ცხელი ხაზი2 405 505

სიახლეები

პარასკევი, 17 დეკემბერი 2021
Share

​,,ციფრული იუსტიციის სახლი“ – სერვისების მიღების უწყვეტი შესაძლებლობა“

„წინსვლისკენ მუდმივი სწრაფვის ძლიერი სურვილი გვიბიძგებს, თანამედროვე სამყაროს ტექნიკური პროგრესის გამოყენებით მომხმარებელს დროსა და სივრცეში მეტი კომფორტი შევუქმნათ“, – ასე შეაფასა იუსტიციის მინისტრმა რატი ბრეგაძემ „ციფრული იუსტიციის სახლის“ პროექტი კანონმდებლების წინაშე.
მინისტრის ინფორმაციით, „ციფრული იუსტიციის სახლის“ პროექტზე მუშაობა უკვე დაიწყო და სამინისტრო მის საპილოტე ვერსიას 2022 წლის გაზაფხულზე წარმოადგენს. რატი ბრეგაძის განცხადებით, „ციფრული იუსტიციის სახლით სარგებლობას შეძლებს ყველა, ვისაც ექნება ინტერნეტთან კავშირი კომპიუტერისა თუ მობილური ტელეფონის მეშვეობით. ამავდროულად, ეს პროექტი საგრძნობლად შეუწყობს ხელს ჩვენს საზღვარგარეთ მცხოვრებ თანამემამულეებს სამშობლოსთან მჭიდრო კავშირის შენარჩუნებაში, რაც კონსტიტუციური დავალების შესრულების კიდევ ერთი ნათელი დადასტურება იქნება“. მინისტრის ინფორმაციით, „ციფრული იუსტიციის სახლის“ მეშვეობით ნებისმიერ ადამიანს 24 საათის განმავლობაში შეეძლება ელექტრონულად, სახლიდან გაუსვლელად, მისთვის სასურველი მომსახურების მიღება.


სხვა სიახლეები

Share
Print

იუსტიციის მინისტრმა სახელმწიფო სერვისების განვითარების სააგენტოს თანამშრომლებს დაგეგმილი სიახლეები გააცნო

იუსტიციის მინისტრმა რატი ბრეგაძემ სახელმწიფო სერვისების განვითარების სააგენტოს თბილისის და ტერიტორიული სამსახურის თანამშრომლებს სახელმწიფო სერვისების განვითარების კუთხით დაგეგმილი სიახლეები, ასევე, უწყებაში დასაქმებულთა სამუშაო პირობების გაუმჯობესებისთვის მიმდინარე ღონისძიებები გააცნო.

მინისტრმა აღნიშნა, რომ სამინისტროს პრიორიტეტია თანამშრომლებზე ზრუნვა, მომხმარებლის საჭიროებებზე ორიენტირებული ახალი მომსახურებების დანერგვა და არსებული სერვისების მუდმივად დახვეწა.

რატი ბრეგაძემ და მისმა პირველმა მოადგილემ თამარ ტყეშელაშვილმა სახელმწიფო სერვისების განვითარების სააგენტოს თანამშრომლებისგან პირადად მოისმინეს ინფორმაცია უწყებაში არსებული გამოწვევების შესახებ და ამ მიმართულებით თანამშრომელთა ინიციატივები განიხილეს.

იუსტიციის მინისტრმა სახელმწიფო სერვისების განვითარების სააგენტოს თანამშრომლებს სამუშაო პროცესთან დაკავშირებით კონკრეტული დავალებები მისცა და სამომავლო სამოქმედო გეგმა განსაზღვრა.

Share
Print

იუსტიციის მინისტრმა იუსტიციის სახლის თანამშრომლებთან მომსახურების ხელმისაწვდომობის გაზრდის მიმართულებით დაგეგმილი სიახლეები განიხილა


რატი ბრეგაძემ და მისმა მოადგილე ერეკლე ღვინიანიძემ იუსტიციის სახლების და საზოგადოებრივი ცენტრების ხელმძღვანელებისა და თანამშრომლებისგან პირადად მოისმინეს მიმდინარე გამოწვევები, სერვისების განვითარებისა და მომსახურების გაუმჯობესების მიმართულებით არსებული საჭიროებები.

რატი ბრეგაძემ და ერეკლე ღვინიანიძემ ყველა კონკრეტულ მუნიციპალიტეტში სერვისების ხელმისაწვდომობის კიდევ უფრო გაზრდის კუთხით დაგეგმილი სიახლეების შესახებ ისაუბრეს და თანამშრომლების ინიციატივები განიხილეს.