პანელურ დისკუსიებში იუსტიციის მინისტრის პირველმა მოადგილე ბექა ძამაშვილმა და მთავრობის ადმინისტრაციის უფროსმა ლევან ჟორჟოლიანმა მიიღეს მონაწილეობა. ღონისძიებაზე იმსჯელეს ისეთ მნიშვნელოვან საკითხებზე, როგორიცაა: საჯარო სერვისებზე უნივერსალური ხელმისაწვდომობა, მთავრობის ანგარიშვალდებულება და გამჭვირვალობა, ეფექტიანი მონიტორინგის სისტემა და სხვ.

საჯარო სერვისების გაერო-ს ფორუმს საქართველო პირველად მასპინძლობს. მაღალი დონის ღონისძიების თბილისში ჩატარება იმ წარმატებული რეფორმების საერთაშორისო აღიარებაა, რომელთაც საქართველო წლებია, ახორციელებს ხელმისაწვდომი და ეფექტიანი საჯარო სერვისების განვითარებისათვის. ფორუმი დღეს საქართველოს პრემიერ-მინისტრმა ირაკლი კობახიძემ, იუსტიციის მინისტრმა პაატა სალიამ და გაერო-ს გენერალური მდივნის მოადგილემ ეკონომიკურ და სოციალურ საკითხებში ლი ჯუნჰუამ გახსნეს.

ღონისძების მონაწილეები პანელურ დისკუსიებზე, სამუშაო სესიებზე განიხილავენ ისეთ აქტუალურ საკითხებს, როგორიცაა: ციფრული ტრანსფორმაცია, ხელოვნური ინტელექტის პასუხისმგებლიანი გამოყენება, მონაცემთა დაცვა, ინკლუზიური მმართველობა, კორუფციასთან ბრძოლა, მოქალაქეთა ჩართულობის გაძლიერება და საჯარო სერვისების ხელმისაწვდომობის გაუმჯობესება.

ფორუმი 25 ივნისს დაჯილდოების ცერემონიალით დასრულდება.

თბილისი საჯარო სერვისების გაეროს-ს ფორუმს მასპინძლობს, სადაც მსოფლიო ლიდერები საერთაშორისო ექსპერტებთან ერთად მოქალაქეზე ორიენტირებული, ინოვაციური საჯარო სერვისების საკითხებზე მსჯელობენ.

ფორუმი „საჯარო ინსტიტუტების ტრანსფორმაცია: ინოვაციის, ანგარიშვალდებულების, ჩართულობისა და ინკლუზიურობის ხელშეწყობა“ საქართველოს პრემიერ-მინისტრმა ირაკლი კობახიძემ, იუსტიციის მინისტრმა პაატა სალიამ და გაერო-ს გენერალური მდივნის მოადგილემ ეკონომიკურ და სოციალურ საკითხებში ლი ჯუნჰუამ გახსნეს.

მაღალი დონის ღონისძიების თბილისში ჩატარება იმ წარმატებული რეფორმების საერთაშორისო აღიარებაა, რომელსაც საქართველო წლებია, ახორციელებს ხელმისაწვდომი და ეფექტიანი საჯარო სერვისების განვითარებისათვის.

პაატა სალიამ იმ მოლოდინებზე ისაუბრა, რაც ტექნოლოგიური პროგრესისა და ხელოვნური ინტელექტის სწრაფი განვითარების ფონზე სახელმწიფო სერვისების მიმართ ჩნდება და ხაზი გაუსვა საერთაშორისო თანამშრომლობის გაძლიერებისა და პარტნიორების გამოცდილების გაზიარების მნიშვნელობას ახალი ინიციატივებისა და გადაწყვეტილებების დანერგვის პროცესის წარმატებისათვის.

გაერო-ს გენერალური მდივნის მოადგილემ ეკონომიკურ და სოციალურ საკითხებში ლი ჯუნჰუამ საჯარო სერვისების განვითარებაში შეტანილი წვლილისა და ფორუმის ორგანიზებისათვის საქართველოს იუსტიციის მინისტრს სპეციალური სიგელი გადასცა.

ფორუმი თემატური სესიების ფორმატში სამი დღის განმავლობაში იმუშავებს. მისი მონაწილეები იმსჯელებენ ისეთ საკითხებზე, როგორიცაა: ციფრული ტრანსფორმაცია, ხელოვნური ინტელექტის პასუხისმგებლიანი გამოყენება, მონაცემთა დაცვა, ინკლუზიური მმართველობა, კორუფციასთან ბრძოლა, მოქალაქეთა ჩართულობის გაძლიერება და საჯარო სერვისების ხელმისაწვდომობის გაუმჯობესება. ღონისძიება სერვისების ხელმისაწვდომობის მიზნით განხორციელებული საუკეთესო ინოვაციური პროექტების დაჯილდოების ცერემონიალით დასრულდება.

ფორუმის ფარგლებში, საქართველოს იუსტიციის მინისტრი ორმხრივ შეხვედრებს გამართავს გაერო-ს გენერალური მდივნის მოადგილესთან ეკონომიკურ და სოციალურ საკითხებში ლი ჯუნჰუასა უცხოური დელეგაციების ხელმძღვანელებთან.

პაატა სალიამ ევროპის საბჭოს წამების, არაადამიანური ან ღირსების შემლახველი მოპყრობისა თუ დასჯის პრევენციის ევროპული კომიტეტის (CPT) დელეგაციას დეტალური ინფორმაცია მიაწოდა სისტემაში მიმდინარე და დაგეგმილი რეფორმების, ბრალდებულთა/მსჯავრდებულთა უფლებების დაცვის, საგანმანათლებლო, პროფესიული და ჯანდაცვის პროგრამების შესახებ.

ყურადღება გამახვილდა მცირე ზომის, თანამედროვე სტანდარტების შესაბამისი დაწესებულებების მშენებლობასა და განვითარებაზე, რაც ეფექტიან მართვასა და მსჯავრდებულთა რეაბილიტაციაზე ორიენტირებული გარემოს შექმნას უწყობს ხელს.

მხარეებმა განიხილეს პენიტენციურ სისტემაში სამედიცინო მომსახურების ხელმისაწვდომობისა და ხარისხის გაუმჯობესების კუთხით განხორციელებული და მიმდინარე პროექტები. აღინიშნა, რომ ბრალდებულები/მსჯავრდებულები 24/7 უზრუნველყოფილნი არიან ყველა საჭირო სამედიცინო მომსახურებით, ხოლო საჭიროების შემთხვევაში აქვთ წვდომა სპეციალიზებული სამოქალაქო კლინიკების მომსახურებაზეც.

ხაზი გაესვა CPT-ის რეკომენდაციების მნიშვნელობას პენიტენციური სისტემის შემდგომი გაუმჯობესების პროცესში.

დელეგაციის ვიზიტი მიზნად ისახავს პენიტენციურ დაწესებულებებში არსებული მდგომარეობის შეფასებასა და მიმდინარე რეფორმების გაცნობას.

შეხვედრას, ასევე, ესწრებოდნენ იუსტიციის მინისტრის პირველი მოადგილე ბექა ძამაშვილი, შინაგან საქმეთა მინისტრის მოადგილე შალვა თადუმაძე, სპეციალური პენიტენციური სამსახურის გენერალური დირექტორი გიორგი პატარიძე და იუსტიციის, შინაგან საქმეთა სამინისტროსა და სპეციალური პენიტენციური სამსახურის სხვა წარმომადგენლები.

ჩინეთის სახალხო რესპუბლიკის ეთნიკურ საკითხთა ეროვნული კომისიის დელეგაციას იუსტიციის სახლის კონცეფცია და მუშაობის სპეციფიკა იუსტიციის მინისტრის მოადგილე ლანა მორგოშიამ და იუსტიციის სახლის თავმჯდომარე ვახტანგ ჟვანიამ გააცნეს.

ყურადღება გამახვილდა სამოქალაქო ინტეგრაციის პროცესში საქართველოს არაქართულენოვანი მოსახლეობისთვის სახელმწიფო სერვისებზე ხელმისაწვდომობის მნიშვნელობასა და მის უზრუნველსაყოფად დანერგილ მექანიზმებზე. დამატებითი ინფორმაცია ამ საკითხზე სტუმრებს შერიგებისა და სამოქალაქო თანასწორობის საკითხებში საქართველოს სახელმწიფო მინისტრის პირველმა მოადგილე ლია გიგაურმა მიაწოდა.

ეთნიკურ საკითხთა ეროვნული კომისიის დელეგაციის ვიზიტის მიზანი საქართველო-ჩინეთის სტრატეგიული პარტნიორობის ფარგლებში თანამშრომლობის შემდგომი განვითარებაა.

დელეგაცია, რომელსაც კომისარი ცინ იჭი ხელმძღვანელობს, საქართველოში შერიგებისა და სამოქალაქო თანასწორობის საკითხებში სახელმწიფო მინისტრის აპარატის მოწვევით იმყოფება.

საქართველოს იუსტიციის მინისტრმა ევროპის საბჭოს ადამიანის უფლებებისა და სამართლის უზენაესობის გენერალურ დირექტორთან თანამშრომლობის საკითხები განიხილა.

პაატა სალიასა და ჯანლუკა ესპოზიტოს შეხვედრაზე ხაზი გაესვა საქართველოსა და ევროპის საბჭოს ეფექტიან თანამშრომლობას ადამიანის უფლებების, სამართლის უზენაესობისა და დემოკრატიის სფეროში.

შეხვედრას, ასევე, ესწრებოდნენ იუსტიციის მინისტრის პირველი მოადგილე ბექა ძამაშვილი საქართველოს მუდმივი წარმომადგენელი ევროპის საბჭოში ხატია წილოსანი.

პაატა სალია სტრასბურგში ევროპის საბჭოს მინისტერიალში მონაწილეობს. საქართველოს იუსტიციის მინისტრი ღონისძიებაზე სიტყვით გამოვიდა და კოლეგებს საქართველოს გამოცდილება გაუზიარა ფინანსური დანაშაულის წინააღმდეგ ბრძოლისა და მისი პრევენციის მიმართულებით.

პაატა სალიამ ევროპის საბჭოს მინისტერიალის მონაწილეებს ფინანსური დანაშაულების წინააღმდეგ ბრძოლის მიმართულებით საქართველოს გამოცდილება გაუზიარა. საქართველოს იუსტიციის მინისტრი სიტყვით გამოვიდა მინისტერიალზე, რომელიც ფულის გათეთრებისა და ფინანსური დანაშაულის წინააღმდეგ ბრძოლის მიმართულებით არსებულ გამოწვევებსა და მისი პრევენციის საკითხებს ეხება.

პაატა სალიამ ფულის გათეთრების წინააღმდეგ ბრძოლის მექანიზმებზე ისაუბრა და აღნიშნა, რომ მათი ეფექტიანობა გავლენას ახდენს სამართლის უზენაესობაზე, ეკონომიკურ უსაფრთხოებასა და დემოკრატიული ინსტიტუტების მიმართ საზოგადოების ნდობაზე.

მინისტრმა ხაზი გაუსვა სამართალდამცავი ორგანოებისა და სასამართლო სისტემის ერთობლივი ძალისხმევის მნიშვნელობას დანაშაულის ადრეული გამოვლენისათვის. მისი თქმით, ფინანსური დანაშაული სულ უფრო დახვეწილ ფორმებს იღებს და იყენებს ვირტუალურ აქტივებსა და სხვა ახალ ფინანსურ ტექნოლოგიებს; ამ გამოწვევაზე რეაგირების საუკეთესო მექანიზმი კი, ეკონომიკური დანაშაულის წინააღმდეგ ბრძოლაში ჩართული პროფესიონალების შესაძლებლობების გაძლიერება და საერთაშორისო პარტნიორებთან მჭიდრო თანამშრომლობაა.

ქართული დელეგაციის შემადგენლობაში არიან, აგრეთვე, იუსტიციის მინისტრის პირველი მოადგილე ბექა ძამაშვილი და საქართველოს მუდმივი წარმომადგენელი ევროპის საბჭოში ხატია წილოსანი.

შეზღუდული შესაძლებლობის მქონე პირთა უფლებებისადმი მიძღვნილი კვირეულის ფარგლებში, იუსტიციის სამინისტრომ მასშტაბური საინფორმაციო კამპანია ჩაატარა კვირეულის ფარგლებში, იუსტიციის სამინისტრომ ქუთაისის საერთაშორისო უნივერსიტეტში საჯარო ლექცია გამართა.

ღონისძიება იუსტიციის მინისტრის მოადგილე მერაბ ტურავამ და ქუთაისის საერთაშორისო უნივერსიტეტის აღმასრულებელმა დირექტორმა/რექტორმა ვახტანგ ცაგარელმა გახსნეს. მინისტრის მოადგილემ აღნიშნა, რომ შეზღუდული შესაძლებლობის მქონე პირთა უფლებების დაცვა და საჯარო სერვისების მისაწვდომობა იუსტიციის სამინისტროს ერთ-ერთ მნიშვნელოვან პრიორიტეტს წარმოადგენს.

იუსტიციის სამინისტრო ეფექტიანად იყენებს გონივრული მისადაგების პრინციპს, რათა სისტემაში დასაქმებული 100-ზე მეტი შეზღუდული შესაძლებლობის მქონე პირი აქტიურად იყოს ჩართული უწყების საქმიანობაში.
იუსტიციის სამინისტროს წარმომადგენლებმა სტუდენტებს ინფორმაცია მიაწოდეს ისეთი მნიშვნელოვანი საკითხების შესახებ, როგორიცაა: შეზღუდული შესაძლებლობის მქონე პირთა უფლებები როგორც ეროვნული, ისე საერთაშორისო საკანონმდებლო ბაზა, გონივრული მისადაგების პრინციპი, შეზღუდული შესაძლებლობის მქონე პირებთან ურთიერთობის ეტიკეტი და სხვა.

ღონისძიებები შეზღუდული შესაძლებლობის მქონე პირთა უფლებების დაცვის საკითხებზე იუსტიციის სამინისტროს სისტემაში შემავალ ყველა უწყებაში გაიმართა

პრემიერ-მინისტრისა და მთავრობის წევრების ყირგიზეთში ვიზიტის ფარგლებში, საქართველოს იუსტიციის მინისტრი ყირგიზ კოლეგას შეხვდა.

პაატა სალიამ და აიაზ ბაეტოვმა ორმხრივი ურთიერთობების განმტკიცებასა და ინსტიტუციური თანამშრომლობის გაძლიერებაზე იმსჯელეს. საუბარი შეეხო წარმატებულ ქართულ რეფორმებს კანონის უზენაესობის, ადამიანის უფლებების დაცვისა და საჯარო სერვისების ხელმისაწვდომობის მიმართულებით.

შეხვედრაზე აღინიშნა, რომ ქართული მხარე მზადაა, გაუზიაროს ყირგიზეთს საკუთარი გამოცდილება იუსტიციის სისტემის ციფრული ტრანსფორმაციისა და თანამედროვე ტექნოლოგიური გადაწყვეტილებების დანერგვის სფეროში.

იუსტიციის მინისტრებმა სამომავლო თანამშრომლობის საკითხებიც განიხილეს, მათ შორის, ინიციატივები დანაშაულის პრევენციის,მსჯავრდებულთა რესოციალიზაცია-რეაბილიტაციისა და პრობაციის სისტემის გაძლიერების კუთხით.

საქართველოს პრემიერ-მინისტრის დელეგაციის ყირგიზეთში ვიზიტის ფარგლებში, საქართველოს და ყირგიზეთის იუსტიციის სამინისტროებს შორის თანამშრომლობის მემორანდუმი გაფორმდა.

დოკუმენტს ხელი მოაწერეს საქართველოს იუსტიციის მინისტრმა პაატა სალიამ და ყირგიზეთის იუსტიციის მინისტრმა აიაზ ბაეტოვმა.

მემორანდუმი ორ ქვეყანას შორის თანამშრომლობის გაძლიერებას ითვალისწინებს ისეთ სფეროებში, როგორიცაა: ეროვნული კანონმდებლობის საერთაშორისო სტანდარტებთან შესაბამისობა; საჯარო სერვისების ხელმისაწვდომობის გაზრდა, მათ შორის, ციფრული და მობილური მომსახურების დანერგვით; დანაშაულის პრევენცია, მსჯავრდებულთა რესოციალიზაცია-რეაბილიტაცია; სანოტარო მედიაცია და სხვა.
დოკუმენტის ხელმოწერამდე საქართველოსა და ყირგიზეთის იუსტიციის მინისტრებს შორის შეხვედრა გაიმართა.

„გამოიკვეთა რამდენიმე მიმართულება, სადაც ჩვენ აქტიურად ვითანამშრომლებთ ყირგიზეთის იუსტიციის სამინისტროსთან. შეხვედრა მქონდა ჩემს ყირგიზ კოლეგასთან; შევთანხმდით, რომ შეიქმნება სამუშაო ჯგუფები, რათა ერთმანეთს გავუზიაროთ ის გამოცდილება, რაც გვაქვს დაგროვილი საჯარო სერვისების სფეროში, სასჯელაღსრულების და პრობაციის მიმართულებით. მათ აქვთ ძალიან კარგი პროგრესი ე.წ. დებიუროკრატიზაციისა და ციფრული ტრანსფორმაციის მიმართულებით. ვფიქრობთ, პროდუქტიული თანამშრომლობა გვექნება ყირგიზ კოლეგებთან“, – განაცხადა პაატა სალიამ.

ვიზიტის ფარგლებში მემორანდუმები გაფორმდა ყირგიზეთისა და საქართველოს კიდევ რამდენიმე სამინისტროს შორის; გაიმართა საქართველო-ყირგიზეთის მთავრობათაშორისი ეკონომიკური თანამშრომლობის კომისიის მეორე სხდომაც.

საქართველოს დელეგაცია პრემიერ-მინისტრ ირაკლი კობახიძის ხელმძღვანელობით ყირგიზეთში პირველი ოფიციალური ვიზიტით იმყოფება. მის შემადგენლობაში არიან, აგრეთვე, ვიცე-პრემიერი, საგარეო საქმეთა მინისტრი მაკა ბოჭორიშვილი, ეკონომიკისა და მდგრადი განვითარების მინისტრი მარიამ ქვრივიშვილი, გარემოს დაცვისა და სოფლის მეურნეობის მინისტრი დავით სონღულაშვილი და მთავრობის ადმინისტრაციის უფროსი ლევან ჟორჟოლიანი.