რატი ბრეგაძე იუსტიციის სამინისტროს რეგიონულ წარმომადგენლობებთან შეხვედრებს განაგრძობს. იუსტიციის მინისტრმა ქობულეთისა და სოფელ მუხაესტატეს საზოგადოებრივი ცენტრები მოინახულა.

იუსტიციის მინისტრი ცენტრების სამუშაო პროცესს ადგილზე დააკვირდა და თანამშრომლებისა და მომხმარებლების საჭიროებებს გაეცნო.

რატი ბრეგაძემ სოფელ მუხაესტატეს საზოგადოებრივი ცენტრის მენეჯმენტს მომსახურების ხელმისაწვდომობის კიდევ უფრო გაზრდის მიზნით კონკრეტული დავალებები მისცა და ამ მიმართულებით სამომავლო სამოქმედო გეგმა განისაზღვრა.

იუსტიციის მინისტრი ბათუმის #3 პენიტენციურ დაწესებულებაშიც იმყოფებოდა.

იუსტიციის მინისტრი სამინისტროს სისტემის რეგიონული წარმომადგენლობების მონახულებას მთელი ქვეყნის მასშტაბით განაგრძობს.

"იუსტიციის სამინისტროს სისტემის რეგიონული წარმომადგენლობების გამართულ ფუნქციონირებას განსაკუთრებული მნიშვნელობა ენიჭება" - აღნიშნა იუსტიციის მინისტრმა სამინისტროს სისტემის იმერეთის სამსახურების თანამშრომლებთან შეხვედრისას.

რატი ბრეგაძე წყალტუბოსა და ქუთაისის იუსტიციის სახლების მიმდინარე სამუშაო პროცესს გაეცნო და პრობაციის ეროვნული ბიუროს ინოვაცური პროდუქტი - “პრობბოქსი”, რომელიც ქუთაისის იუსტიციის სახლშიც უკვე ოფიციალურად ამოქმედდა, იმერეთის გუბერნატორსა და ქუთაისის მერს გააცნო.

მან ასევე მოინახულა გეგუთის პენიტენციური დაწესებულება და ქუთაისის პრობაციის ახლადგარემონტებული ბიურო და დაათვალიერა მიმდინარე სამუშაოები.

სამინისტროს ხელმძღვანელობა, ასევე, ნოტარიუსთა პალატისა და აღსრულების ეროვნული ბიუროს ქუთაისის წარმომადგენლებს და ქუთაისის არქივის თანამშრომლებს შეხვდა.

იუსტიციის სამინისტროს გენერალურმა ინსპექციამ სპეციალურ პენიტენციურ სამსახურთან ინტენსიური თანამშრომლობით და გენერალურ პროკურატურასთან ერთად ჩატარებული საგამოძიებო და საპროცესო მოქმედებების შედეგად ნარკოტიკული საშუალების უკანონო შეძენა-შენახვისა და პენიტენციურ დაწესებულებაში მოთავსებული მსჯავრდებულისათვის გადაცემის მცდელობის ფაქტზე (სსკ-ის 260-ე მუხლის პირველი ნაწილი და 19-3781 მუხლის მე-2 ნაწილის „დ“ ქვეპუნქტი) სასამართლოს განჩინების საფუძველზე ბ.მ. და თ.მ. დააკავა.

გამოძიებით დადგინდა, რომ 2021 წლის 29 დეკემბერს №15 პენიტენციური დაწესებულების საამანათო განყოფილებაში თ.მ.-ის მიერ მსჯავრდებულისთვის გადაცემის მიზნით შპს „საქართველოს ფოსტის“ მეშვეობით გაგზავნილი ამანათი შევიდა. სპეციალური პენიტენციური სამსახურის თანამშრომლების მიერ ამანათის შემოწმება-დათვალიერების დროს აღმოჩნდა, რომ მასში განთავსებული სპორტული შარვლის ზონარი ნარკოტიკული საშუალება „ბუპრენორფინით“ იყო გაჟღენთილი.

რაც შეეხება ბ.მ.-ს, გამოძიებით დადგინდა, რომ მან №15 პენიტენციურ დაწესებულებაში მოთავსებული მსჯავრდებულისთვის გადაცემის მიზნით შპს „საქართველოს ფოსტის“ მეშვეობით გაგზავნილ ამანათში განათავსა ქურთუკი, რომლის სარჩულშიც სპეციალური პენიტენციური სამსახურის თანამშრომლებმა ნარკოტიკული საშუალება „ჰეროინით“ გაჟღენთილი ორი მოთეთრო ფერის ჩაკერებული ქსოვილი აღმოაჩინეს.

იუსტიციის სამინისტროს გენერალური ინსპექცია სისხლის სამართლის საქმეზე გამოძიებას აგრძელებს და აცხადებს, რომ როგორც აქამდე, მომავალშიც მკაცრად დაიცავს კანონს და განაგრძობს იუსტიციის სამინისტროს სისტემაში დანაშაულთან ბრძოლას.

საერთო კრებაზე ნოტარიუსთა პალატის გამგეობის თავმჯდომარე დავით ფუტკარაძემ 2021 წლის ანგარიში წარადგინა. ამასთან, კრებაზე ნოტარიუსებმა ნოტარიუსთა პალატის 2022 წლის ბიუჯეტი დაამტკიცეს და განიხილეს წლიური გეგმები.

იუსტიციის მინისტრმა რატი ბრეგაძემ სიტყვით მიმართა ნოტარიუსებს, ისაუბრა ქვეყნის სამართლებრივი უსაფრთხოების და ადამიანის უფლებების რეალიზაციის პროცესში ნოტარიუსების საქმიანობის განსაკუთრებულ წვლილზე და მადლობა გადაუხადა ნოტარიუსებს მათი მოღვაწეობისათვის.

მინისტრმა ნოტარიუსებს სამომავლო გეგმებიც გააცნო და ისაუბრა საკანონმდებლო ინიციატივაზე, რომლის თანახმად, ნოტარიუსთა ზღვრული ასაკის 65-დან 70 წლამდე გაზრდა იგეგმება.

გამგეობის თავმჯდომარემ იუსტიციის მინისტრს ნოტარიუსთა პალატის და თითოეული ნოტარიუსის მხარდაჭერისთვის მადლობა გადაუხადა და დაგეგმილი სიახლეები წარუდგინა. სულ მალე მოქალაქეებს ონალიან სანოტარო მომსახურების მიღება მობილური აპლიკაციის საშუალებით შეეძლებათ. მობილურ აპლიკაციაში, ასევე, ინტეგრირებული იქნება სხვა სასარგებლო ფუნქციონალი - სანოტარო ბიუროების რუკა, ნოტარიუსების სამუშაო გრაფიკი.

კრების ბოლოს ახალდანიშნული ნოტარიუსების ფიცის დადების ცერემონიალი გაიმართა, რომლებმაც გასულ წელს გაიარეს სამინისტროში ჩატარებული შესარჩევი კონკურსი და ნოტარიუსების პოზიციაზე დაინიშნენ. ნოტარიუსთა პალატას 18 ახალი ნოტარიუსი შეუერთდა, რითაც გაიზარდა სანოტარო მომსახურების ხელმისაწვდომობა და დასახლებათა რიცხვი, სადაც შესაძლებელი გახდა სანოტარო მომსახურების მიღება.

ახალდანიშნული ნოტარიუსები არიან: თეა ციცხვაია ( მცხეთა, სოფ. საგურამო), ნინო თვალმიხელაშვილი ( ქ. გურჯაანი),თეა ედიშერაშვილი (გარდაბანი, სოფ. მარტყოფი),თამთა მაისურაძე( დაბა ასპინძა), ლალი ზვიადაძე( ქ.ვანი), მარი ჯვარშეიშვილი ( გარდაბანი, სოფ. გამარჯვება), ნიკოლოზ ბერიკაშვილი (ქ.სიღნაღი), ნათია ჯმუხაძე (ქ.წალკა), გიორგი მეტრეველი(დაბა ადიგენი), ლანა კიკვაძე (დაბა ცაგერი), ქეთინო ტუნაძე ( დაბა შუახევი), გვანცა მიქიაშვილი (ქ. საგარეჯო), ანა იმერლიშვილი (გურჯაანი, სოფ. ჯაჭრეთი), მარიამ მაკარიძე ( ქ.გურჯაანი), ეკატერინე ნიკოლაძე (ქ.თერჯოლა), სალომე გვარჯალაძე (ქ. ბორჯომი), ლიანა მოდებაძე ( ქ.გურჯაანი), ნინო კაკაბაძე (ქ.კასპი).

საერთო კრებაზე ნოტარიატის განვითარებაში შეტანილი წვლილისთვის მოქმედ ნოტარიუსებს ,,საპატიო ნოტარიუსის" და ,,დამსახურებული ნოტარიუსის" წოდებები მიენიჭათ.

,,საპატიო ნოტარიუსის" წოდება მიენიჭა ნოტარიუსებს: მერაბ ფარჯიკიას, ნანი სიდამონიძეს, მედეა დემეტრაშვილს, რომან კოსტანიანს, ეკატერინე მარშანიას.

,,დამსახურებული ნოტარიუსის" წოდებით კი დაჯილდოვდნენ ნოტარიუსები: ირმა ფირცხალავა, ალექსანდრე მამისაშვილი, თამარ ფიცხელაური, მაია მეტრეველი, იამზე ქუთათელაძე-იოსელიანი, ბელა მაკალათია.

იუსტიციის მინისტრის ვიზიტი სომხეთშიდასრულდა. ბოლო ოფიციალურიშეხვედრა რატი ბრეგაძემსომხეთის რესპუბლიკის ეროვნული ასამბლეისსპიკერ ალენ სიმონიანთანგამართა. მინისტრმა მას საქართველოსადა სომხეთს შორისთანამშრომლობის ახალი ფორმატიგააცნო, რომელსაც ორ ქვეყანასშორის გუშინ გაფორმებულიმემორანდუმი ითვალისწინებს.

შეხვედრის დასრულების შემდეგ საქართველოსიუსტიციის მინისტრმა სომხეთში ვიზიტიშეაფასა:

„ორი დღის განმავლობაშისაკმაოდ დატვირთული დღის წესრიგიგვქონდა. ამ დღეებშიჩვენ შევჯერდით თანამშრომლობისსრულიად ახალ ფორმებზედა ამის პირველიგამოხატულება იქნება ქართულ-სომხურისამართლებრივი ფორუმი, რომელიც თებერვალშისაქართველოში გაიმართება“.

რატი ბრეგაძემ აღნიშნა, რომსომხური მხარე ძალიანდაინტერესებულია ქართული ნოვაციებით – მობილურიიუსტიციის სახლებით, „PROBBOX“-ითა დამიწის სისტემური რეგისტრაციისრეფორმით, რომელთა შესახებაც ქართულმამხარემ სომხეთში მასშტაბურიპრეზენტაცია გამართა. მინისტრმა სომეხკოლეგას მადლობა გადაუხადა იმისათვის, რომ საშუალება მიეცა, არმავირის პენიტენციურ დაწესებულებაში მოენახულებინასაქართველოს ის მოქალაქეები, რომლებიც სასჯელს სომხეთში იხდიან.

„მინდა, მადლობა გადავუხადო ჩემსსომეხ კოლეგას იმისათვის, რომ საშუალება მომეცა, არმავირის პენიტენციურ დაწესებულებაში მომენახულებინასაქართველოს მოქალაქეები, რომლებიც სომხეთისრესპუბლიკაში იხდიან სასჯელს დამინდა, ჩვენს სომეხკოლეგებს გადავუხადო მადლობა იმისათვის, რომ პატიმრების უფლებრივიმდგომარეობა ძალიან მაღალი სტანდარტითარის დაცული“, – განაცხადარატი ბრეგაძემ სომხეთშივიზიტის შეჯამებისას.

საქართველოსიუსტიციის მინისტრმა იმედი გამოთქვა, რომ ქართულ-სომხურიურთიერთობები წარმატებული იქნება:

„მინდა, წარმატება ვუსურვო იმთანამშრომლობას, რომელსაც ჩვენ ერთობლივადჩავუყარეთ საფუძველი. დარწმუნებული ვარ, ერთობლივი ძალებით ღირსეულად ვუპასუხებთსამართლებრივი თანამშრომლობის სფეროში არსებულ ყველაგამოწვევას“.

იუსტიციის მინისტრმა რატი ბრეგაძემ სომხეთში ვიზიტის ფარგლებში არმავირის პენიტენციური დაწესებულება მოინახულა. იუსტიციის მინისტრმა ინფრასტრუქტურა დაათვალიერა და საქართველოს მოქალაქეებს გაესაუბრა, რომლებიც სასჯელს არმავირის ციხეში იხდიან.

რატი ბრეგაძემ პენიტენციური სისტემის ხელმძღვანელობას მადლობა გადაუხადა იმისათვის, რომ პატიმართა უფლებები მაღალ დონეზეა დაცული. სომხეთში სასჯელს 7 საქართველოს მოქალაქე იხდის.

რატი ბრეგაძემ სომხეთში ვიზიტი დაიწყო. ამ წუთებში საქართველოს იუსტიციის მინისტრი სომეხ კოლეგას ხვდება. საქართველო მეზობელ ქვეყანას რეფორმების წარმატებულ გამოცდილებას უზიარებს. რატი ბრეგაძე კარენ ანდრესიანს ქართულ ინოვაციებს – მობილური იუსტიციის სახლების, „PROBBOX“-ის, მიწის სისტემური რეგისტრაციის რეფორმებს აცნობს.

დღესვე იუსტიციის მინისტრი და მისი მოადგილეები – თამარ ტყეშელაშვილი და ბუბა ლომუაშვილი, საჯარო რეესტრის ეროვნული სააგენტოს თავმჯდომარე ოლეგ (ბაჩო) თორთლაძე და სპეციალური პენიტენციური სამსახურის ხელმძღვანელი ნიკა ცხვარაშვილი მასშტაბურ პრეზენტაციას გამართავენ და უწყებაში მიმდინარე რეფორმების შესახებ სომხურ მხარეს დეტალურ ინფორმაციას მიაწვდიან.

ვიზიტის ფარგლებში ქართული დელეგაცია უმაღლესი თანამდებობის პირებთან შეხვედრებს გეგმავს. დღის წესრიგშია შეხვედრები სომხეთის პრემიერ-მინისტრ ნიკოლ პაშინიანსა და პარლამენტის თავმჯდომარე ალენ სიმონიანთან. სომხური მხარე იმედოვნებს, რომ წარმატებული ქართული რეფორმების გამოცდილება მათ იუსტიციის სფეროში არსებული გამოწვევების დაძლევაში დაეხმარება.

ქართული დელეგაციის ვიზიტი 28 იანვარს დასრულდება.

ერევანში ვიზიტის ფარგლებში საქართველოს იუსტიციის მინისტრმა და მისმა მოადგილეებმა – თამარ ტყეშელაშვილმა და ბუბა ლომუაშვილმა სომხური მხარისათვის საქართველოს წარმატებული რეფორმების მასშტაბური პრეზენტაცია გამართეს. ქართულმა დელეგაციამ მრავალრიცხოვან აუდიტორიას ქართული ინოვაციები – მობილური იუსტიციის სახლების, „PROBBOX“-ის და მიწის სისტემური რეგისტრაციის რეფორმა წარუდგინა.

„გავაცანით ჩვენს სომეხ კოლეგებს ის ქართული რეფორმები, რომელთაც ახორციელებს იუსტიციის სამინისტრო ბოლო პერიოდში. კერძოდ, წარმოვადგინეთ მობილური იუსტიციის სახლი, ასევე, სრულიად ახალი და ინოვაციური პროდუქტი, როგორიც არის „PROBBOX“, გავაცანით, თუ როგორ ხორციელდება საქართველოში მიწის სისტემური რეგისტრაცია“, – განაცხადა საქართველოს იუსტიციის მინისტრმა რატი ბრეგაძემ.

იუსტიციის მინისტრის პირველი მოადგილის, თამარ ტყეშელაშვილის, თქმით, სომხური მხარისათვის ქართული ინოვაციები ძალიან საინტერესო აღმოჩნდა და მათი სომხეთში დანერგვისათვის თანამშრომლობა მომავალშიც გაგრძელდება. ამ მიზნით საქართველოს დელეგაციამ სომხური მხარე თბილისში მოიწვია.

იუსტიციის მინისტრის მოადგილე ბუბა ლომუაშვილმა აუდიტორიას „PROBBOX“ წარუდგინა. მისი განცხადებით,, ქართული მხარე მზადაა, სომხეთს დაეხმაროს პრობაციის სისტემის დანერგვაში. მიწის სისტემური რეგისტრაციის რეფორმის პრეზენტაცია გამართა საჯარო რეესტრის ხელმძღვანელმა ოლეგ (ბაჩო) თორთლაძემ.

სომხეთის იუსტიციის მინისტრმა პირადად შეამოწმა მობილური იუსტიციის სახლების ავტომობილები და ქართულ ნოვაციას „ძალიან შთამბეჭდავი“ უწოდა.

“ჩვენ ყოველთვის ვიცოდით, რომ საქართველოს აქვს ერთ-ერთი საუკეთესო გამოცდილება საჯარო მომსახურების სფეროში. მაგრამ როცა ქართველმა კოლეგამ მითხრა ახალი იდეის შესახებ, რაც გულისხმობდა რეგიონებში მობილური იუსტიციის სახლების დანერგვას, ეს იყო ძალიან შთამბეჭდავი. მე ვერც წარმოვიდგენდი, რამდენად კარგი ინიციატივა იქნებოდა ეს ხალხისთვის. ეს არის სრულყოფილი მომსახურება ნებისმიერი მოქალაქისთვის ქვეყნის ნებისმიერ ნაწილში. იმედი მაქვს, შევძლებთ ეს იდეა ჩვენთანაც დავნერგოთ“, - განაცხადა კარენ ანდრესიანმა.

იუსტიციის მინისტრის ვიზიტი სომხეთში 28 იანვარს დასრულდება.

საქართველოს იუსტიციის მინისტრის სომხეთში ვიზიტი გრძელდება. რატი ბრეგაძემ და კარენ ანდრესიანმა ორმხრივი შეხვედრის შემდეგ მედიისათვის ბრიფინგი გამართეს.

რატი ბრეგაძის თქმით, საქართველოსა და სომხეთს შორის ინტენსიური თანამშრომლობა გაგრძელდება.

„ჩვენ შევთანხმდით განსაკუთრებულ თანამშრომლობაზე სახელმწიფო სერვისების სფეროში; ჩვენ ჩამოვიყვანეთ როგორც იუსტიციის სახლი, რომლის საშუალებითაც სოფლად მცხოვრებ მოქალაქეებს შეუძლიათ, მიიღონ სახელმწიფო მომსახურება, რომელთაც გავცემთ იუსტიციის სახლებში, ისე, მაგალითად, სასჯელაღსრულების სფეროში ჩვენი ინოვაციური პროდუქტი „PROBBOX“, რომლის მეშვეობითაც პრობაციონერებს საშუალება აქვთ, მიიღონ ყველა ის მომსახურება, რომელთაც აქამდე იღებდნენ პრობაციის ბიუროებში“, – აღნიშნა მინისტრმა.

რატი ბრეგაძის თქმით, ქართულ-სომხური ურთიერთობების კიდევ ერთი მიმართულება დოკუმენტების გაყალბების პრევენცია იქნება.

„ჩვენ, ასევე, შევთანხმდით, რომ ძალიან აქტიურად ვითანამშრომლებთ დოკუმენტების გაყალბების პრევენციის მიზნით, რაც, საბოლოო ჯამში, ჩვენი სახელმწიფოების მოქალაქეებს დაიცავს კიდევ უფრო მეტად“, – თქვა რატი ბრეგაძემ მედიისთვის გამართულ ბრიფინგზე.

სომხეთის იუსტიციის მინისტრმა ქართველ კოლეგას მადლობა გადაუხადა თანამშრომლობისათვის და აღნიშნა, რომ რატი ბრეგაძესთან ის გამოწვევები განიხილა, რაც სომხეთს პრობაციის სფეროსა და ერთიანი მომსახურების სისტემის დანერგვის მიმართულებებით აქვს. კარენ ანდრესიანის თქმით, საქართველოს წარმატებული გამოცდილების გაზიარება სომხეთისათვის ძალიან მნიშვნელოვანია:

„საქართველოს აქვს ძალიან დიდი და კარგი გამოცდილება ამ სფეროში... თუნდაც, იუსტიციის სახლები... მადლობა მინდა, გადაგიხადოთ, რომ გვიზიარებთ გამოცდილებას, რომ ჩამოიყვანეთ და გვიჩვენეთ მობილური იუსტიციის სახლის ავტომობილები“.

ქართული დელეგაციის ვიზიტი სომხეთში დღეს სომხეთის იუსტიციის მინისტრთან შეხვედრით დაიწყო. შეხვედრის დასრულების შემდეგ საქართველოსა და სომხეთს შორის ურთიერთთანამშრომლობის მემორანდუმი გაფორმდა.

დღესვე იუსტიციის მინისტრი და მისი მოადგილეები – თამარ ტყეშელაშვილი და ბუბა ლომუაშვილი, საჯარო რეესტრის ეროვნული სააგენტოს თავმჯდომარე ოლეგ (ბაჩო) თორთლაძე და სპეციალური პენიტენციური სამსახურის ხელმძღვანელი ნიკა ცხვარაშვილი მასშტაბურ პრეზენტაციას გამართავენ საქართველოში იუსტიციის სფეროში მიმდინარე რეფორმების შესახებ.