ადამიანით ვაჭრობის (ტრეფიკინგის) წინააღმდეგ მიმართული ღონისძიებების განმახორციელებელმა საუწყებათაშორისო საკოორდინაციო საბჭომ ადამიანით ვაჭრობის წინააღმდეგ ბრძოლის 2023-2024 წლების სამოქმედო გეგმის შესრულების ანგარიში განიხილა და 2025-2026 წლების სამოქმედო გეგმა დაამტკიცა.

დოკუმენტი საბჭოს წევრი უწყებებისა და საერთაშორისო ორგანიზაციების რეკომენდაციების საფუძველზე მომზადდა. მისი მიზანია ადამიანით ვაჭრობის პრევენცია, დანაშაულის გამოვლენის მექანიზმების დახვეწა, მსხვერპლთა და დაზარალებულთა დაცვა და დახმარება და თანამშრომლობის გაძლიერების ხელშეწყობა

უწყებათაშორისი საბჭოს სხდომას იუსტიციის მინისტრის მოადგილე ბექა ძამაშვილი ხელმძღვანელობდა. მის მუშაობაში მონაწილეობდნენ საბჭოს წევრი სახელმწიფო უწყებების – სამინისტროების, პროკურატურის, აგრეთვე სახალხო დამცველის აპარატის, აშშ-ის საელჩოს, საქართველოში ევროკავშირის დელეგაციის, IOM-ისა და ICMPD-ის წარმომადგენლები.

აღსანიშნავია, რომ აშშ-ის სახელმწიფო დეპარტამენტის შეფასებით, ტრეფიკინგის წინააღმდეგ ბრძოლის კუთხით საქართველო კვლავ უმაღლეს საფეხურზეა და უკვე მე-9 წელია ინარჩუნებს ადგილს ე.წ. „პირველ კალათაში“.

იუსტიციის მინისტრი ანრი ოხანაშვილი, მოადგილეებთან ერთად, საჯარო რეესტრის ეროვნული სააგენტოსა და ციფრული მმართველობის სააგენტოს თანამშრომლებს შეხვდა.

სამუშაო შეხვედრაზე განიხილეს უწყებების მიმდინარე პროექტები და სამომავლო გეგმები. საუბარი ასევე შეეხო არსებულ გამოწვევებსა და მათი გადაჭრის გზებს.

იუსტიციის მინისტრი და მისი მოადგილეები თანამშრომელთა სამუშაო პირობებსა და მათ საჭიროებებსაც გაეცნენ.

იუსტიციის მინისტრის მოადგილეები ბექა ძამაშვილი და გიორგი დგებუაძე საქართველოში გაეროს ბავშვთა ფონდის (UNICEF) წარმომადგენელს, იესპერ მოლერს შეხვდნენ.

შეხვედრაზე ხაზი გაესვა UNICEF-სა და საქართველოს იუსტიციის სამინისტროს შორის არსებულ მრავალწლიან ნაყოფიერ თანამშრომლობას ბავშვთა უფლებების დაცვის მიმართულებით.

საუბარი შეეხო სპეციალური პენიტენციური სამსახურისა და პრობაციის სისტემაში არასრულწლოვანთა რეაბილიტაციისა და რესოციალიზაციის პროგრამების განვითარებას და ამ კუთხით სამომავლოდ განსახორციელებელ პროექტებს.

იესპერ მოლერმა იუსტიციის სამინისტროს გაწეული საქმიანობისთვის მადლობა გადაუხადა და აქტიური თანამშრომლობის გაგრძელების თაობაზე მზაობა გამოხატა.

იუსტიციის მინისტრის მოადგილე ბექა ძამაშვილი საქართველოში გაერთიანებული სამეფოს ელჩს, გარეტ უორდს შეხვდა. შეხვედრაზე მხარეებმა განიხილეს ორ ქვეყანას შორის სამართლებრივ საკითხებზე სამომავლო თანამშრომლობის პერსპექტივები.

გაერთიანებული სამეფოს ელჩმა ხაზი გაუსვა საქართველოს სუვერენიტეტისა და ტერიტორიული მთლიანობის მხარდაჭერას. საუბარი შეეხო საერთაშორისო სასამართლოებში სახელმწიფო სუვერენიტეტის განსამტკიცებლად საქართველოს მიერ მოგებულ დავებს.

ელჩმა საქართველოს ხელისუფლებას საერთაშორისო სასამართლოში გაერთიანებული სამეფოს მიერ წარდგენილი მოსამართლეობის კანდიდატის შესახებ ინფორმაცია მიაწოდა.

იუსტიციის მინისტრი ანრი ოხანაშვილი, მოადგილეებთან ერთად, ნოტარიუსთა პალატის გამგეობის თავმჯდომარეს, თავმჯდომარის მოადგილეს და გამგეობის წევრებს შეხვდა.

შეხვედრაზე განიხილეს სანოტარო სფეროს აქტუალური საკითხები, ასევე, სამომავლო გეგმები და ინიციატივები.

იუსტიციის მინისტრი ნოტარიუსთა პალატის ადმინისტრაციის თანამშრომლებსაც გაეცნო და მათ პროფესიულ საქმიანობაში წარმატებები უსურვა.

საქართველოს იუსტიციის მინისტრმა ანრი ოხანაშვილმა, მოადგილეებთან ერთად, სპეციალურ პენიტენციურ სამსახურში სამუშაო შეხვედრა გამართა.

შეხვედრაზე საუბარი შეეხო სამსახურის მიმდინარე საქმიანობას, განხილულ იქნა არსებული გამოწვევები და სამომავლო გეგმები.

იუსტიციის მინისტრი, ასევე, გაეცნო თანამშრომელთა სამუშაო პირობებს და მათ არსებული ინფრასტრუქტურის მოწესრიგების გეგმა გააცნო.

იუსტიციის მინისტრის პირველმა მოადგილემ, მინისტრის მოადგილეებმა და სსიპ-ების უფროსებმა თანამშრომლებს დედის დღე მიულოცეს.

იუსტიციის სამინისტროს სისტემაში ხანგრძლივი და ნაყოფიერი საქმიანობისთვის ეროვნული არქივის ძველ საბუთთა განყოფილების ხელმძღვანელი მანანა ჭუმბურიძე, სახელმწიფო სერვისების განვითარების სააგენტოს სამოქალაქო აქტების ცენტრალური არქივის სპეციალისტი სიდონია გერლიანი და იუსტიციის სამინისტროს ადმინისტრაციის დეპარტამენტის თანამშრომელი ნანული გაბუნია დასაჩუქრდნენ.

მრავალშვილიან დედებს დედის დღე მიულოცეს სახელმწიფო სერვისების განვითარების სააგენტოს და საჯარო რეესტრის ეროვნული სააგენტოს ხელმძღვანელებმა. საჩუქრები გადაეცათ 6 შვილის დედებს – სსგს-ის საინფორმაციო-სამისამართო ბიუროს თანამშრომელ ირინე მეფარიშვილსა და საჯარო რეესტრის ქონების რეგისტრაციის დეპარტამენტის თანამშრომელ მაგული ბუზიაშვილს. ორივე მათგანს იუსტიციის სამინისტროს სისტემაში მუშაობის მრავალწლიანი გამოცდილება აქვთ.

მხარეებმა შეხვედრაზე ორმხრივი თანამშრომლობის საკითხები განიხილეს. მინისტრმა ელჩს სამინისტროს საქმიანობის ძირითადი სფეროები და დაგეგმილი პრიორიტეტები გააცნო.

მხარეები შეთანხმდნენ იუსტიციის სფეროში არსებული თანამშრომლობის კიდევ უფრო გაღრმავებაზე, მათ შორის, ხელოვნური ინტელექტისა და სერვისებზე ხელმისაწვდომობის მიმართულებით.

გაცნობითი ხასიათის შეხვედრაზე მინისტრმა ელჩს სამინისტროს საქმიანობის ძირითადი მიმართულებების შესახებ ინფორმაცია გაუზიარა.

მხარეებმა ისაუბრეს საქართველოსა და ირანს შორის არსებულ და სამომავლო თანამშრომლობაზე. გამოითქვა მზაობა იუსტიციის სფეროში თანამშრომლობის შემდგომ გაღრმავებაზე.

გიორგი დგებუაძე სამართლის დოქტორი და ივანე ჯავახიშვილის სახელობის თბილისის სახელმწიფო უნივერსიტეტის ასოცირებული პროფესორია.

იგი იკავებდა თბილისის სახელმწიფო უნივერსიტეტის იურიდიული ფაკულტეტის დეკანის მოადგილის თანამდებობას საერთაშორისო ურთიერთობებისა და სამეცნიერო კვლევების მიმართულებით.

გიორგი დგებუაძე არის არაერთი სამეცნიერო ნაშრომის ავტორი; აქვს აკადემიური საქმიანობის მრავალწლიანი გამოცდილება როგორც საქართველოს, ისე საზღვარგარეთის უნივერსიტეტებში; სხვადასხვა დროს მუშაობდა კიოლნის უნივერსიტეტის საერთაშორისო მშვიდობისა და უსაფრთხოების სამართლის ინსტიტუტისა და ფრაიბურგის მაქს პლანკის სახელობის საზღვარგარეთის ქვეყნებისა და საერთაშორისო სისხლის სამართლის ინსტიტუტის კვლევით პროექტებში; იყო ჰააგის სისხლის სამართლის საერთაშორისო სასამართლოს (ICC) სააპელაციო პალატის მოწვეული სპეციალისტი.