ცხელი ხაზი2 405 505

სიახლეები

შაბათი, 18 დეკემბერი 2021
Share

რატი ბრეგაძე: “მადლობას ვუხდი ჩვენს პარტნიორებს და ბატონ პრემიერ-მინისტრს... იმედი გვაქვს, მომავალი წელი იქნება კიდევ უფრო წარმატებული”

„მინდა, მადლობა გადავუხადო ჩვენს ყველა პარტნიორს და ბატონ პრემიერ-მინისტრს იმ საინტერესო პროექტებისათვის, რომელიც 2021 წელს განხორციელდა. გამოვთქვამ იმედს, რომ მომავალი წელი კიდევ უფრო წარმატებული იქნება“, - ასე შეაფასა იუსტიციის მინისტრმა რატი ბრეგაძემ პრემიერ-მინისტრის 2021 წლის ანგარიში.

რატი ბრეგაძის თქმით, პრემიერმა ისაუბრა ყველა იმ პროექტზე, რომელიც საქართველოს მთავრობამ მიმდინარე წელს განახორციელა და საზოგადოებას 2022 წლისათვის კონკრეტული ინიციატივები გააცნო:

„ბატონმა პრემიერ-მინისტრმა წარმოადგინა წლის შემაჯამებელი მოხსენება, რომლის ფარგლებშიც, მან ძალიან საინტერესოდ ისაუბრა იმ პროექტების შესახებ, რომლებიც 2021 წელს განახორციელა საქართველოს მთავრობამ, ასევე საუბარი იყო სამომავლო გეგმებზე და იმ კონკრეტულ პროექტებზე, რომლებსაც მთავრობა გეგმავს 2022 წელს“, - განაცხადა იუსტიციის მინისტრმა და იმედი გამოთქვა, რომ 2022 წელი საქართველოსათვის კიდევ უფრო წარმატებული იქნება.

საქართველოს პრემიერ-მინისტრმა ირაკლი ღარიბაშვილმა მთავრობის საქმიანობის 2021 წლის ანგარიში დღეს წარადგინა. ღონისძიებას მინისტრთა კაბინეტის, აღმასრულებელი და საკანონმდებლო ხელისუფლების წევრები და მოწვეული სტუმრები ესწრებოდნენ.

სხვა სიახლეები

Share
Print

იუსტიციის მინისტრმა სახელმწიფო სერვისების განვითარების სააგენტოს თანამშრომლებს დაგეგმილი სიახლეები გააცნო

იუსტიციის მინისტრმა რატი ბრეგაძემ სახელმწიფო სერვისების განვითარების სააგენტოს თბილისის და ტერიტორიული სამსახურის თანამშრომლებს სახელმწიფო სერვისების განვითარების კუთხით დაგეგმილი სიახლეები, ასევე, უწყებაში დასაქმებულთა სამუშაო პირობების გაუმჯობესებისთვის მიმდინარე ღონისძიებები გააცნო.

მინისტრმა აღნიშნა, რომ სამინისტროს პრიორიტეტია თანამშრომლებზე ზრუნვა, მომხმარებლის საჭიროებებზე ორიენტირებული ახალი მომსახურებების დანერგვა და არსებული სერვისების მუდმივად დახვეწა.

რატი ბრეგაძემ და მისმა პირველმა მოადგილემ თამარ ტყეშელაშვილმა სახელმწიფო სერვისების განვითარების სააგენტოს თანამშრომლებისგან პირადად მოისმინეს ინფორმაცია უწყებაში არსებული გამოწვევების შესახებ და ამ მიმართულებით თანამშრომელთა ინიციატივები განიხილეს.

იუსტიციის მინისტრმა სახელმწიფო სერვისების განვითარების სააგენტოს თანამშრომლებს სამუშაო პროცესთან დაკავშირებით კონკრეტული დავალებები მისცა და სამომავლო სამოქმედო გეგმა განსაზღვრა.

Share
Print

იუსტიციის მინისტრმა იუსტიციის სახლის თანამშრომლებთან მომსახურების ხელმისაწვდომობის გაზრდის მიმართულებით დაგეგმილი სიახლეები განიხილა


რატი ბრეგაძემ და მისმა მოადგილე ერეკლე ღვინიანიძემ იუსტიციის სახლების და საზოგადოებრივი ცენტრების ხელმძღვანელებისა და თანამშრომლებისგან პირადად მოისმინეს მიმდინარე გამოწვევები, სერვისების განვითარებისა და მომსახურების გაუმჯობესების მიმართულებით არსებული საჭიროებები.

რატი ბრეგაძემ და ერეკლე ღვინიანიძემ ყველა კონკრეტულ მუნიციპალიტეტში სერვისების ხელმისაწვდომობის კიდევ უფრო გაზრდის კუთხით დაგეგმილი სიახლეების შესახებ ისაუბრეს და თანამშრომლების ინიციატივები განიხილეს.