განსაკუთრებული ყურადღება გამახვილდა მსჯავრდებულთა გათავისუფლებისთვის მომზადების, ნარკოდამოკიდებულებასთან ბრძოლისა და სტრესის მართვის პროგრამებზე. საქართველოს დელეგაცია, ასევე, გაეცნო სამარტოო საკანსა და დეესკალაციის ოთახში მსჯავრდებულთა მოთავსების სტანდარტებს და პენიტენციური სამსახურის სასწავლო ცენტრის მშენებლობა დაათვალიერა.

საქართველოს პენიტენციურ სისტემაში ევროპული სტანდარტების შესაბამისი რესოციალიზაცია-რეაბილიტაციის პროგრამების დანერგვა საქართველოს იუსტიციის სამინისტროს პრიორიტეტია.

ლატვიის რესპუბლიკის იუსტიციის მინისტრთან, ინეს ლიბინა-ეგნერთან, განხილულ იქნა ორმხრივი თანამშრომლობის გაფართოვების ახალი შესაძლებლობები საქართველოს ევროპული ინტეგრაციის კონტექსტში.