მხარეებმა იუსტიციის სფეროში თანამშრომლობის საკითხები განიხილეს. ხაზი გაესვა ქართულ-სომხური სამართლებრივი ფორუმის მნიშვნელობას ორი ქვეყნის იურიდიული სფეროს წარმომადგენლებს შორის გამოცდილების გაზიარებისათვის.

შეხვედრაზე იმსჯელეს, აგრეთვე, საქართველოსა და სომხეთის იუსტიციის სამინისტროებს შორის სამომავლო თანამშრომლობის მიმართულებებზე.

პაატა სალიამ აშოტ სმბატიანს საქართველოს იუსტიციის სამინისტროს საქმიანობის სფეროები და პრიორიტეტებიც გააცნო. მინისტრმა გამოხატა მზაობა, სომეხ კოლეგას თბილისში უმასპინძლოს. შეხვედრას ესწრებოდა იუსტიციის მინისტრის მოადგილე ბექა ძამაშვილი.

იუსტიციის სამინისტროს თანამშრომლებთან შეხვედრაზე ირაკლი კობახიძემ პაატა სალიას პროფესიულ გამოცდილებას და მაღალ კვალიფიკაციას გაუსვა ხაზი და აღნიშნა, რომ ის საქართველოში ერთ-ერთი ყველაზე წარმატებული ადვოკატი და იურისტია.

ირაკლი კობახიძემ იუსტიციის მინისტრის პოსტზე გაწეული საქმიანობისთვის ანრი ოხანაშვილს მადლობა გადაუხადა და ახალ თანამდებობაზე წარმატებები უსურვა.

სამუშაო შეხვედრაზე განიხილეს ეროვნული არქივის მიმდინარე პროექტები, სამომავლო გეგმები და არსებული გამოწვევები.

იუსტიციის მინისტრმა ეროვნული არქივის ინფრასტრუქტურა და საცავები დაათვალიერა, ასევე ადგილზე გაეცნო თანამშრომელთა სამუშაო პირობებს.

ანრი ოხანაშვილმა თანამშრომლებს ეროვნული არქივის საქმიანობაში შეტანილი წვლილისთვის მადლობა გადაუხადა და შემდგომი წარმატებები უსურვა.

სამუშაო შეხვედრაზე განიხილეს საკანონმდებლო მაცნეს საქმიანობის ძირითადი მიმართულებები და სამომავლო გეგმები. ასევე, საუბარი შეეხო ინფრასტრუქტურული და ტექნოლოგიური განვითარების საკითხებს.

ანრი ოხანაშვილმა თანამშრომლებს გაწეული საქმიანობისთვის მადლობა გადაუხადა და შემდგომი წარმატებები უსურვა.

ადამიანით ვაჭრობის (ტრეფიკინგის) წინააღმდეგ მიმართული ღონისძიებების განმახორციელებელმა საუწყებათაშორისო საკოორდინაციო საბჭომ ადამიანით ვაჭრობის წინააღმდეგ ბრძოლის 2023-2024 წლების სამოქმედო გეგმის შესრულების ანგარიში განიხილა და 2025-2026 წლების სამოქმედო გეგმა დაამტკიცა.

დოკუმენტი საბჭოს წევრი უწყებებისა და საერთაშორისო ორგანიზაციების რეკომენდაციების საფუძველზე მომზადდა. მისი მიზანია ადამიანით ვაჭრობის პრევენცია, დანაშაულის გამოვლენის მექანიზმების დახვეწა, მსხვერპლთა და დაზარალებულთა დაცვა და დახმარება და თანამშრომლობის გაძლიერების ხელშეწყობა

უწყებათაშორისი საბჭოს სხდომას იუსტიციის მინისტრის მოადგილე ბექა ძამაშვილი ხელმძღვანელობდა. მის მუშაობაში მონაწილეობდნენ საბჭოს წევრი სახელმწიფო უწყებების – სამინისტროების, პროკურატურის, აგრეთვე სახალხო დამცველის აპარატის, აშშ-ის საელჩოს, საქართველოში ევროკავშირის დელეგაციის, IOM-ისა და ICMPD-ის წარმომადგენლები.

აღსანიშნავია, რომ აშშ-ის სახელმწიფო დეპარტამენტის შეფასებით, ტრეფიკინგის წინააღმდეგ ბრძოლის კუთხით საქართველო კვლავ უმაღლეს საფეხურზეა და უკვე მე-9 წელია ინარჩუნებს ადგილს ე.წ. „პირველ კალათაში“.

იუსტიციის მინისტრი ანრი ოხანაშვილი, მოადგილეებთან ერთად, საჯარო რეესტრის ეროვნული სააგენტოსა და ციფრული მმართველობის სააგენტოს თანამშრომლებს შეხვდა.

სამუშაო შეხვედრაზე განიხილეს უწყებების მიმდინარე პროექტები და სამომავლო გეგმები. საუბარი ასევე შეეხო არსებულ გამოწვევებსა და მათი გადაჭრის გზებს.

იუსტიციის მინისტრი და მისი მოადგილეები თანამშრომელთა სამუშაო პირობებსა და მათ საჭიროებებსაც გაეცნენ.

იუსტიციის მინისტრის მოადგილეები ბექა ძამაშვილი და გიორგი დგებუაძე საქართველოში გაეროს ბავშვთა ფონდის (UNICEF) წარმომადგენელს, იესპერ მოლერს შეხვდნენ.

შეხვედრაზე ხაზი გაესვა UNICEF-სა და საქართველოს იუსტიციის სამინისტროს შორის არსებულ მრავალწლიან ნაყოფიერ თანამშრომლობას ბავშვთა უფლებების დაცვის მიმართულებით.

საუბარი შეეხო სპეციალური პენიტენციური სამსახურისა და პრობაციის სისტემაში არასრულწლოვანთა რეაბილიტაციისა და რესოციალიზაციის პროგრამების განვითარებას და ამ კუთხით სამომავლოდ განსახორციელებელ პროექტებს.

იესპერ მოლერმა იუსტიციის სამინისტროს გაწეული საქმიანობისთვის მადლობა გადაუხადა და აქტიური თანამშრომლობის გაგრძელების თაობაზე მზაობა გამოხატა.

იუსტიციის მინისტრის მოადგილე ბექა ძამაშვილი საქართველოში გაერთიანებული სამეფოს ელჩს, გარეტ უორდს შეხვდა. შეხვედრაზე მხარეებმა განიხილეს ორ ქვეყანას შორის სამართლებრივ საკითხებზე სამომავლო თანამშრომლობის პერსპექტივები.

გაერთიანებული სამეფოს ელჩმა ხაზი გაუსვა საქართველოს სუვერენიტეტისა და ტერიტორიული მთლიანობის მხარდაჭერას. საუბარი შეეხო საერთაშორისო სასამართლოებში სახელმწიფო სუვერენიტეტის განსამტკიცებლად საქართველოს მიერ მოგებულ დავებს.

ელჩმა საქართველოს ხელისუფლებას საერთაშორისო სასამართლოში გაერთიანებული სამეფოს მიერ წარდგენილი მოსამართლეობის კანდიდატის შესახებ ინფორმაცია მიაწოდა.

იუსტიციის მინისტრი ანრი ოხანაშვილი, მოადგილეებთან ერთად, ნოტარიუსთა პალატის გამგეობის თავმჯდომარეს, თავმჯდომარის მოადგილეს და გამგეობის წევრებს შეხვდა.

შეხვედრაზე განიხილეს სანოტარო სფეროს აქტუალური საკითხები, ასევე, სამომავლო გეგმები და ინიციატივები.

იუსტიციის მინისტრი ნოტარიუსთა პალატის ადმინისტრაციის თანამშრომლებსაც გაეცნო და მათ პროფესიულ საქმიანობაში წარმატებები უსურვა.