თამარ ტყეშელაშვილმა და ადრიან ფოზარდმა გამოთქვეს მზაობა, გააღრმაონ პარტნიორული ურთიერთობები სამართლის უზენაესობისა და საჯარო სერვისების გაცემის სფეროებში და შემდგომი თანამშრომლობის კონკრეტული ინიციატივები განიხილეს.

იუსტიციის მინისტრის პირველმა მოადგილემ და მინისტრის მოადგილე ბექა ძამაშვილმა მსოფლიო ბანკის წარმომადგენელს ინფორმაცია მიაწოდეს იუსტიციის სამინისტროში დანერგილი ინოვაციური პროექტის - „მობილური იუსტიციის სახლის" შესახებ. განსაკუთრებული ყურადღება დაეთმო პენიტენციურ დაწესებულებებში იუსტიციის სახლების ფილიალების არსებობას, რომელსაც ანალოგი მსოფლიოს არცერთ სხვა ქვეყანაში არ აქვს.

საუბარი შეეხო იუსტიციის სამინისტროს საქმიანობის ისეთ მიმართულებებს, როგორიცაა: ეფექტიანი და სწრაფი სახელმწიფო სერვისების ხელმისაწვდომობის უზრუნველყოფა; პენიტენციური სისტემის რეფორმა და სხვა.

თამარ ტყეშელაშვილმა აღნიშნა, რომ იუსტიციის სამინისტროსა და მსოფლიო ბანკს თანამშრომლობის წარმატებული გამოცდილება აქვთ. კერძოდ,

ირიგაციისა და მიწის ბაზრის განვითარების პროექტის კომპონენტი, მსოფლიო ბანკის შეფასებით, საჯარო რეესტრმა წარმატებით დაასრულა.

2023 წლიდან მსოფლიო ბანკისა და საქართველოს მთავრობის ერთობლივი დაფინანსებით ხორციელდება პროექტი, რომლის ფარგლებში, საჯარო რეესტრის ეროვნული სააგენტო წარმატებით ნერგავს მიწის ადმინისტრირების ინოვაციურ ტექნოლოგიებს და მუშაობს ეროვნული სივრცითი მონაცემების ერთიანი ინფრასტრუქტურისა (NSDI) და გეოპორტალის შექმნაზე.

საქართველოს მთავრობისა და მსოფლიო ბანკის თანადაფინანსებით საჯარო რეესტრის მონაწილეობით მიმდინარეობს GRAIL-ის პროექტი.

შეხვედრას, ასევე, ესწრებოდნენ საჯარო რეესტრის ეროვნული სააგენტოს თავმჯდომარე დავით დევიძე და იუსტიციის სამინისტროს საერთაშორისო ურთიერთობებისა და სამართლებრივი თანამშრომლობის დეპარტამენტის ხელმძღვანელი ქეთი სარაჯიშვილი.

ექსპოზიციაზე ხელნაკეთი ნივთები, თექასა და ტილოზე შესრულებული ნახატებია წარმოდგენილი, რომელთა რეალიზაციით მიღებული თანხის ნაწილი არასრულწლოვანთა რეფერირების ცენტრის ბენეფიციარებს მოხმარდება.

საქველმოქმედო აქციაში მონაწილეობა შენაძენის გარეშე, მხოლოდ თანხის გაღებითაც არის შესაძლებელი, რისთვისაც საგამოფენო დარბაზში სპეციალური ყუთია განთავსებული.

ღონისძიება მე-3 წელია, იმართება და უკვე ტრადიციად იქცა. წელს ნამუშევრები იუსტიციის სამინისტროს 70-ზე მეტმა თანამშრომელმა წარმოადგინა.

გამოფენა "ხელოვანი იუსტიციელები" იუსტიციის მინისტრმა რატი ბრეგაძემ მოადგილეებთან ერთად დაათვალიერა. მინისტრმა ხაზი გაუსვა ქველმოქმედების მნიშვნელობას რეფერირების ცენტრის არასრულწლოვნებისათვის და მადლობა გადაუხადა ყველას, ვინც აქციაში ჩაერთო.

საქართველოს ეროვნული არქივის საგამოფენო სივრცე დამთვალიერებლებს 1-2 მარტს, 11.00-დან 19.00 საათამდე უმასპინძლებს.

მინისტრმა შეხვედრაზე აღნიშნა, რომ საქართველოსთვის, როგორც ევროკავშირის კანდიდატი ქვეყნისთვის, განსაკუთრებით მნიშვნელოვანია მჭიდრო სექტორული თანამშრომლობის გაღრმავება ევროპელ კოლეგებთან.

ევროკავშირის კანდიდატი ქვეყნის სტატუსის მისაღებად იუსტიციის სამინისტრომ მნიშვნელოვანი როლი შეასრულა ევროკავშირის 12-პუნქტიანი გეგმიდან ორი პუნქტის – ორგანიზებულ დანაშაულთან ბრძოლისა (მე-6 პუნქტი) და სტრასბურგის გადაწყვეტილებების პროაქტიული გამოყენების (მე-11 პუნქტი) – შესრულებაში.

როგორც რატი ბრეგაძემ შეხვედრაზე განაცხადა, ევროკავშირის გაფართოების პოლიტიკის ფარგლებში განსაკუთრებით მნიშვნელოვანია ქართული კანონმდებლობის ევროკავშირის კანონმდებლობასთან ჰარმონიზაციის პროცესის დაჩქარება.

სწორედ სამართლებრივი დაახლოების თემაზე გასულ კვირას იუსტიციის მინისტრმა ზაგრებში მონაწილეობა მიიღო იუსტიციის მინისტრების კონფერენციაში, სადაც განხილულ იქნა კონკრეტულად 23-ე თავით (მართლმსაჯულება და ფუნდამენტური უფლებები) გათვალისწინებული ვალდებულებების ეფექტიანად შესრულების გზები და პროგრესი; ასევე:

• პარლამენტს წარედგინა საკანონმდებლო ცვლილებები, რომელიც ყველა სამთავრობო უწყებას ავალდებულებს, კანონპროექტების პარლამენტში ინიცირებამდე მიიღოს იუსტიციის სამინისტროს სამართლებრივი დასკვნა ევროკავშირის კანონპროექტთან შესაბამისობის შესახებ;
• სამინისტრომ აამოქმედა ელექტრონული პლატფორმა, რომელიც აღრიცხავს, დაგეგმავს და შეაფასებს სამართლებრივი დაახლოების პროცესს;
• შემუშავდა „საქართველოს კანონმდებლობის ევროკავშირის კანონმდებლობასთან დაახლოების გზამკვლევი“;
• იუსტიციის სასწავლო ცენტრის ბაზაზე შეიქმნება ევროკავშირის სამართლის ცენტრი.

რატი ბრეგაძემ, ასევე, ხაზი გაუსვა, რომ ევროპის ქვეყნებთან სამართლებრივი თანამშრომლობის გაღრმავებას უწყებამ ჯერ კიდევ კანდიდატის ქვეყნის სტატუსის მიღებამდე ჩაუყარა საფუძველი. კერძოდ, 2023 წელს საქართველომ პირველ ქართულ-გერმანულ სამართლებრივ ფორუმს უმასპინძლა, ხოლო მიმდინარე წელს გერმანიაში რიგით მეორე გერმანულ-ქართული სამართლებრივი ფორუმი ჩატარდება.

შეხვედრის ბოლოს რატი ბრეგაძემ ბუნდესტაგის იურიდიულ საკითხთა კომიტეტის თავმჯდომარე ელიზაბეთ ვინკელმაიერ-ბექერს მადლობა გადაუხადა თანამშრომლობისთვის და განაცხადა, რომ აფასებს გერმანიის ურყევ მხარდაჭერას და მეგობრობას საქართველოს ტერიტორიული ერთიანობის და ევროპული ოჯახის წევრობის გზაზე.

შეხვედრას ასევე ესწრებოდა იუსტიციის მინისტრის მოადგილე ბექა ძამაშვილი.

ვიზიტის ფარგლებში ბუნდესტაგის იურიდიულ საკითხთა კომიტეტის დელეგაციამ პენიტენციური დაწესებულებაც მოინახულა.

იუსტიციის მინისტრი რატი ბრეგაძე, ხორვატიაში ვიზიტის ფარგლებში, ლეპოგლავას ციხის მუშაობის სპეციფიკას გაეცნო. ქართულმა დელეგაციამ ინფრასტრუქტურა დაათვალიერა და ინფორმაცია მიიღო პენიტენციურ დაწესებულებაში მოქმედი პატიმართა რეაბილიტაციის, დასაქმების, საგანმანათლებლო და სპორტული პროგრამების შესახებ.

რატი ბრეგაძემ ციხის ადმინისტრაციას ქართული ინოვაციები გააცნო. მასპინძელი მხარე განსაკუთრებით დაინტერესდა „რე-მარკეტისა“ და „ციფრული უნივერსიტეტის", აგრეთვე, საქართველოს პენიტენციურ სისტემაში იუსტიციის სახლების ფუნქციონირებით.

საუკეთესო ევროპული და საერთაშორისო სტანდარტების დანერგვა სასჯელაღსრულებისა და დანაშაულის პრევენციის სფეროებში საქართველოს იუსტიციის სამინისტროს ერთ-ერთი პრიორიტეტია. ამ მიზნით პარტნიორი ქვეყნების პრაქტიკის შესწავლას უწყება მომავალშიც გააგრძელებს.

ქართული დელეგაცია ზაგრებში მიმდინარე საერთაშორისო კონფერენციაში მონაწილეობს, რომლის მიზანი კანდიდატი ქვეყნებისათვის ევროკავშირში გაწევრების გზაზე ხორვატიის წარმატებული გამოცდილების გაზიარებაა. რატი ბრეგაძემ ღონისძიებაზე საქართველოში მიმდინარე სამართლებრივი რეფორმები წარადგინა.

საერთაშორისო კონფერენცია „ევროკავშირის გაფართოების მომავალი: სასამართლო სისტემა და ფუნდამენტური უფლებები“ ხორვატიის იუსტიციის და საჯარო ადმინისტრირების სამინისტროსა და ევროკომისიის ორგანიზებით იმართება. მასში ევროკავშირის წევრობის კანდიდატი ქვეყნების იუსტიციის მინისტრები მონაწილეობენ.

ღონისძიების მიზანი კანდიდატი ქვეყნებისათვის ევროკავშირში გაწევრების გზაზე ხორვატიის წარმატებული გამოცდილების გაზიარებაა. ამგვარ პლატფორმებში საქართველოს მონაწილეობა განსაკუთრებით მნიშვნელოვანია მას შემდეგ, რაც ქვეყანამ ევროკავშირის კანდიდატი წევრი ქვეყნის სტატუსი მიიღო.

საქართველოს იუსტიციის მინისტრმა კონფერენციის მონაწილეებს ევროინტეგრაციის პროცესში სამართლის უზენაესობის განმტკიცებისა და ადამიანის უფლებების გაძლიერების მიზნით გატარებული წარმატებული რეფორმები გააცნო. ყურადღება გამახვილდა საქართველოს პენიტენციური სისტემის რეფორმასა და სტრასბურგის სასამართლოში საქართველოს მიმართ განსახილველი საქმეების ისტორიულ მინიმუმზე.

საქართველოს ევროკავშირში გაწევრების პროცესის ხელშეწყობა იუსტიციის სამინისტროს ერთ-ერთი პრიორიტეტია. ამისათვის უწყება მჭიდროდ თანამშრომლობს საერთაშორისო პარტნიორებთან, აღრმავებს დარგობრივ თანამშრომლობას, ნერგავს ორმხრივი სამართლებრივი ფორუმების პრაქტიკას, ეცნობა დასავლეთის ქვეყნების გამოცდილებას და უზიარებს ინფორმაციას საქართველოში მიმდინარე წარმატებული რეფორმების შესახებ.

იუსტიციის სამინისტროს ერთ-ერთი პრიორიტეტი მსჯავრდებულთა და ყოფილ პატიმართა რეაბილიტაცია-რესოციალიზაციაა. პატიმრების დასახმარებლად არაერთი სახელმწიფო პროგრამა შეიქმნა. მათი მიზანი რეაბილიტაციისა და რესოციალიზაციის ხელშეწყობა და ამ გზით განმეორებითი დანაშაულისგან საზოგადოების დაცვაა.

ამერიკის შეერთებული შტატების საელჩომ უმაღლესი შეფასება მისცა იუსტიციის სამინისტროს მიერ შექმნილ ინოვაციას „PROBBOX“-ს, რომელსაც მსოფლიოში ანალოგი არ აქვს. სამინისტრო მუშაობს აღნიშნული პროექტის ექსპორტზეც.

ამერიკის შეერთებული შტატების საელჩოსთან თანამშრომლობით პრობაციონერებისთვის სერვისებზე ხელმისაწვდომობის არეალი საქართველოში კიდევ უფრო გაფართოვდა. აშშ-ის საელჩომ იუსტიციის სამინისტროს 10 პრობბოქსი გადასცა, რომლებიც ქვეყნის მასშტაბით 10 ტერიტორიულ ერთეულში განთავსდება. ამით მათი რაოდენობა 27-მდე გაიზრდება.

იუსტიციის სამინისტრო პრობაციონერებისთვის ინოვაციურ სერვისებზე ხელმისაწვდომობის გაზრდას მომავალშიც განაგრძობს.

„PROBBOX“ ევროპაში პირველი ინოვაციური ტექნოლოგიური მოწყობილობაა, რომელიც პრობაციონერთა ელექტრონულ კონტროლსა და სერვისებს უზრუნველყოფს. პირველად ევროპაში, მისი საშუალებით პრობაციონერთა რეგისტრაცია და მომსახურება, პრობაციის ბიუროში გამოცხადების გარდა, იუსტიციის სახლებსა და მუნიციპალურ შენობებში ხორციელდება, რითაც უზრუნველყოფილია პრობაციონერთა მეტი ანონიმურობა და გაზრდილია პრობაციის შესაძლებლობის გეოგრაფიული არეალი.

საელჩომ სააგენტოს ასევე გადასცა 50 ელექტრონული ზედამხედველობის მოწყობილობა, რომელიც შინაპატიმრობის აღსრულების პერიოდში ადგილმდებარეობის მუდმივ მონიტორინგს ახორციელებს. ხოლო მსჯავრდებულთა პროფესიული მომზადებისა და გადამზადების ცენტრს აგროპროდუქციის დისტრიბუცია-რეალიზაციისთვის მსუბუქი ავტომობილი და ციფრული ტექნიკა გადაეცა.
ღონისძიებას ესწრებოდნენ იუსტიციის მინისტრის მოადგილე ბუბა ლომუაშვილი; ამერიკის შეერთებული შტატების ელჩის მოადგილე საქართველოში ალან პერსელი და ამერიკის შეერთებული შტატების სახელმწიფო ანტინარკოტიკული და სამართალდამცავ ორგანოებთან თანამშრომლობის ბიუროს დირექტორი სარა რუპერტი; ასევე დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ხელმძღვანელი ლადო ხელაძე; მსჯავრდებულთა პროფესიული მომზადებისა და გადამზადების ცენტრის ხელმძღვანელი თამთა დემურიშვილი.

რატი ბრეგაძემ და ბიორნ ბერჟემ მართლმსაჯულებისა და პენიტენციური სისტემების რეფორმების შედეგებზე იმსჯელეს.

იუსტიციის მინისტრმა აღნიშნა საქართველოს მიერ მიღწეული პროგრესი, რომელსაც ცხადყოფს ადამიანის უფლებათა ევროპულ სასამართლოში საქართველოდან შესული საქმეების სტატისტიკა. კერძოდ, 2023 წლის იანვრის მონაცემებით, ევროსასამართლო საქართველოდან შესულ 147 საჩივარს განიხილავდა, რაც ისტორიულ მინიმუმს წარმოადგენს. შედარებისათვის, 2011 წლისათვის სტრასბურგი საქართველოს წინააღმდეგ 3045 საქმეს განიხილავდა.

განსაკუთრებული ყურადღება დაეთმო პატიმრების უფლებრივ მდგომარეობას. იუსტიციის მინისტრმა ხაზი გაუსვა იმ გარემოებას, რომ საქართველოს ციხეებში სრულად არის აღმოფხვრილი არაადამიანური მოპყრობისა და წამების სისტემური პრობლემა, რასაც არაერთი საერთაშორისო ავტორიტეტული ორგანიზაცია ადასტურებს, მათ შორის, წამებისა და არაადამიანური ან ღირსების შემლახველი მოპყრობისა თუ დასჯის პრევენციის ევროპული კომიტეტი (CPT). აღინიშნა, რომ 2012 წლიდან ადამიანის უფლებათა ევროპულ სასამართლოს საქართველოს ციხეებიდან არცერთი სარჩელი მიუღია წარმოებაში.

მხარეებმა განიხილეს ახალი პენიტენციური კოდექსი, „ციფრული უნივერსიტეტი“, პატიმართა რეაბილიტაციისა და რესოციალიზაციის პროექტები, დიდი ზომის ღია პენიტენციური დაწესებულებების მცირე ზომის ციხეებით ჩანაცვლების სტრატეგია და სხვ.

აღინიშნა სტრასბურგის სასამართლოს მიერ სახელმწიფოთაშორის საქმეებზე მიღებული გადაწყვეტილებების აღსრულების მნიშვნელობა, რომლის თანახმადაც, 2008 წლის აგვისტოს ომის დროს პასუხისმგებლობა ადამიანის უფლებების მასობრივ დარღვევაზე რუსეთის ფედერაციას ეკისრება.

ხაზი გაესვა ევროპის საბჭოსთან ეფექტიანი თანამშრომლობის მნიშვნელობას საქართველოს ევროკავშირში ინტეგრაციის პროცესში.

შეხვედრას ესწრებოდა იუსტიციის მინისტრის მოადგილე ბექა ძამაშვილი.

რატი ბრეგაძემ და იესპერ მოლერმა საქართველოში ბავშვთა უფლებების დაცვის მიმართულებით გატარებული რეფორმები განიხილეს. მხარეებმა აღნიშნეს, რომ იუსტიციის სამინისტროსა და UNICEF-ის წარმატებული თანამშრომლობის შედეგად დღეს საქართველოს პენიტენციურ სისტემაში მხოლოდ 54 არასრულწლოვანი იხდის სასჯელს, 2012 წელამდე კი, მათი რაოდენობა 200-ს აჭარბებდა.

საუბარი შეეხო, აგრეთვე, არასრულწლოვანთა მართლმსაჯულების რეფორმას, განრიდებისა და მედიაციის პროგრამებს, არასრულწლოვანთა რეფერირების ცენტრის საქმიანობას, ქუჩაში მცხოვრები და მომუშავე ბავშვების უფლებების დაცვას და სხვა საკითხებს.

იუსტიციის მინისტრმა UNICEF-ის წარმომადგენელს ინფორმაცია მიაწოდა ახალგაზრდა მსჯავრდებულთა უფლებრივ საკითხებზე, მათ შორის, განათლების ხელმისაწვდომობაზე, რასაც, სხვებს შორის, ინოვაციური პროექტი „ციფრული უნივერსიტეტი“ უზრუნველყოფს; ასევე, რეაბილიტაციისა და რესოციალიზაციის პროგრამების შესახებ პენიტენციურ დაწესებულებებში.

რატი ბრეგაძემ იესპერ მოლერს ბავშვთა უფლებების საკითხებზე ერთობლივი ტრენინგების ორგანიზება შესთავაზა.

შეხვედრას ესწრებოდა იუსტიციის მინისტრის მოადგილე ბექა ძამაშვილი.

გაერო-ს საჯარო სერვისების მსოფლიო ფორუმის საქართველოში ჩატარების შესაძლებლობა ამერიკის შეერთებულ შტატებში საქართველოს იუსტიციის მინისტრ რატი ბრეგაძისა და გაერო-ს გენერალური მდივნის მოადგილის შეხვედრაზე იქნა განხილული. აღნიშნულის თაობაზე დასტური გაერთიანებული ერების ორგანიზაციამ საქართველოს იუსტიციის სამინისტროს ოფიციალური წერილით აცნობა.

გაერო-ს გენერალური მდივნის მოადგილე ლი ჯუნჰუა საქართველოს იუსტიციის სამინისტროს საჯარო ადმინისტრირების მხარდაჭერისთვის მადლობას უხდის.

„მადლობას გიხდით მხარდაჭერისთვის საჯარო ადმინისტრირების, როგორც მდგრადი განვითარების ეფექტური ხელშემწყობი მექნიზმის, გაძლიერებისთვის და მოუთმენლად ველით საქართველოს მთავრობასთან მუშაობას 2026 წლის ფორუმის მოსამზადებლად“, – აღნიშნულია წერილში.

რატი ბრეგაძე გაერო-ს გენერალური მდივნის მოადგილე ლი ჯუნჰუას ამერიკის შეერთებულ შტატებში ოფიციალური ვიზიტის ფარგლებში 2023 წლის დეკემბერში შეხვდა. საქართველოს იუსტიციის მინისტრმა ხაზგასმით აღნიშნა, რომ სწრაფი, ეფექტური და მომხმარებელზე მორგებული სახელმწიფო სერვისები საქართველოს იუსტიციის სამინისტროს და მთავრობის სავიზიტო ბარათია; მასზე ხელმისაწვდომობას კი, უწყება გამუდმებით აუმჯობესებს, მათ შორის, ციფრული და ინოვაციური ტექნოლოგიების დანერგვის გზით.

გაერო-ს საჯარო სერვისების ფორუმში ყოველწლიურად სხვადასხვა ქვეყნის 800-დან 1000-მდე წარმომადგენელი მონაწილეობს, მათ შორის, სამთავრობო ლიდერები, წამყვანი პოლიტიკოსები და სხვადასხვა სექტორის წარმომადგენლები. ფორუმის ფარგლებში მონაწილეები საჯარო სერვისების მიმართულებით თანამედროვე გამოწვევებზე, ინოვაციურ პრაქტიკებსა და სტრატეგიული განვითარების შესაძლებლობებზე მსჯელობენ.

რატი ბრეგაძემ 2024 წლის დადგომა, ტრადიციულად, იმ თანამშრომლებთან ერთად აღნიშნა, რომლებიც დღესასწაულს სამუშაო გარემოში, ოჯახის წევრებისაგან მოშორებით ხვდებიან.

2024 წლის პირველ დღეს მინისტრმა სპეციალური პენიტენციური სამსახურის ხელმძღვანელებთან ერთად ესკორტირებისა და სპეციალურ ღონისძიებათა მთავარი სამმართველოს ბაზაზე უახლესი სპორტული კომპლექსი გახსნა. კომპლექსი ფეხბურთის, კალათბურთის მოედანსა და სატრენაჟორო სივრცისგან შედგება.

მინისტრმა ახალი წლის დადგომა N8 პენიტენციური დაწესებულების თანამშრომლებსაც მიულოცა და გაწეული საქმიანობისათვის მადლობა გადაუხადა. რატი ბრეგაძემ აღნიშნა, რომ 2023 წელი საინტერესო გამოწვევებთან გამკლავებისა და პოზიტიური შედეგების წელი იყო.

2024 წელი კი ინსფრასტრუქტურული განახლებებისა და კიდევ მეტი წარმატების წელი იქნება ქვეყნისთვის და მის სამსახურში მყოფი თითოეული ადამიანისათვის. მინისტრმა გამოხატა რწმენა, იმისა, რომ ახალი წლიდან ახალი ენერგიითა და გაზრდილი მოტივაციით კიდევ უფრო მეტის გაკეთება იქნება შესაძლებელი.

იუსტიციის სამინისტრო გილოცავთ 2024 წელს.