კავკასიის საერთაშორისო უნივერსიტეტში არსებულმა „იუსტიციის აუდიტორიამ“ იუსტიციის სამინისტროს საჯარო ლექციას უმასპინძლა. სტუდენტები საჯარო რეესტრის ეროვნული სააგენტოს მიმდინარე და დასრულებულ რეფორმებს გაეცნენ.

სტუდენტებმა ამომწურავი ინფორმაცია მიიღეს მიწის სისტემური რეგისტრაციის შესახებ; დეტალურად გაეცნენ რეფორმის წარმატებულ სტატისტიკურ მაჩვენებლებს, რომელთა მიხედვითაც, სააგენტომ 1 500 000-ზე მეტი მიწის ნაკვეთი უკვე აზომა და 1 000 000-ზე მეტ მიწის ნაკვეთზე საკუთრების უფლება დაარეგისტრირა. შედეგად, 1 000 000-ზე მეტი მოქალაქე (ქვეყნის მოსახლეობის 30%) რეგისტრირებული მესაკუთრეა.

მიწის სისტემური რეგისტრაციის რეფორმის გარდა, სტუდენტები ისეთ მნიშვნელოვან პროექტებს გაეცნენ, როგორიცაა: „დამისამართებული საქართველო“, „მეწარმეთა შესახებ საქართველოს კანონი“ და სხვა.

საუბარი შეეხო სააგენტოს ინოვაციურ ციფრულ პროექტ „გონიერ კონტრაქტს“, რომელიც მხარეებს საშუალებას აძლევს, ყიდვა-გაყიდვის შეთანხმება ციფრულ ფორმატში განახორციელონ და ქონება ელექტრონულად საჯარო რეესტრში მისვლის გარეშე დაცულად დაირეგისტრირონ. ამ პროექტს იუსტიციის სამინისტრო საზოგადოებას უახლოეს პერიოდში წარუდგენს.

ლექციას საჯარო რეესტრის ეროვნული სააგენტოს თავმჯდომარე დავით დევიძე უძღვებოდა. სტუდენტებმა დიდი ინტერესი გამოხატეს როგორც მიმდინარე რეფორმების, ისე სააგენტოში დასაქმების საკითხების მიმართ. შეხვედრის დასასრულს, საჯარო რეესტრის თავმჯდომარემ კავკასიის საერთაშორისო უნივერსიტეტთან სამომავლო თანამშრომლობის საკითხები განიხილა და სტუდენტებს საქმიანობაში წარმატება უსურვა.

პროექტი კავკასიის საერთაშორისო უნივერსიტეტში მიმდინარე წლის 14 მარტს ამოქმედდა. „იუსტიციის აუდიტორია“ ითვალისწინებს სტუდენტების ჩართულობისა და სამართლებრივ საკითხებზე ცნობიერების ამაღლებას, სტუდენტური პროექტების ხელშეწყობასა და საჯარო სამსახურის პოპულარიზაციას; ასევე, იუსტიციის სამინისტროს საქმიანობის პროცესში სამოქალაქო სექტორის, აკადემიური წრეებისა და მომავალი იურისტების ჩართულობას, რაც უწყების ერთ-ერთი პრიორიტეტია.

ორპირის მოსახლეობა სახელმწიფო და კერძო სექტორის 500-მდე სერვისს კომფორტულ და თანამედროვე გარემოში მიიღებს. სოფელში, რომელსაც დღეს მობილური იუსტიციის სახლი ემსახურება, მალე იუსტიციის სახლის მშენებლობა დაიწყება.

ფილიალისათვის გამოყოფილი ტერიტორია იუსტიციის მინისტრის მოადგილე ერეკლე ღვინიანიძემ და იმერეთის რეგიონში სახელმწიფო რწმუნებულის მოადგილე ლევან კიკნაველიძემ ადგილობრივ მცხოვრებლებთან ერთად მოინახულეს.

სახელმწიფო სერვისებზე ხელმისაწვდომობა იუსტიციის სამინისტროს პრიორიტეტია. ამ მიზნით, იუსტიციის სახლების რაოდენობა 2012 წლის შემდეგ 12-იდან 121-მდე გაიზარდა, მათგან 24 ფილიალი უშუალოდ იმერეთის რეგიონში ფუნქციონირებს. დაინერგა ინოვაციური პროექტი „მობილური იუსტიციის სახლი", რომელიც სერვისს რაიონული ცენტრებისაგან მოშორებით მდებარე 90 სოფლის, მათ შორის, იმერეთის 15 სოფლის მოსახლეობას აწვდის.

უახლოეს დღეებში გაიხსნება თერჯოლისა და შროშის იუსტიციის სახლები. 2028 წლამდე კი ფილიალების რაოდენობა მთელი ქვეყნის მასშტაბით 133-მდე გაიზრდება.

ორპირში იუსტიციის სახლის მშენებლობის ადგილას იმყოფებოდნენ იუსტიციის სახლის თავმჯდომარე ლაშა ლობჯანიძე და ტყიბულის მუნიციპალიტეტის მერი დავით ჩერქეზიშვილი.

კომისიის წევრებმა ცესკო-ს წარმომადგენლებისაგან მოისმინეს ინფორმაცია საარჩევნო სუბიექტების რეგისტრაციის პროცესის დასრულების შედეგებისა და სხვა სახელმწიფოებში საარჩევნო უბნების გახსნის შესახებ.

სხდომამ შესაბამისი უწყებებისაგან მოისმინა მედიამონიტორინგის შედეგად გამოვლენილ საკითხებზე რეაგირების თაობაზეც. კომისიის წევრებს სურდათ, მიეღოთ დამატებითი ინფორმაცია, აგრეთვე, სალომე ზურაბიშვილის განცხადებასთან დაკავშირებითაც, არჩევნების დღეს, 26 ოქტომბერს, პრეზიდენტის ადმინისტრაციის შენობაში საკოორდინაციო პლატფორმის შექმნის შესახებ. რამდენადაც საქართველოს პრეზიდენტის წარმომადგენელი დღევანდელ ღონისძიებაზე არ გამოცხადდა, კომისია მას მომდევნო სხდომაზეც მოიწვევს.

უწყებათაშორისი კომისიის სხდომას იუსტიციის მინისტრი რატი ბრეგაძე უძღვებოდა. მის მუშაობაში მონაწილეობდნენ მინისტრის მოადგილე ბექა ძამაშვილი, კომისიის წევრი საჯარო უწყებების ხელმძღვანელი პირები; საერთაშორისო და ადგილობრივი სადამკვირვებლო ორგანიზაციების, აგრეთვე, პოლიტიკური პარტიის წარმომადგენლები.

საარჩევნო კოდექსის შესაბამისად შექმნილი უწყებათაშორისი კომისიის მიზანი საჯარო მოსამსახურეების მიერ საარჩევნო კანონმდებლობის დარღვევის პრევენცია და დარღვევებზე რეაგირებაა. მას იუსტიციის მინისტრი რატი ბრეგაძე ხელმძღვანელობს. კომისიისათვის მის კომპეტენციაში შემავალ საკითხებზე ინფორმაციის მიწოდება შესაძლებელია ელექტრონული ფოსტის მეშვეობით შემდეგ მისამართზე: iatf@justice.gov.ge; აგრეთვე, ცხელ ხაზზე: (+995) 599 85 00 11.

ახალი ფილიალის მშენებლობის ადგილზე სიმბოლური კაფსულა დღეს იუსტიციის მინისტრმა რატი ბრეგაძემ ადგილობრივ მოსახლეობასთან ერთად ჩაუშვა.

მალე ჭალის მოსახლეობას საშუალება ექნება, იუსტიციის სახლის 500-მდე სერვისი კომფორტულ და თანამედროვე გარემოში მიიღოს.

სახელმწიფო სერვისებზე ხელმისაწვდომობა იუსტიციის სამინისტროს პრიორიტეტია, რასაც საქართველოს მასშტაბით 121 იუსტიციის სახლი უზრუნველყოფს. დაგეგმილია კიდევ 12 ფილიალის გახსნა - თერჯოლაში, ახმეტაში, საგარეჯოში, ხელვაჩაურში, თბილისში (გლდანში), მცხეთაში, ჭალაში, ზოტში, ტოლებში, შროშაში, ცაიშსა და ორპირში. რაიონული ცენტრებისაგან მოშორებით მცხოვრებ მოქალაქეებს კი მთელი ქვეყნის ტერიტორიაზე 90 სოფელში მობილური იუსტიციის სახლი ემსახურება.

უშუალოდ იმერეთის რეგიონში 24 იუსტიციის სახლი ფუნქციონირებს. დასრულებულია და უახლოეს დღეებში გაიხსნება თერჯოლისა და შროშის ფილიალები; რეგიონის 15 სოფლის მოსახლეობას მომსახურებას მობილური იუსტიციის სახლი აწვდის.

ჭალაში იუსტიციის სახლის მშენებლობის ადგილას იმყოფებოდნენ იუსტიციის მინისტრის მოადგილე ერეკლე ღვინიანიძე, ხარაგაულის, საჩხერისა და ჭიათურის მაჟორიტარი დეპუტატი პაატა კვიჟინაძე, იმერეთის რეგიონში სახელმწიფო რწმუნებულის მოადგილე ლევან კიკნაველიძე და იუსტიციის სახლის თავმჯდომარე ლაშა ლობჯანიძე.