ღონისძიებები

ოთხშაბათი, 15 მარტი, 2023

იუსტიციის სამინისტროს დელეგაცია გაერო-ს ნარკოტიკებსა და დანაშაულთან ბრძოლის ოფისის ნარკოტიკების კომისიის 66-ე სესიაში მონაწილეობს

იუსტიციის სამინისტროს, საერთაშორისო ურთიერთობებისა და სამართლებრივი თანამშრომლობის დეპარტამენტის ხელმძღვანელი ქეთევან სარაჯიშვილი გაერო-ს ნარკოტიკებსა და დანაშაულთან ბრძოლის ოფისის ნარკოტიკების კომისიის 66-ე სხდომაზე სიტყვით წარსდგა. მოხსენებაში მან ყურადღება გაამახვილა ქვეყანაში დაბალანსებული და ადამიანის უფლებების დაცვაზე დამყარებული ნარკოპოლიტიკის მნიშვნელობაზე.

სიტყვით გამოსვლისას, იუსტიციის სამინისტროს წარომადგენელმა, ხაზი გაუსვა ეროვნულ დონეზე გატარებულ ყველა იმ პროგრესულ ნაბიჯს, რომელთა საშუალებითაც შესაძლებელი გახდა თანამედროვე გამოწვევების საპასუხო ზომების გატარება. განსაკუთრებით, ოთხსვეტოვანი ნარკოპოლიტიკის მნიშვნელობას, რომელიც ინტეგრირებულ, თანაბარი მიდგომებით დანერგილ პრევენციულ, სამკურნალო-სარეაბილიტაციო, ზიანის შემცირებისა და მოთხოვნის/მიწოდების შემცირების ზომებს მოიცავს.

ქეთევან სარაჯიშვილმა სიტყვით გამოსვლისას ასევე ისაუბრა მტკიცებულებებზე დაფუძნებული ნარკოპოლიტიკის განვითარების პროცესზე და ამ მიზნით 2020 წლის იანვარში ქვეყანაში ნარკოვითარების მონიტორინგის ეროვნული ცენტრის შექმნის საკითხზე. ნარკოვითარების მონიტორინგის ეროვნული ცენტრი არსებული ვითარების შესწავლის, ანალიზისა და დაბალანსებული ნარკოპოლიტიკის იმპლემენტაციის ინსტიტუციური გარანტია.

გაერო-ს ნარკოტიკებსა და დანაშაულთან ბრძოლის ოფისის ნარკოტიკების კომისიის 66-ე სესიაში გაერო-ს წევრი სახელმწიფოების მაღალი დონის წარმომადგენლები, თემატური საერთაშორისო და არასამათავრობო ორგანიზაციები მონაწილეობენ. კოისიის 66-ე სესიაზე იუსტიციის სამინისტრო, როგორც ნარკომანიასთან ბრძოლის უწყებათაშორისი საკოორდინაციო საბჭოს ხელმძღვანელი უწყების იყო წარმოდგეილი.

ღონისძიებები

მარტი , 2024
  • ორ
  • სა
  • ოთ
  • ხუ
  • პა
  • შა
  • კვ
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 1