ღონისძიებები

ოთხშაბათი, 31 მაისი, 2023

იუსტიციის მინისტრმა აღსრულების პოლიციის თანამშრომლებს პროფესიული დღე მიულოცა

იუსტიციის მინისტრმა მოადგილეებთან და აღსრულების ეროვნული ბიუროს თავმჯდომარესთან ერთად, საქმიანობაში გამოჩენილი მაღალი პროფესიონალიზმისთვის აღსრულების პოლიციელებს სპეციალური სახელმწიფო წოდებები მიანიჭა და სამსახურებრივი მოვალეობის კეთილსინდისიერად შესრულებისთვის მადლობა გამოუცხადა.

,,ადამიანის ღირსებაზე და მისგან მომდინარე ყველა უფლების დაცვაზე ორიენტირებულ აღსრულების პოლიციას ვულოცავ პროფესიულ დღეს. აღსრულების პოლიციელები დგანან საქართველოს სამსახურში და იცავენ საკუთრების უფლებას, რაც დიდი პასუხისმგებლობაა. იუსტიციის სამინისტრო მხარდაჭერას უცხადებს თითოეულ პოლიციელს და ზრუნავს მათი სამუშაო პირობების გაუმჯობესებისა და სოციალური გარანტიების განმტკიცებისთვის“ - განაცხადა იუსტიციის მინისტრმა.

მინისტრი აღსრულების პოლიციის მიერ გაწეული მუშაობის ანგარიშს და მიღწეულ შედეგებს გაეცნო. 2022 წლის აპრილიდან დღემდე აღსრულების ბიუროს მიერ მხარეთა შორის მორიგებით დასრულებულმა საქმეებმა 88 % შეადგინა.

სამშაბათი, 30 მაისი, 2023

იუსტიციის სამინისტროში ჟურნალ „იუსტიციის“ მეოთხე ნომრის პრეზენტაცია და სამეცნიერო-საკონსულტაციო საბჭოს სხდომა გაიმართა

სამეცნიერო სტატიების გარდა, ჟურნალის ახალ ნომერში გამოქვეყნებულია მნიშვნელოვანი ინტერვიუები; სამართლის კლასიკად აღიარებული ნაშრომების ქართულენოვანი თარგმანები; სტატიები იმ პირთა შესახებ, რომლებმაც განსაკუთრებული წვლილი შეიტანეს სამართლებრივი აზრის განვითარებაში.

სამეცნიერო-საკონსულტაციო საბჭოს სხდომაზე ხელოვნური ინტელექტის სამართლებრივი რეგულირების საკითხებსა და ამ პროცესთან დაკავშირებულ გამოწვევებზეც იმსჯელეს. შედარებით - სამართლებრივ კონტექსტში განხილულ იქნა ხელოვნური ინტელექტის რეგულირების სფეროში მომზადებული პროექტები და ინოვაციური მიდგომები.

სხდომაზე ასევე წარმოდგენილი იყო საქართველოს დამოუკიდებლობის აქტის ლეგიტიმაციის საკითხთან დაკავშირებული ნარკვევები და გაანალიზებული იქნა ხსენებული დოკუმენტის სამართლებლივი მოწესრიგების ძირითადი მახასიათებლები.

სამეცნიერო-საკონსულტაციო საბჭოს სხდომას იუსტიციის მინისტრი რატი ბრეგაძე, მინისტრის მოადგილე თორნიკე ჭეიშვილი და საბჭოს წევრები ესწრებოდნენ.

შაბათი, 27 მაისი, 2023

რატი ბრეგაძემ ბავშვთა უფლებების დაცვის მიმართულებით ჰააგის კონვენციას მოაწერა ხელი

იუსტიციის მინისტრმა სამოქალაქო და კომერციულ საკითხებზე საერთაშორისო თანამშრომლობისა და საქართველოს მოქალაქეთა ინტერესების დაცვის საკითხები ჰააგის კონფერენციის წარმომადგენლებთან განიხილა.

იუსტიციის სამინისტრო ჰააგის კონფერენციის ფარგლებში კოორდინაციას უწევს საერთაშორისო კონვენციების იმპლემენტაციას, რომლის შედეგადაც საქართველოს მოქალაქეებს შესაძლებლობა აქვთ ევროკავშირის წევრ და სხვა სახელმწიფოებში დაიცვან სამართლებრივი ინტერესები, როგორიცაა, სხვებს შორის, ოფიციალური დოკუმენტების მიღება და ჩაბარება; სასამართლო დავების წარმოება და მიღებული გადაწყვეტილებების აღსრულება; საოჯახო დავების შემთხვევაში ბავშვთა ინტერესების დაცვა.

ვიზიტის ფარგლებში იუსტიციის მინისტრმა ხელი მოაწერა „ბავშვის სასარგებლოდ ალიმენტის საერთაშორისო გადახდევინებისა და ოჯახური რჩენის სხვა ფორმების შესახებ“ ჰააგის 2007 წლის 23 ნოემბრის კონვენციასა და „რჩენის ვალდებულებების საკითხებზე გამოსაყენებელი სამართლის თაობაზე“ ჰააგის 2007 წლის 23 ნოემბრის ოქმს. კონვენციისა და ოქმის რატიფიკაციის შემდეგ ბავშვთა სასარგებლოდ ალიმენტის მიღება შესაძლებელი გახდება იმ შემთხვევაშიც, როდესაც მშობლები სხვა სახელმწიფოებში იქნებიან.

კონვენციასთან შეერთება საქართველოსა და ევროკავშირს შორის ასოცირების შესახებ შეთანხმებიდან და ასოცირების დღის წესრიგიდან გამომდინარეობს და ის ხელს შეუწყობს ევროკავშირის წევრ სახელმწიფოებთან ერთიან სამართლებრივ სივრცეში საქართველოს თანამშრომლობასა და ბავშვთა უფლებების დაცვის მექანიზმების გაუმჯობესებას.

ხუთშაბათი, 25 მაისი, 2023

რატი ბრეგაძემ სისხლის სამართლის საერთაშორისო სასამართლოს თავმჯდომარესთან თანამშრომლობის გაღრმავების საკითხები განიხილა

საქართველოს იუსტიციის მინისტრი რატი ბრეგაძე ჰააგაში სისხლის სამართლის საერთაშორისო სასამართლოს თავმჯდომარე პიოტრ ჰოფმანსკის შეხვდა.

შეხვედრაზე აღინიშნა, რომ საქართველო, როგორც სასამართლოს ერთ-ერთი დამფუძნებელი სახელმწიფო, ყოველთვის მხარს უჭერდა სისხლის სამართლის საერთაშორისო სასამართლოსა და მისი ინსტიტუტების საქმიანობას, რაც წლების განმავლობაში სამაგალითო თანამშრომლობაში გამოიხატება.

მინისტრმა სასამართლოს თავმჯდომარესთან თანამშრომლობის გაღრმავების კონკრეტული ინიციატივები განიხილა.

იუსტიციის სამინისტრო მომავალშიც აქტიურად გააგრძელებს საქართველოს ეროვნული ინტერესებისა და სუვერენიტეტის დაცვას საერთაშორისო სასამართლოებში.

საქართველოს იუსტიციის მინისტრი სისხლის სამართლის საერთაშორისო სასამართლოს პროკურორს შეხვდა

სისხლის სამართლის საერთაშორისო სასამართლოს პროკურორ კარიმ ხანთან შეხვედრაზე თანამშრომლობის შედეგად მიღწეული მნიშვნელოვანი შედეგები შეფასდა. ასევე, განხილულ იქნა თანამედროვე სამხედრო კონფლიქტების შედეგად არსებული გამოწვევები.

საერთაშორისო სასამართლოებში თანმიმდევრული სტრატეგიული სამართალწარმოება იუსტიციის სამინისტროს პრიორიტეტია და სახელმწიფოს ინტერესების დაცვა მომავალშიც აქტიურად გაგრძელდება.

ოთხშაბათი, 24 მაისი, 2023

იუსტიციის მინისტრმა Eurojust-ის პრეზიდენტთან თანამშრომლობის საკითხები განიხილა

იუსტიციის მინისტრი რატი ბრეგაძე ჰააგაში ვიზიტის ფარგლებში სისხლის სამართლის სფეროში ევროკავშირის ქვეყნების თანამშრომლობის ორგანოს (Eurojust) პრეზიდენტ ლადისლავ ჰამრანს შეხვდა.

შეხვედრის ფარგლებში ხაზი გაესვა Eurojust-სა და ევროკავშირის წევრ სახელმწიფოებთან სისხლის სამართლის სფეროსა და ტრანსნაციონალურ ორგანიზებულ დანაშაულთან ბრძოლის მიმართულებით საქართველოს წარმატებულ თანამშრომლობას, რაც ევროინტეგრაციის პროცესში სექტორული თანამშრომლობის მნიშვნელოვანი მიმართულებაა.

მინისტრმა ხაზი გაუსვა იუსტიციის სამინისტროსა და პროკურატურის ეფექტიანი და კოორდინირებული მოქმედებების დადებით გავლენას ევროკავშირის წევრ სახელმწიფოებთან სისხლის სამართლის სფეროში თანამშრომლობის მზარდ დინამიკაზე.

რატი ბრეგაძემ Eurojust-ის პრეზიდენტს ევროკავშირის კანდიდატი წევრი ქვეყნის სტატუსის მოპოვების პროცესში ორგანიზებულ დანაშაულთან ბრძოლის მიმართულებით ევროკავშირის რეკომენდაციების შესრულების პროგრესი და იუსტიციის სფეროში თანამშრომლობის ახალი ინიციატივები გააცნო.

ორშაბათი, 22 მაისი, 2023

იუსტიციის სამინისტროს საგრანტო პროგრამის ფარგლებში დაფინანსებული პროექტი წარმატებით დასრულდა

პროექტში „იმიტირებული სასამართლო პროცესი ადამიანის უფლებათა სამართალში“ ქვეყნის მასშტაბით სხვადასხვა უნივერსიტეტის 70-მდე სტუდენტმა მიიღო მონაწილეობა. იმიტირებული სასამართლო პროცესის გამარჯვებული თბილისის სახელმწიფო უნივერსიტეტის გუნდი გახდა. ასევე, გამოვლინდა საუკეთესო მომხსენებელი, რომელიც კავკასიის უნივერსიტეტს წარმოადგენდა.

საგანმანათლებლო პროექტისთვის გრანტი იუსტიციის სამინისტრომ გასცა და ის მიზნად ისახავს ადამიანის უფლებათა დაცვის გაძლიერებას. მონაწილე სტუდენტებს პროექტი საშუალებას აძლევს, განივითარონ იურიდიული კარიერისთვის საჭირო უნარ-ჩვევები, აიმაღლონ კვალიფიკაცია ადამიანის უფლებათა დაცვის საერთაშორისო სისტემის მიმართულებით და შექმნან საკონტაქტო ქსელი.

იმიტირებული სასამართლო პროცესის ფინალური ეტაპი საირმეში გაიმართა, რომელსაც იუსტიციის მინისტრის მოადგილე თორნიკე ჭეიშვილი, სამინისტროს ადმინისტრაციის დეპარტამენტის უფროსი მანანა ბეგიაშვილი და საერთაშორისო სასამართლოებში სახელმწიფო წარმომადგენლობის დეპარტამენტის უფროსი ნინო ნიკოლაიშვილი დაესწრნენ.

ადამიანის უფლებათა სამართალში იმიტირებული სასამართლო პროცესი „ევროპის იურისტ სტუდენტთა ასოციაცია საქართველოს“ (ELSA Georgia) ორგანიზებით განხორციელდა. პროექტი 6 თვის განმავლობაში რამდენიმე ეტაპად წარიმართა. იურიდიული ფაკულტეტების სტუდენტებმა ადამიანის უფლებათა შესახებ სალექციო კურსები მოისმინეს, დეტალურად გაეცნენ ადამიანის უფლებათა ევროპული სასამართლოს პრინციპებსა და პრაქტიკულ ასპექტებს.

წლევანდელი იმიტირებული სასამართლო პროცესის თემა ქალთა მიმართ ძალადობის წინააღმდეგ ბრძოლა და ბავშვთა უფლებები იყო.

იუსტიციის სამინისტრო უწყების საქმიანობაში სამოქალაქო ჩართულობის გაძლიერებისათვის საგრანტო კონკურსს ყოველწლიურად აცხადებს. გასულ წელს 17 საუკეთესო პროექტი დაფინანსდა. სამინისტროს წარმომადგენლები დაფინანსებული პროექტების მიმდინარეობის მონიტორინგსა და მხარდაჭერას რეგულარულად ახორციელებენ.

კვირა, 21 მაისი, 2023

თემაზე „სამედიცინო პერსონალის როლი ადამიანით ვაჭრობის (ტრეფიკინგის) დანაშაულის გამოვლენაში“ ტრენინგი ჩატარდა

2023 წლის 20-21 მაისს, ადამიანით ვაჭრობის (ტრეფიკინგის) წინააღდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს ორგანიზებით, ევროპის კავშირის ფინანსური მხარდაჭერითა და მიგრაციის პოლიტიკის განვითარების საერთაშორისო ცენტრთან თანამშრომლობით, ჩატარდა ტრენინგი ადამიანით ვაჭრობის თემაზე, რომლის სამიზნე აუდიტორიას სამედიცინო პერსონალი წარმოადგენდა.

ტრენინგის ფარგლებში ყურადღება გამახვილდა ტრეფიკინგის დანაშაულის მსხვერპლებისათვის დამახასიათებელ ნიშნებსა და მათთვის დამახასიათებელ ფიზიკურ დაზიანებებზე, ასევე, მსხვერპლებთან მუშაობის ფსიქოლოგიურ ასპექტებზე. ტრენინგში მონაწილეობა მიიღო სხვადასხვა სამედიცინო დაწესებულების 25-მა წარმომადგენელმა.

ტრეფიკინგის მსხვერპლთა/დაზარალებულთა საზოგადოებაში რეინტეგრაცია ადამიანით ვაჭრობის წინააღმდეგ ბრძოლის 2023-2024 წლების სამოქმედო გეგმის ერთ-ერთ პრიორიტეტულ მიმართულებას წარმოადგენს, რომლის ფარგლებშიც მომდევნო ორი წლის განმავლობაში არაერთი აქტივობის, მათ შორის, სამედიცინო სერვისების მიმწოდებლების კვალიფიკაციის ასამაღლებელი ღონისძიების განხორციელება არის დაგეგმილი.

ტრეინინგი პროექტის „განვითარებაზე მიგრაციის გავლენის გაძლიერება საქართველოში“ (STREAMinG) ფარგლებში გაიმართა, რომელსაც მიგრაციის პოლიტიკის განვითარების საერთაშორისო ცენტრი (ICMPD) ევროკავშირისა და შვეიცარიის განვითარებისა და თანამშრომლობის სააგენტოს (SDC) დაფინანსებით ახორციელებს.

">

2023 წლის 20-21 მაისს, ადამიანით ვაჭრობის (ტრეფიკინგის) წინააღდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭოს ორგანიზებით, ევროპის კავშირის ფინანსური მხარდაჭერითა და მიგრაციის პოლიტიკის განვითარების საერთაშორისო ცენტრთან თანამშრომლობით, ჩატარდა ტრენინგი ადამიანით ვაჭრობის თემაზე, რომლის სამიზნე აუდიტორიას სამედიცინო პერსონალი წარმოადგენდა.

ტრენინგის ფარგლებში ყურადღება გამახვილდა ტრეფიკინგის დანაშაულის მსხვერპლებისათვის დამახასიათებელ ნიშნებსა და მათთვის დამახასიათებელ ფიზიკურ დაზიანებებზე, ასევე, მსხვერპლებთან მუშაობის ფსიქოლოგიურ ასპექტებზე. ტრენინგში მონაწილეობა მიიღო სხვადასხვა სამედიცინო დაწესებულების 25-მა წარმომადგენელმა.

ტრეფიკინგის მსხვერპლთა/დაზარალებულთა საზოგადოებაში რეინტეგრაცია ადამიანით ვაჭრობის წინააღმდეგ ბრძოლის 2023-2024 წლების სამოქმედო გეგმის ერთ-ერთ პრიორიტეტულ მიმართულებას წარმოადგენს, რომლის ფარგლებშიც მომდევნო ორი წლის განმავლობაში არაერთი აქტივობის, მათ შორის, სამედიცინო სერვისების მიმწოდებლების კვალიფიკაციის ასამაღლებელი ღონისძიების განხორციელება არის დაგეგმილი.

ტრეინინგი პროექტის „განვითარებაზე მიგრაციის გავლენის გაძლიერება საქართველოში“ (STREAMinG) ფარგლებში გაიმართა, რომელსაც მიგრაციის პოლიტიკის განვითარების საერთაშორისო ცენტრი (ICMPD) ევროკავშირისა და შვეიცარიის განვითარებისა და თანამშრომლობის სააგენტოს (SDC) დაფინანსებით ახორციელებს.

ხუთშაბათი, 18 მაისი, 2023

იუსტიციის მინისტრმა დიპლომატებს მსჯავრდებულ სააკაშვილის საქმეზე სტრასბურგის სასამართლოს გადაწყვეტილება გააცნო

რატი ბრეგაძემ დიპლომატებთან დეტალურად განიხილა ადამიანის უფლებათა ევროპული სასამართლოს 12 მაისის გადაწყვეტილება და სხვა სამართლებრივი საკითხები.

შეხვედრა იუსტიციის მინისტრის ინიციატივით გაიმართა და მას ესწრებოდნენ ევროკავშირის, მისი წევრი ქვეყნების, აშშ-ის, გაერთიანებული სამეფოსა და ნორვეგიის საელჩოების წარმომადგენლები

ღონისძიებები

ივნისი , 2024
  • ორ
  • სა
  • ოთ
  • ხუ
  • პა
  • შა
  • კვ
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 1