ცხელი ხაზი2 405 505

სიახლეები

პარასკევი, 17 დეკემბერი 2021
Share

რატი ბრეგაძემ საპარლამენტო ოპოზიციის ნაწილის პროტესტს უპასუხა

,,ძალიან დიდი იმედი მქონდა, რომ გარკვეული ოპოზიციის ნაწილი კონსტრუქციულ რეჟიმში საუბარს მოისურვებდა, მაგრამ ვხედავთ დარბაზის ცარიელ ნაწილს“ - ამის შესახებ იუსტიციის მინისტრმა, რატი ბრეგაძემ საქართველოს პარლამენტში, ,,მინისტრის საათის“ ფარგლებში განაცხადა.

რატი ბრეგაძის თქმით, ოპოზიციის ნაწილის სურვილი არ არის ცივილური ფორმებით ურთიერთობა. ,,ჩვენ სამწუხაროდ ვაკვირდებით, რომ დარბაზის გარკვეული ნაწილი ცარიელია, არადა, ძალიან იმედი მქონდა, რომ თუნდაც დღევანდელ დღეს ვიხილავდით გარკვეული ოპოზიციის წარმომადგენლებს და ვიფიქრე, რომ დაგვებედებოდა კონსტრუქციულ რეჟიმში საუბარი, მაგრამ სამწუხაროდ ეს მათი სურვილი არ არის, რომ ჩვენ ერთმანეთთან გვქონდეს ცივილური ფორმებით, კითხვა პასუხის რეჟიმში საუბრის შესაძლებლობა. ბუნებრივია, ეს მათი გადაწყვეტილებაა“ - განაცხადა რატი ბრეგაძემ.

სხვა სიახლეები

Share
Print

​რატი ბრეგაძე ახალ წელს სპეციალური პენიტენციური სამსახურის თანამშრომლებთან ერთად შეხვდა

​იუსტიციის მინისტრმა, მისმა მოადგილეებმა - თამარ ტყეშელაშვილმა, ბექა ძამაშვილმა, და სპეციალური პენიტენციური სამსახურის ხელმძღვანელმა ნიკა ცხვარაშვილმა ახალი წლის დადგომა პენიტენციური სამსახურის თანამშრომლებთან ერთად აღნიშნეს.

ისინი 2022 წელს ქალაქ რუსთავში, გარე დაცვის თანამშრომლებსა და წვევამდელებთან ერთად შეხვდნენ, რომლებიც პენიტენციური სამსახურის გარე დაცვის ბაზაზე მსახურობენ. იუსტიციის მინისტრმა მათ ქვეყნისთვის გაწეული სამსახურისთვის მადლობა გადაუხადა და წარმატებული წელი უსურვა. იუსტიციის სამინისტრო კიდევ ერთხელ გილოცავთ ახალ წელს.

Share
Print

რატი ბრეგაძე: „თავდაცვის მინისტრის მოადგილეობის დროს მკურნალობის მიზნით თავად ვიმყოფებოდი გორის ჰოსპიტალში; ეს არის ნამდვილად არაჩვეულებრივი, პატრიოტი ადამიანებისაგან დაკომპლექტებული სამედიცინო დაწესებულება“

„დარწმუნებული ვარ, რომ იქ ყველა პროცედურა არის დაცული. მე თავად გახლდით გარკვეული პერიოდის განმავლობაში თავდაცვის მინისტრის მოადგილე, მათ შორის, მკურნალობის მიზნითაც ვიმყოფებოდი გორის ჰოსპიტალში გარკვეული პერიოდით და, აქვე ვისარგებლებ შემთხვევით და ძალიან დიდ მადლობას გადავუხდი თითოეულ ექიმს და, ზოგადად, სამედიცინო პერსონალს, ვინც მუშაობს ამ დაწესებულებაში. ეს არის ნამდვილად არაჩვეულებრივი, პატრიოტი ადამიანებისაგან დაკომპლექტებული სამედიცინო დაწესებულება და, ღრმად ვარ დარწმუნებული, რომ ისინი მოქმედებენ ყოველთვის პაციენტის საუკეთესო ინტერესიდან გამომდინარე“, – ამის შესახებ იუსტიციის მინისტრმა რატი ბრეგაძემ დღეს გამართულ ბრიფინგზე ისაუბრა.

მინისტრის თქმით, ყოველგვარი სპეკულაცია იმის შესახებ, რომ თითქოსდა სამედიცინო პერსონალმა შეიძლება იქ მიიღოს არასწორი გადაწყვეტილება, არის, უბრალოდ, სირცხვილი.

„ყოველთვის უნდა ახსოვდეს მათ, ვინც მსგავსი ტყუილების გავრცელებას ცდილობს, თუ რას ემსახურებოდა ეს ხალხი 2008 წლის ომიდან დაწყებული დღემდე. ისინი ემსახურებიან ჩვენს ჯარს, რომელიც ძალიან გვეამაყება, და ამიტომ ძალიან გთხოვთ, ყველამ შეიკავოს თავი ყოველგვარი სპეკულაციისაგან. და მე რომ ვიყო მათი ადვოკატების ადგილზე, ძალიან დიდ მადლობას გადავუხდიდი იმ მკურნალობისა და ღვაწლისთვის, რაც გამოიჩინეს კონკრეტულად ამ პატიმრის მიმართ. ეტყობა, ეს არის მადლიერების ახალი ფორმა, რომელსაც მიმართავენ, სამწუხაროდ, ჩვენი ოპონენტები“, – განაცხადა რატი ბრეგაძემ.