იუსტიციის მინისტრმა პაატა სალიამ თბილისის ცენტრალურ იუსტიციის სახლში სამუშაო შეხვედრა გამართა.

შეხვედრაზე განიხილეს იუსტიციის სახლის მიმდინარე და სამომავლოდ დაგეგმილი პროექტები. დისკუსია შეეხო მოქალაქეებისთვის სერვისების მიწოდების კიდევ უფრო ეფექტიანი გზების შემუშავების საკითხს.

შეხვედრას ესწრებოდნენ მინისტრის პირველი მოადგილე ლაშა მაღრაძე, მოადგილეები - გიორგი დგებუაძე, მერაბ ტურავა, ბექა ძამაშვილი და ალექსანდრე მაისურაძე, იუსტიციის სახლის თავმჯდომარე ვახტანგ ჟვანია და იუსტიციის სახლის სხვა ხელმძღვანელი პირები.

იუსტიციის სამინისტროში გაერო-ს უშიშროების საბჭოს რეზოლუციების შესრულების საკითხებზე მომუშავე სამთავრობო კომისიის სხდომა გაიმართა.

კომისიის სხდომაზე ტერორიზმის დაფინანსებასთან ბრძოლისა და მასთან დაკავშირებული სანქციების ეფექტიანი აღსრულების მექანიზმებზე იმსჯელეს უწყებათა წარმომადგენლებმა.

კომისიის სხდომაზე განხილული საკითხები და წარმოდგენილი ახალი ინიციატივები სრულ შესაბამისობაში ევროპულ და საერთაშორისო დონეზე დადგენილ ფინანსური ქმედების სპეციალური ჯგუფის (FATF) სტანდარტებთან და მიზნად ისახავს ფულის გათეთრებისა და ტერორიზმის დაფინანსების პრევენციის საკითხებზე (MONEYVAL) მომუშავე ევროპის საბჭოს თემატურ ექსპერტთა ჯგუფის რეკომენდაციების ეფექტიან შესრულებას.

გაერო-ს უშიშროების საბჭოს რეზოლუციების შესრულების საკითხებზე მომუშავე სამთავრობო კომისიის სხდომას უძღვებოდა იუსტიციის მინისტრის მოადგილე, ბექა ძამაშვილი.

კომისიის სხდომაში მონაწილეობა მიიღეს სახელმწიფო უსაფრთხოების სამსახურის, გენერალური პროკურატურის, შინაგან საქმეთა სამინისტროს, თავდაცვის სამინისტროს, საგარეო საქმეთა სამინისტროს, ფინანსთა სამინისტროს, ეკონომიკისა და მდგრადი განვითარების სამინისტროს, გარემოს დაცვისა და სოფლის მეურნეობის სამინისტროს, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, შინაგან საქმეთა სამინისტროს სახელმწიფო საქვეუწყებო დაწესებულების − საქართველოს სასაზღვრო პოლიციის, შინაგან საქმეთა სამინისტროს საპატრულო პოლიციის, სახელმწიფო უსაფრთხოების სამსახურის კონტრტერორისტულ ცენტრის, სსიპ „შემოსავლების სამსახურის“, სსიპ „ფინანსური მონიტორინგის სამსახურის“, სსიპ „ბირთვული და რადიაციული უსაფრთხოების სააგენტოს“, სსიპ „საზღვაო ტრანსპორტის სააგენტოსა“ და ეროვნული ბანკის წარმომადგენლებმა.

იუსტიციის მინისტრმა ნოტარიუსთა პალატაში სამუშაო შეხვედრა გამართა.

პაატა სალია მოადგილეებთან ერთად ნოტარიუსთა პალატის გამგეობის თავმჯდომარეს და გამგეობის წევრებს შეხვდა.

შეხვედრაზე განიხილეს სანოტარო სფეროს აქტუალური საკითხები, სამომავლო გეგმები და ინიციატივები.

იუსტიციის მინისტრი ნოტარიუსთა პალატის ადმინისტრაციის თანამშრომლების სამუშაო გარემოსაც გაეცნო და მათ პროფესიულ საქმიანობაში წარმატებები უსურვა.

საქართველოს იუსტიციის მინისტრი პაატა სალია ბიზნესის სფეროს წარმომადგენლებს შეხვდა.

საქართველოს ბიზნეს ასოციაციის ინიციატივით გამართულ შეხვედრაზე, იუსტიციის მინისტრმა და სამინისტროს სისტემაში შემავალი სსიპ-ების ხელმძღვანელებმა კერძო სექტორის წარმომადგენლებს გააცნეს იუსტიციის სამინისტროს ის ინოვაციური სერვისები, რომლებიც ბიზნესის მხარდაჭერასა და განვითარებას ისახავს მიზნად, მათ შორის “ბიზნესასისტენტი“, "გონიერი კონტრაქტი", აღსრულების სერვისები, სანოტარო მედიაცია, ელექტრონული საფულე და სხვა.

შეხვედრაზე გამართული დისკუსიის ფარგლებში, ბიზნესსექტორის წარმომადგენლებმა იუსტიციის სამინისტროს წარმომადგენლებისგან მათთვის საინტერესო საკითხებზე ამომწურავი ინფორმაცია მიიღეს. საუბარი შეეხო სამომავლო თანამშრომლობის პერსპექტივებსაც.

საქართველოს იუსტიციის სამინისტროში გაიმართა ევროკავშირის სამართლის დეპარტამენტის მიერ ორგანიზებული სამუშაო შეხვედრა ევროკაშირთან სამართლებრივი დაახლოების შესახებ.

მონაწილეებმა განიხილეს დეპარტამენტის მიერ მომზადებული წინადადებები და რეკომენდაციები ევროკავშირის სამეწარმეო სამართალთან შემდგომი დაახლოების მიზნით. კერძოდ, დისკუსია გაიმართა აქციონერთა უფლებებების შესახებ 2017/828 და ციფრული ინსტრუმენტებისა და პროცესების შესახებ 2019/1151 დირექტივების ტრანსპოზიციასთან დაკავშირებულ პრაქტიკულ საკითხებზე.

შეხვედრის მიმდინარეობისას ასევე შეფასდა ევროკავშირის სამართალთან ეროვნული კანონმდებლობის შესაბამისობის დონე საქართველოს მიერ აღებული ვალდებულებების ფარგლებში.

საქართველოს იუსტიციის სამინისტრო, ევროკავშირის სამართლის დეპარტამენტის მეშვეობით, ახორციელებს ევროკავშირთან საკანონმდებლო დაახლოების აღრიცხვასა და მუდმივ მონიტორინგს.

შეხვედრაში მონაწილეობდნენ საქართველოს იუსტიციის მინისტრის მოადგილეები მერაბ ტურავა და გიორგი დგებუაძე, ასევე, იუსტიციის სამინისტროს ანალიტიკური დეპარტამენტის თანამშრომლები.

ჟენევის საერთაშორისო მოლაპარაკებების 64-ე რაუნდი გაიმართა.

ჰუმანიტარული და ადამიანის უფლებათა საკითხების სამუშაო ჯგუფში საქართველოს დელეგაციას იუსტიციის მინისტრის მოადგილე ბექა ძამაშვილი ხელმძღვანელობდა. მასში მონაწილეობდნენ საგარეო საქმეთა სამინისტროს, შერიგებისა და სამოქალაქო თანასწორობის საკითხებში სახელმწიფო მინისტრის აპარატის წარმომადგენლები, აგრეთვე, აფხაზეთის ავტონომიური რესპუბლიკის მთავრობისა და ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციულ-ტერიტორიული ერთეულის ადმინისტრაციის ხელმძღვანელები.

მოლაპარაკებების ფარგლებში ყურადღება გამახვილდა განგრძობადი ოკუპაციის პირობებში ადამიანის უფლებების მუდმივი დარღვევის შემთხვევებზე. აღინიშნა, რომ ადამიანის უფლებათა ევროპულ სასამართლოში საქართველოს მიერ მოგებულ საქმეებში უკვე დადგენილია, როგორც ფუნდამენტური უფლებების ყველა დარღვევაზე რუსეთის ფედერაციის პასუხისმგებლობა, ისე დევნილთა საცხოვრებელ ადგილზე დაბრუნების უპირობო ვალდებულება. საერთაშორისო სასამართლოებში მოგებულ საქმეებს იუსტიციის სამინისტრო აქტიურად იყენებს ჟენევის საერთაშორისო მოლაპარაკებებში.

ჟენევის დისკუსიებს კოორდინაციას უწევენ ევროკავშირის, გაეროსა და ეუთოს წარმომადგენლები.

მოლაპარაკებების მომდევნო რაუნდი 2025 წლის 11-12 ნოემბერს გაიმართება.

იუსტიციის სამინისტრო კვლავაც აქტიურად გააგრძელებს საერთაშორისო სასამართლოებსა და ყველა შესაბამისი საერთაშორისო მექანიზმის ფარგლებში, სახელმწიფო უწყებებთან ერთად, საქართველოს ინტერესების დაცვას.

საქართველოს იუსტიციის მინისტრის მოადგილეები ლაშა მაღრაძე და გიორგი დგებუაძე ანდორის იუსტიციისა და შინაგან საქმეთა სამინისტროს სახელმწიფო მდივან ჯოან ანტონი ლეონ პესოს შეხვდნენ.

მხარეებმა ორ ქვეყანას შორის სექტორული თანამშრომლობის განვითარების პერსპექტივებსა და სამომავლო გეგმებზე ისაუბრეს.

მინისტრის მოადგილეებმა სახელმწიფო მდივანს იუსტიციის სამინისტროს ძირითადი კომპეტენციები და პრიორიტეტები გააცნეს.

შეხვედრაზე აღინიშნა წარმატებული თანამშრომლობაც ციფრული მმართველობის საკითხებში, რომელიც საქართველოს იუსტიციის სამინისტროსა და ანდორის ციფრული ტრანსფორმაციისა და ტელეკომუნიკაციის საკითხებში სახელმწიფო სამდივნოს შორის მიმდინარე წელს გაფორმებული მემორანდუმის ფარგლებში ხორციელდება.

გაეროს საჯარო სერვისების ფორუმის თემატურ სესიებში მონაწილეობა მიიღეს იუსტიციის სამინისტროსა და მის ფარგლებში მოქმედი სააგენტოების წარმომადგენლებმა.

ქართული დელეგაციის წევრებმა ფორუმის მონაწილეებს მიაწოდეს ინფორმაცია საქართველოში დანერგილი საჯარო სერვისების, ციფრული მმართველობისა და ინოვაციური მომსახურებების თაობაზე.

საუბარი შეეხო სახელმწიფო უწყებებში ინოვაციური, სანდო და მომხმარებელზე ორიენტირებული სერვისების განვითარებას.

თემატურ სესიებზე მოხსენებები გააკეთეს იუსტიციის სამინისტროს საერთაშორისო ურთიერთობებისა და სამართლებრივი თანამშრომლობის დეპარტამენტის უფროსმა ქეთევან სარაჯიშვილმა, სახელმწიფო სერვისების განვითარების სააგენტოს თავმჯდომარე რუსუდან კოხოძემ, იუსტიციის სახლის თავმჯდომარე ვახტანგ ჟვანიამ, საჯარო რეესტრის ეროვნული სააგენტოს თავმჯდომარის მოადგილე ქრისტინე კუპრავამ და ციფრული მმართველობის სააგენტოს თავმჯდომარის მოადგილე ლევან გელაშვილმა.

იუსტიციის მინისტრი პაატა სალია გაეროს საჯარო სერვისების მსოფლიო ფორუმის დახურვის ღონისძიებაზე დასკვნითი სიტყვით გამოვიდა.

პაატა სალიამ ფორუმის შედეგები შეაჯამა და ხაზი გაუსვა მსგავსი პლატფორმების მნიშვნელობას ქვეყნებს შორის გამოცდილების გაზიარებისა და ეფექტიანი თანამშრომლობის გაღრმავების კუთხით.

იუსტიციის მინისტრმა მონაწილეები 2026 წელს, თბილისში დაგეგმილ გაეროს საჯარო სერვისების ფორუმზე მიიწვია, რომელიც იუსტიციის სამინისტროს ორგანიზებით ჩატარდება.