსტიციის მინისტრმა რატი ბრეგაძემ ევროპის საბჭოს მიერ ორგანიზებული მაღალი დონის კონფერენციის მონაწილეებს „არასრულწლოვანთა მართლმსაჯულების კოდექსი“ და აღდგენითი მართლმსაჯულების ქართული მოდელი გააცნო.

მინისტერიალში „დანაშაული და სისხლის სამართლის მართლმსაჯულება – აღდგენითი მართლმსაჯულების როლი ევროპაში“ ევროპის საბჭოს საპარლამენტო ასამბლეის პრეზიდენტი რიკ დემსი, ვენეციის კომისიის პრეზიდენტი ჯანი ბუკიკიო, ევროპის საბჭოს გენერალური მდივანი მარია პეიჩინოვიჩ ბურიჩი, იტალიის იუსტიციის მინისტრი მარტა კარტაბია და ევროპის ქვეყნების იუსტიციის მინისტრები მონაწილეობენ.

საქართველოს იუსტიციის მინისტრმა არასრულწლოვანთა მართლმსაჯულების ქართულ კოდექსზე ისაუბრა. კოდექსი არასრულწლოვანთა საუკეთესო ინტერესებს ემსახურება და მისი მიზანი კანონთან კონფლიქტში მყოფი არასრულწლოვნების რესოციალიზაცია-რეაბილიტაცია, 18 წლამდე ბრალდებულთა და მოწმეთა უფლებების დაცვა და მათი მხრიდან განმეორებითი დანაშაულის ჩადენის პრევენციაა. რატი ბრეგაძემ მინისტერიალის მონაწილეებს განრიდებისა და მედიაციის პროგრამებიც გააცნო, რომლებიც არასრულწლოვანთა და 21 წლამდე მოზარდთა მართლმსაჯულების ალტერნატიულ მექანიზმებს წარმოადგენს. ეს მექანიზმები საშუალებას აძლევს კანონთან კონფლიქტში მყოფ ახალგაზრდებს, თავიდან აირიდონ სამართლებრივი დევნა, სასჯელი და, შესაბამისად, ნასამართლობა; ამის ნაცვლად კი, არასრულწლოვან და 21 წლამდე ბრალდებულებს სპეციალურად მათზე მორგებულ ნებაყოფლობით პროგრამებში მონაწილეობას სთავაზობს.

საქართველოს იუსტიციის მინისტრმა ხაზგასმით აღნიშნა, რომ ამ სფეროში გატარებული რეფორმების შედეგად 2010-2021 წლებში 5200 არასრულწლოვანს მიეცა კიდევ ერთი შანსი, თავიდან აერიდებინათ სისხლისსამართლებრივი დევნა და ნასამართლობა. განრიდების პროგრამის დასრულებიდან 3 წლის განმავლობაში მათგან მხოლოდ 9%-მა ჩაიდინა დანაშაული, რაც პროექტების წარმატების დადასტურებაა. იტალიაში ვიზიტის ფარგლებში საქართველოს იუსტიციის მინისტრი სიტყვით გამოვა მინისტერიალის კიდევ ორ სესიაზე. რატი ბრეგაძემ უკვე გამართა შეხვედრა იტალიელ კოლეგასთან. პირისპირ შეხვედრებია დაგეგმილი უნგრეთის, სომხეთისა და აზერბაიჯანის იუსტიციის მინისტრებთან.

Share
Print

რატი ბრეგაძე იტალიის იუსტიციის მინისტრს შეხვდა

საქართველოს იუსტიციის მინისტრმა რატი ბრეგაძემ იტალიელ კოლეგასთან შეხვედრაზე ორი ქვეყნის იუსტიციის სამინისტროებს შორის თანამშრომლობის პერსპექტივები განიხილა. იუსტიციის მინისტრების შეხვედრა ვენეციაში ევროპის საბჭოს მიერ ორგანიზებული მინისტერიალის ფარგლებში გაიმართა.

მინისტერიალში „დანაშაული და სისხლის სამართლის მართლმსაჯულება – აღდგენითი მართლმსაჯულების როლი ევროპაში“ ევროპის საბჭოს საპარლამენტო ასამბლეის პრეზიდენტი რიკ დემსი, ვენეციის კომისიის პრეზიდენტი ჯანი ბუკიკიო, იტალიის იუსტიციის მინისტრი მარტა კარტაბია და ევროპის ქვეყნების იუსტიციის მინისტრები მონაწილეობენ. ღონისძიებაზე საქართველოს იუსტიციის მინისტრის სიტყვით გამოსვლაა დაგეგმილი.

შეხვედრაზე რატი ბრეგაძემ მარტა კარტაბიას საქართველოს იუსტიციის სამინისტროს განვითარების ათწლიანი სტრატეგია გააცნო. განსაკუთრებული ყურადღება დაეთმო ევროკავშირთან საქართველოს კანონმდებლობის ჰარმონიზაციის პროცესს და ამ კუთხით იტალიასთან თანამშრომლობის საკითხებს, პრობაციისა და პენიტენციური სისტემების რეფორმას, საჯარო სერვისების ხელმისაწვდომობას, მათ შორის, მობილური იუსტიციის სახლების ინოვაციურ პროექტს.

მხარეებმა განიხილეს ურთიერთთანამშრომლობის მემორანდუმის გაფორმების შესაძლებლობაც. ამ საკითხზე მუშაობა ინტენსიურ რეჟიმში გაგრძელდება. იგეგმება, აგრეთვე, ორი ქვეყნის სტუდენტური გაცვლითი პროგრამების ორგანიზება.

შეხვედრის ბოლოს რატი ბრეგაძემ იტალიის იუსტიციის მინისტრი საქართველოში მოიწვია.

იტალიაში ვიზიტის ფარგლებში საქართველოს იუსტიციის მინისტრი სიტყვით გამოვა მინისტერიალის სამ სესიაზე. პირისპირ შეხვედრებია დაგეგმილი უნგრეთის, სომხეთისა და აზერბაიჯანის იუსტიციის მინისტრებთან.