იუსტიციის მინისტრმა პაატა სალიამ დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულ სააგენტოში სამუშაო შეხვედრა გამართა.

შეხვედრაზე საუბარი შეეხო სააგენტოს მიმდინარე საქმიანობას, განხილულ იქნა არსებული გამოწვევები და მათი გადაჭრის გზები.

შეხვედრას ესწრებოდნენ იუსტიციის მინისტრის პირველი მოადგილე ლაშა მაღრაძე, მოადგილეები - ალექსანდრე მაისურაძე, მერაბ ტურავა, ბექა ძამაშვილი, გიორგი დგებუაძე და დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს თავმჯდომარის მოვალეობის შემსრულებელი მიხეილ ზაზაშვილი.

იუსტიციის მინისტრის მოადგილედ ირაკლი ხმალაძე დაინიშნა.

იუსტიციის მინისტრის მოადგილედ ირაკლი ხმალაძე დაინიშნა. ირაკლი ხმალაძე პროფესიით იურისტია. აქვს სახელმწიფო სამსახურში მუშაობის მრავალწლიანი გამოცდილება.

იუსტიციის მინისტრის მოადგილის თანამდებობაზე დანიშვნამდე იკავებდა თბილისის ვიცე-მერის თანამდებობას.

იუსტიციის მინისტრის მოადგილედ ალექსანდრე მაისურაძე დაინიშნა.

ალექსანდრე მაისურაძე პროფესიით იურისტია. აქვს სახელმწიფო სამსახურში მუშაობის მრავალწლიანი გამოცდილება.

იუსტიციის მინისტრის მოადგილის თანამდებობაზე დანიშვნამდე იკავებდა საქართველოს საგარეო დაზვერვის სამსახურის უსაფრთხოების დირექტორატის უფროსის თანამდებობას.

იუსტიციის მინისტრის მოადგილეების პოსტს ასევე იკავებენ მერაბ ტურავა, გიორგი დგებუაძე და ბექა ძამაშვილი, მინისტრის პირველ მოადგილედ კი ლაშა მაღრაძე დაინიშნა.

საქართველოს პარლამენტის ადამიანის უფლებათა დაცვისა და სამოქალაქო ინტეგრაციისა და იურიდიულ საკითხთა კომიტეტების ერთობლივ სხდომაზე განხილულ იქნა სტრასბურგის სასამართლოსა და გაეროს კომიტეტების მიერ საქართველოს მიმართ გამოტანილი საქმეების აღსრულების მდგომარეობის შესახებ ანგარიშები.

ანგარიშები იუსტიციის მინისტრის მოადგილემ, ბექა ძამაშვილმა წარადგინა.

აღინიშნა, რომ ევროპული სასამართლოს სტატისტიკის თანახმად, მკვეთრად შემცირდა საქართველოს წინააღმდეგ არსებული საქმეების საერთო რაოდენობა. 2025 წლის მდგომარეობით, 2011 წელთან შედარებით, სტრასბურგის სასამართლოში საქართველოს წინააღმდეგ მიმდინარე საქმეების რაოდენობა 94%-ით შემცირდა. ამასთან, 2012 წლის შემდეგ სტრასბურგის სასამართლოს საქართველოს პენიტენციური სისტემიდან გაგზავნილი არცერთი საქმე უცნია დასაშვებად.

ევროპულ სასამართლოში საჩივრების მკვეთრი კლება საქართველოს ხელისუფლების მიერ ბოლო წლებში ადამიანის უფლებების დაცვისა და მართლმსაჯულების სფეროში განხორციელებული მასშტაბური რეფორმების შედეგია, რის შედეგადაც საქართველოს მოქალაქეებს საკუთარი უფლებების ეფექტიანი დაცვა ქვეყნის შიგნითაც შეუძლიათ. ყურადღება გამახვილდა, რომ სტრასბურგის სასამართლოს მიერ გამოტანილი 118 აღსრულებული საქმიდან, 85% 2013 წლის შემდეგ აღსრულდა.

მინისტრის მოადგილემ აღნიშნა, რომ საქართველოს გამარჯვებით დასრულდა 2008 წლის ომთან და განგრძობად ოკუპაციასთან დაკავშირებული ყველა საქმე, რის შემდეგაც რუსეთის ფედერაციის წინააღმდეგ გადაწყვეტილებების აღსრულება ევროპის საბჭოს მინისტრთა კომიტეტის ფარგლებში მიმდინარეობს.

საქართველოს პარლამენტის რეგლამენტის შესაბამისად, ადამიანის უფლებათა ევროპული სასამართლოსა და გაეროს კომიტეტების მიერ საქართველოს მიმართ გამოტანილი საქმეების აღსრულების მდგომარეობის შესახებ ანგარიშები იუსტიციის სამინისტროს მიერ ყოველწლიურად წარედგინება პარლამენტს.

საქართველოს იუსტიციის მინისტრი პაატა სალია თურქეთის რესპუბლიკის საგანგებო და სრულუფლებიან ელჩს საქართველოში ალი ქაან ორბაის შეხვდა.

გაცნობითი ხასიათის შეხვედრაზე მხარეებმა ორი ქვეყნის კომპეტენტურ უწყებებს შორის სამართლის სფეროში არსებული მჭიდრო და ეფექტიანი თანამშრომლობის შესახებ ისაუბრეს და მომავალში ურთიერთთანამშრომლობის კიდევ უფრო გაღრმავების თაობაზე მზაობა გამოთქვეს.

იუსტიციის სამინისტროში გამართულ შეხვედრას ესწრებოდნენ საქართველოს იუსტიციის მინისტრის მოადგილეები ‒ მერაბ ტურავა, ლაშა მაღრაძე და გიორგი დგებუაძე, ასევე, თურქეთის საელჩოს საკონსულო განყოფილების ხელმძღვანელი ბორან ჯან ქოჩბოღანი.

იუსტიციის მინისტრის მოადგილემ, ბექა ძამაშვილმა, ბრიტანელ ადვოკატებს უმასპინძლა და საქართველოს იუსტიციის სამინისტროს საქმიანობა და პრიორიტეტული მიმართულებები გააცნო.

შეხვედრაზე ყურადღება გამახვილდა საერთაშორისო სასამართლოებსა და არბიტრაჟებში სახელმწიფოს ინტერესების დაცვის საკითხზე, იუსტიციისა და ადამიანის უფლებების დაცვის სფეროში განხორციელებულ რეფორმებზე და ამ პროცესში ადვოკატების, როგორც უფლებადამცველების როლზე.

საუბარი შეეხო საქართველოში ინგლისური სამართლის პოპულარიზაციის საკითხს და პრეცედენტული სამართლის შესახებ ცნობიერების ამაღლების პროცესში ერთობლივი ინიციატივების განხორციელებას.

ბრიტანელი იურისტები საქართველოს ადვოკატთა ასოციაციის მიერ ორგანიზებული „ინგლისური სამართლის ფორუმის“ ფარგლებში იმყოფებიან საქართველოში.

არსებული ვიდეო მასალა საკმაოდ მოცულობითია და ვასაჯაროებთ მხოლოდ მნიშვნელოვან გარემოებებთან დაკავშირებულ კადრებს. იხილეთ ვიდეო

ვიდეომასალა თარიღებისა და საათების მიხედვით თვალსაჩინოდ ასახავს იმ რეალობას, რომ ბრალდებულის მიმართ არანაირი ძალადობის ფაქტს ადგილი არ ჰქონია.

გვსურს აღვნიშნოთ, რომ აღნიშნული დღეების სრული ვიდეომასალა (14 იანვრიდან 23 იანვრის ჩათვლით, სრული ვიდეომასალა, დაახლოებით 220 საათი), კანონმდებლობის მოთხოვნათა სრული დაცვით მოპოვებულია გამოძიების მიერ და ასევე ხელმისაწვდომი იყო გარდაცვლილი პირის უფლებადამცველისთვის.

ვიდეო N1 - 2025 წლის 21 იანვარს 14:35 საათიდან 15:10 საათამდე პერიოდში ბრალდებული ი.გ. გაყვანილი ჰყავდათ აბანოში, საიდანაც უვნებლად ბრუნდება საკანში.

ვიდეო N2 - 2025 წლის 22 იანვარს 13:16 საათზე ბრალდებული ი.გ. გამოიყვანეს საკნიდან და რეკავს ტელეფონზე;
13:25 საათზე შედის ექიმის ოთახში (სადაც ვიდეომეთვალყურეობა არ მიმდინარეობს);
13:32 საათზე პატიმარი დააბრუნეს საკანში.

ვიდეო N3 - 2025 წლის 23 იანვარს 08:09 საათზე მომსახურე პატიმარმა მიაწოდა საკვები;
09:24 საათზე ჩატარდა საკნის დილის შემოწმება (საკნიდან არავინ არ გამოსულა) საკანში შევიდა თანამშრომელი, დაჰყო 1 წუთამდე და გამოვიდა;
09:32 საათზე დარიგდა საკვები;
11:24 საათზე მომსახურე პატიმარმა საკნის კართან დადო მაღაზიის პარკი;
11:32 საათზე თანამშრომელმა შეაწოდა აღნიშნული პარკი (საკანში არ შესულა), კარიდან ესაუბრებოდა 1 წუთამდე;
12:40 საათზე საკანთან მივიდა სოციალური დანაყოფის თანამშრომელი (არ შესულა), გაესაუბრა საამანათე დარაბიდან;
13:51 საათზე საკანთან მივიდა მომსახურე პატიმარი და ესაუბრებოდა საამანათე დარაბიდან;
14:03 საათზე დარიგდა საკვები;
14:25 საათზე თანამშრომლები ჩქარი ნაბიჯით შევიდნენ საკანში;
14:27 საათზე საკანში შევიდნენ ექიმი და ექთანი;
14:51 საათზე პატიმარი ი.გ. საკაცით გაიყვანეს საკნიდან;
15:00 საათზე დაწესებულებაში მივიდა სასწრაფო სამედიცინო დახმარების ბრიგადა;
15:01 საათზე სასწრაფოს ექიმები შევიდნენ სამედიცინო ოთახში;
15:19 საათზე სასწრაფოს ექიმები გამოვიდნენ ოთახიდან და 15:21 საათზე პატიმარი საკაცით მოათავსეს სასწრაფოს მანქანაში;
15:24 საათზე სასწრაფოს მანქანა გავიდა ე.წ. „შლუზიდან".
15:58 საათზე ბრალდებული შეყავთ კლინიკა „ვივამედში“

საქმეზე გამოძიებას იუსტიციის სამინისტროს გენერალური ინსპექციის აღმოსავლეთის საგამოძიებო სამმართველო აწარმოებს.
გამოძიების შედეგები საზოგადოებას მისი დასრულებისთანავე ეცნობება.

კიდევ ერთხელ მწუხარებას გამოვთქვამთ ბრალდებულის ი.გ.-ს გარდაცვალების გამო და ვუსამძიმრებთ მის ოჯახს.

შეხვედრას იუსტიციის სახლის, აღსრულების ეროვნული ბიუროს, სახელმწიფო სერვისების განვითარების სააგენტოს, საჯარო რეესტრის ეროვნული სააგენტოს და დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს თავმჯდომარეები და
აჭარის რეგიონული ოფისების ხელმძღვანელები ესწრებოდნენ.

სამუშაო შეხვედრაზე განიხილეს მიმდინარე პროექტები, სამომავლო გეგმები და არსებული გამოწვევები.

იუსტიციის მინისტრმა და მინისტრის მოადგილემ ბათუმსა და ქობულეთში მდებარე იუსტიციის სახლების ფილიალებიც მოინახულეს და ადგილზე გაეცნენ თანამშრომელთა სამუშაო პირობებს.

საქართველოს იუსტიციის მინისტრმა პაატა სალიამ, საქართველოს განათლების, მეცნიერებისა და ახალგაზრდობის მინისტრთან, ალექსანდრე წულაძესთან ერთად, იუსტიციის სასწავლო ცენტრის ყვარლის ბაზაზე თემატური ახალგაზრდული ბანაკი გახსნა, რომელიც წელს რვა ნაკადად ჩატარდება და 500-მდე სტუდენტს უმასპინძლებს.

გახსნის ღონისძიებაში ასევე მონაწილეობდნენ იუსტიციის მინისტრის მოადგილე გიორგი დგებუაძე, იუსტიციის სასწავლო ცენტრის დირექტორი გვანცა ვარამაშვილი და ახალგაზრდობის სააგენტოს ხელმძღვანელის მოვალეობის შემსრულებელი ვახტანგ ბააკაშვილი.

შეხვედრა ინტერაქციულ რეჟიმში წარიმართა. სტუდენტებმა მინისტრებისგან მათთვის საინტერესო შეკითხვებზე პასუხები მიიღეს.

იუსტიციის მინისტრმა პაატა სალიამ, ასევე, ყვარლის სასწავლო ცენტრის ინფრასტრუქტურა დაათვალიერა და ადგილზე გაეცნო თანამშრომელთა სამუშაო პირობებს.