ღონისძიებები

ხუთშაბათი, 08 დეკემბერი 2022

იუსტიციის მინისტრმა ჩინეთის ელჩთან ორი ქვეყნის ურთიერთთანამშრომლობის პერსპექტივები განიხილა

რატი ბრეგაძე საქართველოში ჩინეთის სახალხო რესპუბლიკის ელჩ ჭოუ ციენს შეხვდა. მხარეებმა ორ ქვეყანას შორის თანამშრომლობის განვითარების გზებზე ისაუბრეს.


იუსტიციის მინისტრმა ხაზი გაუსვა ჩინეთთან სამართლებრივი თანამშრომლობის გაღრმავების მნიშვნელობას და აღნიშნა ელჩის პირადი მხარდაჭერა მიმდინარე წლის სექტემბერში „ჰუალინგ პლაზაში“ იუსტიციის სახლის ფილიალის გახსნის პროცესში.

ნარკოპრევენციის ევროპული სახელმძღვანელოს პრეზენტაცია გაიმართა

სახელმძღვანელოში დეტალურად არის განხილული ნარკოტიკების ავადმოხმარების პრევენციის საერთაშორისო და ევროპული სტანდარტები; სხვადასხვა გარემოში მტკიცებულებაზე დაფუძნებული პრევენციული ინტერვენციების პროგრამები, რომლებზე დაყრდნობითაც შესაძლებელია მაღალი სანდოობის პრევენციული პროგრამების შემუშავება ეროვნულ დონეზე. სახელმძღვანელო განკუთვნილია გადაწყვეტილების მიმღები, საზოგადოებრივი აზრის შემქმნელი და პოლიტიკის გამტარებელი პირებისათვის.

სახელმძღვანელო მნიშვნელოვანი ინსტრუმენტია საქართველოს ევროკავშირთან ასოცირების პროცესში აღებული ვალდებულებების ეფექტიანი შესრულებისათვის, ასევე, 2021-2026 წლების ნარკოტიკების ავადმოხმარების პრევენციის ეროვნული სტრატეგიისა და მისი თანმდევი 2022-2023 წლების სამოქმედო გეგმის სწრაფი და თანმიმდევრული განხორციელებისათვის.

დოკუმენტი შემუშავდა იუსტიციის სამინისტროს, ნარკომანიასთან ბრძოლის უწყებათაშორისი საბჭოსა და ნარკოვითარების მონიტორინგის ეროვნული ცენტრის კოორდინაციით, ევროპის ნარკოტიკებისა და წამალდამოკიდებულების მონიტორინგის ცენტრისა (EMCDDA) და ევროკავშირის მიერ დაფინანსებული პროექტის EMCDDA4GE-ს (EMCDDA for Georgia) მხარდაჭერით.

სახელმძღანელოს თარგმნისა და ადაპტირების პროცესში აქტიურად მონაწილეობდნენ „ტომაშ ზაბრანსკის სახელობის ადიქტოლოგიის ინსტიტუტის“ წარმომადგენლები, ნარკოტიკების მოხმარების პრევენციისა და ადიქტოლოგიის დარგის ექსპერტები.

სახელმძღვანელოს პრეზენტაცია იუსტიციის სასწავლო ცენტრში გაიმართა.

ორშაბათი, 05 დეკემბერი 2022

საქართველოს იუსტიციის სამინისტროში შეზღუდული შესაძლებლობის მქონე პირთა უფლებების დაცვის საკითხებზე მომუშავე საკონსულტაციო ჯგუფი დაფუძნდა

იუსტიციის სამინისტროში შეზღუდული შესაძლებლობის მქონე პირთა უფლებების დაცვის საკითხებზე მომუშავე საკონსულტაციო ჯგუფის პირველი შეხვედრა გაიმართა. შეხვედრის მონაწილეებს მისასალმებელი სიტყვით მიმართეს იუსტიციის მინისტრის მოადგილემ, ბატონმა ბუბა ლომუაშვილმა და საქართველოში გაეროს განვითარების პროგრამის ხელმძღვანელის მოადგილემ, ქალბატონმა ანნა ჩერნიშოვამ.

ბატონი ბუბა ლომუაშვილის ხელმძღვანელობით, შეხვედრაზე საკონსულტაციო ჯგუფის კონცეფცია და 2022 წლის სამოქმედო გეგმის შესრულების წლიური ანგარიში განიხილეს. დოკუმენტი შშმ პირთა უფლებების რეალიზებისათვის მიმდინარე წლის განმავლობაში იუსტიციის სამინისტროს მიერ განხორციელებულ აქტივობებს მოიცავს. მათ შორისაა: საკანონმდებლო სისტემის რევიზია და გაერო-ს შშმ პირთა უფლებების კონვენციასთან მისი შესაბამისობის ანალიზი; ელექტრონული სერვისებისა და ვებგვერდების ხელმისაწვდომობის მიზნით ჩატარებული სამუშაოები; სისტემის თანამშრომელთა გადამზადება შშმ პირთა უფლებათა დაცვის საკითხებზე; ცვლილებები საქართველოს მთავრობის 2011 წლის 29 დეკემბრის №508 დადგენილებაში, რომელიც მკვეთრად ან მნიშვნელოვნად გამოხატული შეზღუდული შესაძლებლობის მქონე პირზე პირადობის (ბინადრობის) ელექტრონული მოწმობის საშეღავათო პირობებით გაცემას ითვალისწინებს.

ანგარიშის მოსმენის შემდეგ დისკუსია გაიმართა. ღონისძიების მონაწილეებმა საკონსულტაციო ჯგუფის საქმიანობასთან დაკავშირებული სამომავლო გეგმები და აქტივობები განიხილეს.

შშმ პირთა უფლებების დაცვის საკითხებზე მომუშავე საკონსულტაციო ჯგუფის შეხვედრა ევროკავშირისა და გაეროს განვითარების პროგრამის (UNDP) მხარდაჭერით გაიმართა, პროექტის − „ადამიანის უფლებები ყველასთვის - II ფაზა“ ფარგლებში. შეხვედრა მიეძღვნა შშმ პირთა საერთაშორისო დღეს, რომელიც, 1992 წლიდან აღინიშნება.

საკონსულტაციო ჯგუფი შშმ პირთა უფლებების დაცვის საკითხებზე მუშაობის პროცესის ინკლუზიურობის მაღალი ხარისხის უზრუნველსაყოფად შეიქმნა. მისი მიზანი შშმ პირთა უფლებების დაცვის წლიური სამოქმედო გეგმის შემუშავებისა და განხორციელების პროცესში შშმ პირთა ჩართულობისა და მონაწილეობის უზრუნველყოფაა. ჯგუფი დაკომპლექტებულია იუსტიციის სამინისტროსა და სსიპ-ების, არასამთავრობო სექტორის, შშმ თემის წარმომადგენლებისაგან. საკონსულტაციო ჯგუფის სამდივნოს ფუნქციას სამინისტროს ანალიტიკური დეპარტამენტი ასრულებს.

იუსტიციის სამინისტრომ ახალ პენიტენციურ კოდექსზე მუშაობა დაასრულა − პროექტი მალე პარლამენტს წარედგინება

კოდექსის ძირითად სიახლეებზე საქართველოს იუსტიციის მინისტრმა რატი ბრეგაძემ მთავრობის სხდომის შემდგომ გამართულ ბრიფინგზე ისაუბრა.
მინისტრის განცხადებით, პროექტი აუმჯობესებს სპეციალური პენიტენციური სამსახურის თანამშრომელთა შრომით პირობებს და პენიტენციურ დაწესებულებებში მყოფ პირთა უფლებრივი მდგომარეობა გადაჰყავს კიდევ უფრო მეტად მაღალ ხარისხზე.


იუსტიციის მინისტრმა რამდენიმე მნიშვნელოვან ცვლილებას გაუსვა ხაზი:


• ბრალდებულს მიენიჭება ხანგრძლივი პაემნის უფლება, რომელიც აქამდე არ ჰქონდა;
• ყველა სახის პაემანი გახდება სრულიად უფასო − დღეს 60 ლარის გადახდა უწევს სრულწლოვან მსჯავრდებულებს, არასრულწლოვნებს კი − 30 ლარის;
• გარდა საშიშროების მაღალი რისკის მსჯავრდებულებისა, ყველას მიენიჭება უმაღლესი განათლების მიღების უფლება და, შესაბამისად, ის ინოვაციური პროექტი, რომელიც სულ რამდენიმე ხნის წინ იუსტიციის სამინისტრომ განათლებისა და მეცნიერების სამინისტროსთან ერთად დაიწყო − „ციფრული უნივერსიტეტი“, ხელმისაწვდომი გახდება მსჯავრდებულთა ფართო მასებისთვის;
• იზრდება სატელეფონო საუბრების რაოდენობა და ხანგრძლივობა, რაც მსჯავრდებულებს გარე სამყაროსთან კომუნიკაციის კიდევ უფრო მეტ საშუალებას მისცემს;
• გათანაბრდება მსჯავრდებულთა და ბრალდებულთა საცხოვრებელი პირობები, რაც უდავოდ პროგრესული და წინგადადგმული ნაბიჯია;
• პენიტენციური სამსახურის ყველა დანაყოფს მიენიჭება სპეციალური სტატუსი, რაც თანამშრომელთა პირობებს გაათანაბრებს და გააუმჯობესებს;
• ფართოვდება სპეციალური წოდების მქონე პირთა წრე და ყველა მოსამსახურე, თანამდებობრივი და წოდებრივი სარგოს გარდა, მიიღებს წელთა ნამსახურობის დანამატს, რაც მათ სახელფასო პირობებზე დადებითად აისახება.

შაბათი, 03 დეკემბერი 2022

ქართულ-აზერბაიჯანული სამართლებრივი ფორუმის შედეგად ერთობლივი დეკლარაცია შემუშავდა

სამართლებრივი ფორუმი, რომლის მიზანი საქართველოსა და აზერბაიჯანის იუსტიციის სამინისტროებს შორის გამოცდილების გაზიარება და სამართლებრივი ურთიერთობის გაღრმავებაა, წელს პირველად ჩატარდა და ერთობლივი დეკლარაციის შემუშავებით დასრულდა.

ღონისძიება იუსტიციის მინისტრის პირველმა მოადგილემ შეაჯამა. თამარ ტყეშელაშვილმა ფორუმის მონაწილეებს – საქართველოსა და აზერბაიჯანის იუსტიციის სამინისტროების, სასამართლო ხელისუფლების, პროკურატურის, ადვოკატთა კორპუსის წარმომადგენლებს – ნაყოფიერი და საინტერესო მუშაობისათვის მადლობა გადაუხადა და ერთობლივი დეკლარაციის მნიშვნელობაზე ისაუბრა, რომელიც საქართველოსა და აზერბაიჯანს შორის დარგობრივ თანამშრომლობას კიდევ უფრო მეტად გააღრმავებს.

ქართულ-აზერბაიჯანული სამართლებრივი ფორუმი ორი ქვეყნის იუსტიციის სამინისტროებს შორის გაფორმებული მემორანდუმის ფარგლებში გაიმართა. ღონისძიება საქართველოს იუსტიციის მინისტრმა რატი ბრეგაძემ და მისმა აზერბაიჯანელმა კოლეგა ფიქრათ მამადოვმა გახსნეს. ფორუმის ფარგლებში აზერბაიჯანის დელეგაციამ შეხვედრები გამართა აჭარის ავტონომიური რესპუბლიკის მეთაურ თორნიკე რიჟვაძესა და საკონსტიტუციო სასამართლოს თავმჯდომარის მოადგილე მანანა კობახიძესთან.

ქართულ-აზერბაიჯანული სამართლებრივი ფორუმი ყოველწლიურად გაიმართება და მას საქართველო და აზერბაიჯანი მორიგეობით უმასპინძლებს.

ქართულ-აზერბაიჯანული სამართლებრივი ფორუმის ფარგლებში ღონისძიებები გრძელდება

ქართულ-აზერბაიჯანული სამართლებრივი ფორუმის ფარგლებში შეხვედრები მიმდინარეობს. აზერბაიჯანული დელეგაციის წევრები საქართველოს იუსტიციის მინისტრთან ერთად აჭარის ავტონომიური რესპუბლიკის მთავრობის თავმჯდომარე თორნიკე რიჟვაძესა და საკონსტიტუციო სასამართლოს თავმჯდომარის მოადგილე მანანა კობახიძეს შეხვდნენ. შეხვედრების მიზანი ორ ქვეყანას შორის თანამშრომლობის გაღრმავებაა.

რატი ბრეგაძემ აზერბაიჯანელ კოლეგას ბათუმის იუსტიციის სახლშიც უმასპინძლა. ფიქრათ მამადოვი იუსტიციის სახლის მუშაობის სპეციფიკასა და მობილურ იუსტიციის სახლის კონცეფციას გაეცნო.

ქართულ-აზერბაიჯანული სამართლებრივი ფორუმი ბათუმში წელს პირველად ტარდება საქართველოსა და აზერბაიჯანის იუსტიციის სამინისტროების პატრონაჟით. მისი მიზანი ორი ქვეყნის იუსტიციის სამინისტროებს შორის გამოცდილების გაზიარება და სამართლებრივი ურთიერთობის გაღრმავებაა. ფორუმი ყოველწლიურად გაიმართება. საქართველო და აზერბაიჯანი ღონისძიებას მორიგეობით უმასპინძლებენ.

საქართველო პირველ ქართულ-აზერბაიჯანულ სამართლებრივ ფორუმს მასპინძლობს


ბათუმში ქართულ-აზერბაიჯანული სამართლებრივი ფორუმი საქართველოს იუსტიციის მინისტრმა რატი ბრეგაძემ და მისმა აზერბაიჯანელმა კოლეგა ფიქრათ მამადოვმა გახსნეს.


სამართლებრივი ფორუმის მიზანი ორი ქვეყნის იუსტიციის სამინისტროებს შორის გამოცდილების გაზიარება და სამართლებრივი ურთიერთობის გაღრმავებაა. ღონისძიებაში მონაწილეობენ საქართველოსა და აზერბაიჯანის იუსტიციის მინისტრების მოადგილეები; სასამართლო ხელისუფლების, პროკურატურის, ადვოკატთა კორპუსის წარმომადგენლები.
ფორუმზე იმსჯელებენ ისეთ საკითხებზე, როგორიცაა: მართლმსაჯულების სისტემის გაძლიერება, სერვისების დიგიტალიზაცია, პენიტენციური და პრობაციის სისტემების გაძლიერება, სამართლებრივი ურთიერთდახმარება; განიხილავენ კონკრეტულ ინიციატივებსა და მიმართულებებს სამომავლო თანამშრომლობისათვის.


სამართლებრივი ფორუმი იმ მჭიდრო და ნაყოფიერი თანამშრომლობის გაგრძელებაა, რომელიც ორი ქვეყნის იუსტიციის მინისტრებს შორის გასულ წელს ვენეციაში, ევროპის საბჭოს მიერ ორგანიზებული საერთაშორისო კონფერენციის ფარგლებში, დაიწყო. მიმდინარე წლის მარტში, რატი ბრეგაძის ბაქოში ვიზიტისას, ხელი მოეწერა თანამშრომლობის მემორანდუმს საქართველოსა და აზერბაიჯანის იუსტიციის სამინისტროებს შორის, რომელიც, სხვა ღონისძიებებთან ერთად, ყოველწლიური ერთობლივი სამართლებრივი ფორუმის გამართვას ითვალისწინებს.


პარასკევი, 02 დეკემბერი 2022

აზერბაიჯანის იუსტიციის მინისტრმა პრეზიდენტ ილჰამ ალიევის სახელით, რატი ბრეგაძეს სახელმწიფო მედალი გადასცა

საქართველოსა და აზერბაიჯანს შორის სამართლებრივი ურთიერთობების განვითარებაში შეტანილი წვლილისათვის აზერბაიჯანის იუსტიციის მინისტრმა აზერბაიჯანის რესპუბლიკის პრეზიდენტ ილჰამ ალიევის სახელით, საქართველოს იუსტიციის მინისტრ რატი ბრეგაძეს აზერბაიჯანის იუსტიციის 100 წლის იუბილესთან დაკავშირებული სახელმწიფო მედალი გადასცა.

აზერბაიჯანის რესპუბლიკის იუსტიციის მინისტრი საქართველოში ქართულ-აზერბაიჯანული სამართლებრივი ფორუმის ფარგლებში იმყოფება. ფორუმი ქალაქ ბათუმში წელს პირველად, მიმდინარე წლის მარტში გაფორმებული მემორანდუმის ფარგლებში იმართება. ორი ქვეყნის სამართლებრივი ფორუმი ყოველწლიურ სახეს მიიღებს, რაც ქართულ-აზერბაიჯანულ დარგობრივ თანამშრომლობას კიდევ უფრო გაამყარებს.

ხუთშაბათი, 01 დეკემბერი 2022

რატი ბრეგაძემ აზერბაიჯანელ კოლეგასთან სექტორული თანამშრომლობის პერსპექტივები განიხილა

იუსტიციის მინისტრი რატი ბრეგაძე აზერბაიჯანელ კოლეგა ფიქრეთ მამედოვს შეხვდა. საუბარი შეეხო ბაქოში ორი ქვეყნის იუსტიციის სამინისტროებს შორის ხელმოწერილი მემორანდუმის საფუძველზე უწყებებს შორის დარგობრივი თანამშრომლობის კიდევ უფრო გაღრმავებას. რატი ბრეგაძემ ხაზგასმით აღნიშნა, რომ კანონის უზენაესობის, მართლმსაჯულების აღსრულების ნაწილში ორ ქვეყანას შორის გამოცდილების გაზიარება და თანამშრომლობა მნიშვნელოვანია ქვეყნის დემოკრატიული განვითარებისთვის.

უწყებრივი თანამშრომლობის მიმართულებების განვითარება იუსტიციის სამინისტროს ერთ-ერთი პრიორიტეტია. ამ მიზნით ბათუმში ქართულ-აზერბაიჯანული სამართლებრივი ფორუმი გაიმართება. ფორუმზე ხელი მოეწერება ქართულ-აზერბაიჯანულ ერთობლივ დეკლარაციას. დოკუმენტით გათვალისწინებული თანამშრომლობა მოიცავს 2023 წელს როგორც ცენტრალურ, ისე სექტორულ დონეზე ერთობლივ ღონისძიებებსა და ინიციატივებს.

აზერბაიჯანის იუსტიციის მინისტრთან შეხვედრას ასევე ესწრებოდნენ საქართველოს იუსტიციის მინისტრის პირველი მოადგილე თამარ ტყეშელაშვილი, მოადგილეები თორნიკე ჭეიშვილი და ერეკლე ღვინიანიძე.

სამშაბათი, 29 ნოემბერი 2022
ორშაბათი, 28 ნოემბერი 2022

საქართველოს იუსტიციის მინისტრის მოადგილემ სააღსრულებო სისტემაში განხორციელებული რეფორმები აღმასრულებელთა საერთაშორისო კავშირის საშემოდგომო სესიის მონაწილეებს გააცნო

ერეკლე ღვინიანიძემ საერთაშორისო კავშირის მუდმივმოქმედი საბჭოს წევრებს საერთაშორისო ორგანიზაციებთან აქტიური პარტნიორობით მიღწეული შედეგები გააცნო და თანამშრომლობისთვის მადლობა გადაუხადა.

მინისტრის მოადგილემ განსაკუთრებული ყურადღება გაამახვილა საქართველოს სააღსრულებო სისტემაში დანერგილ ისეთ თანამედროვე და ციფრულ სერვისებზე, როგორიცაა: ფაქტების კონსტატაცია, გამარტივებული საქმისწარმოება, ელექტრონული სააღსრულებო წარმოების პროგრამა და სხვა. აღნიშნული პროგრამების დანერგვით საქმისწარმოება აღმასრულებლებისთვის კიდევ უფრო მოქნილი გახდა, მოქალაქეებისთვის კი − მარტივად ხელმისაწვდომი.

აღმასრულებელთა საერთაშორისო კავშირის მუდმივმოქმედი საბჭოს საშემოდგომო სესია წევრი ქვეყნების მიერ 2022 წლის განმავლობაში გაწეული სამუშაოს ანგარიშის წარდგენას მიეძღვნა.

კონფერენციას იუსტიციის მინისტრის მოადგილესთან ერთად აღსრულების ეროვნული ბიუროს თავმჯდომარე მირიან ხარაბაძე და თავმჯდომარის მოადგილე ლაშა მოძღვრიშვილი ესწრებოდნენ.

პარასკევი, 25 ნოემბერი 2022

რატი ბრეგაძემ და ფრანკ ჰუპფელდმა საქართველოსა და გერმანიის იუსტიციის სამინისტროების თანამშრომლობის საკითხები განიხილეს

იუსტიციის მინისტრი რატი ბრეგაძე საერთაშორისო სამართლებრივი თანამშრომლობის გერმანული ფონდის (IRZ) სამხრეთ-აღმოსავლეთ ევროპის ქვეყნების პროექტების ხელმძღვანელ ფრანკ ჰუპფელდს შეხვდა. შეხვედრას იუსტიციის მინისტრის მოადგილე ბექა ძამაშვილი ესწრებოდა.

მხარეებმა ხაზი გაუსვეს IRZ-ის როლს საქართველოსა და გერმანიის იუსტიციის სამინისტროებს შორის გაფორმებული თანამშრომლობის პროგრამის შესრულების პროცესში.

იუსტიციის მინისტრმა საქართველოსა და გერმანიას შორის მართლმსაჯულების მიმართულებით კიდევ უფრო მჭიდრო პარტნიორობის იმედი გამოთქვა და აღნიშნა, რომ IRZ-ის აქტიური ჩართულობა ორ ქვეყანას შორის სექტორულ თანამშრომლობაზე პოზიტიურად აისახება. See less

იუსტიციის მინისტრი საქართველოში ევროკავშირის წარმომადგენლობის ხელმძღვანელს შეხვდა

რატი ბრეგაძემ და პაველ ჰერჩინსკიმ საქართველოს ევროპული პერსპექტივა განიხილეს. იუსტიციის მინისტრმა კიდევ ერთხელ დაადასტურა საქართველოს მისწრაფება ევროკავშირთან ინტეგრაციისკენ. აღინიშნა, რომ საქართველო მზად არის, ყველაფერი გააკეთოს ევროკავშირის კანდიდატი ქვეყნის სტატუსის მისაღებად, რასაც მოჰყვება ევროკავშირთან პოლიტიკური და ეკონომიკური ინტეგრაცია.

რატი ბრეგაძემ პაველ ჰერჩინსკისთან ევროინტეგრაციის პროცესში წარმატებული თანამშრომლობის და ამ პროცესში ევროკავშირის წევრი ქვეყნების მხარდაჭერის იმედი გამოთქვა.

ევროკავშირის წარმომადგენლობის ხელმძღვანელთან შეხვედრას ესწრებოდა იუსტიციის მინისტრის მოადგილე ბექა ძამაშვილი.

სამშაბათი, 22 ნოემბერი 2022

საქართველოს იუსტიციის სამინისტროში სამეცნიერო-საკონსულტაციო საბჭოს სხდომა გაიმართა

საქართველოს იუსტიციის სამინისტროში სამეცნიერო-საკონსულტაციო საბჭოს სხდომა გაიმართა, რომელზეც ახალი პენიტენციური კოდექსის პროექტი და თანმდევ კანონებში შესატანი ცვლილებები იქნა განხილული. სხდომას უძღვებოდა საქართველოს იუსტიციის მინისტრის მოადგილე თორნიკე ჭეიშვილი.

შეხვედრაზე დეტალურად გაანალიზდა საბჭოს წევრთა მოსაზრებები და რეკომენდაციები მომზადებულ კანონპროექტებთან დაკავშირებით. ამასთან, სამინისტროს წარმომადგენლებმა საბჭოს წევრებს მიაწოდეს ინფორმაცია ცვლილებათა პაკეტის ინიციირებისა და შემდგომი განხილვების ვადების თაობაზე.
სამინისტროსთან არსებული სამეცნიერო-საკონსულტაციო საბჭოს წევრები უმაღლესი საგანმანათლებლო დაწესებულებების სამართლის სკოლის პროფესორებსა და სამართლის სხვადასხვა დარგის გამოჩენილ სპეციალისტებს წარმოადგენენ.

საქართველოს იუსტიციის სამინისტროს ერთ-ერთი პრიორიტეტი მეცნიერებასა და სიღრმისეულ ანალიტიკაზე დაფუძნებული სამართალშემოქმედებითი საქმიანობის წარმართვაა.

პარასკევი, 18 ნოემბერი 2022

საქართველოს იუსტიციის მინისტრი, ლუქსემბურგის გლობალური ფორუმის ფარგლებში, ევროპელ კოლეგებს ხვდება

საქართველოს იუსტიციის მინისტრი რატი ბრეგაძე ლუქსემბურგში მიმდინარე გლობალურ ფორუმში მონაწილეობს. ფორუმი OECD-ისა და ლუქსემბურგის მთავრობის ერთობლივი ინიციატივით იმართება და ეძღვნება ისეთი თემების განხილვას, როგორიცაა: თანამედროვე გეოპოლიტიკური გარემო, დემოკრატიის გაძლიერების მნიშვნელობა და მოქალაქეთა ნდობა სახელმწიფო ინსტიტუტების მიმართ, კლიმატის ცვლილება, კოვიდ-19-დან გამომდინარე გლობალური კრიზისი, ციფრული ტრანსფორმაცია და მოქალაქეთა სოციალურ-ეკონომიკური უფლებები.

ვიზიტის ფარგლებში, იუსტიციის მინისტრი ნიდერლანდების დიგიტალიზაციის მინისტრს შეხვდა. რატი ბრეგაძემ ალექსანდრა ვან ჰუფელენთან საუბრისას აღნიშნა, რომ საჯარო სერვისების განვითარება და ციფრული მმართველობის გაძლიერება საქართველოს მთავრობის პრიორიტეტია. იუსტიციის მინისტრმა მზაობა გამოხატა, ერთი მხრივ, გაუზიაროს პარტნიორებს წარმატებული ქართული მოდელი, მეორე მხრივ კი, დანერგოს საუკეთესო ევროპული პრაქტიკა.

შეხვედრას იუსტიციის მინისტრის მოადგილე ბექა ძამაშვილი ესწრებოდა.

გლობალური ფორუმის დასრულებამდე რატი ბრეგაძე სახელმწიფო სერვისების დიგიტალიზაციის საკითხებზე, შეხვედრებს სხვა კოლეგებთანაც გამართავს.

საქართველოს იუსტიციის მინისტრმა და ნორვეგიის სახელმწიფო მდივანმა დარგობრივი თანამშრომლობის მიმართულებები განიხილეს

საქართველოს იუსტიციის მინისტრმა ნორვეგიის დიგიტალიზაციისა და ელექტრონული კომუნიკაციების სახელმწიფო მდივანს საქართველოში ციფრული მმართველობის სფეროში გატარებული და დაგეგმილი რეფორმები გააცნო. რატი ბრეგაძის თქმით, იუსტიციის სამინისტროს სტრატეგიული მიზანია, უზრუნველყოს ხელმისაწვდომი და უსაფრთხო სერვისების მიწოდება როგორც დიდ ქალაქებში, ისე სოფლებსა და დაბებში. ამ მიზნით ქვეყანაში წარმატებით ფუნქციონირებს იუსტიციის სახლები, რაიონული ცენტრებიდან მოშორებით მცხოვრები მოსახლეობისათვის კი, სერვისების მიწოდებას ინოვაციური პროექტი – მობილური იუსტიციის სახლი უზრუნველყოფს.

რატი ბრეგაძემ ხაზგასმით აღნიშნა, რომ მომსახურების გაუმჯობესებაზე ზრუნვა დღესაც გრძელდება. სულ მალე დასრულდება მუშაობა კიდევ ერთ ინოვაციურ პროექტზე. JUSTapp მობილური აპლიკაციაა, რომელიც საქართველოს მოქალაქეებს საშუალებას მისცემს, იუსტიციის სახლის სერვისები სახლიდან გაუსვლელად მიიღონ.

საქართველოს იუსტიციის მინისტრი და ნორვეგიის დიგიტალიზაციისა და ელექტრონული კომუნიკაციების სახელმწიფო მდივანი ციფრული მმართველობის მიმართულებით თანამშრომლობაზე შეთანხმდნენ. ურთიერთთანამშრომლობის გაღრმავების მიზნით რატი ბრეგაძემ ნორვეგიის სახელმწიფო მდივანს ორ უწყებას შორის მემორანდუმის გაფორმება შესთავაზა.

რატი ბრეგაძე გან კარინ ჯულს ლუქსემბურგში მიმდინარე გლობალური სამიტის ფარგლებში შეხვდა. შეხვედრას ესწრებოდა იუსტიციის მინისტრის მოადგილე ბექა ძამაშვილი.

ლუქსემბურგში ვიზიტის ფარგლებში რატი ბრეგაძემ და პორტუგალიის სახელმწიფო მდივანმა ურთიერთთანამშრომლობის გაღრმავებაზე იმსჯელეს

რატი ბრეგაძე პორტუგალიის დიგიტალიზაციისა და ადმინისტრაციული მოდერნიზაციის საკითხებში სახელმწიფო მდივან მარიო კამპოლარგოს შეხვდა.

შეხვედრაზე განიხილეს სახელმწიფო სერვისების დიგიტალიზაციის საკითხი. რატი ბრეგაძემ აღნიშნა, რომ თანამედროვე ტექნოლოგიებისა და ინოვაციების საშუალებით სახელმწიფო სერვისების მიწოდების და მართლმსაჯულების სისტემის მოდერნიზაცია ქართული მხარის ერთ-ერთი პრიორიტეტია; პარტნიორ ქვეყნებთან დარგობრივი თანამშრომლობა და გამოცდილების გაზიარება კი, ხელს შეუწყობს ელექტრონული მმართველობის განვითარებას ორივე ქვეყანაში.

მინისტრმა მობილური აპლიკაცია JustApp-ის ამოქმედებაზეც ისაუბრა, რომლის საშუალებითაც ყველა სახელმწიფო სერვისი ონლაინ რეჟიმში იქნება ხელმისაწვდომი. შეხვედრაზე მხარეებმა ურთიერთთანამშრომლობის დოკუმენტის გაფორმებაზეც ისაუბრეს.

რატი ბრეგაძემ საქართველოს სუვერენიტეტისა და ტერიტორიული მთლიანობის ურყევი მხარდაჭერის გამო პორტუგალიურ მხარეს მადლობა გადაუხადა. მინისტრმა იმედი გამოთქვა, რომ საქართველოს პორტუგალიის პოლიტიკური მხარდაჭერა ექნება ევროკავშირში გაწევრების ყველა ეტაპზე.

შეხვედრა ლუქსემბურგში მიმდინარე გლობალური ფორუმის ფარგლებში გაიმართა. შეხვედრას იუსტიციის მინისტრის მოადგილე ბექა ძამაშვილი ესწრებოდა.

ხუთშაბათი, 17 ნოემბერი 2022

იუსტიციის სამინისტროსა და საქართველოს ბიზნეს ასოციაციას შორის „მეწარმეთა შესახებ“ ახალ კანონთან დაკავშირებით შეხვედრა გაიმართა

„მეწარმეთა შესახებ“ ახალი კანონის პრაქტიკული ასპექტები და, ამ კანონის თანახმად, 2 წლის განმავლობაში საწარმოთა ხელახალი რეგისტრაციის ვალდებულება – ეს ძირითადი საკითხები იყო იუსტიციის სამინისტროსა და საქართველოს ბიზნესასოციაციის მსჯელობის საგანი.

იუსტიციის სამინისტროს მხრიდან შეხვედრას ესწრებოდნენ იუსტიციის მინისტრის პირველი მოადგილე თამარ ტყეშელაშვილი და საჯარო რეესტრის ეროვნული სააგენტოს თავმჯდომარე დავით დევიძე, რომლებმაც მეწარმეებთან ერთად დეტალურად განიხილეს „მეწარმეთა შესახებ“ ახალი კანონიდან გამომდინარე საჯარო რეესტრის ეროვნულ სააგენტოში რეგისტრაციასთან დაკავშირებული სიახლეები და იუსტიციის სამინისტროს კომპეტენციას მიკუთვნებული ბიზნესისთვის საინტერესო სხვა საკითხები.

„მეწარმეთა შესახებ“ ახალ კანონში ასახულია ევროკავშირის დირექტივები და მრავალი საკითხი ახლებურადაა დარეგულირებული. საჯარო რეესტრში სამეწარმეო საკითხების რეგისტრაციის მიმართულებით ამ ახალ ნორმებზე მორგებული ერთგვაროვანი პრაქტიკა ყალიბდება. სახელმწიფო ყველაფერს აკეთებს, რომ ხელი შეუწყოს ბიზნესს ახალი კანონის ნორმების ჯეროვნად აღსრულებაში.

იუსტიციის სამინისტროს საჯარო რეესტრის ეროვნულმა სააგენტომ მეწარმე სუბიექტებისთვის ახალი კანონით განსაზღვრული მომსახურება დანერგა; შემუშავდა და დამტკიცდა სამეწარმეო საზოგადოებების სტანდარტული წესდებები, რომლებიც ხელმისაწვდომია დაინტერესებული პირებისთვის და ამარტივებს სარეგისტრაციო პროცესს; შეიქმნა ერთიანი ელექტრონული პორტალი, სადაც ქვეყნდება რეგისტრაციის შესახებ გადაწყვეტილებები და სარეგისტრაციო დოკუმენტები“, – აღნიშნა თამარ ტყეშელაშვილმა.

საჯარო რეესტრის თავმჯდომარესთან ერთად მან 2 წლის განმავლობაში საწარმოთა ხელახალი რეგისტრაციის აუცილებლობაზეც ისაუბრა.

„გავაცანით მეწარმეებს სტატისტიკაც და ვთხოვეთ მეტი აქტიურობა ხელახალი რეგისტრაციის დროულად განხორციელების მიზნით. იუსტიციის სამინისტროს საჯარო რეესტრის ეროვნულ სააგენტოს კი, თავის მხრივ, აქვს სრული მზაობა როგორც პროგრამული უზრუნველყოფის, ისე ადამიანური რესურსის თვალსაზრისით, შეასრულოს კანონით მასზე დაკისრებული ვალდებულება და ხელი შეუწყოს ბიზნესს სარეგისტრაციო მოქმედებების განხორციელებაში“, – განმარტა მინისტრის პირველმა მოადგილემ.

შეხვედრის ბოლოს აღინიშნა, რომ იუსტიციის სამინისტრო მომავალშიც მზად არის, საკუთარი კომპეტენციის ფარგლებში, აწარმოოს ბიზნესის წარმომადგენლებთან კომუნიკაცია სარეგისტრაციო მიმართულებით მათთვის მნიშვნელოვან საკითხებზე.

იუსტიციის მინისტრის მოადგილემ  სტუდენტებს საგრანტო კონკურსის შესახებ ინფორმაცია გააცნო

თორნიკე ჭეიშვილი თბილისის სახელმწიფო უნივერსიტეტისა და ბიზნესისა და ტექნოლოგიებისუნივერსიტეტის სტუდენტებს შეხვდა. მინისტრის მოადგილემ მათ სამინისტროს საგრანტო კონკურსში მონაწილეობისთვის საჭირო ინფორმაცია მიაწოდა. სტუდენტები პროგრამის მიმართულებებით დაინტერესდნენ და მასში მონაწილეობის სურვილი გამოთქვეს. შეხვედრებს თორნიკე ჭეიშვილთან ერთად იუსტიციის სამინისტროს ადმინისტრაციის ხელმძღვანელი მანანა ბეგიაშვილიც ესწრებოდა.

იუსტიციისსამინისტროს საგრანტო კონკურსის პრიორიტეტული მიმართულებებია:

სამინისტროსსისტემაში ინოვაციური სერვისების დანერგვისხელშეწყობა;
ადამიანისუფლებათა დაცვის გაძლიერება;
სამართლებრივიუსაფრთხოების განმტკიცება.

საგრანტო კონკურსშიმონაწილეობის მიღება შეუძლიათ არასამეწარმეო (არაკომერციულ) იურიდიულ პირებსა დაფიზიკურ პირებს. პროგრამისთვის განკუთვნილითანხა ნახევარი მილიონილარია, დაფინანსების მაქსიმალურიოდენობა თითოეული გამარჯვებული პროექტისათვისკი, 20 000 ლარს შეადგენს.

საბუთებისმიღების ბოლო ვადა 2022 წლის 24 ნოემბერია.

იუსტიციისსამინისტროს საგრანტო კონკურსი გასულწელსაც ჰქონდა გამოცხადებული, რომლის ფარგლებში 14 პროექტიგანხორციელდა.

საგრანტოპროგრამების მიზანი იუსტიციის სამინისტროსსისტემის საქმიანობაში სამოქალაქო საზოგადოებისმონაწილეობის ხელშეწყობა და სამოქალაქოინიციატივების მხარდაჭერაა.

საგრანტოგანაცხადიდა შესაბამისი დოკუმენტებიმიიღება მითითებულივადების გათვალისწინებით მხოლოდ ელექტრონულად ელექტრონულიფოსტის შემდეგ მისამართზე: [email protected] .

პარასკევი, 11 ნოემბერი 2022

ადამიანით ვაჭრობის (ტრეფიკინგის) თემაზე პირველი ეროვნული სიმულაციური ტრენინგი განხორციელდა

ადამიანით ვაჭრობის (ტრეფიკინგის) თემაზე პირველი ეროვნული სიმულაციური ტრენინგის დახურვის ღონისძიება გაიმართა.

ტრენინგი სახელწოდებით - ,,ადამიანით ვაჭრობის წინააღმდეგ ბრძოლა: უწყებათაშორისი თანამშრომლობის მდგრადობა ეროვნული სიმულაციური ტრენინგის განხორციელების გზით“ საქართველოში იუსტიციის სამინისტროს ხელმძღვანელობით, ევროპის უშიშროებისა და თანამშრომლობის ორგანიზაციისა (ეუთო) და საქართველოში შვეიცარიის საელჩოს ფინანსური მხარდაჭერით ხორციელდება. ეროვნული სიმულაციური ტრენინგი მიზნად ისახავდა ტრეფიკინგის დანაშაულზე მომუშავე 40-მდე გამომძიებლის, პროკურორის, შრომის ინსპექტორის, ფსიქოლოგის, სოციალური მუშაკის და მსხვერპლებთან მომუშავე პერსონალის პრაქტიკული უნარ-ჩვევებების ამაღლებას უწყებათაშორისი თანამშრომლობისა და მსხვერპლზე ორიენტირებული მიდგომის გზით, რაც თავის მხრივ ხელს შეუწყობს დანაშაულის დროულ გამოვლენას, დამნაშავეთა დასჯას და მსხვერპლთა საზოგადოებაში ეფექტიან ინტეგრაციას.

საქართველო არის ერთ-ერთი პირველი სახელმწიფო, სადაც ეროვნულ დონეზე სიმულაციური ტრენინგი გაიმართა. აღნიშნული კი მიუთითებს ამ დანაშაულის წინააღმდეგ ბრძოლას, როგორც საქართველოს ხელისუფლების ერთ-ერთ პრიორიტეტულ მიმართულებას.

აღსანიშნავია, რომ ადამიანით ვაჭრობის (ტრეფიკინგის) წინააღმდეგ ბრძოლის მიმართულებით საქართველოს ერთ-ერთი მოწინავე პოზიცია უკავია მსოფლიოს მასშტაბით. ამას მოწმობს აშშ-ის სახელმწიფო დეპარტამენტის ბოლო, 2022 წლის ანგარიში, რომლის თანახმადაც საქართველო, არაერთი ევროპული ქვეყნის გვერდით ინარჩუნებს ადგილს შეფასების უმაღლეს საფეხურზე, ე.წ. პირველ კალათაში. ხაზგასასმელია ისიც, რომ გასული წლების მსგავსად, აღმოსავლეთ პარტნიორობის სახელმწიფოებს შორის მხოლოდ საქართველო მოხვდა რეიტინგული სკალის უმაღლეს საფეხურზე.

ეროვნული სიმულაციური ტრენინგი განხორციელდა ადამიანით ვაჭრობის (ტრეფიკინგის) წინააღმდებ ბრძოლის უწყებათაშორისი საკოორდინაციო საბჭოს ფარგლებში საქართველოს იუსტიციის სამინისტროს, საქართველოს პროკურატურის, ფინანსთა სამინისტროს საგამოძიებო სამსახურის, სსიპ - შრომის ინსპექციის სამსახურის, სსიპ - სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოსა და საქართველოში არასამთავრობო ორგანიზაციების მჭიდრო თანამშრომლობით.

ეროვნული სიმულაციური ტრენინგი 7 ნოემბერს დაიწყო და დღეს დასრულდა.

შაბათი, 05 ნოემბერი 2022

იუსტიციის მინისტრმა ვენის უნივერსიტეტის იურიდიული ფაკულტეტის დეკანთან ერთობლივი პროექტების განხორციელების შესაძლებლობები განიხილა

იუსტიციის მინისტრმა ვენის უნივერსიტეტის დეკან ბრიგიტა ციოხლინგ-იუდისთან შეხვედრისას ვენის უნივერსიტეტთან მომავალში ერთობლივი პროგრამებისა და კვლევითი პროექტების შესახებ ისაუბრა. იუსტიციის სასწავლო ცენტრსა და ვენის უნივერსიტეტს შორის სამომავლო თანამშრომლობა ერთობლივი პროექტების განხორციელების კარგ შესაძლებლობას შექმნის. გარდა ამისა, იუსტიციის სამინისტროს თანამშრომლები ვენის უნივერსიტეტის პროგრამებში მიიღებენ მონაწილეობას.


რატი ბრეგაძემ პროფესორ ბრიგიტა ციოხლინგ-იუდისთან საუბრისას აღნიშნა, რომ ქართული მხარისთვის ძალზედ საინტერესოა ვენის უნივერსიტეტის იურიდიული ფაკულტეტის აკადემიური წრის გამოცდილების გაზიარება. მინისტრმა დეკანთან საუბარში აღნიშნა, რომ საქართველო-ავსტრიის იუსტიციის სამინისტროებს შორის გაფორმებული მემორანდუმი თანამშრომლობის ბევრ მიმართულებას მოიცავს.


შეხვედრაზე ასევე ისაუბრეს საქართველოს იუტიციის სამინისტროს მიერ 2021 წელს დაფუძნებულ სამართლებრივ ჟურნალ „იუსტიციაზე“. რატი ბრეგაძემ პროფესორ ბრიგიტა ციოხლინგ-იუდის დეტალური ინფორმაცია მიაწოდა იუსტიციის სამინისტროსთან არსებული სამეცნიერო-საკონსულტაციო საბჭოს თაობაზეც, რომელიც 2022 წლის 1-ელ აგვისტოს დაფუძნდა და სამართლის სხვადასხვა დარგის გამოჩენილი სპეციალისტებით დაკომპლექტდა.

მხარეებმა მჭიდრო, ორმხრივი თანამშრომლობისა და აკადემიურ წრეებთან ერთად ერთობლივი პროექტების განხორციელების იმედი გამოთქვეს.

პარასკევი, 04 ნოემბერი 2022

იუსტიციის სამინისტროს დელეგაცია პენიტენციური სისტემის მართვის ავსტრიულ გამოცდილებას გაეცნო

დელეგაციას ადგილზე გააცნეს პენიტენციური სისტემის მოწყობისა და მართვის მოდელი, რეაბილიტაციისა და რესოციალიზაციის, მსჯავრდებულთა განათლების, სპორტისა და დასაქმების პროგრამები.

იუსტიციის მინისტრი რატი ბრეგაძე კორნეუბურგის პენიტენციურ დაწესებულებაში მოადგილეებთან და სპეციალური პენიტენციურის სამსახურის უფროსთან ნიკა ცხვარაშვილთან ერთად იმყოფებოდა.

აღსანიშნავია, რომ ავსტრიასთან უკვე გაფორმდა ურთიერთთანამშრომლობის მემორანდუმი. დოკუმენტს საქართველოს და ავსტრიის იუსტიციის მინისტრებმა მოაწერეს ხელი. მემორანდუმი იუსტიციის სისტემის რეფორმების სფეროში მჭიდრო პარტნიორობის გაძლიერებას გულისხმობს.

პენიტენციური და დანაშაულის პრევენციის სისტემის განვითარება იუსტიციის სამინისტროს ერთ-ერთ მთავარ პრიორიტეტს წარმოადგენს. უწყებას 10-წლიანი განვითარების გეგმაში გაწერილი აქვს კონკრეტული ღონისძიებები; მათ შორის, ახალი, მცირე ზომის ე.წ. ოჯახური ტიპის პენიტენციური დაწესებულების მშენებლობა, საკნის გარე აქტივობების ხელშეწყობა, სწავლაზე მსჯავრდებულთა ხელმისაწვდომობის გაზრდა, რისთვისაც მსჯავრდებულებისთვის უკვე ამოქმედდა ინოვაციური პროექტი „ციფრული უნივერსიტეტი“. პროექტი შესაძლებლობას აძლევს მსჯავრდებულებს, სრულფასოვნად ჩაერთონ სასწავლო პროცესში.

უწყებისთვის პრიორიტეტულია ძლიერი, უსაფრთხო და ადამიანის უფლებების დაცვაზე დაფუძნებული გარემოს უზრუნველყოფა, რისთვისაც ხორციელდება სხვადასხვა მნიშვნელოვანი პროექტი. იუსტიციის სამინისტრო ხელს უწყობს პატიმრების დასაქმებასა და მომავალი პროფესიისთვის საჭირო უნარ-ჩვევების შეძენას.

საქართველო ავსტრიის პენიტენციური სისტემის სასწავლო მოდულების გამოცდილებას გაეცნო

იუსტიციის მინისტრი რატი ბრეგაძე ავსტრიაში ოფიციალური ვიზიტის ფარგლებში ავსტრიის პენიტენციური სამსახურის ტრენინგების დეპარტამენტის უფროს ობერსტ მარტინ ჰოფმანს შეხვდა. შეხვედრაზე მინისტრმა აღნიშნა, რომ უწყებისთვის პრიორიტეტულია ძლიერი, უსაფრთხო და ადამიანის უფლებებზე დაფუძნებული გარემოს უზრუნველყოფა. მისი თქმით, პენიტენციური და პრობაციის სისტემების რეფორმის ფარგლებში სწორება საუკეთესო საერთაშორისო პრაქტიკაზე ხდება. ამ მხრივ, განსაკუთრებულ მნიშვნელობას იძენს ევროპული გამოცდილების გაზიარება.

რატი ბრეგაძემ ობერსტ მარტინ ჰოფმანთან ერთად სასწავლო მოდულები განიხილა. იუსტიციის მინისტრი დაინტერესდა სასწავლო ტრენინგების ავსტრიული გამოცდილებით რეჟიმისა და უსაფრთხოების, სოციალური მუშაკების, ფსიქოლოგების, სამედიცინო პერსონალის გადამზადების მიმართულებით. იუსტიციის მინისტრმა შეხვედრაზე განაცხადა, რომ უწყება მნიშვნელოვან რესურსს დებს თანამშრომელთა პროფესიული უნარების გაუმჯობესებისთვის და ამას იუსტიციის სასწავლო ცენტრი ახორციელებს.

შეხვედრის ბოლოს იუსტიციის მინისტრმა იმედი გამოთქვა, რომ საქართველო-ავსტრიის თანამშრომლობა კიდევ უფრო ინტენსიური გახდება, რაც ქვეყნის ევროპული მისწრაფებების და პერსპექტივის ფონზე განსაკუთრებულ მნიშვნელობას იძენს.

შეხვედრას ესწრებოდნენ იუსტიციის მინისტრის მოადგილეები ბუბა ლომუაშვილი, თორნიკე ჭეიშვილი, სპეციალური პენიტენციური სამსახურის უფროსი ნიკა ცხვარაშვილი და საქართველოს საგანგებო და სრულუფლებიანი ელჩი ავსტრიის რესპუბლიკაში ქეთევან ციხელაშვილი.

საქართველოს იუსტიციის მინისტრმა ავსტრიელ კოლეგასთან ურთიერთთანამშრომლობის მემორანდუმი გააფორმა

აღნიშნული დოკუმენტი უზრუნველყოფს იუსტიციის მიმართულებით საქართველო-ავსტრიის ურთიერთთანამშრომლობის გაძლიერებას მართლმსაჯულების, სამართლის უზენაესობისა და ადამიანის უფლებების დაცვის სფეროებში.

ორ ქვეყანას შორის პარტნიორული ურთიერთობების გაღრმავება მოიცავს გამოცდილების გაზიარებას მობილური და ელექტრონული სახელმწიფო სერვისების, მსჯავრდებულთა რეაბილიტაცია-რესოციალიზაციის, პენიტენციურ დაწესებულებაში სპორტის, საგანმანათლებლო და დასაქმების პროგრამების მართვის მიმართულებით.

მემორანდუმი, ასევე, ითვალისწინებს ევროკავშირის კანონმდებლობასთან დაახლოების, სამოქალაქო, კომერციულ და სისხლის სამართლის საქმეებზე სამართლებრივი ურთიერთდახმარების სფეროში თანამშრომლობას.

მემორანდუმის გაფორმებამდე რატი ბრეგაძემ ავსტრიელ კოლეგა ალმა ზადიჩთან ქართულ-ავსტრიული სამართლებრივი ფორუმის დაფუძნების შესახებ ისაუბრა, რომელსაც ყოველწლიურად მონაცვლეობით საქართველო და ავსტრია უმასპინძლებს. საუბარი შეეხო სტუდენტების გაცვლითი პროგრამების წახალისებასაც, რაც სამომავლოდ ხელს შეუწყობს მტკიცებულებებსა და კვლევა-ანალიზზე დაფუძნებულ სამართალშემოქმედების პროცესს.

რატი ბრეგაძემ ავსტრიელ კოლეგას უწყების პრიორიტეტებიც გააცნო, რაც სამინისტროს 10-წლიანი განვითარების სტრატეგიაში არის ასახული. ევროკავშირის კანონმდებლობასთან დაახლოების, ეფექტიანი სამართალშემოქმედების პროცესის, საერთაშორისო ურთიერთობების გაძლიერების მიმართულებებით თანამშრომლობის გაღრმავება საქართველოს ევროინტეგრაციის გზაზე კიდევ უფრო მეტ მნიშვნელობას იძენს.

რატი ბრეგეძემ ავსტრიელ კოლეგასთან შეხვედრისას აღნიშნა, რომ უახლოეს მომავალში ამოქმედდება სპეციალური ელექტრონული პროგრამა, რაც ევროკავშირის კანონმდებლობასთან ჰარმონიზაციის პროცესის სწრაფად და ხარისხიანად წარმართვას უზრუნველყოფს.

პარტნიორული ურთიერთობების გაძლიერების კიდევ ერთი სფერო ორმხრივი სამართლებრივი ურთიერთობები იქნება.

შეხვედრას საქართველოს იუსტიციის სამინისტროს დელეგაციის წევრები და ავსტრიაში საქართველოს ელჩი ესწრებოდნენ.

ხუთშაბათი, 03 ნოემბერი 2022

რატი ბრეგაძე ოფიციალური ვიზიტით ავსტრიის რესპუბლიკაში იმყოფება

ავსტრიაში მიმდინარე ოფიციალური ვიზიტის ფარგლებში, იუსტიციის მინისტრმა რატი ბრეგაძემ პირველი შეხვედრა ავსტრიის რესპუბლიკის პენიტენციური სამსახურის გენერალურ დირექტორ ფრიდრიხ ალექსანდერ კიონიგთან გამართა.

მხარეებმა ერთმანეთს, პენიტენციური სამსახურების მიმართულებით გამოცდილება და არსებული ცოდნა გაუზიარეს.

მინისტრმა შეხვედრაზე საქართველოს პენიტენციურ და პრობაციის სისტემებში არსებულ მიღწევებზე ისაუბრა. მან ავსტრიულ მხარეს ინოვაციური საგანმანათლებლო პროექტის „ციფრული უნივერსიტეტის“ შესახებ ინფორმაცია მიაწოდა, რომელიც ზრდის მსჯავრდებულების განათლებაზე ხელმისაწვდომობას.

საქართველოს იუსტიციის სამინისტრო გეგმავს, კიდევ უფრო გააღრმაოს თანამშრომლობა ავსტრიის რესპუბლიკასთან პენიტენციური და პრობაციის სისტემის მართვის მიმართულებით, რაც ქვეყანას საშუალებას მისცემს, განავითაროს რეაბილიტაციისა და რესოციალიზაციის პროგრამები, საკნის გარე აქტივობები; პატიმართა დასაქმების, საგანმანათლებლო და სპორტული პროგრამები.

შეხვედრაზე, რატი ბრეგაძემ აღნიშნა, რომ საუკეთესო ევროპულ სტანდარტებზე სწორება საქართველოს იუსტიციის სამინისტროს სტრატეგიულ პრიორიტეტს წარმოადგენს და ის სამინისტროს 10-წლიანი განვითარების გეგმაშიცაა ასახული.

იუსტიციის მინისტრმა კმაყოფილება გამოთქვა, რომ პენიტენციური და პრობაციის სისტემების მართვის სფეროში თანამშრომლობა გაღრმავდება და ავსტრიის იუსტიციის სამინისტროსთან შესაბამისი მემორანდუმი გაფორმდება. მან ასევე აღნიშნა, რომ ევროპელ კოლეგებთან სექტორული თანამშრომლობის გაღრმავება განსაკუთრებით მნიშვნელოვანია საქართველოს ევროინტეგრაციის გზაზე, მით უფრო, ევროპული პერსპექტივის მიღების შემდგომ.

შეხვედრაზე მცირე ზომის პენიტენციური დაწესებულებების მშენებლობაზეც ისაუბრეს. საქართველოში 700-მდე მსჯავრდებულზე გათვლილი პირველი მცირე ზომის დაწესებულება ლაითურში გაიხსნება. იუსტიციის მინისტრმა ფრიდრიხ ალექსანდერ კიონიგი საქართველოში ლაითურის ციხის გახსნის ცერემონიალზეც მოიწვია.

ფრიდრიხ ალექსანდერ კიონიგმა აღნიშნა, რომ მისთვის პატივი იყო საქართველოს იუსტიციის მინისტრთან შეხვედრა. „ჩემთვის დიდი პატივი იყო, შევხვედროდი საქართველოს იუსტიციის მინისტრს და მის დელეგაციას, რათა გვესაუბრა საქართველოსა და ავსტრიის პენიტენციურ სისტემებსა და იმ საკითხებზე, რომლებიც ყველას გვაწუხებს. მე მჯერა, რომ ერთმანეთისგან ბევრი რამის სწავლა შეგვიძლია და ამ შეხვედრით ორივე მხარე დიდად კმაყოფილი ვართ“,- განაცხადა კიონიგმა.

შეხვედრას ესწრებოდნენ იუსტიციის მინისტრის მოადგილეები ბუბა ლომუაშვილი, თორნიკე ჭეიშვილი, სპეციალური პენიტენციური სამსახურის უფროსი ნიკა ცხვარაშვილი და საქართველოს საგანგებო და სრულუფლებიანი ელჩი ავსტრიის რესპუბლიკაში ქეთევან ციხელაშვილი. See less

სტრასბურგის სასამართლომ გიორგი მამალაძის განაჩენი კანონიერად მიიჩნია

ადამიანის უფლებათა ევროპულმა სასამართლომ გიორგი მამალაძის მიმართ გამოტანილი განაჩენი კანონიერად მიიჩნია და მომჩივნის პრეტენზია მორალური კომპენსაციის მინიჭების თაობაზე არ დააკმაყოფილა.

სტრასბურგის სასამართლოს წინაშე გიორგი მამალაძე დაობდა, რომ დაირღვა სამართლიანი სასამართლო განხილვის უფლება მტკიცებულებების („ნატრიუმის ციანიდის“) მოპოვების გარემოებების გამო. იგი, აგრეთვე, ასაჩივრებდა მის მიმართ მიმდინარე სასამართლო პროცესის სრულად დახურვის საკითხს და ამტკიცებდა, რომ გენერალური პროკურატურისა და თანამდებობის პირების განცხადებების საფუძველზე დაირღვა მისი უდანაშაულობის პრეზუმფცია.

სტრასბურგის სასამართლომ მომჩივნის სამართლიანი სასამართლო განხილვის უფლების, მტკიცებულებათა მოპოვების გარემოებებისა („ნატრიუმის ციანიდის“) და მათი სანდოობის კუთხით დარღვევა არ დაადგინა. შესაბამისად, სტრასბურგის სასამართლომ კითხვის ნიშნის ქვეშ არ დააყენა ეროვნულ დონეზე საგამოძიებო ორგანოსა და სასამართლოების დასკვნები მომჩივნის მიმართ წარმოებულ სისხლის სამართლის საქმეზე. საგულისხმოა, რომ სტრასბურგის სასამართლო დაეთანხმა მთავრობის პოზიციას, რომლის თანახმადაც, გამოძიების მიერ მოპოვებული მტკიცებულებებით დასტურდება, რომ გამორიცხულია მომწამლავი ნივთიერების „ჩადება“, როგორც ამას მომჩივანი ამტკიცებდა. ამასთან, ევროპულმა სასამართლომ აღნიშნა, რომ გიორგი მამალაძის განაჩენი ეფუძნება საქმეში არსებულ არაერთ სხვა მტკიცებულებას, როგორიცაა მოწმეთა ჩვენებები, აუდიო- და ვიდეომასალა, კომპიუტერული მონაცემები და სხვა.

რაც შეეხება მომჩივნის სხვა მოთხოვნებს, სტრასბურგის სასამართლომ დაადგინა, რომ მომჩივნის მიმართ წარმოებული საქმის სხდომების სრულად დახურვა არ იყო მკაცრად აუცილებელი. კერძოდ, ევროპული სასამართლოს შეფასებით, შიდა სასამართლოების მიერ სათანადოდ არ იყო დასაბუთებული, თუ რატომ არ შეიძლებოდა სხდომის ნაწილის საჯაროდ ჩატარება. ევროპულმა სასამართლომ უდანაშაულობის პრეზუმფციის დარღვევად მიიჩნია ერთობლიობაში მომჩივნის წინააღმდეგ ცალკეული საჯარო განცხადებების გაკეთება და პროკურატურის მხრიდან საქმის მასალების ნაწილის საჯაროდ გამოქვეყნება, მაშინ, როდესაც დაცვის მხარის მიმართ გამოყენებულ იქნა ინფორმაციის გაუთქმელობის ვალდებულება.

აღსანიშნავია, რომ ხსენებული დარღვევები არის პროცედურული ხასიათის და გავლენას არ ახდენს განაჩენის კანონიერებაზე, რაც კიდევ ერთხელ დადასტურდა თავად ევროპული სასამართლოს დღევანდელი გადაწყვეტილებით, რომლის მიხედვითაც, სისხლის სამართლის საქმისწარმოება მთლიანობაში იყო სამართლიანი, მომჩივნის ჩხრეკა იყო კანონიერი და ციანიდის „ჩადებას“ ადგილი არ ჰქონია.

შაბათი, 29 ოქტომბერი 2022

პირველად საქართველოში მსჯავრდებულთათვის ინოვაციური საგანმანათლებლო პროექტი „ციფრული უნივერსიტეტი“ ამოქმედდა


პენიტენციურ დაწესებულებებში მსჯავრდებულებისთვის ციფრული სწავლების პლატფორმა ამოქმედდა.

პროექტი მსჯავრდებულ სტუდენტებს შესაძლებლობას აძლევს, დისტანციურად მიიღონ სრულფასოვანი უმაღლესი განათლება; ჩაერთონ საუნივერსიტეტო სწავლების პროცესში; ონლაინ დაესწრონ ლექციებს და პირდაპირი, ინტერაქციული კომუნიკაცია ჰქონდეთ ლექტორებთან.

აქამდე პენიტენციურ დაწესებულებებში აკადემიური სწავლება მხოლოდ კორესპონდენციული მეთოდით ხორციელდებოდა. მსჯავრდებული სტუდენტები სასწავლო მასალას იღებდნენ და წერით დავალებებს ასრულებდნენ, თუმცა, ლექტორებთან უშუალო კომუნიკაციის შესაძლებლობას ისინი მოკლებულნი იყვნენ.

ციფრული სწავლების პლატფორმა განათლებისა და მეცნიერების სამინისტროსთან თანამშრომლობით ხორციელდება და მოიცავს საქართველოში ავტორიზებული უნივერსიტეტების როგორც ბაკალავრიატის, ისე მაგისტრატურის საფეხურებს. პროექტი პირველ ეტაპზე №16 დაწესებულებაში ამოქმედდა. სასწავლო პროცესს დღეს იუსტიციის მინისტრი რატი ბრეგაძე და განათლებისა და მეცნიერების მინისტრი მიხეილ ჩხენკელი გაეცნენ. მინისტრებმა, ასევე, მოინახულეს მსჯავრდებულთა სახელობო მომზადებისა და პროფესიული დასაქმების სივრცეები.

ციფრული უნივერსიტეტი მსჯავრდებულთათვის კიდევ უფრო ხელმისაწვდომს ხდის საუნივერსიტეტო განათლებას; იზრდება სწავლების ხარისხი და ეფექტიანობა, რაც, ამავე დროს, ხელს შეუწყობს პატიმართა რეაბილიტაციასა და რესოციალიზაციას.

ხუთშაბათი, 27 ოქტომბერი 2022

იუსტიციის მინისტრმა შვედეთის ელჩთან თანამშრომლობის პერსპექტივები განიხილა

იუსტიციის მინისტრმა რატი ბრეგაძემ შვედეთის სამეფოს საგანგებო და სრულუფლებიან ელჩ ულრიკ თიდესტრომს საქართველოს ტერიტორიული მთლიანობისა და ევროატლანტიკური მისწრაფებების მხარდაჭერისთვის მადლობა გადაუხადა.

რატი ბრეგაძემ შეხვედრაზე საქართველოსა და შვედეთის იუსტიციის სამინისტროებს შორის თანამშრომლობის გაღრმავების კონკრეტულ მიმართულებებზე ისაუბრა.

საქართველოს იუსტიციის სამინისტროს ერთ-ერთი პრიორიტეტი ქართული კანონმდებლობის ევროკავშირის სამართალთან ჰარმონიზაციაა. პროცესის მხარდასაჭერად შეიქმნა და უახლოეს მომავალში ამოქმედდება სპეციალური ელექტრონული პროგრამა, რაც ჰარმონიზაციის პროცესის სწრაფად და ხარისხიანად წარმართვას უზრუნველყოფს. რატი ბრეგაძემ ამ მიმართულებით შვედეთთან თანამშრომლობის გაღრმავების ინიციატივა გამოთქვა.

პარტნიორული ურთიერთობების გაძლიერების კიდევ ერთი სფერო ორმხრივი სამართლებრივი ურთიერთობები იქნება. ამ მიზნით, რატი ბრეგაძემ ულრიკ თიდესტრომს ყოველწლიური ქართულ-შვედური იურიდიული ფორუმის დაფუძნება შესთავაზა.

საქართველო მზადაა, გაიზიაროს შვედეთის გამოცდილება პენიტენციური სისტემის რეფორმების მიმართულებითაც, რაც მეტ შესაძლებლობას შექმნის პატიმართა რეაბილიტაცია-რესოციალიზაციის, საკნის გარეაქტივობების მხარდაჭერისა და ჯანდაცვის ხელმისაწვდომობის კომპონენტების გაძლიერებისათვის.

სამშაბათი, 25 ოქტომბერი 2022

ჩეხეთის რესპუბლიკაში „პრაღის პროცესის“ მე-4 მინისტერიალი გაიმართა


2022 წლის 24-25 ოქტომბერს ჩეხეთის რესპუბლიკაში „პრაღის პროცესის“ მონაწილე ქვეყნების მინისტერიალი გაიმართა, რომლის ფარგლებშიც, მინისტრთა დეკლარაცია და მისი განხორციელების 2023-2027 წლების სამოქმედო გეგმა დამტკიცდა.

მინისტრთა კონფერენციაში მონაწილეობა მიიღო საქართველოს დელეგაციამ იუსტიციის მინისტრის პირველი მოადგილე თამარ ტყეშელაშვილის ხელმძღვანელობით, რომელმაც ღონისძიებაზე მიგრაციის სფეროში საქართველოს მიერ განხორციელებულ რეფორმებზე და მინისტრთა დეკლარაციით გათვალისწინებულ საკითხებზე ისაუბრა. მან ხაზი გაუსვა მიგრაციის მართვის ნაწილში ქვეყნებს შორის თანამშრომლობის მნიშვნელობასაც, რაც დეკლარაციის მიღების შემდეგ კიდევ უფრო გაძლიერდება.

საქართველოს დელეგაციის შემადგენლობაში, ასევე, შედიოდნენ შინაგან საქმეთა მინისტრის მოადგილე ალექსანდრე დარახველიძე და საქართველოს იუსტიციისა და შინაგან საქმეთა სამინისტროების წარმომადგენლები.

დეკლარაცია და სამოქმედო გეგმა „პრაღის პროცესის“ მონაწილე ქვეყნების (მათ შორის, საქართველოს) და ევროკავშირის ერთობლივი მუშაობის შედეგად შემუშავდა.

მინისტრთა დეკლარაცია და სამოქმედო გეგმა მოიცავს ისეთ საკითხებს, როგორიც არის: არალეგალური მიგრაციის პრევენცია და მის წინააღმდეგ ბრძოლა; რეადმისია, ნებაყოფლობითი დაბრუნება და მდგრადი რეინტეგრაცია; ლეგალური მიგრაცია, განსაკუთრებული აქცენტით შრომით მიგრაციაზე; ინტეგრაცია; მობილობა და განვითარება; საერთაშორისო დაცვა.

მინისტერიალის ფარგლებში დეკლარაცია და სამოქმედო გეგმა ერთხმად იქნა მიღებული პროცესის მონაწილე ქვეყნების და ევროკავშირის მიერ. დოკუმენტის მიღებით რეგიონში მომავალი ხუთი წლის სამოქმედო პრიორიტეტები განისაზღვრა.

პარასკევი, 21 ოქტომბერი 2022

სუფსაში იუსტიციის სახლი გაიხსნა

ახალი იუსტიციის სახლი ლანჩხუთის მუნიციპალიტეტის სოფელ სუფსასა და მის მიმდებარე სოფლებში მცხოვრებ რამდენიმე ათას მოქალაქეს ერთი ფანჯრის პრინციპით სხვადასხვა საჯარო უწყებისა და კერძო სექტორის 470-მდე სერვისს შესთავაზებს.

სუფსის იუსტიციის სახლი იუსტიციის მინისტრმა რატი ბრეგაძემ მოადგილე ერეკლე ღვინიანიძესა და გურიის მხარეში სახელმწიფო რწმუნებულ გიორგი ურუშაძესთან ერთად გახსნა. მინისტრი თანამშრომლებს შეხვდა, სამუშაო პროცესს გაეცნო და ინფორმაცია მიიღო მომხმარებელთა საჭიროებებზე.

მოქალაქეთათვის სახელმწიფო სერვისებზე თანაბარი ხელმისაწვდომობა იუსტიციის სამინისტროს ერთ-ერთი პრიორიტეტული მიმართულებაა, რასაც დღეისათვის ქვეყნის მასშტაბით 117 იუსტიციის სახლი უზურუნველყოფს.

ფილიალების მშენებლობები მიმდინარეობს ზესტაფონში, თერჯოლაში, სამტრედიაში, ხაშურსა და ახმეტაში; მცხეთასა და საგარეჯოში კი, უკვე დაწყებულია საპროექტო და წინასაპროექტო მოსამზადებელი სამუშაოები.

ღონისძიებას ესწრებოდნენ ადგილობრივი ხელისუფლების წარმომადგენლები და მოწვეული სტუმრები.

ხუთშაბათი, 20 ოქტომბერი 2022

რატი ბრეგაძემ და საქართველოში ისრაელის ელჩმა ჰადას მეიცადმა ორ ქვეყანას შორის არსებული თანამშრომლობა განიხილეს

მინისტრმა შეხვედრაზე საქართველოსა და ისრაელის იუსტიციის სამინისტროების ურთიერთობაში არსებული პროგრესის შესახებ ისაუბრა.

ორი ქვეყნის იუსტიციის სამინისტროებს შორის თანამშრომლობა განსაკუთრებით გაძლიერდა ერთობლივი დეკლარაციის გაფორმების შემდეგ, რომელსაც მიმდინარე წლის სექტემბერში ხელი მოაწერეს რატი ბრეგაძემ და ისრაელის ვიცე-პრემიერმა და იუსტიციის მინისტრმა გიდეონ საარმა. დეკლარაცია წარმოადგენს მხარეებს შორის 2021 წლის ოქტომბერში თელ-ავივში გაფორმებული მემორანდუმის გაგრძელებას და ითვალისწინებს ისეთ საკითხებში თანამშრომლობას, როგორიცაა: საჯარო სერვისების ხელმისაწვდომობა, ბიზნესისა და მიწის რეგისტრაცია, სანოტარო სერვისები, ელექტრონული აპოსტილი და სხვა.

როგორც მინისტრმა შეხვედრაზე აღნიშნა, ისრაელის იუსტიციის სამინისტროსთან თანამშრომლობის ფარგლებში გათვალისწინებული საკითხების სწრაფი და ეფექტიანი რეალიზაცია საქართველოს იუსტიციის სამინისტროსთვის პრიორიტეტულია. ორ ქვეყანას შორის არსებული თანამშრომლობის პრაქტიკულ განხორციელებას წარმოადგენს დეკემბერში დაგეგმილი სემინარი ისრაელის და საქართველოს იუსტიციის სამინისტროების თანამშრომლებს შორის.

იუსტიციის მინისტრმა იმედი გამოთქვა, რომ ისრაელსა და საქართველოს შორის დარგობრივი ურთიერთობა მხარეების ერთობლივი ძალისხმევით კიდევ მეტად ინტენსიური გახდება.

ისრაელის ელჩთან გამართულ შეხვედრას ესწრებოდა იუსტიციის მინისტრის მოადგილე ბექა ძამაშვილი.

სამშაბათი, 18 ოქტომბერი 2022

საქართველო-ჩეხეთის იუსტიციის სამინისტროებს შორის ერთობლივ დეკლარაციას ხელი მოეწერა

პრაღაში ევროკავშირის საბჭოს მიერ ორგანიზებული მინისტერიალის ფარგლებში საქართველო-ჩეხეთის იუსტიციის სამინისტროებს შორის დაწყებული თანამშრომლობა დღეს ერთობლივი დეკლარაციის ხელმოწერით გაგრძელდა. იუსტიციის მინისტრი ჩეხეთის იუსტიციის სამინისტროს დელეგაციას მოადგილეებთან ერთად შეხვდა. ურთიერთთანამშრომლობის დოკუმენტს რატი ბრეგაძემ და ჩეხმა კოლეგა პაველ ბლაჟეკმა მოაწერეს ხელი.

დოკუმენტი მოიცავს თანამშრომლობას იუსტიციის სფეროში რეფორმისა და ციფრული მმართველობის მხარდაჭერის; ევროკავშირის კანონმდებლობასთან დაახლოების პროცესის ხელშეწყობის; პენიტენციური, პრობაციის და დანაშაულის პრევენციის სისტემების ეფექტიანი მართვის; სამართლებრივი ურთიერთდახმარების გაძლიერებისა და სხვა მიმართულებებით.

რატი ბრეგაძემ აღნიშნა, რომ იუსტიციის სამინისტროსათვის მნიშვნელოვანია ორმხრივი ურთიერთობების დამყარება პარტნიორებთან ისეთ პრიორიტეტულ მიმართულებებში, როგორიცაა: ადამიანის უფლებების დაცვაზე დამყარებული მიდგომების გაძლიერება, იუსტიციის სამინისტროს სისტემაში რეფორმების გაგრძელება, სახელმწიფო სერვისების დიგიტალიზაცია,ხელმისაწვდომობის გაზრდა და ელექტრონული მმართველობის პროგრესი.

იუსტიციის მინისტრმა ჩეხ კოლეგას მადლობა გადაუხადა საქართველოს ევროკავშირში ინტეგრაციის პროცესისა და ტერიტორიული მთლიანობის მუდმივი მხარდაჭერისათვის. მისი თქმით, ორ ქვეყანას შორის ინსტიტუციური თანამშრომლობის გაძლიერება, მათ შორის, ევროკავშირის კანონმდებლობასთან საქართველოს კანონმდებლობის დაახლოების პროცესში ძალიან მნიშვნელოვანია.

მხარეებმა ისაუბრეს როგორც ევროინტეგრაციის, ისე ორმხრივი ურთიერთობების გაღრმავებაზე. „დღეს ჩვენ გავაგრძელეთ მსჯელობა იმაზე, თუ როგორ აკმაყოფილებს საქართველო კოპენჰაგენის კრიტერიუმებს, რომლის შესრულების შემდეგაც ქვეყანა მიიღებს ევროკავშირის წევრი ქვეყნის კანდიდატის სტატუსს. შეიძლება ითქვას, რომ საქართველო ყველანაირად ცდილობს, შეასრულოს ეს პირობები. შესაბამისად, მე ამ წინგადადგმული ნაბიჯების შესახებ ინფორმაციას გადავცემ ევროკომისარს. მე, ასევე, მქონდა შესაძლებლობა, მომენახულებინა რუსთავის პენიტენციური დაწესებულება, სადაც დავრწმუნდი, რომ ქართული პენიტენციური სისტემა აკმაყოფილებს ევროკავშირის სტანდარტებს“, – აღნიშნა პაველ ბლაჟეკმა.

დასასრულს, რატი ბრეგაძემ ჩეხ კოლეგასთან ერთად საქართველო-ჩეხეთის სამართლებრივი ფორუმის შექმნის ინიციატივაც განიხილა, რომელსაც ყოველწლიურად მონაცვლეობით თბილისი და პრაღა უმასპინძლებს.

ორშაბათი, 17 ოქტომბერი 2022

იუსტიციის მინისტრი გერმანიის ელჩს საქართველოსა და გერმანიის იუსტიციის სამინისტროებს შორის თანამშრომლობის გაღრმავებაზე ესაუბრა

საქართველოს იუსტიციის მინისტრმა ხაზი გაუსვა ორი ქვეყნის იუსტიციის სამინისტროებს შორის გაფორმებული თანამშრომლობის პროგრამის მნიშვნელობას, რომელსაც ერთი თვის წინ მოეწერა ხელი გერმანიაში მისი ვიზიტის ფარგლებში. რატი ბრეგაძის განცხადებით, დოკუმენტი მხარეებს სრულიად ახალ შესაძლებლობებს სთავაზობს და ითვალისწინებს ინსტიტუციური გამოცდილების გაზიარებას გერმანიისა და საქართველოს იუსტიციის სამინისტროების თანამშრომელთა მივლინებების გზით; საექსპერტო დახმარებას ქართული კანონმდებლობის ევროპულ სტანდარტებთან დაახლოებისა და იუსტიციის სფეროს გაციფრულების მიზნით; ადამიანის უფლებების დაცვაზე ორიენტირებული პენიტენციური სისტემის განვითარების, აგრეთვე მსჯავრდებულთა განათლებისა და დასაქმების ხელშეწყობას.

რატი ბრეგაძემ, აგრეთვე, აღნიშნა, რომ უკვე არსებობს შეთანხმება გერმანელ კოლეგასთან საქართველო-გერმანიის ერთობლივი სამართლებრივი ფორუმის დაფუძნებაზე, რომელიც თბილისსა და ბერლინში მორიგეობით გაიმართება.

იუსტიციის მინისტრმა იმედი გამოთქვა, რომ გერმანიასა და საქართველოს შორის დარგობრივი ურთიერთობა მხარეების ერთობლივი ძალისხმევით კიდევ მეტად ინტენსიური გახდება.


გერმანიის ელჩთან გამართულ შეხვედრას ესწრებოდა იუსტიციის მინისტრის მოადგილე ბექა ძამაშვილი.

იუსტიციის მინისტრი გერმანიის ელჩს საქართველოსა და გერმანიის იუსტიციის სამინისტროებს შორის თანამშრომლობის გაღრმავებაზე ესაუბრა

საქართველოს იუსტიციის მინისტრმა ხაზი გაუსვა ორი ქვეყნის იუსტიციის სამინისტროებს შორის გაფორმებული თანამშრომლობის პროგრამის მნიშვნელობას, რომელსაც ერთი თვის წინ მოეწერა ხელი გერმანიაში მისი ვიზიტის ფარგლებში. რატი ბრეგაძის განცხადებით, დოკუმენტი მხარეებს სრულიად ახალ შესაძლებლობებს სთავაზობს და ითვალისწინებს ინსტიტუციური გამოცდილების გაზიარებას გერმანიისა და საქართველოს იუსტიციის სამინისტროების თანამშრომელთა მივლინებების გზით; საექსპერტო დახმარებას ქართული კანონმდებლობის ევროპულ სტანდარტებთან დაახლოებისა და იუსტიციის სფეროს გაციფრულების მიზნით; ადამიანის უფლებების დაცვაზე ორიენტირებული პენიტენციური სისტემის განვითარების, აგრეთვე მსჯავრდებულთა განათლებისა და დასაქმების ხელშეწყობას.

რატი ბრეგაძემ, აგრეთვე, აღნიშნა, რომ უკვე არსებობს შეთანხმება გერმანელ კოლეგასთან საქართველო-გერმანიის ერთობლივი სამართლებრივი ფორუმის დაფუძნებაზე, რომელიც თბილისსა და ბერლინში მორიგეობით გაიმართება.

იუსტიციის მინისტრმა იმედი გამოთქვა, რომ გერმანიასა და საქართველოს შორის დარგობრივი ურთიერთობა მხარეების ერთობლივი ძალისხმევით კიდევ მეტად ინტენსიური გახდება.


გერმანიის ელჩთან გამართულ შეხვედრას ესწრებოდა იუსტიციის მინისტრის მოადგილე ბექა ძამაშვილი.

ორშაბათი, 10 ოქტომბერი 2022

იუსტიციის სამინისტროს საგრანტო პროგრამაში მონაწილეობისთვის განაცხადების მიღება

იუსტიციის სამინისტრო მორიგ საგრანტო კონკურსს აცხადებს. პროგრამის პრიორიტეტული მიმართულებებია:

• სამინისტროს სისტემაში ინოვაციური სერვისების დანერგვის ხელშეწყობა;
• ადამიანის უფლებათა დაცვის გაძლიერება;
• სამართლებრივი უსაფრთხოების განმტკიცება.

საგრანტო კონკურსში მონაწილეობის მიღება შეუძლიათ არასამეწარმეო (არაკომერციულ) იურიდიულ პირებსა და ფიზიკურ პირებს. პროგრამისთვის განკუთვნილი თანხა ნახევარი მილიონი ლარია, დაფინანსების მაქსიმალური ოდენობა თითოეული გამარჯვებული პროექტისათვის კი, 20 000 ლარს შეადგენს.
განაცხადების წარმოდგენა დღეიდან დაიწყო. საბუთების მიღების ბოლო ვადაა 2022 წლის 10 ნოემბერი.

იუსტიციის სამინისტროს საგრანტო კონკურსი გასულ წელსაც ჰქონდა გამოცხადებული, რომლის ფარგლებში 14 პროექტი განხორციელდა.

საგრანტო პროგრამების მიზანი იუსტიციის სამინისტროს სისტემის საქმიანობაში სამოქალაქო საზოგადოების მონაწილეობის ხელშეწყობა და სამოქალაქო ინიციატივების მხარდაჭერაა

კვირა, 09 ოქტომბერი 2022

საქართველოს იუსტიციის სამინისტროს ეროვნულ არქივში სვანეთში დაცულ ქურაშის ოთხთავს რესტავრაცია ჩაუტარდება

ქართული კულტურის უმნიშვნელოვანესი ძეგლი, IX-X საუკუნეების პალიმფსესტური სახარება, თბილისში დღეს მესტიის მუნიციპალიტეტის მერიასა და ეცერის თემის წარმომადგენლებთან შეთანხმებით ჩამოიტანეს. ტრანსპორტირების პროცესს იუსტიციის მინისტრის მოადგილე ბუბა ლომუაშვილი, კულტურის, სპორტისა და ახალგაზრდობის მინისტრი თეა წულუკიანი, ეროვნული არქივის დირექტორი თეონა იაშვილი, ადგილობრივი ხელისუფლების წარმომადგენლები ესწრებოდნენ.

უნიკალური ხელნაწერი ეროვნულ არქივში სარესტავრაციო სამუშაოებისთვის 18 თვეს დარჩება, შემდეგ კი, სრულად რესტავრირებული ოთხთავი კვლავ ეცერის თემში დაბრუნდება. სამუშაოების გეგმა-გრაფიკი ოთხთავის დაზიანების ხარისხის დადგენის შემდეგ განისაზღვრება.

რესტავრაციას ეროვნული არქივის დოკუმენტების რესტავრაციისა და მიკროფილმირების ლაბორატორიის რესტავრატორები საერთაშორისო სტანდარტების შესაბამისი ტექნოლოგიური პროცესისი სრული დაცვით შეასრულებენ, რაც გაზრდის უნიკალური დოკუმენტის დაცულობის ხარისხსა და მისი შენახვის ხანგრძლივობას.

ქურაშის სახარება სვანეთში დაცული მეორე ხელნაწერია, რომელიც რესტავრაციის პროცესს ეროვნული არქივის ლაბორატორიაში გაივლის. 2021 წელს აქ ლახამულის XII საუკუნის ოთხთავის სარესტავრაციო სამუშაოები ჩატარდა. უნიკალურ ხელნაწერებზე მუშაობის შესაძლებლობას ლაბორატორიის თანამედროვე, ევროპული სტანდარტის შესაბამისი მასალა-დანადგარები და რესტავრატორთა მაღალი პროფესიონალიზმი განაპირობებს.

პარასკევი, 07 ოქტომბერი 2022

საქართველოს იუსტიციის მინისტრმა უნგრეთის ელჩთან პარტნიორობის გაღრმავების პერსპექტივები განიხილა


იუსტიციის მინისტრმა რატი ბრეგაძემ უნგრეთის ელჩ ანა მარია შიკოსთან გაცნობითი ხასიათის შეხვედრა გამართა.

საუბარი შეეხო საქართველოსა და უნგრეთის იუსტიციის სამინისტროებს შორის დარგობრივი თანამშრომლობის გაღრმავებას. მინისტრმა უნგრეთის ელჩს სამოქალაქო საკითხებში სამართლებრივი თანამშრომლობის მიმართულებით პარტნიორობის გაძლიერება შესთავაზა. რატი ბრეგაძემ გამოთქვა მზაობა, უმასპინძლოს საქართველოში უნგრელ კოლეგას, რათა ორი ქვეყნის იუსტიციის მინისტრებმა ორმხრივი შეთანხმება გააფორმონ სამოქალაქო საკითხებში სამართლებრივი ურთიერთდახმარების შესახებ.

რატი ბრეგაძემ აღნიშნა, რომ შეთანხმება კიდევ უფრო გააღრმავებს პარტნიორულ ურთიერთობებს საქართველოსა და უნგრეთს შორის და ლოგიკური გაგრძელება იქნება იმ თანამშრომლობისა, რომელზედაც ორი ქვეყნის იუსტიციის მინისტრები გასული წლის დეკემბერში ხელმოწერილი ურთიერთგაგების მემორანდუმის ფარგლებში შეთანხმდნენ.

შეხვედრაზე განხილულ იქნა ევროკავშირის სამართალთან საქართველოს კანონმდებლობის დაახლოების საკითხებში უნგრეთის მხარის ექსპერტული დახმარება; გაცვლითი პროგრამა ორი ქვეყნის იუსტიციის სამინისტროს თანამშრომლებისთვის, აგრეთვე, საქართველოში უნგრულ-ქართული სამართლებრივი ფორუმის გამართვის საკითხი.

უნგრეთის ელჩთან შეხვედრას ესწრებოდა იუსტიციის მინისტრის მოადგილე ბექა ძამაშვილი.

კვირა, 02 ოქტომბერი 2022

რატი ბრეგაძემ დუბლინში ქართული დიასპორის წარმომადგენლებს მიმდინარე პროექტები და ახალი ინიციატივები გააცნო

იუსტიციის მინისტრი სამინისტროს წარმომადგენლებთან და ირლანდიაში საქართველოს ელჩთან, გიორგი ზურაბაშვილთან, ერთად დუბლინში ქართული დიასპორის წევრებს შეხვდა და საკვირაო სკოლის მოსწავლეებს ახალი სასწავლო წლის დაწყება მიულოცა.


საუბარი შეეხო დიასპორასა და სახელმწიფოს შორის არსებულ ურთიერთობებს და საზღვარგარეთ მცხოვრები თანამემამულეების ინტერესებზე მორგებულ საკანონმდებლო ცვლილებებსა და პროექტებს.


ირლანდიაში მცხოვრებმა ქართველებმა კმაყოფილება გამოთქვეს პასპორტებისა და პირადობის დამადასტურებელი მოწმობების საფასურის შემცირებასთან დაკავშირებით.


მინისტრმა აღნიშნა, რომ პრემიერ-მინისტრის დავალებით, საგარეო საქმეთა სამინისტროსთან ერთად, მზადდება საკანონმდებლო ინიციატივა, რაც კიდევ უფრო მეტად შეუწყობს ხელს დიასპორის სტრატეგიით განსაზღვრული მიზნების მიღწევას.

შაბათი, 01 ოქტომბერი 2022

რატი ბრეგაძე ირლანდიის პენიტენციური სისტემის გენერალურ დირექტორს შეხვდა

დუბლინში გამართული მინისტერიალის ფარგლებში რატი ბრეგაძემ დუბლინის პენიტენციური დაწესებულება მოინახულა და ირლანდიის პენიტენციური სამსახურის გენერალურ დირექტორ კარონ მაკკაფრის შეხვდა.

შეხვედრაზე საქართველოს იუსტიციის მინისტრმა განაცხადა, რომ თავისუფლებაშეზღუდული პირების უფლებების მაღალ დონეზე დაცვა სამინისტროს უმთავრესი პრიორიტეტია; პენიტენციური, პრობაციისა და დანაშაულის პრევენციის სისტემების განვითარება კი, სწორედ საუკეთესო ევროპული და საერთაშორისო სტანდარტების შესაბამისად ხორციელდება.

რატი ბრეგაძემ კარონ მაკკაფრის რეაბილიტაციისა და რესოციალიზაციის მიმართულებით პენიტენციურ დაწესებულებებში დანერგილი სიახლეები გააცნო. მასპინძელი მხარის განსაკუთრებული ინტერესის საგანი ციფრული უნივერსიტეტი და სპორტის მართვის სისტემა იყო. რატი ბრეგაძის მოწვევით ირლანდიის პენიტენციური სამსახურის დელეგაცია საქართველოს ეწვევა. ვიზიტის მიზანი ქართული გამოცდილების გაზიარება და ერთობლივი პროექტების დაგეგმვა იქნება.

იუსტიციის მინისტრმა ირლანდიის პენიტენციური სისტემის გენერალურ დირექტორთან საუბრისას ყურადღება გაამახვილა მცირე ზომის საპატიმრო დაწესებულებების მნიშვნელობაზეც. რატი ბრეგაძემ განაცხადა, რომ ასეთი ტიპის ციხე საქართველოში მიმდინარე წლის ბოლომდე გაიხსნება.

იუსტიციის მინისტრი ირლანდიაში ევროპის საბჭოს წევრი ქვეყნების მინისტერიალზე იმყოფება. ღონისძიება ოჯახური, სექსუალური და გენდერული ძალადობის თემატიკაზე მსჯელობას ეძღვნება. See less

პარასკევი, 30 სექტემბერი 2022

საქართველოს იუსტიციის მინისტრმა ესტონელ კოლეგასთან ურთიერთთანამშრომლობის გაღრმავების პერსპექტივები განიხილა

საქართველოსა და ესტონეთის იუსტიციის სამინისტროებს შორის ურთიერთობის გაფართოებისა და საქართველოს ევროპული ინტეგრაციის საკითხები განიხილეს ორი ქვეყნის იუსტიციის მინისტრებმა დუბლინში გამართულ შეხვედრაზე.

ირლანდიაში რატი ბრეგაძე ევროპის საბჭოს წევრი ქვეყნების მინისტერიალში მონაწილეობის მიზნით იმყოფება.

რატი ბრეგაძემ ლეა დანილსონ-იარგს ორი ქვეყნის იუსტიციის სამინისტროებს შორის პარტნიორობის შემდგომი გაღრმავება და მემორანდუმის გაფორმება შესთავაზა. ამ მიზნით მან ესტონელი კოლეგა თბილისში მოიწვია. რატი ბრეგაძის თქმით, დოკუმენტი შექმნის მყარ ნიადაგს მჭიდრო თანამშრომლობისათვის მართლმსაჯულების, სამართლის უზენაესობისა და ადამიანის უფლებების სფეროში და ხელს შეუწყობს ახალი ინიციატივების მყისიერ იმპლემენტაციას.

შეხვედრაზე რატი ბრეგაძემ ლეა დანილსონ-იარგს მადლობა გადაუხადა ესტონეთის მხრიდან საქართველოსთვის გაწეული დახმარებისათვის ევროკავშირთან ინტეგრაციის გზაზე და გამოთქვა რწმენა, რომ ჩვენს ქვეყანას კვლავაც ექნება ესტონეთის მტკიცე მხარდაჭერა ევროკავშირის კანდიდატი ქვეყნის სტატუსის მიღების პროცესში.

„საინტერესო დიალოგი გვქონდა ესტონელ კოლეგასთან არსებული ურთიერთობებისა და სამომავლო თანამშრომლობის კონკრეტულ პერსპექტივებზე. ესტონეთი საქართველოს მეგობარი და მხარდამჭერი სახელმწიფოა. შესაბამისად, გამოვთქვამთ იმედს, რომ ერთობლივი ძალისხმევით, რომელიც მიმართულია სამართლებრივი თანამშრომლობის კიდევ უფრო გაძლიერებაზე, აუცილებლად მოუტანს წარმატებას საქართველოს ევროპული ინტეგრაციის გზაზე“, − განაცხადა შეხვედრის შემდეგ რატი ბრეგაძემ.

ესტონეთის იუსტიციის მინისტრმა ხაზი გაუსვა იმ „გასაოცარ პროგრესს“, რომელსაც საქართველომ ევროინტეგრაციის გზაზე მიაღწია:
„საქართველომ დიდ პროგრესს მიაღწია ევროინტეგრაციის პროცესში. ის ნამდვილად იმსახურებს, გახდეს ევროპის, ევროკავშირის ნაწილი და დიდი იმედი მაქვს, რომ უახლოეს მომავალში ასეც მოხდება, რადგან პროგრესი მართლაც გასაოცარია“.
შეხვედრას, აგრეთვე, ესწრებოდნენ საქართველოს იუსტიციის მინისტრის პირველი მოადგილე თამარ ტყეშელაშვილი და მოადგილე ბექა ძამაშვილი.

ხუთშაბათი, 29 სექტემბერი 2022

რატი ბრეგაძე ევროსაბჭოს წევრი ქვეყნების მინისტერიალზე სიტყვით წარდგა

დუბლინში ევროპის საბჭოს წევრი ქვეყნების მინისტერიალი მიმდინარეობს, რომელიც ოჯახში და გენდერული ნიშნით ძალადობის პრევენციის საკითხებს ეხება. კონფერენციას ევროპის ქვეყნების იუსტიციის სამინისტროების ხელმძღვანელები ესწრებიან. საქართველოს დელეგაციას რატი ბრეგაძე ხელმძღვანელობს.


ღონისძიებაზე იუსტიციის მინისტრი სიტყვით წარდგა და იმ ინსტიტუციურ და სამართლებრივ რეფორმებზე ისაუბრა, რომლებიც ქვეყანაში ოჯახში და ქალთა მიმართ ძალადობის წინააღმდეგ გატარდა.
მინისტრმა აღნიშნა, რომ გენდერული ნიშნით ძალადობის წინააღმდეგ ბრძოლა საქართველოს მთავრობის ერთ-ერთი პრიორიტეტია.
„საქართველოს მთავრობის დღის წესრიგში ერთ-ერთ პრიორიტეტად რჩება გენდერული თანასწორობა, ქალთა მიმართ ძალადობისა და ოჯახში ძალადობის აღმოფხვრა და პრევენცია. გასული წლების განმავლობაში გატარებული სამართლებრივი და ინსტიტუციური რეფორმები გენდერული კუთხით ჩვენი მიდგომის საუკეთესო ილუსტრაციაა. ჩვენი პოლიტიკა ემყარება 4 პრინციპს: ძალადობის თავიდან აცილება, მსხვერპლთა დაცვა, ეფექტური გამოძიება და უწყებათაშორისი თანამშრომლობა. ყველა ეს მიმართულება სრულყოფილად არის ასახული სამართლებრივ და ინსტიტუციურ მექანიზმებში, მათ შორის, საქართველოში ადამიანის უფლებათა დაცვის 2022-2030 წლების მეორე ეროვნულ სტრატეგიასა და თემატურ სამოქმედო გეგმებში“, − აღნიშნა იუსტიციის მინისტრმა.


კონფერენციაში, ასევე, მონაწილეობენ იუსტიციის მინისტრის პირველი მოადგილე თამარ ტყეშელაშვილი და მოადგილე ბექა ძამაშვილი.


დუბლინის კონფერენციის ფარგლებში ოჯახში, სექსუალური და გენდერული ნიშნით ძალადობის პრევენციის შესახებ დეკლარაციას მიიღებენ. დეკლარაცია სახელმწიფოებს მოუწოდებს, გააძლიერონ ოჯახში ძალადობის, ქალთა მიმართ ძალადობის ეროვნული მექანიზმები; ყურადღება გაამახვილონ მოძალადეთა რეაბილიტაციასა და ძალადობრივი ქცევის კორექციაზე, ასევე, მოუწოდებენ სახელმწიფოებს სტამბოლის კონვენციის რატიფიკაციისკენ.

სამშაბათი, 27 სექტემბერი 2022

იუსტიციის მინისტრი ევროკავშირის აღმოსავლეთ ევროპისა და ცენტრალური აზიის სამუშაო ჯგუფის წევრებს შეხვდა

საქართველოს ევროპული პერსპექტივის შესახებ ისაუბრა იუსტიციის მინისტრმა ევროკავშირის აღმოსავლეთ ევროპისა და ცენტრალური აზიის სამუშაო ჯგუფის წევრებთან შეხვედრაზე.

რატი ბრეგაძემ მადლობა გადაუხადა სტუმრებს საქართველოში განხორციელებული რეფორმებისა და ქვეყნის დასავლური მისწრაფების მხარდაჭერისთვის, რაც ასოცირების პროცესის წარმატებით დასრულებითა და ევროკავშირის ქვეყნებთან ეკონომიკური ინტეგრაციით გამოიხატა.

რატი ბრეგაძემ დელეგაციის წევრებს საქართველოს იუსტიციის სამინისტროს საქმიანობის პრიორიტეტულ მიმართულებებზე ესაუბრა. საუბარი შეეხო 12-პუნქტიან რეკომენდაციებს, რომლებიც საქართველომ კანდიდატი ქვეყნის სტატუსის მისაღებად უნდა შეასრულოს. რატი ბრეგაძის განცხადებით, ამ მიზნით საქართველოს პარლამენტში შექმნილია თემატური სამუშაო ჯგუფები, რომლებთანაც იუსტიციის სამინისტრო, თავისი კომპეტენციის ფარგლებში, აქტიურად თანამშრომლობს.

მინისტრმა გამოთქვა მტკიცე რწმენა იმისა, რომ ევროინტეგრაციის გზაზე საქართველოს კვლავ ექნება ევროკავშირის მხარდაჭერა და უახლოეს მომავალში ქვეყანა შეძლებს ევროკავშირის წევრობის კანდიდატი ქვეყნის სტატუსის მიღებას.

შეხვედრას, ასევე, ესწრებოდა იუსტიციის მინისტრის მოადგილე ბექა ძამაშვილი.

იუსტიციის მინისტრი რატი ბრეგაძე აშშ-ის გენერალური პროკურორის მოადგილეს, იუსტიციის დეპარტამენტის საერთაშორისო ურთიერთობების მდივან ბრიუს შვარცს შეხვდა

მხარეებმა მართლმსაჯულების სფეროში ორმხრივი თანამშრომლობის გაღრმავების საკითხები განიხილეს და შეთანხმდნენ, რომ აქტიურად იმუშავებენ საქართველოსა და აშშ-ს შორის ექსტრადიციის შეთანხმების გასაფორმებლად. რატი ბრეგაძემ მადლობა გადაუხადა ბრიუს შვარცს აშშ-ის მხრიდან იუსტიციის სამინისტროს ხელმძღვანელობით განხორციელებული და მიმდინარე რეფორმების მხარდაჭერისათვის.

მინისტრმა თანამშრომლობის კიდევ უფრო გაღრმავების მიზნით საქართველოს იუსტიციის სამინისტროსა და აშშ-ის იუსტიციის დეპარტამენტს შორის მემორანდუმის გაფორმების ინიციატივა გამოთქვა.

საუბარი შეეხო გაცვლითი პროგრამების ამოქმედებას იუსტიციის სამინისტროსა და იუსტიციის დეპარტამენტის თანამშრომლებისათვის. მხარეებმა, ასევე, განიხილეს ქართულ-ამერიკული სამართლებრივი ფორუმის გამართვის შესაძლებლობა.

„მოხარულები ვართ ბატონ შვარცთან შეხვედრით იუსტიციის სამინისტროში. მიმოვიხილეთ ჩვენს უწყებებს შორის არსებული თანამშრომლობის კონკრეტული წარმატებული მაგალითები. ასევე, განვიხილეთ ახალი ინიციატივები, რომელთა განხორციელებითაც ქართულ-ამერიკული ურთიერთობები სამართლის სფეროში ახალ, კიდევ უფრო მაღალ ნიშნულზე იქნება აყვანილი“, - განაცხადა რატი ბრეგაძემ.

ბრიუს შვარცმა იუსტიციის მინისტრი ვაშინგტონში მიიწვია:

„შეერთებული შტატების იუსტიციის დეპარტამენტის სახელით, ნება მომეცით, გითხრათ, რაოდენ დიდი პატივი იყო ჩემთვის მინისტრთან შეხვედრა და შესაძლებლობა მქონოდა, მასთან განმეხილა კანონის უზენაესობის საკითხები, თუ რამდენად განვვითარდით კანონის უზენაესობის კუთხით როგორც ჩვენს ქვეყნებში, ისე გლობალური მასშტაბით. ჩვენ ვისაუბრეთ საკითხებზე, რომლებზეც ერთობლივად ვმუშაობთ, მათ შორის, პენიტენციური და პრობაციის სისტემების რეფორმასა და სხვა მრავალ საკითხზე. განვიხილეთ ამ კონტექსტში არსებული საერთო მიზნები. აღვნიშნეთ ის ფაქტი, რომ გვაქვს შესაძლებლობა, ვიფიქროთ ექსტრადიციის ხელშეკრულებაზე ჩვენს ორ ქვეყანას შორის, რაც კიდევ უფრო გაამყარებს ურთიერთობას და ხაზს გაუსვამს ამ ურთიერთობის მნიშვნელობას როგორც ჩვენი ქვეყნებისთვის, ისე ჩვენი ქვეყნების ხალხებისთვის, ასე რომ, კიდევ ერთხელ გმადლობთ, რომ აქ ვარ, სამინისტროში, მოუთმენლად ველი მომავალ ვიზიტებს და ვიმედოვნებ, რომ იუსტიციის სამინისტროს დელეგაციას და მინისტრს, ასევე, ვიხილავ ვაშინგტონში“, - განაცხადა მან.

შეხვედრას იუსტიციის მინისტრის მოადგილე ბექა ძამაშვილი ესწრებოდა.

რატი ბრეგაძემ სისხლის სამართლის სფეროში ევროკავშირის ქვეყნების თანამშრომლობის ორგანოს (Eurojust) პრეზიდენტთან საქართველოს ევროპულ პერსპექტივაზე ისაუბრა

Eurojust-სა და ევროკავშირის ქვეყნებთან თანამშრომლობის პრიორიტეტულობაზე ისაუბრა იუსტიციის მინისტრმა რატი ბრეგაძემ Eurojust-ის პრეზიდენტ ლადისლავ ჰამრანთან შეხვედრისას.

მინისტრმა ყურადღება გაამახვილა შესანიშნავ თანამშრომლობაზე საქართველოსა და ევროკავშირის წევრ ქვეყნებს შორის ექსტრადიციისა და სისხლის სამართლის სფეროში სამართლებრივი თანამშრომლობის მიმართულებით.

შეხვედრაზე ხაზგასმით აღინიშნა, რომ მტკიცე სექტორული თანამშრომლობა ეხმარება ქვეყანას ევროინტეგრაციის პროცესში და იმედი გამოითქვა, რომ ევროკავშირის პერსპექტივის მიღების შემდეგ პროცესი უახლოეს მომავალში კანდიდატის სტატუსის მინიჭებით საქართველოსთვის დადებითად დასრულდება.

ასევე, შეხვედრაზე ისაუბრეს უწყებებს შორის სასწავლო და სამუშაო გაცვლითი პროგრამების შესაძლებლობაზე.

რატი ბრეგაძე ლადისლავ ჰამრანს იუსტიციის სამინისტროში შეხვდა. შეხვედრას იუსტიციის მინისტრის მოადგილე ბექა ძამაშვილი ესწრებოდა.

ინფორმაციისთვის: ევროჯასტი (Eurojust) სისხლის სამართლის სფეროში თანამშრომლობის ევროკავშირის ორგანოა. მისი ძირითადი საქმიანობაა სისხლის სამართლის საქმეებზე ევროკავშირის წევრი ქვეყნების თანამშრომლობის კოორდინაცია, მათ შორის, ევროკავშირის არაწევრ, ევროინტეგრაციის პროცესში მყოფ პარტნიორ სახელმწიფოებთან. საქართველოსა და ევროჯასტს შორის შეთანხმება 2019 წელს გაფორმდა.

ორშაბათი, 26 სექტემბერი 2022

საქართველოს იუსტიციის მინისტრი ჰააგის სისხლის სამართლის საერთაშორისო სასამართლოს პროკურორის მოადგილეს აგვისტოს ომის დანაშაულების გამოძიების შესახებ ესაუბრა

საქართველოს იუსტიციის მინისტრი რატი ბრეგაძე ჰააგის სისხლის სამართლის საერთაშორისო სასამართლოს პროკურორის მოადგილე ნაზატ შამიმ ხანს შეხვდა და აგვისტოს ომის დანაშაულების გამოძიების შესახებ ესაუბრა. შეხვედრას, ასევე, ესწრებოდა იუსტიციის მინისტრის მოადგილე ბექა ძამაშვილი.

ჰააგის პროკურორის მოადგილესთან შეხვედრაზე რატი ბრეგაძემ კიდევ ერთხელ დაადასტურა, რომ ქართული მხარე მზად არის, 2008 წლის ომის გამოძიების ფარგლებში, მჭიდროდ ითანამშრომლოს ჰააგის სასამართლოსთან. ამ წარმატებული თანამშრომლობის შედეგად 2022 წლის 30 ივნისს ჰააგის სასამართლომ დაკავების ორდერი გამოსცა ცხინვალის რეგიონის 3 „მაღალჩინოსნის“ მიმართ აგვისტოს ომის დროს ქართველი სამოქალაქო ტყვეების მიმართ ჩადენილი დანაშაულების ეპიზოდზე.

რატი ბრეგაძემ ნაზატ შამიმ ხანთან საუბრისას ხაზი გაუსვა იმ გარემოებას, რომ ომის საქმეზე ადამიანის უფლებათა ევროპული სასამართლოს დიდმა პალატამ უკვე დაადგინა რუსეთის ფედერაციის პასუხისმგებლობა სამოქალაქო და სამხედრო მოსამსახურეების წინააღმდეგ ჩადენილ ისეთ დანაშაულებზე, როგორიცაა: ცხინვალის რეგიონში ქართველების ეთნიკური წმენდა; ქართველი სამხედრო ტყვეებისა და სამოქალაქო პირების მკვლელობა და წამება; არაადამიანური და ღირსების შემლახველი მოპყრობა.

საქართველოს იუსტიციის მინისტრმა იმედი გამოთქვა, რომ, სტრასბურგის სასამართლოს კვალდაკვალ, ჰააგის სისხლის სამართლის სასამართლოც, თავისი იურისდიქციის ფარგლებში, სამართლებრივი რეაგირების გარეშე არ დატოვებს 2008 წლის აგვისტოში ცხინვალის რეგიონში მომხდარ ფაქტებს, შესაბამის სასჯელს დააკისრებს ყველა დამნაშავეს და მნიშვნელოვან წვლილს შეიტანს ომისა და კაცობრიობის წინააღმდეგ მიმართული დანაშაულების მსხვერპლთათვის სამართლიანობის აღდგენის პროცესში.

შეხვედრის ბოლოს რატი ბრეგაძემ აღნიშნა, რომ საერთაშორისო სასამართლოებში სახელმწიფო წარმომადგენლობის უზრუნველყოფა და თანმიმდევრული სტრატეგიული სამართალწარმოება იუსტიციის სამინისტროს პრიორიტეტია. იუსტიციის სამინისტრო, როგორც საერთაშორისო სასამართლოებში სახელმწიფო წარმომადგენლობის მაკოორდინირებელი უწყება, მომავალშიც გააგრძელებს საქართველოს ეროვნული ინტერესებისა და სუვერენიტეტის დაცვას როგორც სტრასბურგის, ისე ჰააგის სასამართლოებში.

რატი ბრეგაძემ თურქეთის ომბუდსმენს სამინისტროს პრიორიტეტები გააცნო

იუსტიციის მინისტრმა რატი ბრეგაძემ თურქეთის რესპუბლიკის ომბუდსმენს შერეფ მალკოჩს უმასპინძლა. მხარეებმა სისხლის სამართლის სფეროში თურქეთთან წარმატებულ თანამშრომლობაზე ისაუბრეს და ამ სფეროში ადამიანის უფლებების დაცვის კუთხით რეკომენდაციები და მოსაზრებები ერთმანეთს გაუზიარეს.

ისაუბრეს თანამშრომლობის კონკრეტულ ინიციატივებზე, რომლის განხორციელებითაც საქართველოს და თურქეთს შორის არსებული სტრატეგიული და მეგობრული ურთიერთობა კიდევ უფრო ინტენსიური გახდება.

მინისტრმა თურქეთის რესპუბლიკის ომბუდსმენს სამინისტროს საქმიანობის პრიორიტეტები გააცნო, რომლებიც უწყების ათწლიან სამოქმედო გეგმაშია გაწერილი. მათ შორის, აღინიშნა სამინისტროს ერთ-ერთი პრიორიტეტი − პენიტენციური და პრობაციის სისტემების რეფორმა.

მინისტრის თქმით, უწყებისთვის მნიშვნელოვანია აღნიშნული სისტემების შემდგომი განვითარება საუკეთესო ევროპული და საერთაშორისო სტანდარტების შესაბამისად, რისთვისაც არაერთი თემატური რეფორმა ტარდება.

როგორც შეხვედრაზე აღინიშნა, საქართველოში მიმდინარეობს მუშაობა ბრალდებულთა/მსჯავრდებულთა რეაბილიტაცია-რესოციალიზაციის მიდგომების კიდევ მეტად განვითარებისთვის, რომლის პროცესშიც თანაბრად გათვალისწინებულია უცხოელი პატიმრების ინტერესები და საჭიროებები.

იუსტიციის სამინისტროში გამართულ შეხვედრას იუსტიციის მინისტრის მოადგილე ბექა ძამაშვილი ესწრებოდა.

შაბათი, 24 სექტემბერი 2022

ევროპის საბჭოს მინისტრთა კომიტეტმა ე.წ. დეპორტირებულების საქმეზე მკაცრი შუალედური რეზოლუცია მიიღო

ევროპის საბჭოს მინისტრთა კომიტეტმა მიმდინარე წლის სექტემბრის დებატებზე განიხილა - „საქართველო რუსეთის წინააღმდეგ (I)” (ე.წ. „დეპორტირებულების საქმე“). სხდომაზე საქართველოს წარმომადგენლობამ ხაზი გაუსვა განსახილველ საქმეზე სტრასბურგის სასამართლოს გადაწყვეტილების აღსრულების მნიშვნელობას და გააჟღერა მკაფიო პოზიცია, რომ მიუხედავად რუსეთის ფედერაციისათვის ევროპის საბჭოს წევრის სტატუსის შეწყვეტისა, მოპასუხე სახელმწიფოს კვლავ რჩება გადაწყვეტილების აღსრულების უპირობო ვალდებულება.

მინისტრთა კომიტეტის დებატების ფარგლებში დელეგაციების აბსოლუტურმა უმრავლესობამ მკაცრად დაგმო რუსეთის მიერ ზემოხსენებული ვალდებულების აღუსრულებლობა და სრულად გაიზიარა საქართველოს წარმომადგენლების პოზიცია.

რეზოლუციის ფარგლებში კომიტეტმა გამოთქვა ღრმა მწუხარება რომ, ურთიერთგაგების მემორანდუმზე ხელმოწერის მიუხედავად, რუსეთის ხელისუფლებამ არ გადაიხადა ევროპული სასამართლოს მიერ დაზარალებულებისთვის მიკუთვნებული თანხა. მინისტრთა კომიტეტის თანახმად, გადაწყვეტილების აღსრულების დაყოვნება განსაკუთრებით აზიანებს დაზარალებულთა ინტერესებს.

ქართული მხარის ინიციატივით, მინისტრთა კომიტეტმა მოუწოდა წევრ სახელმწიფოებს, გამოიყენონ ყველა საშუალება საქმის აღსრულების უზრუნველსაყოფად. ამასთან კომიტეტმა გაიზიარა ქართული მხარის პოზიცია, რომ რუსეთისათვის ევროპის საბჭოს წევრის სტატუსის შეწყვეტის პირობებში, აუცილებელია რუსეთის წინააღმდეგ მიღებული გადაწყვეტილებების აღსრულების ზედამხედველობის სტრატეგიის შემუშავება, ყველა წევრი სახელმწიფოს ჩართულობით და დაავალა კომიტეტის სამდივნოს, წარადგინოს შესაბამისი შეთავაზებები და ხედვა განსახილველი საქმის აღსრულების თაობაზე შემდეგ სხდომამდე, რომელიც 2022 წლის დეკემბერში გაიმართება.

როგორც საზოგადოებისათვის ცნობილია, სტრასბურგის სასამართლოს 2019 წლის 31 იანვრის გადაწყვეტილებით რუსეთის მთავრობას დაეკისრა ქართული მხარისათვის 10,000,000 ევროს გადახდის ვალდებულება იმ დაზარალებულთათვის გადასაცემად, რომლებიც 2006 წელს რუსეთიდან მასობრივი დეპორტაციის მსხვერპლი გახდნენ. თუმცა, მიუხედავად ქართული მხარისა და მინისტრთა კომიტეტის ძალისხმევისა, რომელიც 2021 წლის ბოლოს ურთიერთგაგების მემორანდუმის ხელმოწერით დასრულდა, რუსეთს თანხა ამ დრომდე არ გადაუხდია.

ქართული მხარის ინიციატივით, კომიტეტი დეპორტირებულების საქმის განხილვას მომდევნო სხდომაზე, 2022 წლის დეკემბერში დაუბრუნდება.

ევროპის საბჭოს მინისტრთა კომიტეტმა ე.წ. ომის საქმეზე გადაწყვეტილება მიიღო

როგორც საზოგადოებას მოეხსენება, 2021 წლის 21 იანვარს ადამიანის უფლებათა ევროპულმა სასამართლომ გამოაქვეყნა გადაწყვეტილება საქმეზე - “საქართველო რუსეთის წინააღმდეგ (II)“ (ე.წ. „ომის საქმე“). გადაწყვეტილება ეხება 2008 წლის აგვისტოს ომისა და შემდგომი ოკუპაციის პერიოდში რუსეთის მიერ, რომელიც ახორციელებდა ეფექტურ კონტროლს ცხინვალის რეგიონსა და აფხაზეთზე, საქართველოს მოსახლეობის მიმართ განხორციელებულ ადამიანის უფლებების მასობრივი დარღვევის ადმინისტრაციულ პრაქტიკას.

მინისტრთა კომიტეტის მიმდინარე წლის სექტემბრის სხდომაზე ქართულმა მხარემ ისაუბრა გადაწყვეტილების მნიშვნელობაზე და დააფიქსირა მკაფიო პოზიცია, რომ მიუხედავად რუსეთის ფედერაციისათვის ევროპის საბჭოს წევრის სტატუსის შეწყვეტისა, მოპასუხე სახელმწიფოს კვლავ რჩება უპირობო ვალდებულება ზედმიწევნით აღასრულოს სასამართლოს გადაწყვეტილება.

საგულისხმოა, რომ მინისტრთა კომიტეტმა სრული შემადგენლობით მხარდაჭერა გამოუცხადა ქართულ მხარეს და ხაზი გაუსვა დადგენილი დარღვევების სიმძიმესა და მასშტაბურობას. მინისტრთა კომიტეტმა მკაცრად მოუწოდა რუსეთს, უმოკლეს ვადაში წარმოადგინოს დიდი პალატის 21 იანვრის გადაწყვეტილების აღსრულების სრულფასოვანი სამოქმედო გეგმა და დაიწყოს ქმედითი ნაბიჯების გადადგმა, რათა აღმოიფხვრას დარღვევების ძირითადი საფუძველი (ე.ი. განგრძობადი ოკუპაცია) და აღარ განმეორდეს ადამიანის უფლებათა მსგავსი დარღვევები.

კომიტეტმა, აგრეთვე, გამოთქვა ღრმა წუხილი იმასთან დაკავშირებით, რომ რუსეთის ფედერაცია, რომელიც ახორციელებს ეფექტურ კონტროლს აფხაზეთსა და ცხინვალის რეგიონზე, კვლავ არ აძლევს იძულებით გადაადგილებულ ეთნიკურად ქართველ მოსახლეობას მათ საცხოვრებელ სახლებში დაბრუნების შესაძლებლობას და მოუწოდა რუსეთს, გადაწყვეტილების აღსრულების მიზნით, განახორციელოს ეფექტიანი ღონისძიებები აღნიშნული მიმართულებით.

ქართული მხარის ინიციატივით, კომიტეტი „ომის“ საქმის განხილვას მომდევნო სხდომაზე, 2022 წლის დეკემბერში დაუბრუნდება.

ხუთშაბათი, 22 სექტემბერი 2022

ბათუმი აღმასრულებელთა საერთაშორისო კონფერენციას მასპინძლობს

35-მდე ქვეყნის 150 დელეგატი აღსრულების პროცესში ახალ ტექნოლოგიებსა და ციფრული მმართველობის დანერგვის საკითხებს განიხილავს. ღონისძიებას საქართველოს იუსტიციის მინისტრი რატი ბრეგაძე, აღმასრულებელთა საერთაშორისო კავშირის პრეზიდენტი მარკ შმიდტი, მმართველი საბჭოს წევრები და სხვადასხვა ქვეყნის დელეგატები ესწრებიან.

იუსტიციის მინისტრმა რატი ბრეგაძემ კონფერენციის მონაწილეებს საქართველოს სააღსრულებო სისტემაში უკვე დანერგილი ელექტრონული სერვისები გააცნო და სამომავლო გეგმებზეც ისაუბრა.

სერვისების გაციფრულების და მათი ხელმისაწვდომობის გაზრდის მიმართულებით აღსრულების ეროვნულ ბიროში უკვე არაერთი სიახლეა დანერგილი, მათ შორის, ციფრული არქივი, ელექტრონული საქმისწარმოების პროგრამა, გამარტივებული საქმისწარმოების პლატფორმა, ელექტრონული სისტემის აწყობა მუნიციპალიტეტებსა და კერძო ბანკებთან და სხვა თანამედროვე ციფრული სერვისები.

მინისტრმა აღსრულების ახალი კოდექსის მნიშვნელობაზეც გაამახვილა ყურადღება და აღნიშნა, რომ კანონის მიღების შემდეგ სააღსრულებო სისტემა კიდევ უფრო დაუახლოვდება ევროპულ სტანდარტებს.

კონფერენციის ფარგლებში ოთხი პანელური დისკუსია გაიმართება. თითოეულზე მონაწილეები ციფრული და ტექნოლოგიური მიღწევების სააღსრულებო პროცესში დანერგვის შესაძლებლობებზე ისაუბრებენ; მათ შორის, ფაქტების კონსტატაციის, სააუქციონო მომსახურების, მოვალეთა რეესტრის ბლოკჩეინის სისტემაში ინტეგრირების, აღსრულების პროცესში ხელოვნური ინტელექტის დანერგვის, ტექნიკური სამუშაოს გაციფრულებისა და ადამიანური რესურსის გამოთავისუფლების შესახებ; გაიმართება სხვადასხვა ქვეყნაში უკვე ადაპტირებული გაციფრულების პროცესისა და ელექტრონული სერვისების დანერგვის პრაქტიკული მაგალითების განხილვა.

კონფერენცია აღმასრულებელთა საერთაშორისო კავშირის მხარდაჭერითა და საქართველოს იუსტიციის სამინისტროს ინიციატივით მიმდინარეობს. გახსნის ღონისძიებას, აგრეთვე ესწრებოდნენ იუსტიციის მინისტრის მოადგილე ერეკლე ღვინიანიძე, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე, ბათუმის მერი არჩილ ჩიქოვანი და სხვა ოფიციალური პირები.

სამშაბათი, 20 სექტემბერი 2022

ისრაელის იუსტიციის სამინისტროსთან სახელმწიფო სერვისების დიგიტალიზაციის შესახებ თანამშრომლობის დოკუმენტი გაფორმდა

ისრაელისა და საქართველოს იუსტიციის სამინისტროებს შორის სახელმწიფო სერვისების დიგიტალიზაციის შესახებ ერთობლივი დეკლარაცია გაფორმდა. დოკუმენტს ხელი მოაწერეს რატი ბრეგაძემ და ისრაელის ვიცე-პრემიერმა და იუსტიციის მინისტრმა გიდეონ საარმა.

დეკლარაცია წარმოადგენს მხარეებს შორის 2021 წლის ოქტომბერში გაფორმებული მემორანდუმის გაგრძელებას და ითვალისწინებს ისეთ საკითხებში თანამშრომლობას, როგორიცაა: საჯარო სერვისების ხელმისაწვდომობა, ბიზნესისა და მიწის რეგისტრაცია, სანოტარო სერვისები, ელექტრონული აპოსტილი და სხვა.

დოკუმენტის ხელმოწერამდე მხარეებს შორის შეხვედრა გაიმართა. როგორც რატი ბრეგაძემ აღნიშნა, საჯარო სერვისების დიგიტალიზაციის შესახებ დეკლარაციის ხელმოწერა, დაგეგმილი სემინარები და ერთობლივი ღონისძიებები გასული წლის ოქტომბერში ხელმოწერილი მემორანდუმის სწრაფი და ეფექტიანი შესრულების ნათელი მაგალითია.

რატი ბრეგაძემ კოლეგას სერვისების მიწოდების სფეროში ბოლო დროს განხორციელებული სიახლეების შესახებაც მიაწოდა ინფორმაცია. აღინიშნა, რომ სოფლად მცხოვრები მოსახლეობისთვის უკვე ფუნქციონირებს 8 მობილური იუსტიციის სახლი და წლის ბოლომდე მისი რიცხვი ოცამდე გაიზრდება. მინისტრის თქმით, მიმდინარეობს მუშაობა მობილურ აპლიკაცია „JustApp“-ზე, რომელიც მომხმარებელს საშუალებას მისცემს, ყველა სერვისი ონლაინ მიიღოს. შეხვედრაზე ქართულმა მხარემ ისრაელელ მეცნიერებს ჟურნალ „იუსტიციაში“ სტატიების გამოქვეყნებაც შესთავაზა.

შეხვედრას იუსტიციის მინისტრის პირველი მოადგილე თამარ ტყეშელაშვილი, მოადგილეები ბექა ძამაშვილი, ბუბა ლომუაშვილი, თორნიკე ჭეიშვილი, ასევე, საქართველოში ისრაელის ელჩი ჰადას მეიცადი ესწრებოდნენ.

ხუთშაბათი, 15 სექტემბერი 2022

იუსტიციის სამინისტრომ ალიმენტის შესახებ ჰააგის კონვენციის თაობაზე უწყებათაშორისი შეხვედრა გამართა

იუსტიციის სამინისტროში მომზადებულ ცვლილებებს საკანონმდებლო, აღმასრულებელი და სასამართლო ხელისუფლების წარმომადგენლები გაეცნენ.

კანონპროექტის მიზანია ქართული კანონმდებლობის ევროპულ სამართალთან დაახლოება, კერძოდ, „ბავშვის სასარგებლოდ ალიმენტის საერთაშორისო გადახდევინებისა და ოჯახის რჩენის სხვა ფორმების შესახებ“ ჰააგის 2007 წლის 23 ნოემბრის კონვენციისა და „რჩენის ვალდებულების საკითხებზე გამოსაყენებელი სამართლის თაობაზე“ 2007 წლის 23 ნოემბრის ოქმის სავალდებულოდ აღიარება.

ჰააგის კონვენციისა და ოქმის რატიფიცირების შემთხვევაში, საქართველოში მყოფი ბავშვებისთვის, საჭიროებისას, უზრუნველყოფილი იქნება პასუხისმგებელი პირებისაგან ალიმენტის საერთაშორისო გადახდა. კონვენციის ხელშემკვრელი სახელმწიფოები ითანამშრომლებენ ურთიერთდახმარების სისტემის ჩამოყალიბებისა და ოჯახის რჩენის საერთაშორისო ხასიათის დავებზე ეფექტიანი და სწრაფი მართლმსაჯულების განსახორციელებლად.

გარდა იმისა, რომ ამ სამართლებრივი აქტების სავალდებულოდ აღიარება ჩვენი ქვეყნისთვის საქართველოსა და ევროკავშირს შორის ასოცირების დღის წესრიგით გათვალისწინებული ვალდებულებაა, კონვენცია ბავშვის უფლებების დაცვის და მისი საუკეთესო ინტერესების გათვალისწინების მაღალ სტანდარტს აწესებს.

ჰააგის კონვენციისა და ოქმის რატიფიცირება უახლოეს მომავალში იგეგმება.

ჰააგის კონვენციისა და ოქმის იმპლემენტაციისათვის მომზადებული საკანონმდებლო ცვლილებების გარშემო დისკუსია საქართველოში გაერო-ს განვითარების პროგრამა UNDP-ის მხარდაჭერით გაიმართა.

ოთხშაბათი, 14 სექტემბერი 2022

იუსტიციის სამინისტროს საზოგადოებრივი ცენტრების რებრენდინგი დაიწყო

იუსტიციის სამინისტროს საზოგადოებრივი ცენტრები ოპერირებას იუსტიციის სახლის ბრენდის ქვეშ განაგრძობს. ინიციატივა იუსტიციის მინისტრის მოადგილე ერეკლე ღვინიანიძემ პარლამენტში რეგიონული პოლიტიკისა და თვითმმართველობის კომიტეტის სხდომაზე წარადგინა.

საზოგადოებრივი ცენტრების რებრენდინგის შედეგად სოფლად მცხოვრებ მოსახლეობას 250-ის ნაცვლად 470-მდე სერვისს იუსტიციის სახლის ჩვეული სტანდარტით შესთავაზებენ.

„იუსტიციის სამინისტროს მიზანია, 2024 წლისთვის აღარ დარჩეს არცერთი მუნიციპალიტეტი, სადაც არ იქნება წარმოდგენილი იუსტიციის სახლი. სწორედ ამ მიზნით ამჟამად მიმდინარეობს იუსტიციის სახლის ხაშურის, ზესტაფონის, სუფსის, თერჯოლის, სამტრედიის და ახმეტის ფილიალების მშენებლობა, რომელიც დასრულდება 2022-23 წლებში. მომავალ წელს დაიწყება იუსტიციის სახლის მცხეთის, საგარეჯოს, ხელვაჩაურის, წალენჯიხის, ზოტის, ტოლების, შროშის, ცაიშის, დიდი დიღმისა და გლდანის ფილიალების მშენებლობა, რაც 2024 წლის ბოლოსთვის დასრულდება. ამჟამად აქტიურად მიმდინარეობს საზოგადოებრივი ცენტრების როგორც ინფრასტრუქტურული განახლება, ისე იუსტიციის სახლების სერვისების გათანაბრების პროცესი და თანამშრომელთა გადამზადება. რებრენდინგის პროცესის დასრულების შემდეგ მომსახურების ხარისხის საერთო სტანდარტი დაინერგება“, − განაცხადა იუსტიციის მინისტრის მოადგილე ერეკლე ღვინიანიძემ.

საზოგადოებრივი ცენტრების რებრენდინგი მთელი საქართველოს მასშტაბით 88 საზოგადოებრივ ცენტრში მიმდინარეობს და პროცესი ახალი წლისთვის დასრულდება. კაჭრეთის საზოგადოებრივი ცენტრი პირველია, რომელმაც ოპერირება იუსტიციის სახლის ბრენდის ქვეშ უკვე დაიწყო.

ამასთან, იუსტიციის სამინისტროს გადაწყვეტილებით, რეგიონსა და დედაქალაქში მომუშავე თანამშრომლების ხელფასები გათანაბრდა.

ამჟამად მთელი ქვეყნის მასშტაბით 28 იუსტიციის სახლი, 88 საზოგადოებრივი ცენტრი და 6 მობილური იუსტიციის სახლი ფუნქციონირებს.

ორშაბათი, 12 სექტემბერი 2022

იუსტიციის სამინისტრომ თავშესაფრისა და მიგრაციის საკითხებში ბელგიის სამეფოს სახელმწიფო მდივანს უმასპინძლა

ევროინტეგრაციის პროცესში მიგრაციის მენეჯმენტის მნიშვნელობაზე ისაუბრეს იუსტიციის სამინისტროში გამართულ შეხვედრაზე.

იუსტიციის მინისტრის მოადგილე ბექა ძამაშვილი თავშესაფრისა და მიგრაციის საკითხებში ბელგიის სამეფოს სახელმწიფო მდივან ნიკოლ დე მურს შეხვდა. შეხვედრას, ასევე, ესწრებოდნენ სსიპ „სახელმწიფო სერვისების განვითარების სააგენტოს“ თავმჯდომარე ქეთევან ბეთლემიძე, მიგრაციის საკითხთა სამთავრობო კომისიის აღმასრულებელი მდივანი გიორგი ჯაში და იუსტიციის სამინისტროს საერთაშორისო საჯარო სამართლის დეპარტამენტის უფროსი ქეთევან სარაჯიშვილი.

მხარეებმა ვიზალიბერალიზაციის სამოქმედო გეგმის ფარგლებში იუსტიციის სამინისტროს მიერ განხორციელებულ რეფორმებსა და საკანონმდებლო ინიციატივებზე ისაუბრეს.

ბელგიის დელეგაცია დაინტერესდა იუსტიციის სახლის სერვისებითაც. იუსტიციის სამინისტროში გამართული შეხვედრის შემდეგ დელეგაცია იუსტიციის სახლს ეწვია და ადგილზე გაეცნო სახელმწიფო სერვისების გაცემის კონცეფციას.

ხუთშაბათი, 08 სექტემბერი 2022

იუსტიციის მინისტრმა აგვისტოს ომის გმირების ხსოვნას პატივი მიაგო

იუსტიციის მინისტრი რატი ბრეგაძე საქართველოს პრემიერ-მინისტრ ირაკლი ღარიბაშვილთან და მინისტრთა კაბინეტის წევრებთან ერთად მუხათგვერდის ძმათა სასაფლაოზე იმყოფებოდა. მთავრობის მეთაურმა და მინისტრებმა 2008 წლის აგვისტოს ომში დაღუპულთა ხსოვნის პატივისცემის ნიშნად, გმირთა მემორიალი გვირგვინით შეამკეს.

მუხათგვერდის სასაფლაოზე იმყოფებოდნენ, აგრეთვე, პარლამენტის თავმჯდომარე შალვა პაპუაშვილი, საკანონმდებლო ხელისუფლებისა და დიპლომატიური კორპუსის წარმომადგენლები.

იუსტიციის სამინისტროს დელეგაცია გერმანიის პრობაციის ბიუროს ეწვია

იუსტიციის მინისტრი რატი ბრეგაძე გერმანიაში ოფიციალური ვიზიტის ფარგლებში გერმანიის ფედერაციული რესპუბლიკის პრობაციის ბიუროს ეწვია. მინისტრის თქმით, საქართველო-გერმანიის წარმატებული თანამშრომლობა მნიშვნელოვანია საქართველოს ევროინტეგრაციის პროცესში, განსაკუთრებით, ევროპული პერსპექტივის მინიჭების შემდგომ. პრობაციის ბიუროში გამართულ შეხვედრებში, ასევე, მონაწილეობდნენ მინისტრის პირველი მოადგილე თამარ ტყეშელაშვილი, მოადგილეები ბუბა ლომუაშვილი და ბექა ძამაშვილი. მინისტრის განცხადებით, მისთვის პრიორიტეტულია პენიტენციური და დანაშაულის პრევენციის სისტემების შემდგომი განვითარება საუკეთესო ევროპული და საერთაშორისო სტანდარტების შესაბამისად.

იუსტიციის სამინისტროს დელეგაციის წევრებმა ისაუბრეს უწყების მიერ განხორციელებულ მნიშვნელოვან რეფორმებზე, რომელთაც დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო ახორციელებს; კერძოდ, პრობაციონერთა კონტროლისა და სერვისების უზრუნველყოფის ინოვაციური მოწყობილობა „PROBBOX“-ის დანერგვაზე, რომლის საშუალებით პრობაციონერთა კონტროლი და მომსახურება პრობაციის ბიუროში გამოცხადების გარეშე გახდა შესაძლებელი. მოწყობილობის მეშვეობით უზრუნველყოფილია პრობაციონერთა მეტი ანონიმურობა და გაზრდილია მათი კონტროლისა და მომსახურების გეოგრაფიული არეალი. „PROBBOX“-ის თაობაზე იუსტიციის სამინისტრო აქტიურად უზიარებს გამოცდილებას პარტნიორ ქვეყნებს.

რატი ბრეგაძემ საუბრისას ყურადღება გაამახვილა ისეთ მნიშვნელოვან რეფორმებზე, როგორიცაა: ალტერნატიული სასჯელების მოქმედებისა და შინაპატიმრობის აღსრულების ეფექტიანობის გაზრდა; შრომამისჯილი პირების აქტიური ჩართულობის მხარდაჭერა ქვეყნის მასშტაბით ქალაქებისა და მუნიციპალიტეტების ინფრასტრუქტურული პროექტების განხორციელებაში, ხოლო სასჯელის მოხდის შემდგომ მათი დასაქმების ხელშეწყობა/უზრუნველყოფა; მსჯავრდებულთა და ყოფილ პატიმართა რესოციალიზაცია-რეაბილიტაციის მხარდაჭერა.

რატი ბრეგაძე ბუნდესტაგში გერმანია-სამხრეთ კავკასიის საპარლამენტო მეგობრობის ჯგუფის ხელმძღვანელს შეხვდა

საქართველოსთვის ევროპული პერსპექტივის მნიშვნელობაზე ისაუბრა იუსტიციის მინისტრმა რატი ბრეგაძემ ბუნდესტაგში გამართულ შეხვედრაზე. რატი ბრეგაძე ბუნდესტაგში გერმანია-სამხრეთ კავკასიის საპარლამენტო მეგობრობის ჯგუფის ხელმძღვანელ იოჰან დეივიდ ვადეფულს შეხვდა.


შეხვედრაში, ასევე, მონაწილეობდნენ მინისტრის პირველი მოადგილე თამარ ტყეშელაშვილი, მოადგილეები ბუბა ლომუაშვილი, ბექა ძამაშვილი და გერმანიაში საქართველოს ელჩი ლევან იზორია.


იუსტიციის მინისტრმა შეხვედრაზე აღნიშნა რომ სექტორული თანამშრომლობა და ბუნდესტაგთან მუშაობის გაღრმავება მნიშვნელოვანი საკითხია საქართველოს ევროინტეგრაციის პროცესში.


იოჰან დეივიდ ვადეფულმა აღნიშნა, რომ ძალიან ნაყოფიერი და კარგი შეხვედრა ჰქონდა საქართველოს იუსტიციის მინისტრთან.

„მოხარული ვართ საქართველოს ხელისუფლების მჭიდრო კონტაქტით გერმანიასთან. გერმანიის მთელი პარლამენტი ძალიან დაინტერესებულია ურთიერთობების გაღრმავებით საქართველოსთან. საპარლამენტო ჯგუფი, რომელიც პასუხისმგებელია საქართველოზე, ძალზედ მოხარულია ჩვენი მეგობრობით. გვახარებს, რომ საქართველოს სურს, ევროპის მიმართულებით წინ გადადგას ნაბიჯები. ჩვენ ვმოქმედებთ, რათა დაჩქარდეს საქართველოს კიდევ უფრო სწრაფი დაახლოება ევროკავშირთან. ჩვენი ერთიანი საერთო ღირებულებებისა და საერთო წარმოდგენების გამოხატვით ერთობლივად შევძლებთ მშვიდობიან და მეგობრულ ცხოვრებას“,-განაცხადა იოჰან დეივიდ ვადეფულმა

იუსტიციის სამინისტროს დელეგაციის ვიზიტი გერმანიაში 6 სექტემბერს დაიწყო. ვიზიტის ფარგლებში შეხვედრები გაიმართა გერმანიის იუსტიციის მინისტრთან, ნოტარიუსთა პალატის პრეზიდენტთან, ბუნდესტაგის იურიდიული კომიტეტის თავმჯდომარესთან, პენიტენციური და პრობაციის სისტემების ხელმძღვანელებთან. ასევე, შეხვედრა გაიმართა ჰუმბოლდტის უნივერსიტეტშიც.

ოთხშაბათი, 07 სექტემბერი 2022

გერმანიის ფედერაციის იუსტიციის სამინისტროსთან გერმანია-საქართველოს 2022-2025 წლების თანამშრომლობის პროგრამას მოეწერა ხელი

პროგრამა სამოქალაქო საქმეებზე სამართლებრივი თანამშრომლობის მიმართულებითა და პენიტენციური და პრობაციის სისტემების სფეროში განსახორციელებელ აქტივობებს ითვალისწინებს. დოკუმენტს ხელი იუსტიციის მინისტრმა რატი ბრეგაძემ და გერმანიის იუსტიციის ფედერალურმა მინისტრმა მარკო ბუშმანმა მოაწერეს.

თანამშრომლობის სამუშაო პროგრამის თანახმად, მოხდება დარგობრივი გამოცდილების გაზიარება, ბავშვთა უფლებების, არასრულწლოვანთა მართლმსაჯულების, თანამედროვე პენიტენციური და პრობაციის სისტემის მართვისა და მოწყობის საკითხებზე. ასევე, საქართველო გაიზიარებს გერმანულ გამოცდილებას მსჯავრდებულთა რეაბილიტაციისა და რესოციალიზაციის, განათლებისა და დასაქმების პროგრამების თაობაზე.

რატი ბრეგაძემ მემორანდუმის გაფორმების შემდეგ მადლობა გადაუხადა გერმანელ კოლეგას. მან იმედი გამოთქვა, რომ საქართველო-გერმანიას შორის არსებული სამართლებრივი თანამშრომლობა კიდევ უფრო გაღრმავდება და ამავდროულად ხელი შეეწყობა ევროკავშირში საქართველოს ინტეგრაციის პროცესს.

მარკო ბუშმანმა განაცხადა, რომ საქართველოს და გერმანიას აკავშირებს ხანგრძლივი მეგობრობა. გერმანია იზიარებს დემოკრატიის თავისუფლებას და კანონის უზენაესობის ღირებულებას. გერმანიის იუსტიციის მინისტრმა აღნიშნა, რომ მოხარულია, რომ თანამშრომლობა უფრო მაღალ საფეხურზე ავიდა და ხელი მოეწერა ერთობლივი თანამშრომლობის პროგრამას.

,, გერმანიის ფედერაციული რესპუბლიკა მზად არის, დაეხმაროს საქართველოს, რათა ადგილი დაიმკვიდროს ევროკავშირში. შთაბეჭდილების ქვეშ ვართ იმ ამბიციებითა და სურვილებით, რაც საქართველოს ევროკავშირის წევრობას უკავშირდება.“,-განაცხადა მარკო ბუშმანმა.

შეხვედრას იუსტიციის მინისტრის პირველი მოადგილე თამარ ტყეშელაშვილი, მოადგილეები ბექა ძამაშვილი, ბუბა ლომუაშვილი და გერმანიაში საქართველოს ელჩი ესწრებოდნენ.

საქართველო გერმანიის ფედერაციის ნოტარიუსთა პალატასთან სანოტარო სამართლის განვითარებისა და საკანონმდებლო ბაზის სრულყოფის საკითხებში ითანამშრომლებს

რატი ბრეგაძემ გერმანიის ფედერაციის ნოტარიუსთა პალატის პრეზიდენტ იენს ბორმანთან შეხვედრისას ისაუბრა იმ მიღწევებზე, რაც საქართველოს სანოტარო სამართლის წარმოებაში აქვს.

მინისტრმა აღნიშნა, რომ საქართველოში მოქმედებს სანოტარო მოქმედებათა ელექტრონული რეესტრი და მოქალაქეებს შესაძლებლობა აქვთ ელექტრონული კომუნიკაციის საშუალებით დისტანციურად მიიღონ ყველა სერვისი. მინისტრმა ისაუბრა იმის შესახებაც, რომ საქართველოში ნოტარიუსთა სერვისი მთელი ქვეყნის მასშტაბით 12 რაიონშია ხელმისაწვდომი, რაც მნიშვნელოვნად ზოგავს მოსახლეობის დროსა და ფინანსებს.

სანოტარო სამართლის წარმოება, ელექტრონული სამართლებრივი გარიგებების მომზადების ტექნიკა, დოკუმენტების გაყალბების თავიდან აცილების საშუალებები, ერთობლივი პროფესიული სასწავლო მოდულების განხორციელება - ეს ის საკითხებია, რომელიც მხარეებმა შეხვედრაზე განიხილეს. რატი ბრეგაძემ იენს ბორმანთან შეხვედრის შემდეგ განაცხადა, რომ საქართველო განაგრძობს აქტიურ თანამშრომლობას გერმანიასთან.

შეხვედრას მინისტრთან ერთად იუსტიციის მინისტრის პირველი მოადგილე თამარ ტყეშელაშვილი, მოადგილეები, ბექა ძამაშვილი, ბუბა ლომუაშვილი და გერმანიაში საქართველოს ელჩი ლევან იზორია ესწრებოდნენ.

იუსტიციის სამინისტრომ ევროპის ნარკოტიკებისა და წამალდამოკიდებულების მონიტორინგის ცენტრის ორმხრივი პროექტის მრჩეველთა საბჭოს შეხვედრას უმასპინძლა

შეხვედრის მიზანი საქართველოსა და EMCDDA-ს შორის ერთობლივი თანამშრომლობის ფარგლებში განხორციელებული ღონისძიებების შეჯამება და დაგეგმილი აქტივობების თაობაზე ინფორმაციის გაზიარებაა.

შეხვედრას იუსტიციის მინისტრის მოადგილე თორნიკე ჭეიშვილი, EMCDDA-ის დირექტორი ალექსის გუზდილი, საქართველოში ევროკავშირის დელეგაცია, პროექტ EMCDDA4GE-ს გუნდი, ნარკომანიასთან ბრძოლის უწყებათაშორისი საკოორდინაციო საბჭოს წევრი უწყებების, ნარკოვითარების მონიტორინგის ეროვნული ცენტრისა და სამოქალაქო სექტორის წარმომადგენლები ესწრებოდნენ.

მხარეებმა პროექტის ფარგლებში ნარკოვითარების მონიტორინგის, მტკიცებულებებზე დაფუძნებული მიდგომების გაძლიერების, ეპიდემიოლოგიური ინდიკატორების დანერგვის, ნარკოტიკების პრევენციისა და სამკურნალო სერვისების მხარდაჭერის მიზნით გასული ერთი წლის განმავლობაში შესრულებული სამუშაო განიხილეს.

აღნიშნული პროექტი EMCDDA-სა და საქართველოს შორის მიმდინარე პირველი ორმხრივი პროექტია, რომელიც ევროკავშირის ფინანსური მხარდაჭერით ხორციელდება. პროექტის მიზანია ნარკოტიკულ საშუალებათა არალეგალური გავრცელების შედეგად გამოწვეულ ჯანმრთელობისა და უსაფრთხოების რისკზე ეროვნული რეაგირების მექანიზმების ეტაპობრივი გაძლიერება; ამასთან, საქართველოს ნარკოვითარების მონიტორინგის ეროვნული ცენტრის შესაძლებლობების გაზრდა და ეროვნულ დონეზე არსებული პრევენციული და მკურნალობის მექანიზმების მხარდაჭერა.
პროექტი 2021 წელს დაიწყო და 2023 წლის მაისამდე გაგრძელდება.

იუსტიციის სამინისტროს დელეგაცია ჰაიდერინგის პენიტენციურ დაწესებულებას ეწვია

იუსტიციის მინისტრი რატი ბრეგაძე მოადგილეებთან და გერმანიაში საქართველოს ელჩთან ერთად ჰაიდერინგის პენიტენციურ დაწესებულებას ესტუმრა. დელეგაციას ადგილზე გააცნეს პენიტენციური სისტემის მართვის გერმანული მოდელი, რეაბილიტაციისა და რესოციალიზაციის, მსჯავრდებულთა განათლების, სპორტისა და დასაქმების პროგრამები.

მხარეებმა ერთმანეთს გაუზიარეს გამოცდილება და არსებული ცოდნა პენიტენციური სამსახურების გამართული ფონქციონირების მიმართულებით. რატი ბრეგაძემ იუსტიციის სამინისტროს პროექტებზე ისაუბრა.

შეხვედრაზე დეტალურად განიხილეს „ციფრული უნივერსტეტის“ კონცეფცია, რომლითაც გერმანული მხარე დაინტერესდა. ამ პროექტის მეშვეობით მსჯავრდებულებს აქვთ შესაძლებლობა ონლაინ-ფორმატში, დისტანციურად ჩაერთონ უმაღლეს სასწავლებლებში სწავლის პროცესში. ,,ციფრულ უნივერსიტეტთან“ დაკავშირებით გერმანია საქართველოსთან გამოცდილების გაზიარების კუთხით მომავალში ითანამშრომლებს.

ვიზიტის ფარგლებში, რატი ბრეგაძემ პრობაციონერებისთვის შექმნილ ინოვაციური ტექნოლოგიურ მოწყობილობა „PROBBOX-ზე“ ისაუბრა. ტექნოლოგიურ მოწყობილობაში ყველა ის სერვისია ინტეგრირებული, რომელთა სარგებლობისთვისაც პრობაციონერებს აქამდე პრობაციის ბიუროებში სჭირდებოდათ მისვლა. იუსტიციის სამინისტროს ამ პროექტებით უკვე დაინტერესდნენ მეზობელი ქვეყნები და საქართველო მზად არის მათ ეს გამოცდილება გაუზიაროს.

პენიტენციური და დანაშაულის პრევენციის სისტემის განვითარება იუსტიციის სამინისტროს ერთ-ერთ მთავარ პრიორიტეტს წარმოადგენს. უწყებას 10 წლიანი განვითარების გეგმაში გაწერილი აქვს კონკრეტული ღონისძიებები. მათ შორის, ახალი, მცირე ზომის ე.წ. ოჯახური ტიპის პენიტენციური დაწესებულების მშენებლობა, სწავლაზე მსჯავრდებულთა ხელმისაწვდომობის გაზრდა, მსჯავრდებულთა საკნის გარე აქტოვობების ხელშეწყობა, რისთვისაც ხორციელდება სხვადასხვა მნიშვნელოვანი პროექტი. იუსტიციის სამინისტრო ხელს უწყობს პატიმრების დასაქმებასა და მომავალი პროფესიისთვის საჭირო უნარ-ჩვევების შეძენას.

რატი ბრეგაძემ გერმანიაში ოფიციალური ვიზიტის ფარგლებში შეხვედრა გამართა ჰუმბოლდტის უნივერსიტეტში

იუსტიციის მინისტრმა ჰუმბოლდტის უნივერსიტეტის იურიდიული ფაკულტეტის დეკანის მოადგილე მარტინ ჰეგერთან შეხვედრისას განაცხადა, რომ მისთვის, როგორც გერმანული აკადემიის კურსდამთავრებულისთვის განსაკუთრებით მნიშვნელოვანია ქართულ-გერმანული აკადემიების დაახლოების პროცესი. აქვე მან მადლიერება გამოხატა ქართველი სტუდენტების გერმანიაში სწავლის შესაძლებლობისთვის.


რატი ბრეგაძემ ისაუბრა იმის შესახებ, რომ იუსტიციის სასწავლო ცენტრის ბაზაზე შეიქმნება სამართლის ინფორმატიკის კურსი. საქართველოში სამართლის ეს მიმართულება არ ისწავლება იურიდიულ ფაკულტეტებზე. იუსტიციის მინისტრმა მარტინ ჰეგერთან შეხვედრისას განაცხადა, რომ საინტერესო იქნება ამ კუთხით ჰუმბოლდტის უნივერსიტეტის ჩართულობა ასევე გერმანული გამოცდილების გაზიარება კრიმინოლოგიის მიმართულებით.


რატი ბრეგაძემ ისაუბრა იმის შესახებაც, რომ იუსტიციის სამინისტროს სტრატეგიული მიდგომაა, რომ ყოველდღიურ საქმიანობაში, მართლმსაჯულებისა და სამართლის უზენაესობის პროექტები ემყარებოდეს მტკიცებულებებს, მეცნიერებას, ანალიტიკასა და ადამიანის უფლებებზე დაფუძნებულ მიდგომებს. ამ მიდგომის მხარდასაჭერად 2021 წელს დაფუძნდა ორენოვანი სამართლებრივი ჟურნალი „იუსტიცია“, სადაც ქვეყნდება სამეცნიერო ნაშრომები; გაფორმდა ურთიერთთანამშრომლობის მემორანდუმი საქართველოს მეცნიერებათა აკადემიასთან; დაფუძნდა იუსტიციის სამინისტროსთან არსებული სამეცნიერო-საკონსულტაციო საბჭო.


იუსტიციის სამინისტრომ გააფორმა მემორანდუმები ადგილობრივ უნივერსიტეტებთან. აღნიშნული უნივერსიტეტის სტუდენტებს კი ექნებათ შესაძლებლობა პრაქტიკა გაიარონ იუსტიციის სამინისტროში, რაც თავის მხრივ ხელს უწყობს ინტელექტუალური რესურსის მოზიდვას და განვითარებას.


ჰუმბოლდტის უნივერსიტეტში გამართულ შეხვედრას ესწრებოდნენ იუსტიციის მინისტრის პირველი მოადგილე თამარ ტყეშელაშვილი და მოადგილეები ბუბა ლომუაშვილი, ბექა ძამაშვილი და გერმანიაში საქართველოს ელჩი ლევან იზორია.

რატი ბრეგაძემ გერმანიის ბუნდესტაგის იურიდიულ კომიტეტთან კანონშემოქმედებით პროცესში სამომავლო თანამშრომლობა განიხილა

იუსტიციის მინისტრი გერმანიაში ოფიციალური ვიზიტის ფარგლებში გერმანიის ბუნდესტაგის იურიდიული კომიტეტის თავმჯდომარე ელიზაბეტ ვინკელმაიერ-ბექერს შეხვდა. შეხვედრას მინისტრის პირველი მოადგილე თამარ ტყეშელაშვილი, მოადგილეები ბუბა ლომუაშვილი, ბექა ძამაშვილი და გერმანიაში საქართველოს ელჩი ლევან იზორია ესწრებოდნენ.

მინისტრმა შეხვედრისას განაცხადა, რომ მისთვის, როგორც კანონშემოქმედებითი საქმიანობის მიმართულების უწყების ხელმძღვანელისთვის, განსაკუთრებით საინტერესოა ბუნდესტაგის იურიდიული კომიტეტისა და იუსტიციის ფედერალური სამინისტროს თანამშრომლობის მიმართულებები.

შეხვედრისას იუსტიციის სამინისტროს დელეგაციის წევრებმა ასევე აღნიშნეს, რომ თანამედროვე ქართული სამართლებრივი სივრცე გერმანიაში დამკვიდრებული ფასეულობების გავლენით ჩამოყალიბდა. შესაბამისად, სახეზეა საქართველოს კანონმდებლობით რეგლამენტირებული სამართლებრივი ინსტიტუტებისა და მათი კომპონენტების გამოკვეთილი მსგავსება გერმანულ სამართლებრივ კონსტრუქციებთან. იუსტიციის მინისტრის თქმით, დამოუკიდებელი საქართველოს კანონმდებლობის შექმნაში დიდი წვლილი მიუძღვით ქართველ მეცნიერებს, რომლებიც თავის დროზე სწორედ სამართლის გერმანულ სკოლას ეზიარნენ და მიღებული გამოცდილება გამოიყენეს საკანონმდებლო ბაზის მომზადებისას.

იუსტიციის მინისტრმა ისაუბრა იმის შესახებ, რომ საქართველოშიც, როგორც ყველა სხვა ქვეყანაში, იუსტიციის სამინისტრო უზრუნველყოფს, ერთი მხრივ, სამართალშემოქმედებით საქმიანობას, ხოლო მეორე მხრივ, საქართველოს კანონმდებლობის ჰარმონიზაციას საერთაშორისო სამართლებრივ ნორმებთან.

როგორც გერმანიის ბუნდესტაგის იურიდიული კომიტეტის თავმჯდომარემ აღნიშნა, შეხვედრაზე ისაუბრეს ისეთ მნიშვნელოვან საკითხებზე, როგორიცაა: სამართლებრივი პოლიტიკა, სამართლებრივი სახელმწიფო და დემოკრატია. „ჩვენ გვაქვს ძალიან მაღალი ინტერესი საქართველოს მიმართ. შეხვედრაზე გავეცანით იუსტიციის სამინისტროს მუშაობის სხვადასხვა მიმართულებას. მათ შორის ციფრულ სერვისებს. ერთმანეთს საკუთარი გამოცდილება გავუზიარეთ და ვფიქრობ, ამას მომავალშიც სიამოვნებით გავაგრძელებთ“ - განაცხადა ელიზაბეტ ვინკელმაიერ-ბექერმა.

რატი ბრეგაძემ ბუნდესტაგში გამართული შეხვედრის ბოლოს აღნიშნა, რომ მისთვის საინტერესოა გერმანული გამოცდილების გაზიარება და კვლევითი საქმიანობის გაცნობა. მინისტრის თქმით, უწყება მუშაობს პატიმრობის ახალ კოდექსზე და მნიშვნელოვანი იქნება თანამშრომლობის ფორმატში ამ საკითხზე გერმანული პრაქტიკის გაცნობაც.

სამშაბათი, 06 სექტემბერი 2022

იუსტიციის მინისტრმა ერთწლიანი მუშაობის ანგარიშის პრეზენტაცია თელავში წარადგინა

თბილისის, ქუთაისის, ბორჯომის, რუსთავისა და ბათუმის შემდეგ იუსტიციის მინისტრმა უწყების მუშაობის ანგარიში თელავის მოსახლეობას წარუდგინა. მინისტრმა პირადად მიაწოდა ინფორმაცია თელაველებს ერთი წლის განმავლობაში განხორციელებული რეფორმებისა და შესრულებული დაპირებების შესახებ.

ადამიანის უფლებების დაცვის მიმართულების გაძლიერება, სამართლებრივი უსაფრთხოება და ეფექტიანი სერვისები − ამ სამი პრინციპის გარშემო ერთიანდება ყველა ის სიახლე, რაც იუსტიციის სამინისტრომ მოქალაქეებს შესთავაზა; კერძოდ:

დაინერგა და 7 რეგიონში წარმატებით მუშაობს ინოვაციური პროექტი „მობილური იუსტიციის სახლი“; საქართველოს 6 დიდ ქალაქში განთავსდა პრობაციონერთა მომსახურების ელექტრონული სისტემა „PROBBOX“; ამოქმედდა მიწის სისტემური რეგისტრაციის რეფორმა – საქართველოს 59 მუნიციპალიტეტში ეტაპობრივად, გეგმა-გრაფიკის მიხედვით მიმდინარეობს მიწების აზომვა და რეგისტრაცია;

გრძელდება ინფრასტრუქტურული სამუშაოები – გაიხსნა 5 ახალი იუსტიციის სახლი და საზოგადოებრივი ცენტრი; მშენებლობები მიმდინარეობს კიდევ 6 მუნიციპალიტეტში; დამატებით ერთი იუსტიციის სახლი ამოქმედდება თბილისში, ჰუალინგში; სამცხე-ჯავახეთის რეგიონული არქივის შენობა გაიხსნა ახალციხეში;

დაფუძნდა და გამოიცა ორენოვანი ჟურნალი „იუსტიცია“; იუსტიციის სამინისტროსათვის ხელმისაწვდომი გახდა უმსხვილესი ელექტრონული სამართლებრივი ბაზა „ჰეინონლაინი“ („HeinOnline“); ურთიერთთანამშრომლობის მემორანდუმები გაფორმდა თურქეთის, ისრაელის, უნგრეთის, სომხეთის, აზერბაიჯანის, შვეიცარიის იუსტიციის სამინისტროებთან;

სანოტარო მომსახურება ხელმისაწვდომი გახდა კიდევ 12 ადმინისტრაციულ ერთეულში; სულ მალე კი, მოქალაქეებს ონლაინ სანოტარო მომსახურების მიღება მობილური აპლიკაციის საშუალებით შეეძლებათ;

პენიტენციურ და პრობაციის სისტემებში გაძლიერდა პატიმართა დასაქმების პროგრამები; გრძელდება პენიტენციურ დაწესებულებებში სპორტული აქტივობების წახალისება;

პრობაციის ბიუროები გაიხსნა სიღნაღში, თერჯოლაში, ქუთაისსა და ზესტაფონში; რეფერირების ცენტრი გაიხსნა ქუთაისში; გაფორმდა თანამშრომლობის მემორანდუმები მუნიციპალიტეტებთან შრომამისჯილი პირების დასაქმებისათვის.

ანგარიშის პრეზენტაციას ესწრებოდნენ ადგილობრივი ხელისუფლების წარმომადგენლები, იუსტიციის მინისტრის მოადგილეები, თელავის მუნიციპალიტეტის დაქვემდებარებაში მოქმედი სსიპ-ების თანამშრომლები და მოწვეული სტუმრები.

საქართველოს იუსტიციის სამინისტროსა და ევროპის ნარკოტიკებისა და წამალდამოკიდებულების მონიტორინგის ცენტრს შორის სამუშაო შეთანხმებას ხელი მოეწერა

შეთანხმებას ხელი მოაწერეს იუსტიციის მინისტრის მოადგილე თორნიკე ჭეიშვილმა და ევროკავშირის სააგენტოს ევროპის ნარკოტიკებისა და წამალდამოკიდებულების მონიტორინგის ცენტრის (EMCDDA) დირექტორმა ალექსის გუზდელმა. შეთანხმება წარმოადგენს ევროკავშირის სააგენტოებთან სექტორული თანამშრომლობის ნათელ მაგალითს და ხელს შეუწყობს ევროკავშირთან საქართველოს ინტეგრაციის პროცესს.

სამუშაო შეთანხმება მიზნად ისახავს თანამშრომლობის გაღრმავებას, ნარკოვითარების მონიტორინგის ეროვნული ცენტრის შესაძლებლობათა გაძლიერებასა და მონაცემთა შეგროვების სისტემის მხარდაჭერას. ამასთან, შეთანხმება ნარკოტიკებთან დაკავშირებულ ჯანმრთელობისა და სოციალური ზიანის საპასუხო მექანიზმების თაობაზე გამოცდილების გაზიარების, ნარკოტიკულ საშუალებათა ავადმოხმარების პრევენციისა და წამალდამოკიდებულების მკურნალობის, ასევე, გადამდები დაავადებების პრევენციისა და ზიანის შემცირების მიმართულებების მხარდაჭერას ითვალისწინებს.

ახალი ფსიქოაქტიური ნივთიერებების შესახებ გამოცდილების გაზიარება და ნარკოტიკების შესახებ ადრეული გაფრთხილების სისტემის შექმნა და მისი გაძლიერება მხარეთა შორის თანამშრომლობის დამატებითი საკვანძო მიმართულებაა.

EMCDDA-სა და საქართველოს შორის მჭიდრო სექტორული თანამშრომლობა უკვე წლებია, გრძელდება და ევროპულ სააგენტოს მნიშვნელოვანი წვლილი შეაქვს ქვეყანაში ჰუმანური და მტკიცებულებებზე დაფუძნებული ნარკოპოლიტიკის ხელშეწყობისა და განვითარების მიმართულებით.

საქართველოში ნარკოვითარების მონიტორინგის ეროვნული ცენტრი 2020 წლის იანვარში იუსტიციის მინისტრის ბრძანების საფუძველზე შეიქმნა და ის EMCDDA-ს ანალოგია ეროვნულ დონეზე, რომელიც ქვეყანაში არსებული ნარკოვითარების შესწავლის, შეფასებისა და მტკიცებულებების ანალიზის ხელშეწყობას ემსახურება.

EMCDDA-ს დელეგაცია საქართველოს 15 სექტემბერს დატოვებს.

პარასკევი, 02 სექტემბერი 2022

ევროპის საბჭოს მართლმსაჯულების ეფექტიანობის ევროპულ კომისიასა (CEPEJ) და ევროპის საბჭოს ევროპელ მოსამართლეთა საკონსულტაციო საბჭოში (CCJE) საქართველოს კვოტით წარსადგენი წევრობის კანდიდატი შეირჩა

ევროპის საბჭოს მართლმსაჯულების ეფექტიანობის ევროპულ კომისიასა (CEPEJ) და ევროპის საბჭოს ევროპელ მოსამართლეთა საკონსულტაციო საბჭოში (CCJE) საქართველოს კვოტით წარსადგენი წევრობის კანდიდატი შეირჩა.


„CEPEJ“-სა და „CCJE“-ში წარსადგენი კანდიდატის შესარჩევი კონკურსი ორ ეტაპად ჩატარდა საქართველოს იუსტიციის მინისტრის 2022 წლის 27 ივლისის №848 და №850 ბრძანებებით დამტკიცებული კონკურსის ჩატარების წესის შესაბამისად. პირველ ეტაპზე, 2022 წლის 28 ივლისიდან 6 აგვისტოს ჩათვლით, სსიპ „საჯარო სამსახურის ბიუროს“ ოფიციალურ ვებგვერდზე (www.hr.gov.ge) გამოცხადებულ საჯარო კონკურსში „CEPEJ“-ში წევრობის მიზნით 6-მა კანდიდატმა წარადგინა განაცხადი, ხოლო „CCJE“-ის კონკურსში 4 ოთხი კანდიდატი მონაწილეობდა. კონკურსანტების მიერ წარმოდგენილი განაცხადების გადარჩევის შემდგომ, გასაუბრების ეტაპზე, 3 კანდიდატი გადავიდა და ორეტაპიანი კონკურსის გავლის შედეგად „CEPEJ“-სა და „CCJE“-ში წევრობის კანდიდატის შესარჩევმა კომისიამ საქართველოს კვოტით წარსადგენ კანდიდატად საქართველოს უზენაესი სასამართლოს მოსამართლე ქეთევან ცინცაძის კანდიდატურა შეარჩია.


ევროპის საბჭოს მართლმსაჯულების ეფექტიანობის ევროპულ კომისიასა (CEPEJ) და ევროპის საბჭოს ევროპელ მოსამართლეთა საკონსულტაციო საბჭოში (CCJE) ქეთევან ცინცაძე საქართველოს კვოტით ხუთი წლის ვადით იქნება წარდგენილი.


„CEPEJ“ თავისი საქმიანობის ფარგლებში მუშაობს ქვეყნებში მართლმსაჯულების სისტემათა ეფექტიანობისა და ფუნქციონირების გაუმჯობესების, ამასთან, ევროპის საბჭოს სტანდარტებსა და სამართლებრივ ინსტრუმენტებთან შესაბამისობის მიზნით; კომისიის წევრი ექსპერტების საქმიანობის მიზანს კი, კომისიის ფუნქციების განხორციელების პროცესში მნიშვნელოვანი წვლილის შეტანა და ევროპის საბჭოს წევრ ქვეყნებში მართლმსაჯულების სისტემათა ეფექტიანი განხორციელების მხარდაჭერა წარმოადგენს.
„CCJE“-ის წევრი მოსამართლეები მუშაობენ სამართლის უზენაესობის, ევროპული სტანდარტების დანერგვის, განსაკუთრებით, მოსამართლეთა დამოუკიდებლობის, მიუკერძოებლობისა და კომპეტენციის ზრდის, აგრეთვე, მათი სამოსამართლო საქმიანობის ეფექტიანად შესრულების ხელშეწყობის მიმართულებით.


ეროვნულ დონეზე კანდიდატის შერჩევის მიზნით კონკურსის ჩატარების შიდასახელმწიფოებრივი პროცედურის შესაბამისად, „CEPEJ“-სა და „CCJE“-ში წევრობის კანდიდატი საკონკურსო კომისიამ შეარჩია, რომელიც საქართველოს იუსტიციის სამინისტროს, საქართველოს საგარეო საქმეთა სამინისტროს, საქართველოს უზენაესი სასამართლოსა და საქართველოს იუსტიციის უმაღლესი საბჭოს წარმომადგენლებით იყო დაკომპლექტებული.


აღსანიშნავია, რომ საქართველოს იუსტიციის მინისტრს საერთაშორისო სასამართლოებში, აგრეთვე, ადამიანის უფლებათა დაცვისა და იურიდიულ საკითხებზე მომუშავე საერთაშორისო ორგანიზაციებსა და მათ ორგანოებში საქართველოდან წარსადგენი კანდიდატების შერჩევის წესისა და პროცედურის განსაზღვრის უფლებამოსილება მიენიჭა საქართველოს მთავრობის №234 დადგენილებით. საგულისხმოა, რომ ამ დადგენილების მიღებით ჩამოყალიბდა საერთაშორისო ორგანიზაციებში საქართველოდან წარსაგზავნი კანდიდატების შერჩევის გამჭვირვალე პროცედურები, რომელთა ფარგლებშიც კანდიდატები შეირჩევიან ღია კონკურსის შედეგად.

ხუთშაბათი, 01 სექტემბერი 2022

ვარკეთილში იუსტიციის სახლის ახალი ფილიალი გაიხსნა

იუსტიციის სახლის 470-მდე სერვისით სარგებლობას ვარკეთილი-ვაზისუბნის 100 000-ზე მეტი მცხოვრები უკვე „ჰუალინგ ჯგუფის“ შენობაში გახსნილ ახალ ფილიალში შეძლებს. სავაჭრო ცენტრში გახსნილი ფილიალი სახელმწიფო და კერძო სექტორის წარმატებული თანამშრომლობის კარგი მაგალითია, რაც მნიშვნელოვნად ზოგავს მოსახლეობის დროსა და ფინანსებს;

სახელმწიფო სერვისების ხელმისაწვდომობის გაზრდა კი, იუსტიციის სამინისტროს ერთ-ერთი პრიორიტეტული მიმართულებაა. იუსტიციის სახლის ვარკეთილის ფილიალი იუსტიციის მინისტრმა რატი ბრეგაძემ მოადგილეებთან ერთად გახსნა. მინისტრი თანამშრომლებს შეხვდა, ადგილზე გაეცნო სამუშაო პროცესს და ინფორმაცია მიიღო მომხმარებელთა საჭიროებებზე.

ვარკეთილის იუსტიციის სახლი პირველი სექტემბრიდან სრული დატვირთვით მუშაობს და მომხმარებელს იუსტიციის სახლებისთვის დამახასიათებელ უმაღლესი ხარისხის მომსახურებას სთავაზობს. ახალი ფილიალი ხელს შეუწყობს თბილისის ცენტრალური ფილიალიდან ნაკადების მართვა-გადანაწილებას, ლოდინისა და მომსახურების დროის ოპტიმიზაციას.

ახალ ფილიალში 45-მდე თანამშრომელი დასაქმდა. თბილისში იუსტიციის სახლის ცენტრალური ოფისის გარდა, ვარკეთილსა და გლდანში იუსტიციის სახლის უკვე ორი ფილიალი მუშაობს.

სამშაბათი, 30 აგვისტო 2022

მარჯანიშვილის თეატრის სცენაზე მსჯავრდებულებმა სპექტაკლი წარადგინეს

მსჯავრდებულების მონაწილეობით კოტე მარჯანიშვილის სახელობის სახელმწიფო დრამატულ თეატრში სპექტაკლი „ციხის თავზე ანგელოზები დაფრინავენ“ გაიმართა. სპექტაკლი ერთმოქმედებიანია და მასში 19 მსჯავრდებული მონაწილეობს. სცენარი, რეჟისურა, რეკვიზიტები, მხატვრული გაფორმება და აფიშაც თავად მსჯავრდებულებს ეკუთვნით. სპექტაკლი №5 (ქალთა) პენიტენციურ დაწესებულებაში დაიდგა.

სპექტაკლზე მუშაობის პროცესში მსჯავრდებულებს პენიტენციური სამსახურის ხელმძღვანელობის სრული მხარდაჭერა ჰქონდათ, რადგან ეს მათი რესოციალიზაცია-რეაბილიტაციის ნაწილია. თავად სპექტაკლს ლაიტმოტივად გასდევს აზრი იმის შესახებ, რომ მსჯავრდებულს, ისევე, როგორც ნებისმიერ ადამიანს, შეცდომის დაშვების შემდეგ უნდა შეეძლოს ცხოვრების სუფთა ფურცლიდან დაწყება. სპექტაკლზე მუშაობის პროცესი თითოეული მონაწილე მსჯავრდებულისთვის იმის გააზრების ერთგვარი საშუალება იყო, თუ როგორ და რა შინაგანი სირთულეების გადალახვის შედეგად შეძლებენ საკუთარი შეცდომებიდან იმ გამოცდილების გამოტანას, რაც ცხოვრების უკეთესად დაგეგმვაში დაეხმარებათ. „ციხის თავზე ანგელოზები დაფრინავენ“ უკვე დაიდგა სანდრო ახმეტელის სახელობის სახელმწიფო დრამატული თეატრის სცენაზე; პირველ სპექტაკლში მონაწილე რამდენიმე მსჯავრდებულმა კი, უკვე დატოვა სასჯელაღსრულების დაწესებულება და მათ სხვა მსჯავრდებულები ჩაენაცვლნენ. თავად სპექტაკლიც, ისევე, როგორც მასზე მუშაობის პროცესი, მსჯავრდებულებისთვის საზოგადოებაში დაბრუნების ერთგვარი რეპეტიციაა. სპექტაკლის დაწყებამდე მარჯანიშვილის თეატრის ფოიეში მსჯავრდებულთა ხელნაკეთი ნივთების გამოფენა მოეწყო.

სპექტაკლს დაესწრნენ იუსტიციის მინისტრი რატი ბრეგაძე, იუსტიციის მინისტრის მოადგილეები, განათლებისა და მეცნიერების მინისტრი მიხეილ ჩხენკელი, რომელიც იუსტიციის სამინისტროსთან ,,ციფრული უნივერსიტეტის“ პროექტის ფარგლებში თანამშრომლობს, საკანონმდებლო ხელისუფლების წევრები, იუსტიციის სამინისტროს სსიპების და საპატრიარქოს წარმომადგენლები.

ოთხშაბათი, 24 აგვისტო 2022

ევროპის საბჭოს ადამიანით ვაჭრობის (ტრეფიკინგის) წინააღმდეგ ბრძოლის ექსპერტთა ჯგუფში (GRETA) წარსადგენი კანდიდატის შესარჩევი კონკურსი გამოცხადდა

აღნიშნული კონკურსი წარიმართება საქართველოს იუსტიციის მინისტრის 2022 წლის 23 აგვისტოს №852 ბრძანებით დამტკიცებული კონკურსის ჩატარების წესის შესაბამისად. საქართველოს იუსტიციის მინისტრს საერთაშორისო სასამართლოებში, აგრეთვე, ადამიანის უფლებათა დაცვისა და იურიდიულ საკითხებზე მომუშავე საერთაშორისო ორგანიზაციებსა და მათ ორგანოებში საქართველოდან წარსადგენი კანდიდატების შერჩევის წესისა და პროცედურის განსაზღვრის უფლებამოსილება მიენიჭა საქართველოს მთავრობის №234 დადგენილებით. აღსანიშნავია, რომ ამ დადგენილების მიღებამდე არ არსებობდა ერთიანი მიდგომა საერთაშორისო ორგანიზაციებში საქართველოდან წარსაგზავნი კანდიდატების შერჩევის წესსა და პროცედურებთან მიმართებით; ამ უფლებამოსილების იუსტიციის მინისტრისთვის მინიჭების მიზანი კი, საქართველოს წინაშე არსებული საერთაშორისო ვალდებულებების ეფექტიანი და დროული შესრულება, ზემოაღნიშნულ ორგანოებში მიუკერძოებლად და საერთაშორისო სტანდარტების შესაბამისად კანდიდატის შერჩევა და წარდგენაა.

კანდიდატების შესარჩევი კომისიის შემადგენლობაში გათვალისწინებულია თემატური უწყებების წარმომადგენლების მონაწილეობა.

შერჩეული კანდიდატი თავისი საქმიანობის ფარგლებში ზემოხსენებულ ორგანოში იმოქმედებს ინდივიდუალურად, დამოუკიდებლად და მიუკერძოებლად. საკონკურსო მოთხოვნები განთავსებულია შემდეგ მისამართზე:

ევროპის საბჭოს ადამიანით ვაჭრობის (ტრეფიკინგის) წინააღმდეგ ბრძოლის ექსპერტთა ჯგუფის (GRETA) წევრობის კანდიდატი https://www.hr.gov.ge/JobProvider/UserOrgVaks/Details/73028?active=1

ორშაბათი, 22 აგვისტო 2022

იუსტიციის სამინისტროსა და მეცნიერებათა აკადემიას შორის მემორანდუმი გაფორმდა

ურთიერთთანამშრომლობის დოკუმენტი იუსტიციის სამინისტროსა და მეცნიერებათა აკადემიას შორის თანამშრომლობის ახალ პლატფორმას ითვალისწინებს. მხარეები შეიმუშავებენ და განახორციელებენ ერთობლივ სამეცნიერო-კვლევით, საგანმანათლებლო და სამართლებრივ პროექტებს, ორგანიზებას გაუწევენ კონფერენციებს, სიმპოზიუმებს, სემინარებს, მრგვალ მაგიდებსა და საჯარო დისკუსიებს; გამოაქვეყნებენ სამეცნიერო ნაშრომებს მეცნიერებათა ეროვნული აკადემიის ჟურნალ „მაცნესა“ და იუსტიციის სამინისტროს ჟურნალ „იუსტიციაში“ (Iustitia).

მემორანდუმს ხელი მოაწერეს იუსტიციის მინისტრმა რატი ბრეგაძემ და მეცნიერებათა ეროვნული აკადემიის პრეზიდენტმა გიორგი კვესიტაძემ.

მეცნიერებათა აკადემიასთან ურთიერთთანამშრომლობის გაღრმავება კიდევ ერთი ნაბიჯია სამეცნიერო დასკვნებსა და ანალიტიკაზე დაფუძნებული სამართალშემოქმედებითი პროცესის ხელშეწყობისათვის, რაც იუსტიციის სამინისტროს 2022-2024 წლების სტრატეგიის პრიორიტეტულ მიმართულებას წარმოადგენს.

ამ მიზნით იუსტიციის სამინისტრომ უკვე არაერთი აქტივობა განახორციელა:

  • დაფუძნდა ორენოვანი სამართლებრივი ჟურნალი „იუსტიცია“, რომლის ორი ნომერი უკვე ხელმისაწვდომია;

  • იუსტიციის სამინისტროსთან შეიქმნა და სხვადასხვა დარგის გამოჩენილი სპეციალისტებით დაკომპლექტდა სამეცნიერო-საკონსულტაციო საბჭო, რომელიც იუსტიციის მინისტრისთვის წარსადგენად კანონპროექტებს, კონცეფციებს, დასკვნებსა და მოსაზრებებს შეიმუშავებს;

  • ორმხრივი თანამშრომლობის დოკუმენტები გაფორმდა საქართველოში ავტორიზებულ უმაღლეს სასწავლებლებთან.

იუსტიციის სამინისტროსა და მეცნიერებათა აკადემიას შორის მემორანდუმი გაფორმდა

ურთიერთთანამშრომლობის დოკუმენტი იუსტიციის სამინისტროსა და მეცნიერებათა აკადემიას შორის თანამშრომლობის ახალ პლატფორმას ითვალისწინებს. მხარეები შეიმუშავებენ და განახორციელებენ ერთობლივ სამეცნიერო-კვლევით, საგანმანათლებლო და სამართლებრივ პროექტებს, ორგანიზებას გაუწევენ კონფერენციებს, სიმპოზიუმებს, სემინარებს, მრგვალ მაგიდებსა და საჯარო დისკუსიებს; გამოაქვეყნებენ სამეცნიერო ნაშრომებს მეცნიერებათა ეროვნული აკადემიის ჟურნალ „მაცნესა“ და იუსტიციის სამინისტროს ჟურნალ „იუსტიციაში“ (Iustitia).

მემორანდუმს ხელი მოაწერეს იუსტიციის მინისტრმა რატი ბრეგაძემ და მეცნიერებათა ეროვნული აკადემიის პრეზიდენტმა გიორგი კვესიტაძემ.

მეცნიერებათა აკადემიასთან ურთიერთთანამშრომლობის გაღრმავება კიდევ ერთი ნაბიჯია სამეცნიერო დასკვნებსა და ანალიტიკაზე დაფუძნებული სამართალშემოქმედებითი პროცესის ხელშეწყობისათვის, რაც იუსტიციის სამინისტროს 2022-2024 წლების სტრატეგიის პრიორიტეტულ მიმართულებას წარმოადგენს.

ამ მიზნით იუსტიციის სამინისტრომ უკვე არაერთი აქტივობა განახორციელა:

  • დაფუძნდა ორენოვანი სამართლებრივი ჟურნალი „იუსტიცია“, რომლის ორი ნომერი უკვე ხელმისაწვდომია;

  • იუსტიციის სამინისტროსთან შეიქმნა და სხვადასხვა დარგის გამოჩენილი სპეციალისტებით დაკომპლექტდა სამეცნიერო-საკონსულტაციო საბჭო, რომელიც იუსტიციის მინისტრისთვის წარსადგენად კანონპროექტებს, კონცეფციებს, დასკვნებსა და მოსაზრებებს შეიმუშავებს;

  • ორმხრივი თანამშრომლობის დოკუმენტები გაფორმდა საქართველოში ავტორიზებულ უმაღლეს სასწავლებლებთან.
ორშაბათი, 15 აგვისტო 2022

აღკვეთის ახალ ღონისძიებას − გადაადგილების შეზღუდვას დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო განახორციელებს

კონცეფცია, რომელიც აღკვეთის ღონისძიების ფორმად გადაადგილების შეზღუდვას ითვალისწინებს, საკანონმდებლო და აღმასრულებელი ხელისუფლების წევრებმა განიხილეს.

ცვლილებების მიზანია სისხლის სამართლის საპროცესო კოდექსში აღკვეთის ახალი ღონისძიების − გადაადგილების შეზღუდვის შემოტანა, რომელიც ელექტრონული მონიტორინგის გზით აღსრულდება, და ქალთა მიმართ ძალადობის ჩამდენი ბრალდებულების მიმართ ელექტრონული ზედამხედველობის გამოყენება.

ინიციატივის თანახმად, ახალი მექანიზმის აღსრულებას იუსტიციის სამინისტროს არასაპატიმრო სასჯელთა აღსრულებისა და პრობაციის ეროვნული სააგენტო უზრუნველყოფს. ამიტომ გადაადგილების შეზღუდვის ეფექტიანობა სააგენტოს ტექნიკურ და ადამიანურ შესაძლებლობებზე იქნება დამოკიდებული. სწორედ ამ საკითხებზე ისაუბრა იუსტიციის მინისტრმა რატი ბრეგაძემ.

იუსტიციის მინისტრის თქმით, პენიტენციურ და პრობაციის სისტემებში ყველა ინიციატივა, მათ შორის, გადაადგილების შეზღუდვის მექანიზმი, ადამიანის ღირსებისა და უფლებების დაცვას ემსახურება. ის, ერთი მხრივ, გულისხმობს ჰუმანურ მიდგომას ბრალდებული პირების მიმართ და მათთვის პატიმრობის ნაცვლად აღკვეთის უფრო მსუბუქი ფორმის გამოყენებას, მეორე მხრივ კი, ზოგავს სახელმწიფო სახსრებს − გადაადგილების შეზღუდვის აღსრულება, დაახლოებით, 80%-ით ნაკლებ ფინანსურ ხარჯებს საჭიროებს, ვიდრე პატიმრობის უზრუნველყოფა.

რატი ბრეგაძემ ხაზი გაუსვა იმ გარემოებას, რომ აღკვეთის ეს ღონისძიება ყველა ტიპის დანაშაულზე არ გავრცელდება და მისი გამოყენება სასამართლოს პრეროგატივა იქნება. მინისტრის განცხადებით, გადაადგილების შეზღუდვის აღსრულებისათვის არასაპატიმრო სასჯელთა აღსრულებისა და პრობაციის ეროვნული სააგენტო პირველ ეტაპზე 1000 ერთეულ სამაჯურს და ამავე რაოდენობის სერვერს შეიძენს. იგეგმება ელექტრონული მონიტორინგის ცენტრის თანამშრომლების რაოდენობის გაზრდა და მათი გადამზადება.

მინისტრის განმარტებით, პრობაციის სისტემა ყოველთვის მზადაა ინოვაციებისათვის. ამის კარგი მაგალითია „პრობბოქსი“ − პრობაციონერთა მომსახურების ელექტრონული სისტემა, აგრეთვე, 24-საათიანი მონიტორინგის სამსახური, რომელიც არასაპატიმრო სასჯელთა აღსრულებისა და პრობაციის ეროვნულ სააგენტოში გასულ წელს შეიქმნა.

აღკვეთის ღონისძიების ახალი მექანიზმის აღსრულებისათვის საჭირო ღონისძიებების პრეზენტაცია შეხვედრაზე იუსტიციის მინისტრის მოადგილე ბუბა ლომუაშვილმა წარმოადგინა.

საკანონმდებლო ინიციატივის განხილვაში მონაწილეობდნენ პარლამენტის თავმჯდომარე შალვა პაპუაშვილი, გენერალური პროკურორი ირაკლი შოთაძე და აშშ-ის საელჩოს იუსტიციის დეპარტამენტის მრჩეველი იურიდიულ საკითხებში ლენა ოუენსი, აგრეთვე, სახალხო დამცველის, ადვოკატთა ასოციაციის, ახალგაზრდა იურისტთა ასოციაციის, იურიდიული დახმარების სამსახურის, სხვა სახელმწიფო უწყებების და არასამთავრობო ორგანიზაციების წარმომადგენლები.

ხუთშაბათი, 11 აგვისტო 2022

№10 დაწესებულების ტერიტორიაზე მსჯავრდებულთა მიერ აშენებული ეკლესია გაიხსნა

№10 პენიტენციური დაწესებულების ტერიტორიაზე წმინდა პანტელეიმონ მკურნალის სახელობის ტაძრის მშენებლობა ერთი წლის განმავლობაში მიმდინარეობდა. მშენებლობის პროცესში 40 მდე მსჯავრდებულმა მიიღო მონაწილეობა.

1500 კვადრატული მეტრი მიწის ნაკვეთზე, ასევე, მოეწყო სანათლავი და კელიები, სადაც მსჯავრდებულთათვის გალობის, საღვთისმეტყველო და ბიბლიის შემსწავლელი კურსები ჩატარდება.

ეკლესია დღეს, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესი ილია მეორეს ლოცვა-კურთხევით ამოქმედდა. ტაძარი იუსტიციის მინისტრმა რატი ბრეგაძემ საპატრიარქოს წარმომადგენლებთან ერთად გახსნა.

მშენებლობაში მონაწილე მსჯავრდებულებს პატრიარქის სიგელები და სამახსოვრო საჩუქრები გადასცეს.

საზეიმო ლიტურგიას, ასევე, ესწრებოდნენ სპეციალური პენიტენციური სამსახურის ხელმძღვანელი ნიკა ცხვარაშვილი და მისი მოადგილე გიორგი გიორგაძე.

სამშაბათი, 09 აგვისტო 2022

იუსტიციის მინისტრმა ერთწლიანი მუშაობის ანგარიში გორში წარადგინა

იუსტიციის მინისტრი საქართველოს ქალაქებში უწყების საქმიანობის ერთწლიანი ანგარიშის წარდგენას აგრძელებს. თბილისის, ქუთაისის, ბორჯომის, რუსთავის, ბათუმისა და თელავის შემდეგ რატი ბრეგაძე გორს ეწვია. მინისტრმა პირადად მიაწოდა ინფორმაცია გორის მოსახლეობას განხორციელებული რეფორმებისა და შესრულებული დაპირებების შესახებ.

მინისტრის ანგარიში იუსტიციის სამინისტროსა და მის მმართველობაში შემავალი სსიპებ-ის საქმიანობის ყველა სფეროს მოიცავს და იმ პროგრესს ასახავს, რომელიც ბოლო ერთი წლის მანძილზე იქნა მიღწეული. კერძოდ:

დაინერგა და 7 რეგიონში წარმატებით მუშაობს ინოვაციური პროექტი „მობილური იუსტიციის სახლი“; საქართველოს 6 დიდ ქალაქში განთავსდა პრობაციონერთა მომსახურების ელექტრონული სისტემა „PROBBOX“;

ამოქმედდა მიწის სისტემური რეგისტრაციის რეფორმა – საქართველოს 59 მუნიციპალიტეტში ეტაპობრივად, გეგმა-გრაფიკის მიხედვით მიმდინარეობს მიწების აზომვა და რეგისტრაცია;

გრძელდება ინფრასტრუქტურული სამუშაოები – გაიხსნა 5 ახალი იუსტიციის სახლი და საზოგადოებრივი ცენტრი; მშენებლობები მიმდინარეობს კიდევ 6 მუნიციპალიტეტში; დამატებით ერთი იუსტიციის სახლი ამოქმედდება თბილისში, ჰუალინგში; სამცხე-ჯავახეთის რეგიონული არქივის შენობა გაიხსნა ახალციხეში;

დაფუძნდა და გამოიცა ორენოვანი ჟურნალი „იუსტიცია“; იუსტიციის სამინისტროსათვის ხელმისაწვდომი გახდა უმსხვილესი ელექტრონული სამართლებრივი ბაზა „ჰეინონლაინი“ („HeinOnline“);

ურთიერთთანამშრომლობის მემორანდუმები გაფორმდა თურქეთის, ისრაელის, უნგრეთის, სომხეთის, აზერბაიჯანის, შვეიცარიის იუსტიციის სამინისტროებთან;

სანოტარო მომსახურება ხელმისაწვდომი გახდა კიდევ 12 ადმინისტრაციულ ერთეულში; სულ მალე კი, მოქალაქეებს ონლაინ სანოტარო მომსახურების მიღება მობილური აპლიკაციის საშუალებით შეეძლებათ;

პენიტენციურ და პრობაციის სისტემებში გაძლიერდა პატიმართა დასაქმების პროგრამები; გრძელდება პენიტენციურ დაწესებულებებში სპორტული აქტივობების წახალისება;

პრობაციის ბიუროები გაიხსნა სიღნაღში, თერჯოლაში, ქუთაისსა და ზესტაფონში; რეფერირების ცენტრი გაიხსნა ქუთაისში; გაფორმდა თანამშრომლობის მემორანდუმები მუნიციპალიტეტებთან შრომამისჯილი პირების დასაქმებისათვის.

იუსტიციის სამინისტროს ერთწლიანი მუშაობის ანგარიშის პრეზენტაციას ესწრებოდნენ ადგილობრივი ხელისუფლების წარმომადგენლები, იუსტიციის მინისტრის მოადგილეები და მოწვეული სტუმრები.

ორშაბათი, 08 აგვისტო 2022

საქართველოს ეროვნულ თავდაცვის აკადემიაში იუსტიციის მინისტრმა მოადგილეებთან ერთად სამართლებრივი გზებით საქართველოს სუვერენიტეტის დაცვის შესახებ საჯარო ლექცია ჩაატარა


აგვისტოს ომს მიეძღვნა იუსტიციის მინისტრისა და მოადგილეების შეხვედრა გორში, დავით აღმაშენებლის სახელობის საქართველოს ეროვნული თავდაცვის აკადემიის იუნკერებთან. ღონისძიებას, ასევე, ესწრებოდა აკადემიის რექტორი, გენერალი მამია ბალახაძე.

გორი არის ერთ-ერთი ქალაქი, რომელიც 14 წლის წინ რუსული აგრესიის შედეგად ყველაზე მეტად დაზარალდა. სწორედ გორში ჩამოვარდნილი ისკანდერი გახდა „ოქროს სამხილი“, რომელმაც საქართველოს სტრასბურგის სასამართლოში ისტორიული გამარჯვება მოაპოვებინა. იუსტიციის სამინისტრომ საერთაშორისო სასამართლოს წინაშე წარადგინა 15 მოწმე, სხვადასხვა სოფლის მცხოვრებნი, ვინც საკუთარ თავზე იწვნია ომის უბედურება, მათ შორის, შვილმკვდარი დედები.

2008 წლის რუსული აგრესიის შედეგად დაღუპული ჯარისკაცები, სამხედროები, რომლებმაც ომში თანამებრძოლები დაკარგეს; დაზარალებულები, რომლებმაც, საერთაშორისო სასამართლოს წინაშე მისცეს ჩვენებები; და სახელმწიფო ერთად არის ის ძალა, რომელმაც სტრასბურგში რუსეთის მიერ საქართველოს ოკუპაციის ფაქტის დადასტურება შეძლო.

იუსტიციის მინისტრი და მოადგილეები საქართველოს ეროვნული თავდაცვის აკადემიაში შეკრებილ იუნკერებს სტრასბურგსა და ჰააგაში რუსეთის წინააღმდეგ მიმდინარე დავებზე ესაუბრნენ, რომლებიც აგვისტოს ომის საქმეზე საქართველოსთვის ისტორიული მნიშვნელობის გადაწყვეტილებებით დასრულდა. საუბარი შეეხო სტრასბურგის სასამართლოს გადაწყვეტილებას − ამოერიცხა ან დაუშვებლად ეცნო საქართველოს წინააღმდეგ ცხინვალის რეგიონში მცხოვრები მოსახლეობის მიერ წარდგენილი 3,300-ზე მეტი საჩივარი, რომლებიც რუსეთის კოორდინაციით შევიდა. ფაქტით კიდევ ერთხელ დასტურდება, რომ 2008 წლის ომის დროს ქართველი სამხედროები მოქმედებდნენ საერთაშორისო სამართლის ნორმების დაცვით.

იუსტიციის მინისტრმა და მოადგილეებმა განმარტეს, რომ სტრასბურგის სასამართლოს მიერ რუსეთის ფედერაციის მხრიდან 2008 წელს საქართველოს ოკუპაციის ფაქტის დადასტურება, ცხინვალის რეგიონში ქართველების ეთნიკური წმენდის აღიარება; აგრეთვე, რუსეთის ბრალეულობის დადგენა ქართველი სამხედრო ტყვეების მკვლელობისა და წამებისთვის; სამხედროებისა და სამოქალაქო პირების არაადამიანური და ღირსების შემლახველი მოპყრობისთვის მძლავრი სამართლებრივი იარაღია ჩვენი ქვეყნის შემდგომი დეოკუპაციისათვის.

ლექციაზე განიხილეს ჰააგის სასამართლოს მიერ დაკავების ორდერების გამოცემა ცხინვალის რეგიონის 3 „მაღალჩინოსნის“ მიმართ, რომლებსაც აგვისტოს ომის დროს ქართველი სამოქალაქო ტყვეების წამებასა და არასათანადო მოპყრობაში ედებათ ბრალი. ჰააგის სასამართლოს პროკურორის ოფისის მიერ გამოიკვეთა, აგრეთვე, რუსი გენერალი ბორისოვის პასუხისმგებლობის საკითხიც. სტრასბურგის შემდეგ ამ გადაწყვეტილებით უკვე ჰააგის სისხლის სამართლის საერთაშორისო სასამართლომ დაადასტურა რუსეთის ფედერაციისა და სეპარატისტული რეჟიმების კონკრეტული წარმომადგენლების პასუხისმგებლობა აგვისტოს ომის დროს ჩადენილ დანაშაულებში.

საერთაშორისო სასამართლოებში დავების საქართველოს სასარგებლოდ დასასრულებლად იუსტიციის სამინისტრომ წარადგინა 700-მდე მტკიცებულება (მათ შორის, ვიდეო და ფოტო მასალები, რადარის მონაცემები, ექსპერტის დასკვნები, სამეთვალყურეო კამერის ჩანაწერები, სეისმური სადგურის მიერ აფეთქებების დამადასტურებელი ჩანაწერები, მოწმეთა ჩვენებები, სატელიტური სურათები, მედიის მასალები, საერთაშორისო ორგანიზაციების ანგარიშები, სატელეფონო მიყურადების ჩანაწერები, განაღმვის ანგარიშები და სხვა) და არაერთი დოკუმენტი შესაბამისი ანალიზითა და არგუმენტებით.

შაბათი, 06 აგვისტო 2022

იუსტიციის მინისტრის მოადგილეებმა ლექცია „საქართველოს სუვერენიტეტის დაცვა სამართლებრივი გზებით“ თელავში ჩაატარეს

რა გამარჯვებებს მიაღწია იუსტიციის სამინისტრომ ადამიანის უფლებათა ევროპულ სასამართლოებში ქვეყნის სუვერენიტეტისა და ტერიტორიული მთლიანობის დასაცავად − ამ თემაზე ლექციათა ციკლი დღეს თელავში გაგრძელდა.

იუსტიციის მინისტრის პირველი მოადგილე თამარ ტყეშელაშვილი და მოადგილე ბექა ძამაშვილი აუდიტორიას სტრასბურგსა და ჰააგაში რუსეთის წინააღმდეგ მიმდინარე საქმეებზე ესაუბრნენ, რომლებიც აგვისტოს ომის საქმეზე საქართველოსთვის ისტორიული მნიშვნელობის გადაწყვეტილებებით დასრულდა.

იუსტიციის მინისტრის მოადგილეებმა განმარტეს, რომ სტრასბურგის სასამართლოს მიერ რუსეთის ფედერაციის მხრიდან 2008 წელს საქართველოს ოკუპაციის ფაქტის დადასტურება, ცხინვალის რეგიონში ქართველების ეთნიკური წმენდის აღიარება; აგრეთვე, რუსეთის ბრალეულობის დადგენა ქართველი სამხედრო ტყვეების მკვლელობისა და წამებისთვის; სამხედროებისა და სამოქალაქო პირების არაადამიანური და ღირსების შემლახველი მოპყრობისთვის მძლავრი სამართლებრივი იარაღია ჩვენი ქვეყნის შემდგომი დეოკუპაციისათვის.

საუბარი შეეხო, აგრეთვე, სტრასბურგის სასამართლოს გადაწყვეტილებას − ამოერიცხა ან დაუშვებლად ეცნო საქართველოს წინააღმდეგ ცხინვალის რეგიონში მცხოვრები მოსახლეობის მიერ წარდგენილი 3,300-ზე მეტი საჩივარი, რომლებიც რუსეთის კოორდინაციით შევიდა. მინისტრის მოადგილეების განმარტებით, ფაქტით კიდევ ერთხელ დასტურდება, რომ 2008 წლის ომის დროს ქართველი სამხედროები მოქმედებდნენ საერთაშორისო სამართლის ნორმების დაცვით.

ლექციაზე განიხილეს ჰააგის სასამართლოს მიერ დაკავების ორდერების გამოცემა ცხინვალის რეგიონის 3 „მაღალჩინოსნის“ მიმართ, რომლებსაც აგვისტოს ომის დროს ქართველი სამოქალაქო ტყვეების წამებასა და არასათანადო მოპყრობაში ედებათ ბრალი. სტრასბურგის შემდეგ ამ გადაწყვეტილებით უკვე ჰააგის სისხლის სამართლის საერთაშორისო სასამართლომ დაადასტურა რუსეთის ფედერაციისა და სეპარატისტული რეჟიმების კონკრეტული წარმომადგენლების პასუხისმგებლობა აგვისტოს ომის დროს ჩადენილ დანაშაულებში.

ღონისძიებას ესწრებოდნენ სახელმწიფო რწმუნებული კახეთის მხარეში ირაკლი შიოშვილი, ადგილობრივი ხელისუფლების წარმომადგენლები, საჯარო მოხელეები, თელავის სახელმწიფო უნივერსიტეტის სტუდენტები.

პარასკევი, 05 აგვისტო 2022

№16 პენიტენციურ დაწესებულებაში სპორტული ფესტივალი გაიმართა

№16 პენიტენციურ დაწესებულებაში მსჯავრდებულთა შორის ტურნირი ჩატარდა სპორტის 7 სახეობაში: შაშში, ჭადრაკში, კალათბურთში, ფრენბურთში, ფეხბურთში, ხელბურთსა და მაგიდის ჩოგბურთში.

სპორტული ფესტივალის გამარჯვებულები იუსტიციის მინისტრმა რატი ბრეგაძემ პირადად დააჯილდოვა და მათ სიმბოლური საჩუქრები გადასცა. მსჯავრდებულებთან შეხვედრისას მინისტრმა პენიტენციურ დაწესებულებებში ჯანსაღი ცხოვრების წესის პოპულარიცაზიის მნიშვნელობასა და სპორტის სხვადასხვა სახეობაში პატიმართა ჩართულობის აუცილებლობაზე ისაუბრა.

ტურნირის დასრულების შემდგომ მსჯავრდებულებმა სტუმრებისთვის რამდენიმე მუსიკალური ნომერი შეასრულეს.

სპორტული ფესტივალი სპეციალურ პენიტენციურ სამსახურსა და სპორტის, ტურიზმისა და ახალგაზრდობის საერთაშორისო ფონდს შორის გაფორმებული ურთიერთთანამშრომლობის მემორანდუმის ფარგლებში გაიმართა, რომელიც მსჯავრდებულთა რესოციალიზაცია-რეაბილიტაციის ხელშეწყობასა და პენიტენციურ დაწესებულებებში ჯანსაღი ცხოვრების წესის მხარდაჭერას ემსახურება.

იუსტიციის მინისტრთან ერთად, ტურნირს ესწრებოდნენ სპეციალური პენიტენციური სამსახურის ხელმძღვანელი ნიკა ცხვარაშვილი, მისი მოადგილე გიორგი გიორგაძე და სპორტის, ტურიზმისა და ახალგაზრდობის საერთაშორისო ფონდის ხელმძღვანელი ტარიელ ხეჩიკაშვილი.

ოთხშაბათი, 03 აგვისტო 2022

მარჯანიშვილის თეატრის სცენაზე მსჯავრდებულებმა სპექტაკლი წარადგინეს

მსჯავრდებულების მონაწილეობით კოტე მარჯანიშვილის სახელობის სახელმწიფო დრამატულ თეატრში სპექტაკლი „ციხის თავზე ანგელოზები დაფრინავენ“ გაიმართა. სპექტაკლი ერთმოქმედებიანია და მასში 19 მსჯავრდებული მონაწილეობს. სცენარი, რეჟისურა, რეკვიზიტები, მხატვრული გაფორმება და აფიშაც თავად მსჯავრდებულებს ეკუთვნით. სპექტაკლი №5 (ქალთა) პენიტენციურ დაწესებულებაში დაიდგა.

სპექტაკლზე მუშაობის პროცესში მსჯავრდებულებს პენიტენციური სამსახურის ხელმძღვანელობის სრული მხარდაჭერა ჰქონდათ, რადგან ეს მათი რესოციალიზაცია-რეაბილიტაციის ნაწილია. თავად სპექტაკლს ლაიტმოტივად გასდევს აზრი იმის შესახებ, რომ მსჯავრდებულს, ისევე, როგორც ნებისმიერ ადამიანს, შეცდომის დაშვების შემდეგ უნდა შეეძლოს ცხოვრების სუფთა ფურცლიდან დაწყება. სპექტაკლზე მუშაობის პროცესი თითოეული მონაწილე მსჯავრდებულისთვის იმის გააზრების ერთგვარი საშუალება იყო, თუ როგორ და რა შინაგანი სირთულეების გადალახვის შედეგად შეძლებენ საკუთარი შეცდომებიდან იმ გამოცდილების გამოტანას, რაც ცხოვრების უკეთესად დაგეგმვაში დაეხმარებათ. „ციხის თავზე ანგელოზები დაფრინავენ“ უკვე დაიდგა სანდრო ახმეტელის სახელობის სახელმწიფო დრამატული თეატრის სცენაზე; პირველ სპექტაკლში მონაწილე რამდენიმე მსჯავრდებულმა კი, უკვე დატოვა სასჯელაღსრულების დაწესებულება და მათ სხვა მსჯავრდებულები ჩაენაცვლნენ. თავად სპექტაკლიც, ისევე, როგორც მასზე მუშაობის პროცესი, მსჯავრდებულებისთვის საზოგადოებაში დაბრუნების ერთგვარი რეპეტიციაა. სპექტაკლის დაწყებამდე მარჯანიშვილის თეატრის ფოიეში მსჯავრდებულთა ხელნაკეთი ნივთების გამოფენა მოეწყო.

სპექტაკლს დაესწრნენ იუსტიციის მინისტრი რატი ბრეგაძე, იუსტიციის მინისტრის მოადგილეები, განათლებისა და მეცნიერების მინისტრი მიხეილ ჩხენკელი, რომელიც იუსტიციის სამინისტროსთან ,,ციფრული უნივერსიტეტის“ პროექტის ფარგლებში თანამშრომლობს, საკანონმდებლო ხელისუფლების წევრები, იუსტიციის სამინისტროს სსიპების და საპატრიარქოს წარმომადგენლები.

სამშაბათი, 02 აგვისტო 2022

ევროპის საბჭოსა და გაერო-ს შესაბამის ორგანოებში საქართველოდან წარსადგენი კანდიდატების შესარჩევი კონკურსი გამოცხადდა



გაერთიანებული ერების ორგანიზაციის წამებისა და სხვა სასტიკი, არაადამიანური ან დამამცირებელი მოპყრობის ან დასჯის პრევენციის ქვეკომიტეტში (SPT) საქართველოს კვოტით ევროპის საბჭოს მართლმსაჯულების ეფექტიანობის ევროპულ კომისიასა (CEPEJ) და ევროპის საბჭოს ევროპელ მოსამართლეთა საკონსულტაციო საბჭოში (CCJE) წარსადგენი კანდიდატების შესარჩევი კონკურსები გამოცხადდა.

აღნიშნული კონკურსები წარიმართება საქართველოს იუსტიციის მინისტრის 2022 წლის 27 ივლისის №848, №849 და №850 ბრძანებებით დამტკიცებული კონკურსის ჩატარების წესის შესაბამისად. საქართველოს იუსტიციის მინისტრს საერთაშორისო სასამართლოებში, აგრეთვე, ადამიანის უფლებათა დაცვისა და იურიდიულ საკითხებზე მომუშავე საერთაშორისო ორგანიზაციებსა და მათ ორგანოებში საქართველოდან წარსადგენი კანდიდატების შერჩევის წესისა და პროცედურის განსაზღვრის უფლებამოსილება მიენიჭა საქართველოს მთავრობის №234 დადგენილებით. აღსანიშნავია, რომ ამ დადგენილების მიღებამდე არ არსებობდა ერთიანი მიდგომა საერთაშორისო ორგანიზაციებში საქართველოდან წარსაგზავნი კანდიდატების შერჩევის წესსა და პროცედურებთან მიმართებით; ამ უფლებამოსილების იუსტიციის მინისტრისთვის მინიჭების მიზანი კი, საქართველოს წინაშე არსებული საერთაშორისო ვალდებულებების ეფექტიანი და დროული შესრულება, ზემოაღნიშნულ ორგანოებში მიუკერძოებლად და საერთაშორისო სტანდარტების შესაბამისად კანდიდატის შერჩევა და წარდგენაა.

კანდიდატების შესარჩევი კომისიის შემადგენლობაში გათვალისწინებულია თემატური უწყებების წარმომადგენლების მონაწილეობა.


შერჩეული და საქართველოს კვოტით წარდგენილი კანდიდატები თავიანთი საქმიანობის ფარგლებში ზემოდასახელებულ ორგანოებში იმოქმედებენ ინდივიდუალურად, დამოუკიდებლად და მიუკერძოებლად.
საკონკურსო მოთხოვნები განთავსებულია შემდეგ მისამართებზე:

- ევროპის საბჭოს მართლმსაჯულების ეფექტიანობის ევროპული კომისიის (CEPEJ) წევრობის კანდიდატი საქართველოს კვოტით − https:/www.hr.gov.ge/JobProvider/UserOrgVaks/Details/72655?active=1 ;

- ევროპის საბჭოს ევროპელ მოსამართლეთა საკონსულტაციო საბჭოს (CCJE) წევრობის კანდიდატი საქართველოს კვოტით − https://www.hr.gov.ge/JobProvider/UserOrgVaks/Details/72722?active=1 ;

- გაერთიანებული ერების ორგანიზაციის წამებისა და სხვა სასტიკი, არაადამიანური ან დამამცირებელი მოპყრობის ან დასჯის პრევენციის ქვეკომიტეტის (SPT) წევრობის კანდიდატი − https://www.hr.gov.ge/JobProvider/UserOrgVaks/Details/72654?active=1 .

უახლოეს პერიოდში დამატებით გამოცხადდება შესარჩევი კონკურსები კანდიდატების წარსადგენად იმ საერთაშორისო ორგანოებში, სადაც მოახლოებულია საქართველოდან კანდიდატის წარდგენის ვადა.

„იუსტიციის“ მეორე ნომერი გამოიცა


ჟურნალის მე-2 ნომერში მკითხველს შეუძლია, გაეცნოს ქართველი და უცხოელი მკვლევრების ნაშრომებს თანამედროვე სამართლის მეცნიერების ისეთ აქტუალურ გამოწვევებზე, როგორიცაა: ეკლესიისა და სახელმწიფოს ურთიერთობა, ტერორიზმის ცნების განსაზღვრა; კიბერშეტევის სამართლებრივი განსაზღვრება; ნაფიც მსაჯულთა და მედიაციის ინსტიტუტები ქართულ სამართლებრივ სივრცეში; დავების ალტერნატიული გადაწყვეტა კონკურენციის სამართალში.

სამართლის ისტორიით დაინტერესებული პირებისათვის გრძელდება ცნობილი მეცნიერის, ვილჰელმ ზაუერის, ნაშრომის („სამართლიანობა“) პუბლიკაცია, რომელიც ქართულ ენაზე პირველად ქვეყნდება. აქვეა შესაძლებელი 1791 წლის პოლონეთის კონსტიტუციის გაცნობაც.

გამოცემის მე-2 ნომერში მკითხველი შეხვდება, აგრეთვე, სომხეთის იუსტიციის მინისტრ კარენ ანდრეასიანისა და საქართველოს გენერალური პროკურორის, ირაკლი შოთაძის, ინტერვიუებს; ცნობილი ქართველი მეცნიერის, სამართალმცოდნე ოთარ გამყრელიძის ბიოგრაფიას.

იუსტიციის სამინისტროს ქართულ-ინგლისური ჟურნალი „იუსტიცია“ (ლათ. „IUSTITIA“) გასული წლის ივნისში იუსტიციის მინისტრის ინიციატივით დაარსდა. ის ყოველკვარტალური, რეფერირებადი და რეცენზირებადი გამოცემაა. მისი მიზანია სამართლის ცალკეული დარგის განვითარებისა და იურიდიულ საკითხებზე აკადემიური დისკუსიის გაღრმავების ხელშეწყობა.

ორშაბათი, 01 აგვისტო 2022

საქართველოს იუსტიციის სამინისტროსთან სამეცნიერო-საკონსულტაციო საბჭო შეიქმნა

სამინისტროს სისტემაში რეფორმების, სამართალშემოქმედებითი საქმიანობის, პოლიტიკის დოკუმენტების შემუშავებისა და განხორციელების პროცესში აკადემიური წრეებისა და სამეცნიერო საზოგადოების ჩართვის მიზნით, იუსტიციის სამინისტრო ახალ პლატფორმას აფუძნებს. იუსტიციის მინისტრ რატი ბრეგაძის გადაწყვეტილებით, უწყებასთან სამეცნიერო-საკონსულტაციო საბჭო შეიქმნა, რომელიც სამართლის სხვადასხვა დარგის გამოჩენილი სპეციალისტებით არის დაკომპლექტებული.

სამეცნიერო-საკონსულტაციო საბჭო იუსტიციის მინისტრისთვის წარსადგენად კანონპროექტებს, კონცეფციებს, დასკვნებსა და მოსაზრებებს შეიმუშავებს; იუსტიციის სამინისტროს საქმიანობის სხვადასხვა სფეროში კი, სწორედ ამ სამეცნიერო და საექსპერტო წინადადებების გათვალისწინება მოხდება.

სამეცნიერო დასკვნებსა და ანალიტიკაზე დაფუძნებული სამართალშემოქმედებითი პროცესის ხელშეწყობა იუსტიციის სამინისტროს 10-წლიანი სტრატეგიის ერთ-ერთი მთავარი პრიორიტეტია. ამ მიზნით გასულ წელს დაფუძნდა ორენოვანი სამართლებრივი ჟურნალი „იუსტიცია“, რომელიც ყოველკვარტალური, რეფერირებადი და რეცენზირებადი გამოცემაა. ჟურნალის მე-2 ნომრის პრეზენტაცია სიმბოლურად სამეცნიერო-საკონსულტაციო საბჭოს სხდომაზე გაიმართა.

საბჭოს შემადგენლობაში არიან იუსტიციის სამინისტროს წარმომადგენლები, უმაღლესი საგანმანათლებლო დაწესებულებების სამართლის სკოლის ხელმძღვანელები და პროფესორები.

ხუთშაბათი, 28 ივლისი 2022

იუსტიციის მინისტრმა რატი ბრეგაძემ  საქართველოში გერმანიის ფედერაციის ელჩ ჰუბერტ ქნირშთან გამოსამშვიდობებელი შეხვედრა გამართა

მინისტრმა ელჩს მადლობა გადაუხადა თანამშრომლობისთვის და სამომავლო პერსპექტივებზე ისაუბრა. რატი ბრეგაძემ ჰუბერტ ქნირშთან შეხვედრისას საქართველოს ევროპული პერსპექტივის მხარდაჭერის საკითხში გერმანიის განსაკუთრებულ როლს გაუსვა ხაზი. მინისტრმა ასევე აღნიშნა ელჩის პირადი წვლილი ორ ქვეყანას შორის ურთიერთობების გაღრმავების საკითხში.

რატი ბრეგაძემ იმედი გამოთქვა, რომ საქართველო-გერმანიის თანამშრომლობა კიდევ უფრო ინტენსიური გახდება და ჰუბერტ ქნირშს მომავალ საქმიანობაში წარმატებები უსურვა.

სამშაბათი, 26 ივლისი 2022

დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს დღე პირველად აღინიშნა

უწყების თანამშრომლებს პროფესიული დღე საქართველოს იუსტიციის მინისტრმა რატი ბრეგაძემ მიულოცა. მინისტრმა განხორციელებული პროექტები შეაჯამა და თანამშრომლებს გაწეული სამსახურისთვის მადლობა გადაუხადა .

უწყების საქმიანობის შედეგები და განვითარების ხედვა გააცნო თანამშრომლებს დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა ლადო ხელაძემ. მან ტექნოლოგიურ ინოვაციებზე, დანაშაულის პრევენციის მიმართულების გაძლიერებაზე, ადამიანური რესურსების განვითარების ხელშეწყობაზე, ინფრასტრუქტურულ განახლებასა და ბენეფიციარების საჭირო სერვისებით უზრუნველყოფის საკითხებზე გაამახვილა ყურადღება.

გასული ერთი წლის მანძილზე დანაშაულის პრევენციისა და პრობაციის მიმართულებით არაერთი დაპირება შესრულდა:

შეიქმნა ევროპაში პირველი ინოვაციური მოწყობილობა „Probbox“ - პრობაციონერთა მომსახურების ელექტრონული სისტემა, რომელიც პრობაციის სერვისების გეოგრაფიულ ხელმისაწვდომობასა და ანონიმურობას უზრუნველყოფს. ამ დროისათვის „Probbox“ საქართველოს 7 ქალაქში იუსტიციის სახლებსა და მუნიციპალურ შენობაშია განაწილებული, სამომავლოდ კი მისი რიცხვი 250-მდე გაიზრდება;

იმერეთის პრობაციის რეგიონული ბიუროს განახლებული ოფისი გაიხსნა ქუთაისში, მუნიციპალური ოფისები კი - ზესტაფონსა და თერჯოლაში. გარდაბნის, სიღნაღის, კასპისა და ჩხოროწყუს პრობაციის ოფისები ამავე ქალაქების იუსტიციის სახლებსა და საზოგადოებრივ ცენტრებში განთავსდა; არასრულწლოვანთა რეფერირების ცენტრის პირველი რეგიონული ოფისი ამოქმედდა ქუთაისში;

გაძლიერდა ადამიანური რესურსი - პრობაციის ოფიცერთა რაოდენობა 12%-ით, სოციალური მუშაკების რაოდენობა 26%-ით, ხოლო ფსიქოლოგების რაოდენობა 67%-ით გაიზარდა. შემუშავდა პრობაციის ოფიცერთა ეთიკის კოდექსი;

4 ახალი სარეაბილიტაციო პროგრამა დაინერგა მსჯავრდებულთა და ყოფილ პატიმართა რესოციალიზაცია-რეაბილიტაციის მიმართულებით. განრიდების პროგრამებში 577 არასრულწლოვანი და 21 წლამდე სრულწლოვანი ჩაერთო. წარმატებული მედიაციის მაჩვენებელმა კი სტატისტიკურად ყველაზე მაღალი - 67% შეადგინა;

სააგენტოს ბენეფიციართა დასაქმების ხელშეწყობისთვის, მემორანდუმები გაფორმდა სახელმწიფო დასაქმების სააგენტოს, გარემოს დაცვისა და სოფლის მეურნეობის სამინისტროსთან. შრომამისჯილი პირების ინფრასტრუქტურული პროექტების განხორციელებაში ჩართულობისა და სასჯელის მოხდის შემდგომ, მათი დასაქმების ხელშეწყობისთვის, მემორანდუმები გაფორმდა სხვადასხვა მუნიციპალიტეტის მერიებთან;

შინაპატიმრობის ეფექტიანი აღსრულების მიზნით, შეიქმნა მობილური და 24-საათიანი ელექტრონული მონიტორინგის ჯგუფები.

ღონისძიების ბოლოს იუსტიციის მინისტრის მოადგილე ბუბა ლომუაშვილმა და ბიუროს ხელმძღვანელმა ლადო ხელაძემ წარმატებული პროფესიონალები მადლობის სიგელებით დააჯილდოვეს.

დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს დღისადმი მიძღვნილ ღონისძიებას სააგენტოს თანამშრომლები, იუსტიციის მინისტრის მოადგილეები, სამინისტროს სტრუქტურული ერთეულების ხელმძღვანელები და ამერიკის შეერთებული შტატების სახელმწიფო ანტინარკოტიკული და სამართალდამცავ ორგანოებთან თანამშრომლობის ბიუროს (INL) წარმომადგენლები ესწრებოდნენ.

შაბათი, 23 ივლისი 2022

იუსტიციის სამინისტროსა და ბათუმის სახელმწიფო უნივერსიტეტს შორის ურთიერთთანამშრომლობის მემორანდუმი გაფორმდა

საქართველოს იუსტიციის სამინისტრო უმაღლეს სასწავლებლებთან თანამშრომლობას განაგრძობს. უწყებამ მემორანდუმი დღეს შოთა რუსთაველის სახელობის ბათუმის სახელმწიფო უნივერსიტეტთან გააფორმა.

მემორანდუმის ფარგლებში სტუდენტები სასწავლო პრაქტიკას იუსტიციის სამინისტროში გაივლიან და დამოუკიდებლად მუშაობისათვის საჭირო უნარ-ჩვევებს შეიძენენ. სამინისტრო ხელს შეუწყობს წარმატებულ სტუდენტთა დასაქმებას სამინისტროს სისტემაში.

დოკუმენტს იუსტიციის მინისტრმა რატი ბრეგაძემ და ბსუ-ს რექტორმა, მერაბ ხალვაშმა მოაწერეს ხელი.

დღესვე იუსტიციის მინისტრის მოადგილე ბექა ძამაშვილმა ბათუმის უნივერსიტეტში სტუდენტებისა და პედაგოგებისთვის საჯარო ლექცია წაიკითხა. ლექციის თემა ქვეყნის სამართლებრივი უსაფრთხოება და საქართველოს სუვერენიტეტის დასაცავად სამართლებრივი ბრძოლა იყო. მინისტრის მოადგილემ ისაუბრა იმაზე, თუ რა მნიშვნელობა ჰქონდა იუსტიციის სამინისტროს მიერ სახელმწიფო ინტერესების დაცვას საქართველოს სუვერენიტეტისა და შემდგომი დეოკუპაციისათვის, რა სამართლებრივ ბერკეტებს აძლევს საქართველოს სტრასბურგის სასამართლოს მიერ რუსეთის ფედერაციის მხრიდან ოკუპაციის ფაქტის დადასტურება, ცხინვალის რეგიონში ქართველების ეთნიკური წმენდის აღიარება; აგრეთვე, რუსეთის ბრალეულობის დადგენა ქართველი სამხედრო ტყვეების მკვლელობისა და წამებისთვის; სამხედროებისა და სამოქალაქო პირების არაადამიანური და ღირსების შემლახველი მოპყრობისთვის.

ლექციაზე განიხილეს ჰააგის სასამართლოს მიერ დაკავების ორდერების გამოცემა ცხინვალის რეგიონის 3 „მაღალჩინოსნის“ მიმართ, აგრეთვე, სტრასბურგის სასამართლოს გადაწყვეტილება, ამოერიცხა ან დაუშვებლად ეცნო საქართველოს წინააღმდეგ ცხინვალის რეგიონში მცხოვრები მოსახლეობის მიერ წარდგენილი 3,300-ზე მეტი საჩივარი, რომლებიც რუსეთის კოორდინაციით შევიდა.

ლექციის ბოლოს იუსტიციის მინისტრის მოადგილემ აუდიტორიის კითხვებსაც უპასუხა.

ღონისძიებას ესწრებოდნენ ბათუმის სახელმწიფო უნივერსიტეტის და საზღვაო აკადემიის სტუდენტები, პროფესორ-მასწავლებლები, აჭარის მთავრობის წევრები და იუსტიციის მინისტრის მოადგილეები.

იუსტიციის მინისტრმა ერთწლიანი მუშაობის ანგარიშის პრეზენტაცია ბათუმში გამართა

იუსტიციის მინისტრი რეგიონებში ანგარიშის წარდგენას განაგრძობს. თბილისის, ქუთაისის, ბორჯომისა და რუსთავის შემდეგ ღონისძიება ბათუმშიც გაიმართა. რატი ბრეგაძემ იუსტიციის სამინისტროს მიერ ერთი წლის განმავლობაში განხორციელებულ რეფორმებსა და შესრულებულ დაპირებებზე ისაუბრა.

ადამიანის უფლებების დაცვის მიმართულების გაძლიერება, სამართლებრივი უსაფრთხოება და ეფექტიანი სერვისები − ამ სამი პრინციპის გარშემო ერთიანდება ყველა ის სიახლე, რაც იუსტიციის სამინისტრომ მოქალაქეებს შესთავაზა. კერძოდ:

დაინერგა და 7 რეგიონში წარმატებით მუშაობს ინოვაციური პროექტი „მობილური იუსტიციის სახლი“; საქართველოს 6 დიდ ქალაქში განთავსდა პრობაციონერთა მომსახურების ელექტრონული სისტემა „PROBBOX“; ამოქმედდა მიწის სისტემური რეგისტრაციის რეფორმა – საქართველოს 59 მუნიციპალიტეტში ეტაპობრივად, გეგმა-გრაფიკის მიხედვით მიმდინარეობს მიწების აზომვა და რეგისტრაცია;

გრძელდება ინფრასტრუქტურული სამუშაოები – გაიხსნა 5 ახალი იუსტიციის სახლი და საზოგადოებრივი ცენტრი; მშენებლობები მიმდინარეობს კიდევ 6 მუნიციპალიტეტში; დამატებით ერთი იუსტიციის სახლი ამოქმედდება თბილისში, ჰუალინგში; სამცხე-ჯავახეთის რეგიონული არქივის შენობა გაიხსნა ახალციხეში;

დაფუძნდა და გამოიცა ორენოვანი ჟურნალი „იუსტიცია“; იუსტიციის სამინისტროსათვის ხელმისაწვდომი გახდა უმსხვილესი ელექტრონული სამართლებრივი ბაზა „ჰეინონლაინი“ („HeinOnline“); ურთიერთთანამშრომლობის მემორანდუმები გაფორმდა თურქეთის, ისრაელის, უნგრეთის, სომხეთის, აზერბაიჯანის, შვეიცარიის იუსტიციის სამინისტროებთან;

სანოტარო მომსახურება ხელმისაწვდომი გახდა ადმინისტრაციულ ერთეულებში – საგურამოში, გამარჯვებაში, მარტყოფში, შუახევში, ადიგენში, ასპინძაში, კაჭრეთში, ქედაში, ხობში, ზესტაფონში, სიღნაღსა და ამბროლაურში; სულ მალე კი, მოქალაქეებს ონლაინ სანოტარო მომსახურების მიღება მობილური აპლიკაციის საშუალებით შეეძლებათ;

მნიშვნელოვანი რეფორმებია პენიტენციურ და პრობაციის სისტემებში – გაძლიერდა პატიმართა დასაქმების პროგრამები; გრძელდება პენიტენციურ დაწესებულებებში სპორტული აქტივობების წახალისება; რემონტდება მოედნები; მიმდინარეობს რეგულარული წვრთნები, პრობაციის ბიუროების გახსნა სიღნაღში, თერჯოლაში, ქუთაისსა და ზესტაფონში; რეფერირების ცენტრი გაიხსნა ქუთაისში; გაფორმდა თანამშრომლობის მემორანდუმები მუნიციპალიტეტებთან შრომამისჯილი პირების დასაქმებისათვის.

ანგარიშის პრეზენტაციას ესწრებოდნენ აჭარის მთავრობის წარმომადგენლები, იუსტიციის მინისტრის მოადგილეები, სამინისტროს დაქვემდებარებაში მოქმედი სსიპ-ების თანამშრომლები და მოწვეული სტუმრები.

შაბათი, 16 ივლისი 2022

ხაშურის მუნიციპალიტეტში იუსტიციის სამინისტროს ყველა სერვისი იქნება ხელმისაწვდომი

იუსტიციის სამინისტროს ერთ-ერთი პრიორიტეტული მიმართულება მოქალაქეთათვის სახელმწიფო სერვისებზე ხელმისაწვდომობის კიდევ უფრო გაუმჯობესებაა. ამ მიზნით იუსტიციის მინისტრი ხაშურში მოადგილეებთან ერთად იმყოფებოდა. უკვე წლის ბოლოსთვის ხაშურის მოსახლეობა იუსტიციის სახლის 470-მდე სერვისით სარგებლობას შეძლებს.

„დღეს ხაშურელებს არაერთი სასიამოვნო სიახლე გავაცანით. პირველ რიგში, იუსტიციის სახლი, რომლის მშენებლობის პროცესი არის სრულად განახლებული. წლის ბოლოსთვის მომხმარებელს ექნება შესაძლებლობა, რომ მიიღოს ყველა სახის სახელმწიფო მომსახურება ერთ სივრცეში მისთვის ჩვეულ, კომფორტულ გარემოში, როგორსაც ის არის მიჩვეული მთელი საქართველოს მასშტაბით. ხაშურში, ასევე, განვათავსეთ „პრობბოქსი“, რომელიც კიდევ უფრო შეუწყობს ხელს დამნაშავის რესოციალიზაციას. ასევე, გავხსენით მედიაციის სივრცე, რომელიც მნიშვნელოვანია საქართველოში აღდგენითი მართლმსაჯულების განვითარებისთვის“, – განაცხადა იუსტიციის მინისტრმა რატი ბრეგაძემ.

რატი ბრეგაძის ინიციატივით ხაშურის იუსტიციის სახლის მშენებლობა ახალ ეტაპზე გადავიდა. სამუშაოები ინტენსიურ რეჟიმში მიმდინარეობს და მას ახალი კომპანია აგრძელებს.

ხაშურის მუნიციპალიტეტს იუსტიციის სახლის ახალი ფილიალი წლის ბოლოსთვის შეემატება. იუსტიციის სახლში 18 პირი დასაქმდება. მომსახურების დარბაზის გარდა, ახალ ფილიალში თანამედროვე ინტერიერის მქონე საქორწინო-სარიტუალო სივრცეც მოეწყობა. შენობაში იუსტიციის სამინისტროს მმართველობის სფეროში მოქმედი სსიპ-ების ოფისებიც განთავსდება, რომლებიც ამ დრომდე მოძველებულ ინფრასტრუქტურაში ფუნქციონირებენ.

რატი ბრეგაძე ხაშურის პრობაციის ბიუროში გახსნილ მედიაციის ახალ სივრცესაც ეწვია, სადაც მედიაციის პროცესის საჭიროებები სრულად არის გათვალისწინებული. მხარეებისთვის უზრუნველყოფილია კომუნიკაციისა და მოლაპარაკების წარმოებისთვის ყველა საჭირო პირობა. სათანადოდ აღჭურვილ სივრცეში მედიატორებს დაკისრებული მოვალეობის შესრულება გაუმარტივდებათ. ამ დრომდე რეგიონში მედიაციის სივრცე არ არსებობდა, რის გამოც პროცესის წარმართვისთვის სხვა სივრცის მოძიება ხდებოდა საჭირო.

მედიაცია დამზარალებელსა და დაზარალებულს შორის არსებული კონფლიქტის ამოწურვას ემსახურება. ის აღდგენითი მართლმსაჯულების პრინციპებს ეყრდნობა და ორიენტირებულია ადამიანებზე, დანაშაულთან შემხებლობაში მყოფი ყველა პირის ჩართულობაზე, მათი საჭიროებების იდენტიფიცირებასა და დაკმაყოფილებაზე.

იუსტიციის სამინისტრო აქტიურად იყენებს მედიაციის მექანიზმს. ის არასრულწლოვანთა სისხლისსამართლებრივი პასუხისმგებლობის ალტერნატიული ფორმაა, რომელიც დამნაშავეებს პატიმრობის ნაცვლად რეაბილიტაციისა და საზოგადოებაში რეინტეგრაციის ღონისძიებებში ჩართვას სთავაზობს; მედიაციის მექანიზმის წარმატებით მუშაობაზე კი, მეტყველებს ის, რომ 2021 წლის განმავლობაში მედიატორის გამოყოფაზე 596 მიმართვა დაფიქსირდა, საიდანაც კანონთან კონფლიქტში მყოფ 389 ბავშვთან მედიაციის პროცესი წარმატებით დასრულდა.

ამ დროისთვის მედიაციის სივრცეები თბილისში, ქუთაისსა და ხაშურში მოქმედებს; წლის ბოლომდე კი, ოზურგეთშიც გაიხსნება.


დღესვე პრობაციონერებისთვის შექმნილი ინოვაციური ტექნოლოგიური მოწყობილობა „PROBBOX“, იუსტიციის სახლების გარდა, პირველად, ალტერნატიულ სივრცეში – ხაშურის მუნიციპალიტეტის მერიის ადმინისტრაციულ შენობაში განთავსდა. ტექნოლოგიურ მოწყობილობაში ყველა ის სერვისია ინტეგრირებული, რომელთა სარგებლობისთვისაც პრობაციონერებს აქამდე პრობაციის ბიუროებში სჭირდებოდათ მისვლა.

„პრობბოქსის“ სერვისებს შორისაა: შეთავაზებები დასაქმების შესახებ, ინფორმაცია პირობითი მსჯავრის გაუქმებაზე, განაცხადის წარდგენა რეჟიმის შემსუბუქების მოთხოვნაზე, პრობაციის ოფიცერთან კომუნიკაცია და მსჯავრდებულთან ვიდეოპაემნის დაჯავშნა.

პრობაციონერებს „პრობბოქსით“ სარგებლობა ამ დროისთვის 7 მუნიციპალიტეტში შეუძლიათ. მოწყობილობა ბათუმის, ქუთაისის, თბილისის, თელავის, გორისა და ზუგდიდის შემდეგ ხაშურის მუნიციპალიტეტშიც არის ხელმისაწვდომი; ეტაპობრივად კი, მთელი ქვეყნის მასშტაბით განაწილდება.

ოთხშაბათი, 13 ივლისი 2022

საქართველოსა და გერმანიის ფედერაციული რესპუბლიკის იუსტიციის მინისტრები თანამშრომლობის ახალ ფორმატზე შეთანხმდნენ

ორი ქვეყნის იუსტიციის მინისტრებმა ურთიერთთანამშრომლობის გაღრმავებაზე პრაღაში იუსტიციისა და შინაგან საქმეთა მინისტრების კონფერენციის ფარგლებში ორგანიზებულ შეხვედრაზე ისაუბრეს.

საქართველოსა და გერმანიის ფედერაციულ რესპუბლიკას შორის თანამშრომლობა უფრო ინტენსიური გახდება სამოქალაქო და სისხლის სამართლის სფეროში თანამედროვე პენიტენციური და პრობაციის სისტემის მართვისა და მოწყობის მიმართულებით; განხორციელდება რეაბილიტაციისა და რესოციალიზაციის პროგრამები პენიტენციურ და პრობაციის სისტემებში; ქართული მხარე გერმანულ გამოცდილებას გაიზიარებს არასრულწლოვანთა მართლმსაჯულების სფეროში; გერმანელი ექსპერტები ქართული კანონმდებლობის ევროკავშირის სამართალთან ჰარმონიზაციის პროცესში ჩაერთვებიან.

გერმანიის იუსტიციის მინისტრმა რატი ბრეგაძე ოფიციალური ვიზიტით ბერლინში მიიწვია.

იუსტიციის მინისტრი რატი ბრეგაძე ჩეხეთის დედაქალაქ პრაღაში ევროკავშირის წევრი ქვეყნების მინისტერიალში მონაწილეობის მიზნით იმყოფება. კონფერენციას, ასევე, ესწრებიან საქართველოს, მოლდოვისა და უკრაინის იუსტიციის მინისტრები.

საქართველოსა და გერმანიის ფედერაციული რესპუბლიკის იუსტიციის მინისტრები თანამშრომლობის ახალ ფორმატზე შეთანხმდნენ

ორი ქვეყნის იუსტიციის მინისტრებმა ურთიერთთანამშრომლობის გაღრმავებაზე პრაღაში იუსტიციისა და შინაგან საქმეთა მინისტრების კონფერენციის ფარგლებში ორგანიზებულ შეხვედრაზე ისაუბრეს.

საქართველოსა და გერმანიის ფედერაციულ რესპუბლიკას შორის თანამშრომლობა უფრო ინტენსიური გახდება სამოქალაქო და სისხლის სამართლის სფეროში თანამედროვე პენიტენციური და პრობაციის სისტემის მართვისა და მოწყობის მიმართულებით; განხორციელდება რეაბილიტაციისა და რესოციალიზაციის პროგრამები პენიტენციურ და პრობაციის სისტემებში; ქართული მხარე გერმანულ გამოცდილებას გაიზიარებს არასრულწლოვანთა მართლმსაჯულების სფეროში; გერმანელი ექსპერტები ქართული კანონმდებლობის ევროკავშირის სამართალთან ჰარმონიზაციის პროცესში ჩაერთვებიან.

გერმანიის იუსტიციის მინისტრმა რატი ბრეგაძე ოფიციალური ვიზიტით ბერლინში მიიწვია.

იუსტიციის მინისტრი რატი ბრეგაძე ჩეხეთის დედაქალაქ პრაღაში ევროკავშირის წევრი ქვეყნების მინისტერიალში მონაწილეობის მიზნით იმყოფება. კონფერენციას, ასევე, ესწრებიან საქართველოს, მოლდოვისა და უკრაინის იუსტიციის მინისტრები.

საქართველოს იუსტიციის მინისტრი: „ევროპელ კოლეგებთან მჭიდრო დარგობრივი თანამშრომლობა ჩვენთვის უაღრესად მნიშვნელოვანია ევროკავშირში ინტეგრაციის გზაზე“

რატი ბრეგაძე ჩეხეთში მიმდინარე მინისტერიალის ფარგლებში ევროკავშირის წევრი ქვეყნების იუსტიციის მინისტრებთან ორმხრივ შეხვედრებს განაგრძობს. საქართველოს იუსტიციის მინისტრი ბერძენ კოლეგასაც შეხვდა.

რატი ბრეგაძემ კოსტას ციარისთან საერთაშორისო ურთიერთობების მნიშვნელობაზე ისაუბრა და იმედი გამოთქვა, რომ საქართველოსა და საბერძნეთის იუსტიციის სამინისტროებს შორის არსებული დარგობრივი თანამშრომლობა კიდევ უფრო გაღრმავდება.
მხარეებმა ურთიერთობის გაგრძელების შესაძლო მიმართულებებზე ისაუბრეს.

საქართველოს იუსტიციის მინისტრმა ბერძენ კოლეგას საქართველოსა და საბერძნეთის იუსტიციის სამინისტროებს შორის ურთიერთთანამშრომლობის მემორანდუმის გაფორმება შესთავაზა.

„დარწმუნებული ვარ, რომ მემორანდუმი შექმნის შესანიშნავ პლატფორმას ჩვენი თანამშრომლობის შემდგომი გაძლიერებისათვის და გახსნის კარებს ახალი ინიციატივებისთვის“, – განაცხადა რატი ბრეგაძემ.

საერთაშორისო თანამშრომლობის გაძლიერება საქართველოს იუსტიციის სამინისტროს 10-წლიანი სტრატეგიის პრიორიტეტული მიმართულებაა. 2021 წელს სტრატეგიის ამოქმედებიდან დღემდე ურთიერთთანამშრომლობის მემორანდუმები უკვე გაფორმდა თურქეთის, ისრაელის, უნგრეთის, სომხეთის, აზერბაიჯანის, შვეიცარიის, ინდონეზიის იუსტიციის სამინისტროებთან.

საქართველოსა და პორტუგალიის იუსტიციის მინისტრებმა თანამშრომლობის ახალი შესაძლებლობები განიხილეს


ჩეხეთის რესპუბლიკის დედაქალაქ პრაღაში ევროკავშირის წევრი ქვეყნების იუსტიციის მინისტრების მინისტერიალის ფარგლებში რატი ბრეგაძე პორტუგალიელ კოლეგას შეხვდა. შეხვედრას ასევე ესწრებოდა პირველი მოადგილე თამარ ტყეშელაშვილი.

ორი ქვეყნის იუსტიციის მინისტრებმა ორმხრივი ურთიერთობების გაღრმავებისათვის კონკრეტული ინიციატივები განიხილეს, მათ შორის ელექტრონული სერვისებისა და ელექტრონული მმართველობის განვითარების სფეროებში. საუბარი შეეხო, აგრეთვე ქართული კანონმდებლობის ევროკავშირის სამართალთან ჰარმონიზაციის პროცესის მიმდინარეობას.

პორტუგალიის იუსტიციის მინისტრის გარდა, რატი ბრეგაძემ შეხვედრები გამართა გერმანიის, ჩეხეთის, საბერძნეთის იუსტიციის მინისტრებთან. დარგობრივი თემების გარდა, ევროკავშირის წევრი ქვეყნების იუსტიციის მინისტრებთან სასაუბრო თემა საქართველოს ევროპული პერსპექტივა იყო.

პრაღაში იუსტიციის მინისტრი რატი ბრეგაძე ევროკავშირის წევრი ქვეყნების მინისტერიალში მონაწილეობის მიზნით იმყოფებოდა. ერთ-ერთი განსახილველი თემა სისხლის სამართლის სფეროში თანამშრომლობის გაუმჯობესება იყო.

მინისტერიალს, ასევე, ესწრებოდნენ საქართველოს, მოლდოვისა და უკრაინის იუსტიციის მინისტრები.

სამშაბათი, 12 ივლისი 2022

რატი ბრეგაძე ევროკავშირის წევრი ქვეყნების იუსტიციის მინისტრების მინისტერიალზე მოხსენებით წარსდგა

ჩეხეთის რესპუბლიკის დედაქალაქ პრაღაში ევროკავშირის წევრი ქვეყნების იუსტიციის მინისტრების მინისტერიალი გაიმართა, რომელშიც ასევე მონაწილეობა მიიღეს საქართველოს, უკრაინისა და მოლდოვის რესპუბლიკის იუსტიციის მინისტრებმა. მინისტერიალის ერთ-ერთი განსახილველი საკითხი იყო სისხლის სამართლის სფეროში თანამშრომლობა და ქვეყნებს შორის ელექტრონული საშუალებებით ინფორმაციის გაცვლა.

რატი ბრეგაძემ აღნიშნა, რომ საქართველოს ევროკავშირის წევრ სახელმწიფოებთან სისხლის სამართლის სფეროში თანამშრომლობის ძალიან კარგი გამოცდილება აქვს. თანამშრომლობის ფორმატი მოიცავს, როგორც ორმხრივ ურთიერთობებს, ისე იუსტიციის სფეროში ევროკავშირის თანამშრომლობის სააგენტოს (EUROJUST) ფარგლებში ორგანიზებულ დანაშაულთან ბრძოლის ერთობლივ ღონისძიებებში აქტიურ მონაწილეობას.

რატი ბრეგაძის განმარტებით, საქართველო მზადაა ევროკავშირის წევრ სახელმწიფოებთან თანამშრომლობა ელექტრონული და ციფრული საშუალებებითაც წარმართოს, რის შესაძლებლობასაც იძლევა საქართველოს კანონმდებლობა და შესაბამისი ინფრასტრუქტურა. კერძოდ, საქართველოში წლებია აქტიურად გამოიყენება ელექტრონული ხელმოწერისა და დოკუმენტაციის ციფრული საშუალებებით გაცვლის პლატფორმები. ამგვარი პრაქტიკა არსებობს არაერთ სახელმწიფოსთან სისხლის სამართლის სფეროში თანამშრომლობის ფარგლებშიც და თუ ევროკავშირის სახელმწიფოების მხრიდან იქნება მზაობა, საქართველო აქტიურად ჩაერთვება თანამშრომლობის ელექტრონული გზებით განხორციელების ინიციატივაში.

ელექტრონული სერვისების მუშაობის ეფექტურობა და გაძლიერება დღის წესრიგში მსოფლიოში ბოლო პერიოდში განვითარებული გლობალური კრიზისების ფონზე კიდევ უფრო აქტუალურად დადგა. სწორედ ამ პერიოდში გახდა აუცილებელი ევროკავშირის არაწევრ ქვეყნებთან სისხლის სამართლის საქმეებზე სამართლებრივი ურთიერთდახმარების სფეროში ელექტრონული კომუნიკაციებისა და სერვისების დამატებითი ინსტრუმენტების შექმნა.

ორშაბათი, 11 ივლისი 2022

წამების პრევენციის ევროპული კომიტეტის (CPT) ანგარიშის განხილვა გაიმართა


იუსტიციის მინისტრის მოადგილემ, თორნიკე ჭეიშვილმა ღონისძიებაზე იმ დადებითი ტენდენციების შესახებ ისაუბრა, რომელიც CPT-ის მონიტორინგის დოკუმენტში აისახა.
აღინიშნა, რომ ევროპული კომიტეტის ანგარიშის თანახმად, პენიტენციური დაწესებულებების თანამშრომლებსა და პატიმრებს შორის დადებითი და მშვიდი ურთიერთობა არსებობს და რომ დელეგაციას არ მიუღია ინფორმაცია ციხის თანამშრომლების მხრიდან პატიმრების არასათანადო მოპყრობის არცერთ ფაქტზე.


თორნიკე ჭეიშვილმა ისაუბრა აგრეთვე CPT-ის მხრიდან პენიტენციური სამსახურის ჯანდაცვის სისტემის შეფასების შესახებ და აღნიშნა, რომ კომიტეტი პენიტენციურ დაწესებულებებში გადამდებ დაავადებათა მკურნალობას სწრაფად და ადვილად ხელმისაწვდომად მიიჩნევს, განსაკუთრებით მაღალ შეფასებას კი COVID-ის მართვის პრაქტიკას აძლევს, რის შედეგადაც, პანდემიის მიუხედავად, შესაძლებელი იყო პატიმრების გარე სამყაროსთან კონტაქტის შენარჩუნება.


რაც შეეხება ანგარიშში დაფიქსირებულ რეკომენდაციებს, მინისტრის მოადგილის განცხადებით, მათი ნაწილი უკვე გათვალისწინებული და ასახულია იუსტიციის სამინისტროს 10-წლიან სტრატეგიაში. კერძოდ, უკვე დამტკიცებულია პენიტენციურ სისტემაში სპორტის მართვის ახალი სტრატეგია, განახლდა სპორტული მოედნები; ამოქმედდა ციფრული უნივერსიტეტის პროგრამა. არსებული გამოწვევების საკანონმდებლო დონეზე აღმოფხვრისათვის კი უკვე მიმდინარეობს აქტიური მუშაობა ახალ პატიმრობის კოდექსზე, რომელიც საქართველოს პარლამენტს საშემოდგომო სესიაზე წარედგინება:


„შექმნილია შესაბამისი უწყებათშორისი ჯგუფი, ახალი პატიმრობის კოდექსი და აღნიშნული სამუშაო პლატფორმის საქმიანობა იმისკენ იქნება ორიენტირებული, რომ ნებისმიერი საკითხი, რომელიც დღეს პრაქტიკაში შეიძლება მწვავედ იდგეს, პირველ ყოვლისა, საკანონმდებლო დონეზე იქნეს აღმოფხვრილი“, - განაცხადა თორნიკე ჭეიშვილმა.


CPT-ის მიერ საქართველოში განხორციელებული მონიტორინგის ანგარიშის განხილვა საქართველოს სახალხო დამცველის ორგანიზებით გაიმართა და მას სახელმწიფო უწყებების, წამების პრევენციის ევროპული კომიტეტის, საერთაშორისო ორგანიზაციებისა და დიპლომატიური კორპუსის წარმომადგენლები ესწრებოდნენ.

საქართველოსა და ჩეხეთის იუსტიციის მინისტრებმა ორმხრივი თანამშრომლობის ინიციატივები განიხილეს

რატი ბრეგაძისა და პაველ ბლაჟეკის შეხვედრა პრაღაში ევროკავშირის წევრი ქვეყნების მინისტერიალის ფარგლებში გაიმართა, რომელშიც საქართველოს, უკრაინისა და მოლდოვის დელეგაციებიც მონაწილეობენ. მინისტერიალი სისხლის სამართლის სფეროში თანამშრომლობის გაღრმავების საკითხებს განიხილავს. ღონისძიებაზე რატი ბრეგაძე ელექტრონული კომუნიკაციის სფეროში საქართველოს მიღწევებისა და პერსპექტივების შესახებ სიტყვით გამოვა.


საქართველოს იუსტიციის მინისტრმა ჩეხ კოლეგას ორმხრივი ურთიერთობების გაღრმავებისათვის კონკრეტული ინიციატივები შესთავაზა. საუბარი შეეხო ორი ქვეყნის იუსტიციის სამინისტროებს შორის ურთიერთთანამშრომლობის მემორანდუმის მომზადებას, რომელიც ხელს შეუწყობს ევროკავშირის სამართალთან საქართველოს კანონმდებლობის დაახლოების პროცესს. ამ მიზნით რატი ბრეგაძემ და პაველ ბლაჟეკმა ორ ქვეყანას შორის ექსპერტების გაცვლის შესაძლებლობაზე იმსჯელეს.

შეხვედრაზე ურთიერთთანამშრომლობის გაღრმავების შესაძლო მიმართულებებიც განიხილეს, მათ შორის, ელექტრონული მმართველობა და ელექტრონული სერვისები; ერთობლივი კონფერენციების, სემინარებისა და თანამშრომლების გაცვლითი პროგრამების ორგანიზება.


ორი ქვეყნის იუსტიციის მინისტრების შეხვედრაში მონაწილეობდნენ იუსტიციის მინისტრის პირველი მოადგილე თამარ ტყეშელაშვილი და საქართველოს ელჩი ჩეხეთის რესპუბლიკაში მარიამ რაქვიაშვილი.


დაგეგმილია, აგრეთვე, ორმხრივი შეხვედრები გერმანიისა და საბერძნეთის იუსტიციის მინისტრებთან.

პარასკევი, 08 ივლისი 2022

„LIBER AMICORUM (ლიბერ ამიკორუმ) – მინდია უგრეხელიძე 80“ − ეროვნულ არქივში წიგნის პრეზენტაცია გაიმართა


„LIBER AMICORUM – მინდია უგრეხელიძე 80“ − ასე ჰქვია წიგნს, რომელიც მკითხველს ღვაწლმოსილი ქართველი იურისტის, აკადემიკოს მინდია უგრეხელიძის ცხოვრებისა და მოღვაწეობის შესახებ მოუთხრობს. წიგნის პრეზენტაცია მეცნიერის 80 წლის იუბილეს მიეძღვნა.

წიგნში წარმოდგენილი დოკუმენტური და საარქივო მასალა, ბიოგრაფიული დეტალების გარდა, ქართული სახელმწიფოსა და სამართლის უახლეს ისტორიას ასახავს. ქართული იურიდიული მეცნიერების სხვადასხვა დარგის განვითარებისა და დიპლომატიის ისტორიის გარდამტეხ ეტაპებთან ერთად, წიგნი აცოცხლებს იმ გზას, რომელიც საქართველოსთვის დამოუკიდებლობის მოპოვების შემდგომ ევროპულ სამართლებრივ სივრცეში გაიხსნა. მინდია უგრეხელიძე იყო ადამიანის უფლებათა ევროპული სასამართლოს პირველი ქართველი მოსამართლე და ევროსაბჭოს ამ წამყვან ინსტიტუტთან საქართველოს სამართლებრივი თანამშრომლობის ერთ-ერთი ფუძემდებელი. იგი სხვადასხვა დროს გახლდათ საქართველოს უზენაესი სასამართლოს თავმჯდომარე, „იურისტთა მსოფლიო ასოციაციის“, „სისხლის სამართლის საერთაშორისო ასოციაციისა“ და „ვენეციის კომისიის“ წევრი, ასევე, 2009 წლიდან ევროსაბჭოს სისტემაში მოქმედი თბილისის პოლიტიკური სკოლის ექსპერტი.

ქართული იურიდიული მეცნიერების განვითარებას დღეს მინდია უგრეხელიძე იუსტიციის სამინისტროში მინისტრის მრჩევლის სტატუსითაც განაგრძობს. ის სამინისტროს ორენოვანი სამეცნიერო ჟურნალ „იუსტიციის“ რედაქტორია, რომლის მიზანი მეცნიერებაზე დაფუძნებული კანონმდებლობის განვითარება და სამართლებრივ საკითხებზე აკადემიური დისკუსიის გაღრმავებაა. ცნობილი მეცნიერი აქტიურად მონაწილეობს სამართალშემოქმედებით პროცესში სამეცნიერო პოტენციალის მოზიდვაშიც, რაც იუსტიციის სამინისტროს ერთ-ერთი პრიორიტეტია. სწორედ ამ თანამშრომლობის მნიშვნელობაზე ისაუბრა იუსტიციის მინისტრმა რატი ბრეგაძემ წიგნის პრეზენტაციაზე.

„ბატონმა მინდიამ ერთ-ერთი წამყვანი როლი შეასრულა თანამედროვე ქართული სამართლებრივი სახელმწიფოს მშენებლობაში; იგი არის ქართველი იურისტების არაერთი თაობის აღმზრდელი და წარუშლელ კვალს ტოვებს ქართული სამართლის განვითარებაში. ადამიანის უფლებათა ევროპული სასამართლოს პირველმა მოსამართლემ უშუალო მონაწილეობა მიიღო ევროპული ღირებულებების ფორმირებაში და ჩვენ თამამად შეგვიძლია, ვთქვათ, რომ ბატონი მინდია უგრეხელიძე არის ადამიანის განსახიერება, რომელიც არის „ქართველი და, მაშასადამე, ევროპელი“. ჩვენ წილად გვხვდა პატივი, რომ მივიღოთ რჩევები ბატონი მინდიასგან. მინდა, გულითადად მივულოცო იუბილე და ვუსურვო ყოველივე საუკეთესო“, − განაცხადა იუსტიციის მინისტრმა.

წიგნი გამოსაცემად კავკასიის საერთაშორისო უნივერსიტეტის პროფესორმა ბექა ქანთარიამ მოამზადა. პრეზენტაცია საქართველოს იუსტიციის სამინისტროს ორგანიზებითა და კავკასიის საერთაშორისო უნივერსიტეტის მხარდაჭერით გაიმართა. ღონისძიებას აღმასრულებელი, საკანონმდებლო და სასამართლო ხელისუფლების წევრები; სამეცნიერო წრეების წარმომადგენლები; მინდია უგრეხელიძის მოსწავლეები და სტუდენტები ესწრებოდნენ.

ოთხშაბათი, 06 ივლისი 2022

იუსტიციის სამინისტროში ადამიანის უფლებათა ევროპული სასამართლოს პრეზიდენტ   რობერტ სპანოსა  და იუსტიციის მინისტრ რატი ბრეგაძეს შორის შეხვედრა გაიმართა

იუსტიციის მინისტრმა და ადამიანის უფლებათა ევროპული სასამართლოს პრეზიდენტმა საქართველოსა და ევროპული სტრუქტურების თანამშრომლობის განვითარების პერსპექტივის შესახებ ისაუბრეს. შეხვედრაზე ხაზი გაესვა ადამიანის უფლებებზე ორიენტირებული ევროპული დემოკრატიის განვითარებაში სტრასბურგის სასამართლოს განსაკუთრებულ როლს.

ბატონმა სპანომ მხარი დაუჭირა იუსტიციის სამინისტროს ინიციატივას, რომლის განხორციელების შედეგადაც ქართველ იურისტებს მიეცემათ ადამიანის უფლებათა ევროპული კონვენციისა და სტრასბურგის სასამართლოს პრაქტიკის შესახებ ცოდნის გაღრმავების დამატებითი ქმედითი შესაძლებლობა, რაც კიდევ ერთი წინ გადადგმული ნაბიჯი იქნება ევროინტეგრაციის გზაზე. მხარეებმა ამ მიმართულებით სამომავლო პროექტები დაგეგმეს, რომლებიც იუსტიციის სამინისტროსა და ადამიანის უფლებათა ევროპული სასამართლოს თანამშრომლობის შედეგად განხორციელდება.

შეხვედრაზე ხაზი გაესვა სტრასბურგის სასამართლოში საქართველოს მიმართ მიმდინარე დავების მკვეთრი შემცირების დადებით ტენდენციას. დღეისთვის ადამიანის უფლებათა ევროპულ სასამართლოში საქართველოს წინააღმდეგ მხოლოდ 130-მდე ინდივიდუალური საჩივარი განიხილება, რაც საქართველოსთვის ისტორიულ მინიმუმს წარმოადგენს. იუსტიციის მინისტრმა მადლობა გადაუხადა პრეზიდენტს სტრასბურგის სასამართლოს მიერ საქართველოში ადამიანის უფლებათა რეალიზაციაში შეტანილი წვლილისთვის.

ადამიანის უფლებათა ევროპული სასამართლოს მხრიდან შეხვედრას ასევე ესწრებოდნენ ევროპული მე-5 სექციის სამდივნოს ხელმძღვანელი - ვიქტორ სოლოვეიჩიკი და ევროპული სასამართლოს ქართველი მოსამართლე ლადო ჭანტურია.

საქართველოს დელეგაციამ გაეროს ადამიანის უფლებათა კომიტეტში განხორციელებული რეფორმების შესახებ ანგარიში წარადგინა

მიმდინარე წლის 5 და 6 ივლისს საქართველოს დელეგაციამ, იუსტიციის მინისტრის მოადგილის, ბექა ძამაშვილის ხელმძღვანელობით, გაერთიანებული ერების ორგანიზაციის ადამიანის უფლებათა კომიტეტში „სამოქალაქო და პოლიტიკურ უფლებათა შესახებ“ საერთაშორისო პაქტის შესრულების თაობაზე საქართველოს მე-5 პერიოდული ანგარიში წარადგინა.

ქართულმა მხარემ გაეროს ადამიანის უფლებათა კომიტეტს ამომწურავი ინფორმაცია მიაწოდა წინა პერიოდული ანგარიშის მოსმენის შემდეგ - 2014 წლიდან დღემდე სახელმწიფოს მიერ განხორციელებული საკანონმდებლო და ინსტიტუციური რეფორმების შესახებ, რომლებიც მიზნად ისახავს საქართველოში ადამიანის უფლებების ეფექტიან უზრუნველყოფასა და საერთაშორისო ვალდებულებების ჯეროვან შესრულებას.

საქართველოს დელეგაციამ კომიტეტის სხდომაზე ყურადღება გაამახვილა საქართველოს ოკუპირებულ ტერიტორიებზე ადამიანის უფლებების დაცვის კუთხით არსებულ გამოწვევებზე. კომიტეტის წევრებს მიეწოდათ დეტალური ინფორმაცია ადამიანის უფლებათა ევროპული სასამართლოსა და ჰააგის სისხლის სამართლის საერთაშორისო სასამართლოს მიერ გამოტანილ ისტორიულ გადაწყვეტილებებზე, რითაც უკვე სამართლებრივ ჭრილში დადასტურდა რუსეთის ფედერაციის მიერ საქართველოს ტერიტორიების ოკუპაციის ფაქტი და 2008 წლის ომის დროს ჩადენილ დარღვევებზე პასუხისმგებლობა.

ქართულმა მხარემ, ასევე, კომიტეტის წევრებს მიაწოდა ინფორმაცია სასამართლო სისტემის რეფორმაზე; პენიტენციური სისტემისა და სამართალდამცავი უწყებების გაძლიერების მიზნით გადადგმულ ნაბიჯებზე; ანტიკორუფციულ ღონისძიებებზე; გამოხატვისა და შეკრების თავისუფლების უზრუნველყოფაზე; საარჩევნო რეფორმაზე; ანტიდისკრიმინაციული კანონმდებლობის აღსრულებაზე; ქალთა მიმართ ძალადობის აღმოფხვრისა და ბავშვთა და შეზღუდული შესაძლებლობების მქონე პირთა უფლებათა დაცვის უზრუნველსაყოფად საქართველოს მიერ გატარებულ რეფორმებზე.

განხილვის ფარგლებში საქართველოს დელეგაციამ, ასევე, უპასუხა გაეროს ადამიანის უფლებათა კომიტეტის წევრების შეკითხვებს ადამიანის უფლებების დაცვის კუთხით საქართველოში არსებულ აქტუალურ საკითხებზე. საგულისხმოა, რომ გაეროს ადამიანის უფლებათა კომიტეტმა დადებითად შეაფასა საქართველოს მიერ გაეროს მონიტორინგის ორგანოების რეკომენდაციების შესრულების უზრუნველსაყოფად ქვეყანაში დანერგილი მექანიზმები. განხილვის შემდეგ საქართველოს დელეგაციას წერილობით მიეწოდება კომიტეტის რეკომენდაციები, რომლის შესრულების ანგარიშიც 2024 წელს გაიგზავნება.

საქართველოს დელეგაციის შემადგენლობაში შედიოდნენ აღმასრულებელი, საკანონმდებლო და სასამართლო ხელისუფლების შემდეგი უწყებების წარმომადგენლები:

მთავრობის ადმინისტრაცია;

პარლამენტი;

საგარეო საქმეთა სამინისტრო;

შინაგან საქმეთა სამინისტრო;

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო;

შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი;

იუსტიციის უმაღლესი საბჭო;

თბილისის საქალაქო სასამართლო;

გენერალური პროკურატურა;

სახელმწიფო უსაფრთხოების სამსახური;

სპეციალური საგამოძიებო სამსახური;

პერსონალურ მონაცემთა დაცვის სამსახური;

ცენტრალური საარჩევნო კომისია;

კომუნიკაციების ეროვნული კომისია.

მე-5 პერიოდული ანგარიში 2020 წელს წერილობით მომზადდა და გაიგზავნა საქართველოს საგარეო საქმეთა სამინისტროს კოორდინაციითა და სახელმწიფო უწყებების ჩართულობით.

შაბათი, 02 ივლისი 2022

იუსტიციის მინისტრმა და საქართველოში მიგრაციის საერთაშორისო ორგანიზაციის ხელმძღვანელმა თანამშრომლობის ახალ მიმართულებებზე იმსჯელეს

იუსტიციის მინისტრმა რატი ბრეგაძემ საქართველოში მიგრაციის საერთაშორისო ორგანიზაციის (IOM) ხელმძღვანელ სანია ლუკოვაჩთან მიგრაციის საკითხებში თანამშრომლობის გაღრმავებაზე ისაუბრა. მხარეებმა კონკრეტული აქტივობები განიხილეს, მათ შორის, ერთობლივი ტრენინგებისა და ცნობიერების ამაღლების ღონისძიებების ჩატარება.

იუსტიციის მინისტრი და საქართველოში მიგრაციის საერთაშორისო ორგანიზაციის ხელმძღვანელი მიგრაციასთან დაკავშირებულ საკითხებზე საინფორმაციო კამპანიაში იუსტიციის სახლების, საზოგადოებრივი ცენტრებისა და მობილური იუსტიციის სახლების რესურსის გამოყენების შესახებაც შეთანხმდნენ.

რატი ბრეგაძემ სანია ლუკოვაჩს იუსტიციის სამინისტროს შეხვედრების ოთახ „სოხუმში“ უმასპინძლა. Se

იუსტიციის სამინისტრომ ახალ პატიმრობის კოდექსზე მუშაობა დაიწყო

პენიტენციურ კანონმდებლობაში დაგეგმილი ცვლილებების პირველი განხილვა უწყებათაშორის ფორმატში იუსტიციის სამინისტროში დღეს გაიმართა. პროცესის ფარგლებში მოხდება სასჯელაღსრულების სამართლის სფეროში მოქმედი კანონმდებლობის კოდიფიკაცია; გადაისინჯება როგორც საკანონმდებლო აქტის სტრუქტურა, ისე მისი შინაარსობრივი მხარე. შედეგად, მოხდება სრულიად ახალი პატიმრობის კოდექსის პროექტის შემუშავება და საშემოდგომო სესიაზე საქართველოს პარლამენტში ინიცირება.

საკანონმდებლო რეფორმის პირველ ეტაპზე სამინისტრომ განახორციელა დღეს მოქმედი პატიმრობის კოდექსისა და „სპეციალური პენიტენციური სამსახურის შესახებ“ საქართველოს კანონის კრიტიკული ანალიზი და ცვლილებების საკუთარი ხედვა წარმოადგინა. პრეზენტაციაზე მოწვეულ სტუმრებს − კომპეტენტური სახელმწიფო ორგანოების წარმომადგენლებს - აგრეთვე, მომდევნო ფაზაში, აკადემიურ წრეებს, არასამთავრობო ორგანიზაციებსა და საერთაშორისო მისიებს სამინისტრო შესაბამის სამართალშემოქმედებით პროცესში აქტიურ მონაწილეობას სთავაზობს. განსაზღვრულ ვადებში მოხდება მოსაზრებებისა და წინადადებების გაცვლა, ინტენსიურ რეჟიმში გაიმართება სამუშაო შეხვედრები.

სამეცნიერო დასკვნებსა და ანალიტიკაზე დაფუძნებული სამართალშემოქმედების განვითარება და პროცესში მაღალკვალიფიციური ექსპერტების მონაწილეობა იუსტიციის სამინისტროს ერთ-ერთი პრიორიტეტული მიმართულებაა. ამ მიზნის რეალიზებისთვის უკვე გადაიდგა კონკრეტული ნაბიჯები − დაფუძნდა სამართლებრივი სამეცნიერო ჟურნალი „იუსტიცია“, რომლის მეორე ნომერი უკვე მზადაა გამოსაცემად; იუსტიციის სამინისტროს თანამშრომლებისათვის ხელმისაწვდომი გახდა უმსხვილესი ელექტრონული სამართლებრივი ბაზა „ჰეინონლაინი“ („HeinOnline“); არასამთავრობო ორგანიზაციების მეტი ჩართულობისათვის გამოცხადდა საგრანტო კონკურსი ადამიანის უფლებების დაცვის გაძლიერების, ინოვაციური სერვისების დანერგვის, მსჯავრდებულთა და ყოფილ პატიმართა რეაბილიტაცია-რესოციალიზაციის ხელშეწყობისა და დანაშაულის ეფექტიანი პრევენციის მიმართულებით, რომლის ფარგლებში, ჯამში, 14 პროექტი დაფინანსდა; უფრო ინტენსიური გახდა თანამშრომლობა უმაღლეს საგანმანათლებლო დაწესებულებებთან, მათ პროფესორ-მასწავლებლებსა და სტუდენტებთან, შესაბამისი მემორანდუმები უკვე არაერთ უნივერსიტეტთან გაფორმდა.

დაგეგმილი საკანონმდებლო ცვლილებების განხილვაში მონაწილეობდნენ აღმასრულებელი და საკანონმდებლო ხელისუფლების წარმომადგენლები სახალხო დამცველის მოადგილე და სხვა მოწვეული სტუმრები.

პარასკევი, 01 ივლისი 2022

საქართველოში მსჯავრდებულთა, პრობაციონერთა და ყოფილ პატიმართა ხელნაკეთი ნივთების პირველი მაღაზია გაიხსნა

„რე-მარკეტი“ − სივრცე, სადაც პენიტენციურ დაწესებულებაში მყოფი მსჯავრდებულების, პრობაციონერებისა და ყოფილი პატიმრების ნამუშევრების შეძენაა შესაძლებელი, თბილისში, აკაკი წერეთლის გამზ. №8-ში მდებარეობს. მომხმარებელს მაღაზიაში მსჯავრდებულების მიერ დამზადებული ნახატების; ტყავის, ხის, თექისა და სხვადასხვა მასალისგან შექმნილი აქსესუარების შეძენა შეუძლია.

„რე-მარკეტი“ საქართველოს იუსტიციის სამინისტროს ინოვაციური პროექტია და ის აშშ-ის ანტინარკოტიკული და სამართალდამცავ ორგანოებთან თანამშრომლობის ბიუროს (INL) მხარდაჭერით გაიხსნა. გარდა იმისა, რომ მაღაზიაში გაყიდული პროდუქციით მსჯავრდებულების შემოსავალი გაიზრდება, ეს პროცესი მათ დაწესებულებაში ყოფნის პერიოდის ნაყოფიერად გატარებასა და დასაქმებას შეუწყობს ხელს.

პენიტენციურ დაწესებულებაში მყოფ მსჯავრდებულს, რომელიც ჩაერთვება პროექტში, შესაძლებლობა აქვს, გათავისუფლების შემდგომ გააგრძელოს აქტიური თანამშრომლობა მაღაზიასთან და დაწესებულების დატოვების შემდეგაც შეინარჩუნოს სტაბილური შემოსავალი, რაც განმეორებითი დანაშაულის პრევენციისათვის მნიშვნელოვანი ფაქტორია.

მაღაზიაში მისულ მომხმარებელს შესაძლებლობა აქვს, შეიძინოს უმაღლესი ხარისხის ტყავის ჩანთები, საფულეები, სამაჯურები და აქსესუარები, რომლებსაც მსჯავრდებულები ხელით ქმნიან. ამისთვის მათთვის პენიტენციურ დაწესებულებებში ყველანაირი პირობაა შექმნილი. მსჯავრდებულების ინდივიდუალური დასაქმების მიზნით პენიტენციურ დაწესებულებებში მოწყობილია სამუშაო სივრცეები, ოთახები აღჭურვილია 3D პრინტერითა და გრავირების აპარატით, რომლის მეშვეობითაც მსჯავრდებულები სხვადასხვა დიზაინის აქსესუარს ამზადებენ.

მაღაზიის განვითარების მომდევნო ეტაპს წარმოადგენს ონლაინ პლატფორმის შექმნა, რომლის მეშვეობითაც შესაძლებელი იქნება დისტანციურ რეჟიმში ნივთების შეძენა. ასევე, თბილისის მასშტაბით ამოქმედდება საკურიერო მომსახურება და მიტანის სერვისი.

„რე-მარკეტი“ დღეს იუსტიციის მინისტრმა რატი ბრეგაძემ გახსნა. ღონისძიებას ესწრებოდნენ საკანონმდებლო ხელისუფლების წევრები; დიპლომატიური კორპუსის, საერთაშორისო დონორი და არასამთავრობო ორგანიზაციების წარმომადგენლები; იუსტიციის მინისტრის მოადგილეები და მოწვეული სტუმრები.

ხუთშაბათი, 30 ივნისი 2022

სტრასბურგის სასამართლომ ბაჩანა ახალაიას საჩივრები დაუშვებლად გამოაცხადა

2022 წლის 30 ივნისს ადამიანის უფლებათა ევროპულმა სასამართლომ გამოაქვეყნა განჩინება საქმეზე – „ახალაია საქართველოს წინააღმდეგ“ და საჩივრები დაუშვებლად გამოაცხადა, როგორც აშკარად დაუსაბუთებელი.


მომჩივანი - ბაჩანა ახალაია სტრასბურგის სასამართლოს წინაშე დავობდა, რომ 2012-2014 წლებში სხვადასხვა სისხლის სამართლის საქმეების ფარგლებში მის მიმართ გამოყენებული აღკვეთის ღონისძიება - პატიმრობა - იყო უკანონო, რადგან პატიმრობის საერთო ვადა აღემატებოდა კანონით განსაზღვრულ მაქსიმალურ ვადას - 9 თვეს. მომჩივანი აგრეთვე აცხადებდა, რომ მისი პატიმრობა არ იყო სათანადოდ დასაბუთებული ეროვნული სასამართლოების მიერ და ემსახურებოდა პოლიტიკურად მოტივირებული სისხლის სამართლებრივი დევნის მიზანს (ადამიანის უფლებათა ევროპული კონვენციის მე-5 მუხლი (თავისუფლებისა და უსაფრთხოების უფლება) კონვენციის მე-18 მუხლთან (უფლებათა შეზღუდვის გამოყენების ფარგლები) ერთობლიობაში).


ევროპული სასამართლოს შეფასებით, აღკვეთის ღონისძიების სახით მომჩივნის პატიმრობა იყო სრულ შესაბამისობაში საქართველოს კანონმდებლობასთან და სასამართლოს პრაქტიკასთან. სტრასბურგის სასამართლომ დაადგინა, რომ მომჩივნის მიმართ მიმდინარე სისხლის სამართლის საქმეების ფარგლებში არ ყოფილა გამოძიების განზრახ გაჭიანურება ან რაიმე თვითნებობა საგამოძიებო ორგანოს/პროკურატურის ან სასამართლოს მხრიდან.

ევროპულმა სასამართლომ, აგრეთვე, განმარტა, რომ თბილისის საქალაქო სასამართლოს გადაწყვეტილებები აღკვეთის ღონისძიების გამოყენებასთან დაკავშირებით იყო სათანადოდ დასაბუთებული როგორც საქართველოს კანონმდებლობის, ისე ევროპული სტანდარტების შესაბამისად და ეფუძნებოდა მისი მიმალვისა და მოწმეებზე ზემოქმედების დადასტურებულ საფრთხეებს.

რაც შეეხება მომჩივნის პრეტენზიებს მისი პოლიტიკური ნიშნით დევნის თაობაზე, სასამართლომ განმარტა, რომ ვინაიდან პატიმრობის კანონიერებასთან დაკავშირებით პრეტენზიები აშკარად დაუსაბუთებელია, ასევე დაუშვებლად უნდა გამოცხადდეს მომჩივნის პოზიცია, თითქოს მისი დაკავება იყო პოლიტიკურად მოტივირებული.

სტრასბურგის სასამართლომ ბაჩანა ახალაიას საჩივრები დაუშვებლად გამოაცხადა

2022 წლის 30 ივნისს ადამიანის უფლებათა ევროპულმა სასამართლომ გამოაქვეყნა განჩინება საქმეზე – „ახალაია საქართველოს წინააღმდეგ“ და საჩივრები დაუშვებლად გამოაცხადა, როგორც აშკარად დაუსაბუთებელი.


მომჩივანი - ბაჩანა ახალაია სტრასბურგის სასამართლოს წინაშე დავობდა, რომ 2012-2014 წლებში სხვადასხვა სისხლის სამართლის საქმეების ფარგლებში მის მიმართ გამოყენებული აღკვეთის ღონისძიება - პატიმრობა - იყო უკანონო, რადგან პატიმრობის საერთო ვადა აღემატებოდა კანონით განსაზღვრულ მაქსიმალურ ვადას - 9 თვეს. მომჩივანი აგრეთვე აცხადებდა, რომ მისი პატიმრობა არ იყო სათანადოდ დასაბუთებული ეროვნული სასამართლოების მიერ და ემსახურებოდა პოლიტიკურად მოტივირებული სისხლის სამართლებრივი დევნის მიზანს (ადამიანის უფლებათა ევროპული კონვენციის მე-5 მუხლი (თავისუფლებისა და უსაფრთხოების უფლება) კონვენციის მე-18 მუხლთან (უფლებათა შეზღუდვის გამოყენების ფარგლები) ერთობლიობაში).


ევროპული სასამართლოს შეფასებით, აღკვეთის ღონისძიების სახით მომჩივნის პატიმრობა იყო სრულ შესაბამისობაში საქართველოს კანონმდებლობასთან და სასამართლოს პრაქტიკასთან. სტრასბურგის სასამართლომ დაადგინა, რომ მომჩივნის მიმართ მიმდინარე სისხლის სამართლის საქმეების ფარგლებში არ ყოფილა გამოძიების განზრახ გაჭიანურება ან რაიმე თვითნებობა საგამოძიებო ორგანოს/პროკურატურის ან სასამართლოს მხრიდან.

ევროპულმა სასამართლომ, აგრეთვე, განმარტა, რომ თბილისის საქალაქო სასამართლოს გადაწყვეტილებები აღკვეთის ღონისძიების გამოყენებასთან დაკავშირებით იყო სათანადოდ დასაბუთებული როგორც საქართველოს კანონმდებლობის, ისე ევროპული სტანდარტების შესაბამისად და ეფუძნებოდა მისი მიმალვისა და მოწმეებზე ზემოქმედების დადასტურებულ საფრთხეებს.

რაც შეეხება მომჩივნის პრეტენზიებს მისი პოლიტიკური ნიშნით დევნის თაობაზე, სასამართლომ განმარტა, რომ ვინაიდან პატიმრობის კანონიერებასთან დაკავშირებით პრეტენზიები აშკარად დაუსაბუთებელია, ასევე დაუშვებლად უნდა გამოცხადდეს მომჩივნის პოზიცია, თითქოს მისი დაკავება იყო პოლიტიკურად მოტივირებული.

ოთხშაბათი, 29 ივნისი 2022

იუსტიციის მინისტრმა რატი ბრეგაძემ გაერო-ს განვითარების პროგრამის ხელმძღვანელ ნიკ ბერესფორდთან საჯარო სერვისების სფეროში განხორციელებული და მიმდინარე რეფორმები განიხილა

იუსტიციის მინისტრმა და UNDP-ის ხელმძღვანელმა საქართველოში თანამშრომლობის არსებული მიმართულებები განიხილეს და ურთიერთობის გაღრმავების შესაძლო სფეროებზე იმსჯელეს. რატი ბრეგაძემ ნიკ ბერესფორდს ის სიახლეები გააცნო, რომლებიც სერვისების ხელმისაწვდომობის კიდევ უფრო გაუმჯობესების კუთხით ხორციელდება.

იუსტიციის მინისტრმა აღნიშნა, რომ ბოლო ერთი წლის განმავლობაში იუსტიციის სახლები და საზოგადოებრივი ცენტრები გაიხსნა 5 რაიონში − გარდაბანში, წყალტუბოში, სიღნაღში, კასპსა და ჩხოროწყუში; მშენებლობები მიმდინარეობს კიდევ კიდევ 6 მუნიციპალიტეტში − ზესტაფონში, სამტრედიაში, თერჯოლაში, ხაშურში, ახმეტასა და სუფსაში.

განსაკუთრებული ყურადღება დაეთმო მობილური იუსტიციის სახლის პროექტს, რომელიც იმ სოფლებისთვის ამოქმედდა, სადაც იუსტიციის სახლის ფილიალები ჯერ კიდევ არ ფუნქციონირებს. იუსტიციის სახლის მიკროავტობუსი − „მობილური იუსტიციის სახლი“ მოსახლეობას საკუთარ სახლთან აწვდის ყველა იმ სერვისს, რომელთა მისაღებად იუსტიციის სახლსა და საზოგადოებრივ ცენტრში ვიზიტი იყო საჭირო. სერვისი 7 რაიონში უკვე ხელმისაწვდომია.


უკვე მიმდინარეობს მუშაობა ციფრული იუსტიციის სახლის პროექტზე, რომელიც მოქალაქეებს საშუალებას მისცემს, მობილური აპლიკაციის საშუალებით მიიღონ იუსტიციის სახლის 450-ზე მეტი სერვისი.

რეფორმების წარმატების შედეგია ის, რომ UNDP-ისა და UK aid-ის მიერ ჩატარებული კვლევის თანახმად, მომხმარებელთა 96%-სთვის სერვისები მარტივად ხელმისაწვდომია, მომსახურებით კმაყოფილების მაჩვენებელი კი 97%-ია.

რატი ბრეგაძემ მადლობა გადაუხადა ნიკ ბერესფორდს იმისათვის, რომ UNDP-ის მხარდაჭერის შედეგად, საქართველოში პირველად შეიქმნა სახელმწიფო სერვისების განვითარების ერთიანი სტრატეგია. დოკუმენტი უკვე დაამტკიცა საქართველოს მთავრობამ. სტრატეგიის მიზანი სახელმწიფო სერვისების კიდევ უფრო გამარტივება და მისი ხელმისაწვდომობის გაზრდაა.

რატი ბრეგაძემ და ნიკ ბერესფორდმა საჯარო სერვისების სფეროში საქართველოს ინოვაციური პროექტების ექსპორტის საკითხებიც განიხილეს.


შეხვედრა იუსტიციის სამინისტროში გაიმართა და მას იუსტიციის მინისტრის მოადგილეები თამარ ტყეშელაშვილი და ბექა ძამაშვილი ესწრებოდნენ.

იუსტიციის მინისტრმა ერთწლიანი მუშაობის ანგარიში რუსთავში წარადგინა


იუსტიციის მინისტრი რეგიონებში უწყების მუშაობის ერთწლიანი ანგარიშის წარდგენას განაგრძობს. თბილისის, ქუთაისისა და ბორჯომის შემდეგ ღონისძიება ამჯერად რუსთავში გაიმართა. რატი ბრეგაძემ სამინისტროს პრიორიტეტული მიმართულებების გაძლიერებისათვის გატარებულ რეფორმებზე ისაუბრა.

იუსტიციის სამინისტროს განვითარების სტრატეგიის პრეზენტაციიდან ერთი წლის თავზე არაერთი დაპირებაა შესრულებული:

დაინერგა და 7 რეგიონში წარმატებით მუშაობს ინოვაციური პროექტი „მობილური იუსტიციის სახლი“; საქართველოს 6 დიდ ქალაქში განთავსდა პრობაციონერთა მომსახურების ელექტრონული სისტემა „PROBBOX“; ამოქმედდა მიწის სისტემური რეგისტრაციის რეფორმა – საქართველოს 59 მუნიციპალიტეტში ეტაპობრივად, გეგმა-გრაფიკის მიხედვით მიმდინარეობს მიწების აზომვა და რეგისტრაცია;

გრძელდება ინფრასტრუქტურული სამუშაოები – გაიხსნა 5 ახალი იუსტიციის სახლი და საზოგადოებრივი ცენტრი; მშენებლობები მიმდინარეობს კიდევ 6 მუნიციპალიტეტში; დამატებით ერთი იუსტიციის სახლი ამოქმედდება თბილისში, ჰუალინგში; სამცხე-ჯავახეთის რეგიონული არქივის შენობა გაიხსნა ახალციხეში;

დაფუძნდა და გამოიცა ორენოვანი ჟურნალი „იუსტიცია“; იუსტიციის სამინისტროსათვის ხელმისაწვდომი გახდა უმსხვილესი ელექტრონული სამართლებრივი ბაზა „ჰეინონლაინი“ („HeinOnline“); ურთიერთთანამშრომლობის მემორანდუმები გაფორმდა თურქეთის, ისრაელის, უნგრეთის, სომხეთის, აზერბაიჯანის, შვეიცარიის იუსტიციის სამინისტროებთან;

სანოტარო მომსახურება ხელმისაწვდომი გახდა ადმინისტრაციულ ერთეულებში – საგურამოში, გამარჯვებაში, მარტყოფში, შუახევში, ადიგენში, ასპინძაში, კაჭრეთში, ქედაში, ხობში, ზესტაფონში, სიღნაღსა და ამბროლაურში; სულ მალე კი, მოქალაქეებს ონლაინ სანოტარო მომსახურების მიღება მობილური აპლიკაციის საშუალებით შეეძლებათ;

მნიშვნელოვანი რეფორმებია პენიტენციურ და პრობაციის სისტემებში – გაძლიერდა პატიმართა დასაქმების პროგრამები; გრძელდება პენიტენციურ დაწესებულებებში სპორტული აქტივობების წახალისება; რემონტდება მოედნები; მიმდინარეობს რეგულარული წვრთნები, პრობაციის ბიუროების გახსნა სიღნაღში, თერჯოლაში, ქუთაისსა და ზესტაფონში; რეფერირების ცენტრი გაიხსნა ქუთაისში; გაფორმდა თანამშრომლობის მემორანდუმები მუნიციპალიტეტებთან შრომამისჯილი პირების დასაქმებისათვის.

ანგარიშის პრეზენტაციას ესწრებოდნენ სახელმწიფო რწმუნებული ქვემო ქართლის რეგიონში გიორგი დოხტურიშვილი,
ადგილობრივი ხელისუფლების წარმომადგენლები, იუსტიციის მინისტრის მოადგილეები, სამინისტროს დაქვემდებარებაში მოქმედი სსიპ-ების თანამშრომლები და მოწვეული სტუმრები.

პარასკევი, 24 ივნისი 2022

იუსტიციის მინისტრმა ევროკავშირის სამართლის იმიტირებული სასამართლო პროცესის გამარჯვებულები დააჯილდოვა


ყოველწლიური სტუდენტური კონკურსი ევროკავშირის სამართალში დასრულდა. იმიტირებული სასამართლო პროცესის გამარჯვებულები დღეს იუსტიციის მინისტრმა რატი ბრეგაძემ პირადად დააჯილდოვა. მინისტრმა ახალგაზრდებს წარმატება მიულოცა და აღნიშნა, რომ ევროკავშირის მიმართ ინტერესი იზრდება – წელს კონკურსში 11 უმაღლესი სასწავლებლის 36 გუნდი, ჯამში, 119 კონკურსანტი მონაწილეობდა.


შეჯიბრების მიზანი ევროკავშირის სამართლის პოპულარიზაცია და ევროინტეგრაციის პროცესისადმი ინტერესის გაზრდაა. იმიტირებული სასამართლო პროცესის მონაწილეებს კონკურსის ყოველ ეტაპზე შესაძლებლობა ჰქონდათ, გაეღრმავებინათ ცოდნა ევროკავშირის სამართალში და შეეძინათ მომავალი პროფესიისთვის საჭირო უნარ-ჩვევები. დარეგისტრირებულმა გუნდებმა სპეციალური ტრენინგები გაიარეს; წერილობით ეტაპზე გამოვლენილმა 8 საუკეთესო გუნდმა კი, შეჯიბრება მომდევნო, ზეპირ ეტაპზე გააგრძელა. თითოეული ტური მოსამართლეებისაგან შემდგარმა კოლეგიამ შეაფასა და გამარჯვებულები გამოავლინა.


შეჯიბრების გამარჯვებული თბილისის თავისუფალი უნივერსიტეტის ბაკალავრიატის საფეხურის სტუდენტთა გუნდი გახდა, რომელშიც შედიოდნენ ნიკოლოზ მოსიძე, ბექა ჭყონია, ლუკა ავაზაშვილი. იმიტირებული სასამართლო პროცესის საუკეთესო გამომსვლელი გახდა ივანე ჯავახიშვილის სახელობის თბილისის სახელმწიფო უნივერსიტეტის სტუდენტი ლუკა წიკლაური.
ღონისძიებაში მონაწილე გუნდებს სპეციალური სერტიფიკატები გადაეცათ, გამარჯვებული გუნდი კი, იუსტიციის სამინისტრომ სიმბოლური საჩუქრებითა და ევროკავშირის სამართლის შესახებ სასწავლო სახელმძღვანელოთი დააჯილდოვა. სიმბოლური საჩუქრებით დაჯილდოვდნენ საუკეთესო წერილობითი პოზიციის ავტორი და ფინალურ ეტაპზე გადასული გუნდები.
2022 წლის შეჯიბრება საქართველოს იუსტიციის სამინისტროსა და IRZ-ის მჭიდრო თანამშრომლობით ჩატარდა.

ორშაბათი, 20 ივნისი 2022

საქართველოში ციფრული მმართველობის გაძლიერებისთვის მიმდინარე და დაგეგმილი პროექტები საერთაშორისო კონფერენციაზე საქართველოს იუსტიციის მინისტრის პირველმა მოადგილე თამარ ტყეშელაშვილმა წარადგინა

თამარ ტყეშელაშვილმა ისაუბრა ისეთ საკითხებზე, როგორებიცაა: ხელმისაწვდომი, ეფექტიანი და გამჭვირვალე ელექტრონული სერვისების მიწოდება; თანამედროვე ინფორმაციულ-საკომუნიკაციო ტექნოლოგიების გამოყენებისას ინფორმაციული სისტემების ურთიერთთავსებადობის უზრუნველყოფა და სხვა.

„ციფრული მმართველობის განვითარება საქართველოს მთავრობის ერთ-ერთი პრიორიტეტია და ამ მხრივ საქართველო მოწინავე პოზიციებს იკავებს რეგიონში. ჩვენ მოხარული ვართ, გავუზიაროთ პარტნიორ ქვეყნებს ჩვენი გამოცდილება ამ მიმართულებით. მთავრობამ სულ ცოტა ხნის წინ დაამტკიცა სერვისების განვითარების სტრატეგია, რომლის პასუხისმგებელ უწყებად იუსტიციის სამინისტროა განსაზღვრული; სერვისების განვითარება კი, შეუძლებელია ციფრული პლატფორმების განვითარების გარეშე. შესაბამისად, ასეთი ტიპის კონფერენციები და ღონისძიებები ყოველთვის ნაყოფიერი იქნება ყველა მხარისთვის“, – აღნიშნა იუსტიციის მინისტრის პირველმა მოადგილე თამარ ტყეშელაშვილმა.


„ციფრული მმართველობის სფეროში თანამშრომლობა და შესაძლებლობათა გაძლიერება“ – ამ თემაზე საერთაშორისო კონფერენცია თბილისში დღეს გაიხსნა. მისი მიზანია ციფრული მმართველობის, სერვისებისა და ინოვაციათა თაობაზე ინფორმაციის გაცვლა, საჯარო მოხელეთა შესაძლებლობათა გაძლიერება, სახელმწიფო სერვისების მიწოდების პროცესის დახვეწა.

კონფერენცია UNDP-ის, კორეის რესპუბლიკის შინაგან საქმეთა და უსაფრთხოების სამინისტროს, ეროვნული ინფორმაციული საზოგადოების სააგენტოს (National Information Society Agency (NIA)), ასტანის სამოქალაქო სერვისების ჰაბის, მსოფლიო ბანკის, საქართველოს იუსტიციის სამინისტროსა და საქართველოს საჯარო სამსახურის ეროვნული ბიუროს ერთობლივი ჩართულობით ტარდება. საერთაშორისო კონფერენციას ესწრებიან ექვსი ქვეყნის თემატური წარმომადგენლები (სომხეთი, აზერბაიჯანი, ყაზახეთი, ყირგიზეთი, ტაჯიკეთი, უზბეკეთი).

პარასკევი, 17 ივნისი 2022

იუსტიციის სამინისტროსა და საქართველოს ეროვნულ უნივერსიტეტს შორის ურთიერთთანამშრომლობის მემორანდუმი გაფორმდა

საქართველოს იუსტიციის სამინისტრო უმაღლეს სასწავლებლებთან თანამშრომლობას განაგრძობს. იუსტიციის სამინისტრომ საქართველოს ეროვნულ უნივერსიტეტთან ურთიერთთანამშრომლობის დოკუმენტი გააფორმა.

მემორანდუმის ფარგლებში სტუდენტები შეძლებენ, სასწავლო პროცესში მიღებული თეორიული ცოდნა პრაქტიკული საქმიანობით განიმტკიცონ და კვირაში ერთი სამუშაო დღე იუსტიციის სამინისტროს საქვეუწყებო დაწესებულებში გაატარონ. მაგისტრანტებს პენიტენციური დაწესებულებები, სსიპ „დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულ სააგენტოს“, სსიპ „მსჯავრდებულთა პროფესიული მომზადებისა და გადამზადების ცენტრი“ და სსიპ „საქართველოს იუსტიციის სასწავლო ცენტრი“ უმასპინძლებენ.

იუსტიციის სამინისტრო დაგეგმავს და კოორდინაციას გაუწევს სტუდენტების ვიზიტებს სამინისტროს სისტემაში და ამ ფორმით ჩაერთვება სასწავლო პროცესში. რაც ხელს შეუწყობს უნივერსიტეტის სტუდენტების პროფესიულ მომზადებას, სასწავლო პროცესში მიღებული თეორიული ცოდნის პრაქტიკული საქმიანობით განმტკიცებას, პრაქტიკული უნარ-ჩვევების გამომუშავებასა და კვალიფიციური კადრების მომზადებას.

დოკუმენტს იუსტიციის მინისტრმა რატი ბრეგაძემ და სეუ-ს რექტორმა გია კავთელიშვილმა მოაწერეს ხელი.

მემორანდუმის მიზანი მეცნიერებაზე დაფუძნებული მიდგომების განვითარება და სამართალშემოქმედებით პროცესში სამეცნიერო პოტენციალის მოზიდვის ხელშეწყობაა, რაც იუსტიციის სამინისტროს ერთ-ერთი პრიორიტეტია. სამინისტროს მსგავსი მემორანდუმი უკვე გაფორმებული აქვს კავკასიის საერთაშორისო უნივერსიტეტთან.

იუსტიციის სამინისტროსა და საქართველოს ეროვნულ უნივერსიტეტს შორის ურთიერთთანამშრომლობის მემორანდუმი გაფორმდა

საქართველოს იუსტიციის სამინისტრო უმაღლეს სასწავლებლებთან თანამშრომლობას განაგრძობს. იუსტიციის სამინისტრომ საქართველოს ეროვნულ უნივერსიტეტთან ურთიერთთანამშრომლობის დოკუმენტი გააფორმა.

მემორანდუმის ფარგლებში სტუდენტები შეძლებენ, სასწავლო პროცესში მიღებული თეორიული ცოდნა პრაქტიკული საქმიანობით განიმტკიცონ და კვირაში ერთი სამუშაო დღე იუსტიციის სამინისტროს საქვეუწყებო დაწესებულებში გაატარონ. მაგისტრანტებს პენიტენციური დაწესებულებები, სსიპ „დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულ სააგენტოს“, სსიპ „მსჯავრდებულთა პროფესიული მომზადებისა და გადამზადების ცენტრი“ და სსიპ „საქართველოს იუსტიციის სასწავლო ცენტრი“ უმასპინძლებენ.

იუსტიციის სამინისტრო დაგეგმავს და კოორდინაციას გაუწევს სტუდენტების ვიზიტებს სამინისტროს სისტემაში და ამ ფორმით ჩაერთვება სასწავლო პროცესში. რაც ხელს შეუწყობს უნივერსიტეტის სტუდენტების პროფესიულ მომზადებას, სასწავლო პროცესში მიღებული თეორიული ცოდნის პრაქტიკული საქმიანობით განმტკიცებას, პრაქტიკული უნარ-ჩვევების გამომუშავებასა და კვალიფიციური კადრების მომზადებას.

დოკუმენტს იუსტიციის მინისტრმა რატი ბრეგაძემ და სეუ-ს რექტორმა გია კავთელიშვილმა მოაწერეს ხელი.

მემორანდუმის მიზანი მეცნიერებაზე დაფუძნებული მიდგომების განვითარება და სამართალშემოქმედებით პროცესში სამეცნიერო პოტენციალის მოზიდვის ხელშეწყობაა, რაც იუსტიციის სამინისტროს ერთ-ერთი პრიორიტეტია. სამინისტროს მსგავსი მემორანდუმი უკვე გაფორმებული აქვს კავკასიის საერთაშორისო უნივერსიტეტთან.

ხუთშაბათი, 16 ივნისი 2022

წამების პრევენციის ევროპული კომიტეტის შეფასებით, საქართველოს ციხეებში არასათანადო მოპყრობის არცერთი შემთხვევა არ დაფიქსირებულა


2022 წლის 16 ივნისს გამოქვეყნდა ევროპის საბჭოს წამების, არაადამიანური და ღირსების შემლახველი მოპყრობისა თუ დასჯის პრევენციის ევროპული კომიტეტის (CPT) ვიზიტისშემდგომი ანგარიში საქართველოს იუსტიციის სამინისტროს კომენტარებთან ერთად.

CPT დადებითად აფასებს, რომ დელეგაციას ვიზიტის ფარგლებში შესანიშნავი თანამშრომლობა და სრული მხარდაჭერა ჰქონდა როგორც იუსტიციის სამინისტროსა და პენიტენციური სამსახურის ხელმძღვანელობისგან, ისე პენიტენციური დაწესებულებების თანამშრომლებისგან. ეს კიდევ ერთხელ ადასტურებს საქართველოს პენიტენციური სისტემის გამჭვირვალობას.

ანგარიშის მიხედვით, დელეგაციას არ მიუღია ინფორმაცია ციხის თანამშრომლების მხრიდან პატიმრების არასათანადო მოპყრობის არცერთ ფაქტზე. პირიქით, CPT-ის შეფასებით, პენიტენციური დაწესებულებების თანამშრომლებსა და პატიმრებს შორის დადებითი და მშვიდი ურთიერთობა არსებობს.

ევროპული კომიტეტის დადებითი შეფასება მიიღო პენიტენციური სამსახურის ჯანდაცვის სისტემამაც; კერძოდ, CPT-ის ანგარიშის მიხედვით, სწრაფად და ადვილად ხელმისაწვდომია გადამდებ დაავადებათა კონსულტაცია და მკურნალობა. კომიტეტის მხრიდან მაღალი შეფასება დაიმსახურა საქართველოს მიერ პენიტენციურ სისტემაში COVID-ის მართვის პრაქტიკამ, რის შედეგადაც, პანდემიის მიუხედავად, შესაძლებელი იყო პატიმრების გარე სამყაროსთან კონტაქტის შენარჩუნება.

რაც შეეხება ანგარიშში დაფიქსირებულ რეკომენდაციებს, მათი ნაწილი უკვე გათვალისწინებულია ან ასახულია იუსტიციის სამინისტროს მიერ შემუშავებულ 10-წლიან სტრატეგიაში; კერძოდ, CPT-ის მხრიდან ყურადღება გამახვილდა საკნის გარე აქტივობების, დასაქმების, საგანმანათლებლო და სპორტული პროგრამების რაოდენობის გაზრდის საჭიროებაზე. ევროპულ კომიტეტს უკვე მიეწოდა ინფორმაცია, რომ 2021 წლის განმავლობაში არაერთი საგანმანათლებლო, კულტურული და სპორტული ღონისძიება განხორციელდა პენიტენციურ დაწესებულებებში, რომლებშიც მონაწილეობა მიიღო 2151-მა პატიმარმა. განსაკუთრებით უნდა აღინიშნოს ჭადრაკის მსოფლიო ჩემპიონატში ქალი პატიმრების გამარჯვება. ასევე, CPT-ის ვიზიტის შემდეგ პენიტენციურ სისტემაში დამტკიცდა სპორტის მართვის ახალი სისტემა, რომლის ფარგლებშიც პატიმრებს პროფესიონალი ინსტრუქტორები მოამზადებენ. სპორტული მოედნები განახლდა №5, №14, №15, №16 და №17 პენიტენციურ დაწესებულებებში; ამოქმედდა ციფრული უნივერსიტეტის პროგრამა, რომლის ფარგლებშიც მსჯავრდებულებს და ბრალდებულებს საქართველოში ავტორიზებულ უნივერსიტეტებში დისტანციური სწავლების შესაძლებლობა ექნებათ; დასაქმებულია 1000-ზე მეტი პატიმარი და ეს რიცხვი ეტაპობრივად გაიზრდება.

ევროპული კომიტეტის კიდევ ერთი რეკომენდაციაა პატიმრებს შორის ძალადობის შემცირება/პრევენცია და პენიტენციური დაწესებულებების თანამშრომელთა რაოდენობის გაზრდა. CPT-ს მიეწოდა ინფორმაცია, რომ პატიმრებს შორის ძალადობის ან ერთმანეთზე ზემოქმედების ნებისმიერ მცდელობაზე სპეციალური პენიტენციური სამსახური ახდენს მყისიერ რეაგირებას. მუდმივ რეჟიმში ხორციელდება რისკებისა და საჭიროებების შეფასება, რის შედეგადაც ხდება ცალკეული პატიმრის გადაყვანა მაღალი რისკის დაწესებულებებში. შესაბამისი წინაპირობების არსებობის შემთხვევაში, იწყება გამოძიება და ხდება დამნაშავეთა პასუხისგებაში მიცემა. პატიმართა შორის ძალადობის შემთხვევები კიდევ უფრო შემცირდება ახალი პენიტენციური დაწესებულებების ამოქმედებისა და არსებული დაწესებულებების უფრო მეტად განტვირთვის შემდეგ; კერძოდ, წლის ბოლომდე გაიხსნება პენიტენციური დაწესებულება დაბა ლაითურში, რომელიც 700-მდე პატიმარზე იქნება გათვლილი. რაც შეეხება თანამშრომელთა რაოდენობის გაზრდას, ეს პროცესი დაწყებულია. ამასთან, დასაქმებულთა პირობები ეტაპობრივად უმჯობესდება.

CPT-მ ითხოვა ინფორმაცია პენიტენციურ დაწესებულებებში მომხდარ ცალკეულ ინციდენტთან დაკავშირებითაც, რაც იუსტიციის სამინისტროს მხრიდან დადგენილ ვადაში მიეწოდა.

ევროპული კომიტეტი განსაკუთრებით პოზიტიურად აფასებს იუსტიციის მინისტრის მზაობას, აქტიურად ითანამშრომლოს როგორც CPT-თან, ისე სახალხო დამცველთან. საქართველოს პენიტენციური სისტემის ღიაობას დამატებით ადასტურებს CPT-ის ანგარიშის გამოქვეყნება, რაც იუსტიციის სამინისტროს თანხმობის საფუძველზე განხორციელდა.

პენიტენციური სისტემის რეფორმა აქტიურად გაგრძელდება იუსტიციის სამინისტროს 10-წლიანი სტრატეგიის შესაბამისად, რომლის ფარგლებშიც გათვალისწინებული იქნება CPT-ის რეკომენდაციები. უკვე განხორციელებული რეფორმების ეფექტიანობის ყველაზე მკაფიო ინდიკატორი ადამიანის უფლებათა ევროპული სასამართლოს სტატისტიკაა, რომლის მიხედვითაც, ევროპულ სასამართლოს 2012 წლის შემდეგ საქართველოს პენიტენციური სისტემიდან გაგზავნილი არცერთი საქმე არ მიუღია წარმოებაში, რაც ადასტურებს პატიმართა უფლებების ქვეყნის შიგნით დაცვის მაღალ სტანდარტს.

CPT-ის დელეგაციას საქართველოს იუსტიციის სამინისტრომ და სპეციალურმა პენიტენციურმა სამსახურმა 2021 წლის 17-24 მაისს უმასპინძლა. ვიზიტის ფარგლებში დელეგაციამ მოინახულა 4 პენიტენციური დაწესებულება (№2, №14, №15 და № 17).

იუსტიციის მინისტრმა ერთწლიანი მუშაობის ანგარიში თბილისისა და ქუთაისის შემდეგ ბორჯომში წარადგინა

რატი ბრეგაძემ იმ რეფორმებზე ისაუბრა, რომლებიც სამინისტროს პრიორიტეტული მიმართულებების გაძლიერებისათვის გატარდა.

იუსტიციის სამინისტროს განვითარების სტრატეგიის პრეზენტაციიდან ერთი წლის თავზე არაერთი დაპირებაა შესრულებული:

დაინერგა და 7 რეგიონში წარმატებით მუშაობს ინოვაციური პროექტი „მობილური იუსტიციის სახლი“; საქართველოს 6 დიდ ქალაქში განთავსდა პრობაციონერთა მომსახურების ელექტრონული სისტემა „PROBBOX“; ამოქმედდა მიწის სისტემური რეგისტრაციის რეფორმა – საქართველოს 59 მუნიციპალიტეტში ეტაპობრივად, გეგმა-გრაფიკის მიხედვით მიმდინარეობს მიწების აზომვა და რეგისტრაცია.

გრძელდება ინფრასტრუქტურული სამუშაოები – გაიხსნა 5 ახალი იუსტიციის სახლი და საზოგადოებრივი ცენტრი; მშენებლობები მიმდინარეობს კიდევ 6 მუნიციპალიტეტში; დამატებით ერთი იუსტიციის სახლი ამოქმედდება თბილისში, ჰუალინგში; სამცხე-ჯავახეთის რეგიონული არქივის შენობა გაიხსნა ახალციხეში.

დაფუძნდა და გამოიცა ორენოვანი ჟურნალი „იუსტიცია“; იუსტიციის სამინისტროსათვის ხელმისაწვდომი გახდა უმსხვილესი ელექტრონული სამართლებრივი ბაზა „ჰეინონლაინი“ („HeinOnline“); ურთიერთთანამშრომლობის მემორანდუმები გაფორმდა თურქეთის, ისრაელის, უნგრეთის, სომხეთის, აზერბაიჯანის, შვეიცარიის იუსტიციის სამინისტროებთან.

სანოტარო მომსახურება ხელმისაწვდომი გახდა ადმინისტრაციულ ერთეულებში – საგურამოში, გამარჯვებაში, მარტყოფში, შუახევში, ადიგენში, ასპინძაში, კაჭრეთში, ქედაში, ხობში, ზესტაფონში, სიღნაღსა და ამბროლაურში; სულ მალე კი, მოქალაქეებს ონლაინ სანოტარო მომსახურების მიღება მობილური აპლიკაციის საშუალებით შეეძლებათ.

მნიშვნელოვანი რეფორმებია პენიტენციურ და პრობაციის სისტემებში – გაძლიერდა პატიმართა დასაქმების პროგრამები; გრძელდება პენიტენციურ დაწესებულებებში სპორტული აქტივობების წახალისება; რემონტდება მოედნები; მიმდინარეობს რეგულარული წვრთნები, პრობაციის ბიუროების გახსნა სიღნაღში, თერჯოლაში, ქუთაისსა და ზესტაფონში; რეფერირების ცენტრი გაიხსნა ქუთაისში; გაფორმდა თანამშრომლობის მემორანდუმები მუნიციპალიტეტებთან შრომამისჯილი პირების დასაქმებისათვის.

ანგარიშის პრეზენტაციას ესწრებოდნენ ადგილობრივი ხელისუფლების წარმომადგენლები, იუსტიციის სამინისტროს დაქვემდებარებაში მოქმედი სსიპ-ების თანამშრომლები და მოწვეული სტუმრები.

სამშაბათი, 14 ივნისი 2022

იუსტიციის სამინისტროსა და კავკასიის საერთაშორისო უნივერსიტეტს შორის ურთიერთთანამშრომლობის მემორანდუმი გაფორმდა

იუსტიციის სამინისტრო კავკასიის საერთაშორისო უნივერსიტეტის სამაგისტრო პროგრამის სტუდენტებს სთავაზობს შესაძლებლობას, სასწავლო პროცესში მიღებული თეორიული ცოდნა პრაქტიკული საქმიანობით განიმტკიცონ. ურთიერთთანამშრომლობის დოკუმენტს ხელი იუსტიციის მინისტრმა რატი ბრეგაძემ და კავკასიის საერთაშორისო უნივერსიტეტის რექტორმა კახაბერ კორძაიამ მოაწერეს.

მეცნიერებაზე დაფუძნებული მიდგომების განვითარება და სამართალშემოქმედებით პროცესში სამეცნიერო პოტენციალის მოზიდვის ხელშეწყობა იუსტიციის სამინისტროს ერთ-ერთი პრიორიტეტია. ამ მიზნით, თანამშრომლობის მემორანდუმები საქართველოში ავტორიზებულ სხვადასხვა უმაღლეს სასწავლებლებთან გაფორმდება.

პრაქტიკული უნარ-ჩვევების გამომუშავებისა და კვალიფიციური კადრების მომზადების ხელშეწყობის მიზნით კავკასიის საერთაშორისო უნივერსიტეტის სასწავლო კურსის ფარგლებში - „იურიდიული კლინიკა სასჯელაღსრულების სამართალში“ - სტუდენტებს იუსტიციის სამინისტროს სახელმწიფო საქვეუწყებო დაწესებულების სტრუქტურულ ერთეულებსა და პენიტენციურ დაწესებულებებში, სსიპ „დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულ სააგენტოში“, სსიპ „მსჯავრდებულთა პროფესიული მომზადებისა და გადამზადების ცენტრსა“ და სსიპ „საქართველოს იუსტიციის სასწავლო ცენტრში“ კვირაში 1 სამუშაო დღის გატარება შეეძლებათ.

უნივერსიტეტის სასწავლო და სამეცნიერო პროცესებში სამინისტროს წარმომადგენელთა ჩართვა მაგისტრანტ სტუდენტებს შესაძლებლობას მისცემს, თეორიული ცოდნა გაიღრმაონ იუსტიციის სისტემის იმ დაწესებულებებში, რომლებთანაც უშუალო შეხება მათ მომავალ პროფესიულ საქმიანობას უკავშირდება.

ამას გარდა, იუსტიციის სამინისტრო წარმატებულ მაგისტრანტებს იუსტიციის სამინისტროს სისტემაში დასაქმების შესაძლებლობას მისცემს.

ორშაბათი, 13 ივნისი 2022

№8 პენიტენციურ დაწესებულებაში ბრალდებულთან/მსჯავრდებულთან ადვოკატის ვიზიტის წინასწარ დაჯავშნის ელექტრონული პორტალი ამოქმედდა

ადვოკატები, რომლებისთვისაც წინასწარ არის ცნობილი მათი დაცვის ქვეშ მყოფ პირთან ვიზიტის საჭიროება, ელექტრონული პორტალის საშუალებით შეძლებენ ვიზიტის წინასწარ დაჯავშნას, რაც უზრუნველყოფს ადვოკატისა და მისი კლიენტის შეხვედრის ორგანიზებულობასა და დროულობას.


იმ ადვოკატებს კი, ვისაც კლიენტთან შეხვედრის საჭიროება მოულოდნელად წარმოეშობა ან/და სხვა ნებისმიერი მიზეზით ვერ დაჯავშნის ვიზიტს, ბრალდებულთან/მსჯავრდებულთან შეხვედრა აქამდე არსებული სტანდარტული პროცედურის გავლით შეეძლებათ.


ელექტრონული დაჯავშნის სისტემის მუშაობას დღეს იუსტიციის მინისტრი რატი ბრეგაძე №8 პენიტენციურ დაწესებულებაში ადვოკატთა ასოციაციის თავმჯდომარე დავით ასათიანთან ერთად გაეცნო.


ვიზიტის დაჯავშნის ელექტრონული პორტალი ადვოკატებს შეუქმნის მეტ კომფორტს და შესაძლებლობას, მართონ საკუთარი შეხვედრების კალენდარი. პორტალის ეფექტიანად გამოყენება განტვირთავს ე.წ. ცოცხალ რიგსაც.


წინასწარი დაჯავშნის ელექტრონული პორტალი საქართველოს იუსტიციის სამინისტროსა და სპეციალურ პენიტენციურ სამსახურთან თანამშრომლობის შედეგად ადვოკატთა ასოციაციამ ამერიკის შეერთებული შტატების საელჩოს (INL) ფინანსური მხარდაჭერით განახორციელა. ამ ეტაპზე პორტალი საპილოტე რეჟიმში №8 პენიტენციურ დაწესებულებაში მოქმედებს.
ვიზიტის წინასწარი დაჯავშნის ელექტრონული პორტალის მისამართია: https://penitentiary.gba.ge ; ასევე, მოქმედებს ცხელი ხაზი: 511 10 30 97.

პარასკევი, 10 ივნისი 2022

იუსტიციის მინისტრმა აღმასრულებლებისა და აღსრულების პოლიციელების დღეს წარმატებული პროფესიონალები დააჯილდოვა

იუსტიციის მინისტრმა რატი ბრეგაძემ ხაზი გაუსვა აღსრულების ეროვნული ბიუროს მიღწევებს ბოლო ერთი წლის განმავლობაში და მადლობა გადაუხადა თანამშრომლებს გაწეული საქმიანობისათვის.

გასული ერთი წლის განმავლობაში მოქალაქეებისთვის სააღსრულებო მომსახურებები უფრო მარტივად ხელმისაწვდომი გახდა; დაინერგა ციფრული არქივი, რისთვისაც 350 ათასამდე საქმე გაციფრულდა; შეიქმნა გამარტივებული საქმისწარმოების პლატფორმა, სადაც მოქალაქეებს შეუძლიათ სერვისზე მოთხოვნა/აპლიკაცია სახლიდან გაუსვლელად დაარეგისტრირონ, ხოლო საქმეს თვალყური ელექტრონულად მიადევნონ; ელექტრონული კომუნიკაციის სისტემა დაინერგა ყველა კომერციულ ბანკთან. მიმდინარეობს ელექტრონული დოკუმენტბრუნვის სისტემების დანერგვა მუნიციპალურ ორგანოებთან; მუშავდება „ელექტრონული თანაშემწის“ პროგრამა, რომელიც საშუალებას იძლევა, რიგი სააღსრულებო მოქმედებებისა აღმასრულებლის ფიზიკური ჩარევის გარეშე განხორციელდეს; მიმდინარე წლის სექტემბერში კი, აღმასრულებელთა საერთაშორისო კავშირის ინიციატივით, საქართველო აღმასრულებელთა საერთაშორისო კონფერენციას უმასპინძლებს.

იუსტიციის მინისტრმა რატი ბრეგაძემ, მინისტრის მოადგილე ერეკლე ღვინიანიძემ და აღსრულების ეროვნული ბიუროს თავმჯდომარე მირიან ხარაბაძემ პროფესიულ საქმიანობაში გამოჩენილი მაღალი პროფესიონალიზმისა და სამსახურებრივი მოვალეობის კეთილსინდისიერად შესრულებისთვის პოლიციელებს და აღმასრულებლებს მადლობის სიგელები გადასცეს, ხოლო 6 პოლიციელს ვადამდე წოდებები მიენიჭათ.

ოთხშაბათი, 08 ივნისი 2022

იუსტიციის სამინისტროს სასჯელაღსრულების დეპარტამენტის სპეცრაზმელებს ვეტერანის სტატუსი მიენიჭათ


იუსტიციის სამინისტროს სასჯელაღსრულების დეპარტამენტის სპეციალური დანიშნულების რაზმის იმ წევრებს, რომლებიც 2008 წლის საომარ მოქმედებებში მონაწილეობდნენ, ომის ვეტერანის სტატუსი მიენიჭათ. მოწმობები ვეტერანებს იუსტიციის მინისტრის მოადგილე თორნიკე ჭეიშვილმა და ვეტერანების საქმეთა სახელმწიფო სამსახურის დირექტორმა კობა კობალაძემ გადასცეს.

„დასრულდა ძალიან მნიშვნელოვანი პროცესი. 2008 წლის ომის მონაწილე პირები, რომლებიც იყვნენ თანამშრომლები იუსტიციის სამინისტროს სისტემაში შემავალი სასჯელაღსრულების დეპარტამენტისა, არ სარგებლობდნენ ვეტერანის სტატუსით, რადგან ამას არ ჰქონდა შესაბამისი საკანონმდებლო საფუძველი. შესაბამისი საფუძველი გაჩნდა გასული წლის მიწურულს და დღეს უკვე ამ პირებს გადაეცათ ვეტერანის სტატუსის დამადასტურებელი დოკუმენტი“, − აღნიშნა იუსტიციის მინისტრის მოადგილემ და მადლობა გადაუხადა ყველა ვეტერანს საქართველოს წინაშე გაწეული სამსახურისა და ქვეყნისთვის თავდადებისათვის.

მიუხედავად იმისა, რომ იუსტიციის სამინისტროს სპეცდანიშნულების რაზმის წევრები 2008 წლის ომში აქტიურად მონაწილეობდნენ, მათ ომის მონაწილის სტატუსი არ ჰქონდათ, რადგან „ომისა და თავდაცვის ძალების ვეტერანების შესახებ“ კანონში არ არსებობდა შესაბამისი სამართლებრივი ნორმა. იუსტიციის მინისტრ რატი ბრეგაძის ინიციატივით, იუსტიციის სამინისტროში მომზადდა ცვლილებები აღნიშნულ კანონში და ის პარლამენტს წარედგინა. საკანონმდებლო ორგანოში პროექტი გასული წლის ბოლოს დამტკიცდა.

სამშაბათი, 07 ივნისი 2022

საქართველოს იუსტიციისა და ინდონეზიის რესპუბლიკის ადმინისტრაციული და ბიუროკრატიული რეფორმების სამინისტროებს შორის მემორანდუმი გაფორმდა

ურთიერთთანამშრომლობის მემორანდუმს საქართველოს იუსტიციის მინისტრმა რატი ბრეგაძემ და ინდონეზიის ადმინისტრაციული და ბიუროკრატიული რეფორმების მინისტრმა ჯაჰიო კუმოლომ ხელი მოაწერეს.

დოკუმენტი სახელმწიფო სერვისების ხელმისაწვდომობისა და ელექტრონული მმართველობის სფეროებში ურთიერთთანამშრომლობის გაღრმავებას ითვალისწინებს. მემორანდუმის გაფორმებამდე ორი ქვეყნის მინისტრებს შორის ორმხრივი შეხვედრა გაიმართა.

რატი ბრეგაძემ და ჯაჰიო კუმოლომ განიხილეს საქართველოში მიმდინარე პროექტები და ინიციატივები სახელმწიფო სერვისების ეფექტიანად მიწოდების კუთხით. ქართულმა მხარემ კოლეგებს გააცნო ინოვაციური პროექტები: მობილური იუსტიციის სახლი; PROBBOX; ციფრული უნივერსიტეტი და სხვ.

ინდონეზიის დელეგაცია ვიზიტის ფარგლებში იუსტიციის სახლებსა და საზოგადოებრივ ცენტრებს ესტუმრება და ადგილზე გაეცნობა საქართველოს წარმატებულ გამოცდილებას სერვისების მიწოდების სფეროში.

შაბათი, 04 ივნისი 2022

იუსტიციის მინისტრმა ერთწლიანი მუშაობის ანგარიში თბილისის შემდეგ ქუთაისშიც წარადგინა

რატი ბრეგაძემ იმ რეფორმებზე ისაუბრა, რომლებიც სამინისტროს პრიორიტეტული მიმართულებების გაძლიერებისათვის გატარდა.

იუსტიციის სამინისტროს განვითარების სტრატეგიის პრეზენტაციიდან ერთი წლის თავზე არაერთი დაპირებაა შესრულებული:

დაინერგა და 7 რეგიონში წარმატებით მუშაობს ინოვაციური პროექტი „მობილური იუსტიციის სახლი“; საქართველოს 6 დიდ ქალაქში განთავსდა პრობაციონერთა მომსახურების ელექტრონული სისტემა „PROBBOX“; ამოქმედდა მიწის სისტემური რეგისტრაციის რეფორმა – საქართველოს 59 მუნიციპალიტეტში ეტაპობრივად, გეგმა-გრაფიკის მიხედვით მიმდინარეობს მიწების აზომვა და რეგისტრაცია.

გრძელდება ინფრასტრუქტურული სამუშაოები – გაიხსნა 5 ახალი იუსტიციის სახლი და საზოგადოებრივი ცენტრი; მშენებლობები მიმდინარეობს კიდევ 6 მუნიციპალიტეტში; დამატებით ერთი იუსტიციის სახლი ამოქმედდება თბილისში, ჰუალინგში; სამცხე-ჯავახეთის რეგიონული არქივის შენობა გაიხსნა ახალციხეში.

დაფუძნდა და გამოიცა ორენოვანი ჟურნალი „იუსტიცია“; იუსტიციის სამინისტროსათვის ხელმისაწვდომი გახდა უმსხვილესი ელექტრონული სამართლებრივი ბაზა „ჰეინონლაინი“ („HeinOnline“); ურთიერთთანამშრომლობის მემორანდუმები გაფორმდა თურქეთის, ისრაელის, უნგრეთის, სომხეთის, აზერბაიჯანის, შვეიცარიის იუსტიციის სამინისტროებთან.

სანოტარო მომსახურება ხელმისაწვდომი გახდა ადმინისტრაციულ ერთეულებში – საგურამოში, გამარჯვებაში, მარტყოფში, შუახევში, ადიგენში, ასპინძაში, კაჭრეთში, ქედაში, ხობში, ზესტაფონში, სიღნაღსა და ამბროლაურში; სულ მალე კი, მოქალაქეებს ონლაინ სანოტარო მომსახურების მიღება მობილური აპლიკაციის საშუალებით შეეძლებათ.

მნიშვნელოვანი რეფორმებია პენიტენციურ და პრობაციის სისტემებში – გაძლიერდა პატიმართა დასაქმების პროგრამები; გრძელდება პენიტენციურ დაწესებულებებში სპორტული აქტივობების წახალისება; რემონტდება მოედნები; მიმდინარეობს რეგულარული წვრთნები, პრობაციის ბიუროების გახსნა სიღნაღში, თერჯოლაში, ქუთაისსა და ზესტაფონში; რეფერირების ცენტრი გაიხსნა ქუთაისში; გაფორმდა თანამშრომლობის მემორანდუმები მუნიციპალიტეტებთან შრომამისჯილი პირების დასაქმებისათვის.

ანგარიშის პრეზენტაციას ესწრებოდნენ მინისტრის მოადგილეები, სახელმწიფო რწმუნებული იმერეთის მხარეში, ადგილობრივი ხელისუფლების წარმომადგენლები, იუსტიციის სამინისტროს დაქვემდებარებაში მოქმედი სსიპ-ების თანამშრომლები და მოწვეული სტუმრები.

პარასკევი, 03 ივნისი 2022

საქართველოს იუსტიციის სამინისტრომ შეზღუდული შესაძლებლობის მქონე პირთა უფლებების დაცვის 2022 წლის სამოქმედო გეგმა დაამტკიცა

დოკუმენტი 4 მიზნის, 7 ამოცანისა და 22 აქტივობისგან შედგება. ის „შეზღუდული შესაძლებლობის მქონე პირთა უფლებების შესახებ“ საქართველოს კანონით ნაკისრი ვალდებულებების შესრულების სამოქმედო გეგმას წარმოადგენს და „შშმ პირთა უფლებების შესახებ“ გაეროს კონვენციით აღიარებულ პრინციპებსა და სტანდარტებს ეფუძნება.

გეგმის ძირითადი პრიორიტეტებია: საქართველოს კანონმდებლობის კიდევ უფრო დაახლოება „შეზღუდული შესაძლებლობის მქონე პირთა უფლებების შესახებ“ გაეროს კონვენციის დებულებებთან; შშმ პირებისათვის კიდევ უფრო მისაწვდომი გარემო იუსტიციის სამინისტროს სამსახურებში; შეზღუდული შესაძლებლობის მქონე პირებისთვის საქართველოს იუსტიციის სამინისტროს სერვისებზე მისაწვდომობის გაზრდა მათი საჭიროებების გათვალისწინებისა და სერვისების ხარისხის გაზრდის გზით; პენიტენციურ დაწესებულებებში მყოფი შშმ ბრალდებულთა/მსჯავრდებულთა უფლებების დაცვა მათი საჭიროებების გათვალისწინებით.

იუსტიციის სამინისტროს ანალიტიკურმა დეპარტამენტმა სამინისტროს სისტემის სამსახურების აქტიური ჩართულობით შეიმუშავა. სამუშაო ვერსიის განხილვაში მონაწილეობდნენ შშმ პირთა წარმომადგენლობითი, აგრეთვე, არასამთავრობო ორგანიზაციები და შეზღუდული შესაძლებლობის მქონე პირთა თემის წარმომადგენლები.

შეზღუდული შესაძლებლობის მქონე პირთა უფლებების დაცვის 2022 წლის სამოქმედო გეგმა იუსტიციის მინისტრის 2022 წლის 1 ივნისის №223 ბრძანებით დამტკიცდა.

საჯარო ლექცია „საქართველოს სუვერენიტეტის დაცვა სამართლებრივი გზებით“ ქუთაისის საერთაშორისო უნივერსიტეტში ჩატარდა

,,ქვეყნის სამართლებრივი უსაფრთხოება და საქართველოს სუვერენიტეტის დასაცავად სამართლებრივი ბრძოლა" არის იუსტიციის სამინისტროს საჯარო ლექციების კურსი, რომელიც იუსტიციის მინისტრის ინიაციატივით 26 მაისს საქართველოს დამოუკიდებლობის დღეს ამბროლაურში დაიწყო და მთელი ქვეყნის მასშტაბით გაგრძელდება. საჯარო ლექციების ციკლი ამჯერად ქუთაისის საერთაშორისო უნივერსიტეტში (KIU) იუსტიციის მინისტრმა რატი ბრეგაძემ წარადგინა და მსმენელებს სიტყვით მიმართა.

„ჩვენ დავიწყეთ ლექციების ციკლი სიმბოლურად 26 მაისს, დამოუკიდებლობის დღეს. გვსურს, რომ ახალგაზრდებმა, პირველ რიგში, და ყველა დაინტერესებულმა პირმა მიიღოს ინფორმაცია, თუ რას ნიშნავს დამოუკიდებლობა სამართლებრივი კუთხით; რა კეთდება იმისთვის, რომ ჩვენი ეროვნული სუვერენიტეტი იყოს მაქსიმალურად დაცული; ასევე, რა გზას გადის სახელმწიფო, ადამიანები, რომლებიც დასაქმებული არიან იუსტიციის სამინისტროში და სხვადასხვა საჯარო სტრუქტურაში იმისთვის, რომ თითოეული ჩვენგანის უსაფრთხოება იყოს დაცული, და მთელმა მსოფლიომ იცოდეს, რომ საქართველო არის დამოუკიდებელი, სუვერენული სახელმწიფო და მისი ტერიტორიები არის ოკუპირებული. იმის თქმის უფლება, რომ რუსეთი არის ოკუპანტი, გახდა შესაძლებელი როგორც მთლიანად მთავრობის, ისე იუსტიციის სამინისტროს წარმატებული მუშაობის შედეგად სწორედ სტრასბურგის სასამართლოს ისტორიული გადაწყვეტილების შემდეგ. სახელმწიფო არ არის არცერთი მთავრობის კუთვნილება – ეს არის ხალხის საკუთრება“, – განაცხადა რატი ბრეგაძემ.

ბექა ძამაშვილმა მსმენელებს იმ რთული და წარმატებული ბრძოლის შესახებ ესაუბრა, რომელსაც იუსტიციის სამინისტრო საქართველოს სუვერენიტეტისა და ტერიტორიული მთლიანობის დასაცავად ადამიანის უფლებათა ევროპულ სასამართლოებში – სტრასბურგსა და ჰააგაში რუსეთის წინააღმდეგ აწარმოებდა.

მან განმარტა, თუ რა მნიშვნელობა აქვს საქართველოს შემდგომი დეოკუპაციისთვის იმ ფაქტებს, რომ სტრასბურგისა და ჰააგის სასამართლოები გადაწყვეტილებებში აღიარებენ ჩვენი ქვეყნის ტერიტორიულ მთლიანობას და ადასტურებენ, რომ საქართველო ოკუპირებულია რუსეთის მიერ.

ასევე რა სამართლებრივ ბერკეტებს აძლევს საქართველოს სტრასბურგის სასამართლოს მიერ რუსეთის ფედერაციის მხრიდან ცხინვალის რეგიონში ქართველების ეთნიკური წმენდის დადასტურება.

საჯარო ლექციას იუსტიციის მინისტრის მოადგილეები − თამარ ტყეშელაშვილი, ერეკლე ღვინიანიძე, ქუთაისის საერთაშორისო უნივერსიტეტის რექტორი ალექსანდრე თევზაძე, იმერეთის გუბერნატორის მოადგილეები, საჯარო მოხელეები, სტუდენტები, აკადემიური წრისა და კადეტთა კორპუსის წარმომადგენლები დაესწრნენ.

ხუთშაბათი, 02 ივნისი 2022

მსჯავრდებულებს და ბრალდებულებს საქართველოში ავტორიზებულ  უნივერსიტეტებში დისტანციური სწავლების შესაძლებლობა ექნებათ

პენიტენციურ დაწესებულებებში მყოფი მსჯავრდებულებისთვის ციფრული უნივერსიტეტი ამოქმედდება. პროექტის რეალიზაციის მიზნით ურთიერთთანამშრომლობის მემორანდუმს იუსტიციის მინისტრმა რატი ბრეგაძემ და განათლებისა და მეცნიერების მინისტრმა მიხეილ ჩხენკელმა N5 (ქალთა) პენიტენციურ დაწესებულებაში მოაწერეს ხელი.

იუსტიციის მინისტრმა წარმატება უსურვა მომავალ სტუდენტებს და მადლობა გადაუხადა მიხეილ ჩხენკელს ციფრული უნივერსიტეტის პროექტში აქტიური ჩართულობისათვის:

"დღევანდელი დღე კიდევ ერთი ნათელი დასტურია იმისა, რომ ჩვენ ყველა დანაპირებს ვასრულებთ და მომავალშიც ასე გაგრძელდება", - განაცხადა რატი ბრეგაძემ.

განათლებისა და მეცნიერების მინისტრმა ხაზი გაუსვა პროექტ ციფრული უნივერსიტეტის მნიშვნელობას და იუსტიციის სამინისტროს სრული მხარდაჭერა გამოუცხადა:

"განათლებისა და მეცნიერების სამინისტრო ყველაფერს გააკეთებს იმისთვის, რომ პენიტენციურ დაწესებულებებში მყოფმა პირებმა მიიღონ ხარისხიანი განათლება", - განაცხადა მიხეილ ჩხენკელმა.

რატი ბრეგაძემ მიხეილ ჩხენკელს N5 პენიტენციური დაწესებულების ბიბლიოთეკა, სპორტული დარბაზი, ფეხბურთის მოედანი და სილამაზის სალონი დაათვალიერებინა.

ციფრული უნივერსიტეტი იუსტიციის სამინისტროს კიდევ ერთი შესრულებული დაპირება და უწყების განვითარების 10-წლიანი სტრატეგიის ნაწილია. პროექტი პენიტენციურ დაწესებულებებში მყოფ პირებს საშუალებას მისცემს, ელექტრონულად მიიღონ განათლება საქართველოში ავტორიზებულ უნივერსიტეტებში როგორც ბაკალავრიატის, ისე მაგისტრატურის საფეხურზე.

პენიტენციურ დაწესებულებებში ელექტრონული სწავლების მეთოდის დანერგვა და უმაღლეს განათლებაზე ხელმისაწვდომობა მსჯავრდებულთა განათლების უფლების რეალიზაციისა და მათი რესოციალიზაცია-რეაბილიტაციის მიმართულებით გადადგმული მნიშვნელოვანი ნაბიჯია.

ღონისძიებები

დეკემბერი2022
  • ორ
  • სა
  • ოთ
  • ხუ
  • პა
  • შა
  • კვ
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 1