იუსტიციის მინისტრმა პაატა სალიამ უზბეკეთის რესპუბლიკის დიგიტალიზაციისა და ტრანსფორმაციის მინისტრთან შეხვედრა გამართა.

გაეროს საჯარო სერვისების მსოფლიო ფორუმის ფარგლებში გამართულ შეხვედრაზე პაატა სალიამ და შერზოდ შერტამოვმა ორმხრივი პარტნიორობის საკითხები განიხილეს. საუბარი შეეხო ციფრული მმართველობის სფეროში სექტორული თანამშრომლობის გაძლიერებას.

შეხვედრის დასასრულს, პაატა სალიამ შერზოდ შერტამოვი 2026 წლის გაერო-ს საჯარო სერვისების ფორუმზე მიიწვია, რომელიც იუსტიციის სამინისტროს ორგანიზებით, თბილისში გაიმართება.

საქართველოს იუსტიციის მინისტრი პაატა სალია გაერო-ს გენერალური მდივნის წარმომადგენელს, ნავიდ ჰანიფს შეხვდა.

გაეროს საჯარო სერვისების ფორუმის ფარგლებში გამართულ შეხვედრაზე მხარეებმა განიხილეს საქართველოს იუსტიციის სამინისტროსა და გაერთიანებულ ერების ორგანიზაციას შორის არსებული ნაყოფიერი თანამშრომლობა, ასევე პარტნიორობის გაღრმავების პერსპექტივები.

პაატა სალიამ ნავიდ ჰანიფს სახელმწიფო სერვისების მიწოდების ქართული მოდელი გააცნო და ხაზი გაუსვა ციფრული ტექნოლოგიების მნიშვნელობას საჯარო სერვისებზე ხელმისაწვდომობის უზრუნველსაყოფის პროცესში.

შეხვედრის დასასრულს, პაატა სალიამ გენერალური მდივნის წარმომადგენელი მიიწვია გაერო-ს საჯარო სერვისების ფორუმზე, რომელიც 2026 წელს, იუსტიციის სამინისტროს ორგანიზებით, თბილისში გაიმართება.

იუსტიციის სამინისტროს დელეგაცია იუსტიციის მინისტრის, პაატა სალიას ხელმძღვანელობით, გაეროს საჯარო სერვისების ფორუმში მონაწილეობს.

პაატა სალიამ მინისტრთა პლენარული სესიის ფარგლებში ფორუმის დელეგატებს სიტყვით მიმართა და საჯარო სექტორში ინოვაციების ხელშეწყობის, ციფრული ტრანსფორმაციისა და ხელოვნური ინტელექტის განვითარების მიმართულებით საქართველოს გამოცდილება გააცნო.

ფორუმის ფარგლებში დაგეგმილია მაღალი დონის ორმხრივი შეხვედრები. ხელი მოეწერება ერთობლივ დეკლარაციას საჯარო სერვისებისა და ტექნოლოგიური ინოვაციების თაობაზე.

გაეროს სერვისების ფორუმს იუსტიციის სამინისტროს ორგანიზებით 2026 წელს საქართველო უმასპინძლებს.