Geo
Engღონისძიებები
იუსტიციის სამინისტროში თავისუფალი და სამართლიანი არჩევნებისთვის უწყებათაშორისი კომისიის სხდომა გაიმართა
იუსტიციის სამინისტროში თავისუფალი და სამართლიანი არჩევნებისთვის უწყებათაშორისი კომისიის სხდომა გაიმართა. 2025 წლის ადგილობრივი არჩევნების თარიღამდე გამართულ ბოლო სხდომაზე კომისიის წევრებმა წინასაარჩევნო პროცესის მიმდინარეობა შეაჯამეს.
აღინიშნა, რომ პოლიტიკურ სუბიექტებს საშუალება ჰქონდათ, საარჩევნო შეხვედრები და სხვა აქტივობები თავისუფალ და სამართლიან გარემოში ჩაეტარებინათ. უწყებათაშორისი კომისიის მუშაობისა და მედიამონიტორინგის შედეგად არ გამოვლენილა საჯარო მოხელეების მიერ საარჩევნო კანონმდებლობის დარღვევის მნიშვნელოვანი ფაქტები.
კომისიამ ცესკო-ს თავმჯდომარის მოადგილისაგან უწყების მიერ გაწეული საქმიანობის შესახებ ინფორმაცია მოისმინა. გიორგი შარაბიძის განცხადებით, დასრულებულია ბიულეტენების ბეჭდვა და მიმდინარეობს რეგიონებში მათი დისტრიბუციის პროცესი. საარჩევნო სიაში 3 513 818 ამომრჩეველი ფიქსირდება; კენჭისყრის დღეს გაიხსნება 3 061 უბანი, აქედან 2 284 უბანზე იქნება ელექტრონული კენჭისყრა, დანარჩენში კი – ტრადიციული; პენიტენციურ დაწესებულებებში, მთელი საქართველოს მასშტაბით, სულ 10 საარჩევნო უბანი მოეწყობა. მნიშვნელოვანია, რომ საარჩევნო სიებში თავის გადამოწმების სერვისებით მოქალაქეებმა ისარგებლეს 600 784-ჯერ, რაც ძალიან მაღალი აქტივობაა.
მომდევნო სხდომას კომისია კენჭისყრის დღის - 4 ოქტომბრის შემდგომ გამართავს.
საარჩევნო კოდექსის საფუძველზე შექმნილი უწყებათაშორისი კომისია თავისუფალი და სამართლიანი არჩევნებისთვის უზრუნველყოფს საჯარო მოხელეების მიერ კანონდარღვევის პრევენციას, რეაგირებას ყველა შესაძლო შემთხვევაზე და შეიმუშავებს შესაბამის რეკომენდაციებს.
კომისიას იუსტიციის მინისტრი პაატა სალია ხელმძღვანელობს. მის შემადგენლობაში სხვადასხვა სახელმწიფო უწყების მაღალი რანგის წარმომადგენლები არიან, რაც უზრუნველყოფს კოორდინირებულ და ეფექტიან მუშაობას.
კომისიის კომპეტენციაში შემავალ საკითხებზე ინფორმაციის მიწოდება შესაძლებელია ელექტრონული ფოსტით შემდეგ მისამართზე: iatf@justice.gov.ge ან ცხელ ხაზზე: (+995) 599 85 00 11.
კომისია არჩევნების საბოლოო შედეგების ოფიციალურ გამოქვეყნებამდე იმუშავებს.
სოფელ ტოლებში იუსტიციის სახლი გაიხსნა
ზუგდიდში იუსტიციის სახლის დასავლეთ რეგიონის სატელეფონო ცენტრი გაიხსნა.
წალენჯიხაში იუსტიციის სახლი აშენდება - მშენებლობის ადგილზე ჩაშვებულია სიმბოლური კაფსულა.
ბათუმის რკინიგზის სადგურზე მდებარე იუსტიციის სახლის ფილიალში „ჯასთ კაფე“ (JUST CAFE) გაიხსნა.
ხელვაჩაურში იუსტიციის სახლის სამშენებლო სამუშაოები დასასრულს უახლოვდება.
იუსტიციის სამინისტროში თავისუფალი და სამართლიანი არჩევნებისთვის უწყებათაშორისი კომისიის მორიგი სხდომა გაიმართა
იუსტიციის სამინისტროში თავისუფალი და სამართლიანი არჩევნებისთვის უწყებათაშორისი კომისიის მორიგი სხდომა გაიმართა.
კომისიის წევრებმა განიხილეს მედიაში გავრცელებული ინფორმაცია საჯარო მოხელეების მიერ საარჩევნო კანონმდებლობის შესაძლო დარღვევების შესახებ. შესწავლის შედეგად, აღნიშნული მიმართულებით ამ ეტაპზე მნიშვნელოვანი დარღვევები არ გამოვლენილა.
საარჩევნო კოდექსის საფუძველზე შექმნილი კომისია უზრუნველყოფს საჯარო მოხელეების მიერ კანონდარღვევის პრევენციას, რეაგირებას ყველა შესაძლო შემთხვევაზე და შესაბამის რეკომენდაციებს შეიმუშავებს.
კომისიას იუსტიციის მინისტრი პაატა სალია ხელმძღვანელობს. მის შემადგენლობაში სხვადასხვა სახელმწიფო უწყების მაღალი რანგის წარმომადგენლები არიან, რაც უზრუნველყოფს კოორდინირებულ და ეფექტიან მუშაობას.
კომისიის კომპეტენციაში შემავალ საკითხებზე ინფორმაციის მიწოდება შესაძლებელია ელექტრონული ფოსტით შემდეგ მისამართზე: iatf@justice.gov.ge ან ცხელ ხაზზე: (+995) 599 85 00 11.
კომისია არჩევნების საბოლოო შედეგების ოფიციალურ გამოქვეყნებამდე იმუშავებს და სხდომებს კვირაში ერთხელ გამართავს.
საქართველოს იუსტიციის მინისტრმა პაატა სალიამ მალტაში, ევროპის საბჭოს იუსტიციის მინისტრების კონფერენციის ფარგლებში მალტის, თურქეთის და უკრაინის იუსტიციის მინისტრებთან ორმხრივი შეხვედრები გამართა
საქართველოს იუსტიციის მინისტრმა პაატა სალიამ მალტაში, ევროპის საბჭოს იუსტიციის მინისტრების კონფერენციის ფარგლებში მალტის, თურქეთის და უკრაინის იუსტიციის მინისტრებთან ორმხრივი შეხვედრები გამართა.
მაღალი დონის მინისტერიალის ფარგლებში, პაატა სალიამ, ასევე, ხელი მოაწერა სისხლის სამართლის სფეროში საერთაშორისო ურთიერთდახმარების შესახებ ევროპული კონვენციის მესამე დამატებით ოქმს, რომლის მიზანია სისხლის სამართლის სფეროში სახელმწიფოთაშორისი ურთიერთდახმარების მექანიზმების გაუმჯობესება და ამ პროცესში თანამედროვე ტექნოლოგიების ინტეგრირება.
ღონისძიებაში ევროპის საბჭოს წევრი ქვეყნების იუსტიციის მინისტრები მონაწილეობდნენ.
იუსტიციის სამინისტროში თავისუფალი და სამართლიანი არჩევნებისთვის უწყებათაშორისი კომისიის მორიგი სხდომა გაიმართა
იუსტიციის სამინისტროში თავისუფალი და სამართლიანი არჩევნებისთვის უწყებათაშორისი კომისიის მორიგი სხდომა გაიმართა.
სხდომაზე კომისიის წევრებმა მოისმინეს და განიხილეს საარჩევნო გარემოს მონიტორინგის პროცესში მედიაში გავრცელებული ინფორმაცია საჯარო სამსახურში დასაქმებული პირების მიერ საარჩევნო კანონმდებლობის შესაძლო დარღვევების შესახებ. ასევე, ყურადღება გამახვილდა მერობის კანდიდატის საარჩევნო შტაბთან, საპროტესტო აქციის დროს მომხდარ ცალკეულ ინციდენტზე.
უწყებათაშორისი კომისია საარჩევნო პროცესში ჩართულ სუბიექტებს მოუწოდებს, იმოქმედონ კანონით დადგენილ ფარგლებში და ხელი შეუწყონ წინასაარჩევნო პერიოდის თავისუფალ და მშვიდობიან გარემოში წარმართვას.
საარჩევნო კოდექსის საფუძველზე შექმნილი უწყებათაშორისი კომისიის მიზანია საჯარო მოსამსახურეების მიერ საარჩევნო კანონმდებლობის დარღვევის პრევენცია, შესაძლო შემთხვევებზე დროული რეაგირება და შესაბამისი რეკომენდაციების შემუშავება.
კომისიას იუსტიციის მინისტრი პაატა სალია ხელმძღვანელობს. მის შემადგენლობაში შედიან სხვადასხვა სახელმწიფო უწყების მაღალი რანგის წარმომადგენლები, რაც უზრუნველყოფს კოორდინირებულ და ეფექტიან მუშაობას.
კომისიისათვის მის კომპეტენციაში შემავალ საკითხებზე ინფორმაციის მიწოდება შესაძლებელია ელექტრონული ფოსტის მეშვეობით შემდეგ მისამართზე: iatf@justice.gov.ge; ასევე, ცხელ ხაზზე: (+995) 599 85 00 11.
უწყებათაშორისი კომისია ცენტრალური საარჩევნო კომისიის მიერ არჩევნების საბოლოო შედეგების ოფიციალურ გამოქვეყნებამდე იმუშავებს და სხდომებს კვირაში ერთხელ გამართავს.