ღონისძიებები

ხუთშაბათი, 13 ივლისი, 2023

პატიმართა ესკორტირებისა და თანამშრომელთა მეტი უსაფრთხოებისთვის ესკორტირების ერთიანი მართვის ცენტრი გაიხსნა

სპეციალურმა პენიტენციურმა სამსახურმა პატიმართა ესკორტირების კიდევ უფრო მეტი უსაფრთხოების უზრუნველსაყოფად გაატარა რეფორმა, რომლის შედეგადაც დღეს ესკორტირების ერთიანი მართვის ცენტრი გაიხსნა.

ახლად გახსნილი ცენტრის ფუნქციონირებას იუსტიციის მინისტრი რატი ბრეგაძე და სპეციალური პენიტენციური სამსახურის ხელმძღვანელი ნიკა ცხვარაშვილი ადგილზე გაეცნენ.

ცენტრი აღჭურვილია რადიოსიხშირისა და GPS ნავიგაციის უახლესი და თანამედროვე ტექნიკით, რაც საშუალებას იძლევა ოპერატიულად, ეფექტიანად და უსაფრთხოების კიდევ უფრო მაღალი სტანდარტებით განხორციელდეს, როგორც მსჯავრდებულთა გადაადგილება, ასევე ესკორტირებისა და სპეციალურ ღონისძიებათა მთავარი სამმართველოს თანამშრომელთა მუშაობაც.

ესკორტირების ერთიანი მართვის ცენტრში დასაქმებული თანამშრომლებისთვის პენიტენციურმა სამსახურმა კომფორტული სამუშაო გარემო უზრუნველყო და თანამშრომელთათვის მოსასვენებელი სივრცეც გამოყო, რომელიც აღჭურვილია ყველა საჭირო ტექნიკითა და ინვენტარით.

სპეციალური პენიტენციური სამსახურისთვის პრიორიტეტულია როგორც პატიმართა პირობების გაუმჯობესება, ასევე თანამშრომელთა ღირსეული სამუშაო გარემოს უზრუნველყოფა. ამ მიზნით, სამსახური არაერთ რეფორმასა თუ პროექტს ახორციელებს, რომელიც სამსახურის საქმიანობას კიდევ უფრო ეფექტიანს ხდის.

ხუთშაბათი, 06 ივლისი, 2023

იუსტიციის მინისტრმა პირველი ქართულ-გერმანული სამართლებრივი ფორუმი შეაჯამა

ფორუმი თემაზე „საუკეთესო გამოცდილების გაზიარება საქართველოს ევროკავშირთან ინტეგრაციის გზაზე“ თბილისში ორი დღის განმავლობაში მიმდინარეობდა.

ღონისძიება ყოველწლიურ სახეს მიიღებს და მონაცვლეობით საქართველოსა და გერმანიაში გაიმართება, რაც ორ ქვეყანას შორის მდგრადი და შეუქცევადი სამართლებრივი თანამშრომლობის უნიკალური შესაძლებლობაა.

ქართულ-გერმანული სამართლებრივი ფორუმი გერმანიის ფედერაციულ რესპუბლიკისა და საქართველოს იუსტიციის სამინისტროებს შორის შარშან გაფორმებული ურთიერთთანამშრომლობის მემორანდუმის ფარგლებში დაიგეგმა.

ეს არის პლატფორმა, რომელიც აერთიანებს, როგორც საკანონმდებლო, ისე აღმასრულებელ და სასამართლო ხელისუფლებას, მათ შორის, იუსტიციის სამინისტროს სისტემის წარმომადგენლებსა და სამეცნიერო სფეროს.

ფორუმის ფარგლებში ყველა მათგანს ჰქონდა შესაძლებლობა, ემსჯელათ სამართლის დარგში დღეს არსებულ აქტუალურ საკითხებსა და გამოწვევებზე, საინტერესო რეფორმებზე, ინოვაციებსა და ახალ საერთო ინიციატივებზე.

ფორუმმა შექმნა მყარი სამართლებრივი თანამშრომლობის ფორმატი, რასაც განსაკუთრებული მნიშვნელობა აქვს საქართველოს ევროკავშირთან ინტეგრაციის გზაზე.

ფორუმის ფარგლებში, მონაწილე მხარეებმა განიხილეს ისეთი მნიშვნელოვანი სამართლებრივი საკითხები, როგორიცაა:

  • საქართველოსა და გერმანიის სამართლებრივი სისტემების ინსტიტუციური ორგანიზება;
  • საქართველოს ევროკავშირთან სამართლებრივი დაახლოება;
  • ბავშვთა უფლებების დაცვის საერთაშორისო სამართლებრივი გარანტიების გაუმჯობესება;
  • აკადემიური წრეების როლი პოლიტიკის შემუშავებასა და მეცნიერებაზე დაფუძნებულ კანონშემოქმედებაში;
  • პენიტენციური და პრობაციის სისტემების პროფესიული განვითარება.

ქართულ-გერმანულ ფორუმზე განსაკუთრებული ყურადღება დაეთმო მსჯავრდებულთა რეაბილიტაცია-რესოციალიზაციის მიდგომებსა და თანამშრომელთა კვალიფიკაციის ამაღლების უწყვეტ ღონისძიებებს.

გერმანული მხარისთვის, ისევე, როგორც საერთაშორისო საზოგადოებისთვის, საინტერესო აღმოჩნდა საქართველოში დანერგილი ინოვაციები – იუსტიციის სახლები პენიტენციურ დაწესებულებებში და „ციფრული უნივერსიტეტი“;

ორი დღის განმავლობაში მიმდინარე ქართულ-გერმანულ სამართლებრივ ფორუმზე გერმანიის დელეგაციას ხელმძღვანელობდა იუსტიციის ფედერალური სამინისტროს სახელმწიფო მდივანი ანჟელიკა შლუნკი.

ღონისძიებაში მონაწილეობდნენ ევროკავშირის სააგენტოს „ევროჯასტის“ ვიცე-პრეზიდენტი ბოშტიან შკრლეცი; საკანონმდებლო და სასამართლო ხელისუფლების წარმომადგენლები; პროკურატურის, ადვოკატთა ასოციაციის, პენიტენციური სამსახურის ხელმძღვანელი პირები და აკადემიური სფეროს წარმომადგენლები.

ოთხშაბათი, 05 ივლისი, 2023

რატი ბრეგაძე: „გერმანიასთან დარგობრივი თანამშრომლობა ხელს უწყობს ქართულიკანონმდებლობის ევროპულ სტანდარტებთან დაახლოებას“

ქართულ-გერმანული სამართლებრივი ფორუმისფარგლებში იუსტიციის მინისტრი რატიბრეგაძე გერმანიის ფედერაციული რესპუბლიკისიუსტიციის ფედერალური სამინისტროს სახელმწიფომდივან ანჟელიკა შლუნკსშეხვდა.

ქართულ-გერმანული სამართლებრივი ფორუმიპირველად ტარდება. საქართველო-გერმანიისსამართლებრივი თანამშრომლობის აღნიშნულ ფორმატს საფუძველიჩაეყარა გასულ წელსბერლინში რატი ბრეგაძისგერმანელ კოლეგა მარკო ბუშმანთანშეხვედრის დროს.

რატი ბრეგაძემ ანჟელიკა შლუნკთანშეხვედრისას ხაზი გაუსვაორ ქვეყანას შორისსამართლებრივი თანამშრომლობის გაღრმავების მნიშვნელობას ქართულიკანონმდებლობის ევროპულ სტანდარტებთან დაახლოებისპროცესში.

მინისტრმა აღნიშნა, რომ ევროკავშირთანინტეგრაცია საქართველოს მთავრობის მთავარიდა შეუქცევადი პრიორიტეტია, განსაკუთრებით, მას შემდეგ, რაც ევროკავშირმა აღიარასაქართველოს ევროპული პერსპექტივა.

იუსტიციის მინისტრმა გერმანიის ფედერაციულირესპუბლიკის იუსტიციის ფედერალური სამინისტროსსახელმწიფო მდივანთან საუბარში აღნიშნა, რომ უწყება აქტიურადიყო ჩართული ევროკავშირისმიერ საქართველოსათვის კანდიდატისსტატუსის მინიჭების პროცესსა და 12 პრიორიტეტის შესრულებაში.

ბერლინში გასულ წელსსაქართველო-გერმანიის იუსტიციის სამინისტროებსშორის გაფორმებული თანამშრომლობისპროგრამის ფარგლებში მიმდინარე წლისაგვისტოში რატი ბრეგაძეგერმანიის ფედერაციის ჩრდილოეთ ვესტფალიისმხარის იუსტიციის მინისტრბენიამინ ლიმბახს და გერმანულდელეგაციას უმასპინძლებს. შეხვედრის თემა პენიტენციურიდა პრობაციის სისტემებისთანამშრომლობის საკითხები იქნება.

საქართველოსა და უნგრეთის იუსტიციის სამინისტროებს შორის ერთობლივი დეკლარაცია გაფორმდა

დოკუმენტს ხელი მოაწერეს ორი ქვეყნის იუსტიციის მინისტრებმა რატი ბრეგაძემ და იუდიტ ვარგამ. ერთობლივი დეკლარაცია ლოგიკური გაგრძელებაა იმ მჭიდრო და სწრაფი თანამშრომლობისა, რომელიც საქართველოსა და უნგრეთის იუსტიციის მინისტრებს შორის 2021 წელს ვენეციაში გამართულ ევროპის საბჭოს მინისტერიალის ფარგლებში დაიწყო. დეკლარაციის მიზანი ორ სახელმწიფოს შორის იუსტიციის სფეროში შემავალ კონკრეტულ თემატურ საკითხებზე ცოდნის, გამოცდილებისა და საუკეთესო პრაქტიკის გაზიარება, ასევე მიმდინარე წლის ოქტომბრის თვეში დაგეგმილი მთავრობათაშორისი შეხვედრის მომზადებაა.

აღსანიშნავია, რომ დღეისთვის საქართველოსა და უნგრეთს შორის პარტნიორული ურთიერთობები და თანამშრომლობა წარმატებით მიმდინარეობს ორი ქვეყნის მთავრობის მეთაურების ინიციატივითა და ძალისხმევით. დოკუმენტის ხელმოწერამდე რატი ბრეგაძემ და იუდიტ ვარგამ შეხვედრა გამართეს, სადაც საქართველოს ევროკავშირში ინტეგრაციასა და ამ პროცესში პარტნიორი სახელმწიფოების მხარდაჭერის მნიშვნელობაზე იმსჯელეს.

შეხვედრას ესწრებოდნენ, აგრეთვე, საქართველოს იუსტიციის მინისტრის მოადგილეები, უნგრეთის იუსტიციის სამინისტროს ხელმძღვანელი პირები, უნგრეთის სრულუფლებიანი და საგანგებო ელჩი საქართველოში ანა სიკო.


შაბათი, 01 ივლისი, 2023

რატი ბრეგაძემ და მარია ბურიჩმა იუსტიციის სამინისტროსა და ევროპის საბჭოს თანამშრომლობის გაღრმავების საკითხები განიხილეს

შეხვედრის ფარგლებში აღინიშნა საქართველოს პროგრესი ადამიანის უფლებების დაცვისა და სამართლის უზენაესობის განმტკიცების მიმართულებებით, რაც ასახულია ევროპის საბჭოს ორგანოების დასკვნებსა და ანგარიშებში.

საუბარი შეეხო პენიტენციურ სისტემაში განხორციელებულ წარმატებულ რეფორმებს, რომლის შედეგადაც ციხეებში აღმოფხვრილია წამებისა და არაადამიანური მოპყრობის პრაქტიკა, რაც 2012 წლამდე არაერთხელ გამხდარა სტრასბურგის სასამართლოსა და ევროპის საბჭოს წამების, არაადამიანური და ღირსების შემლახველი მოპყრობისა თუ დასჯის პრევენციის ევროპული კომიტეტის (CPT) მწვავე კრიტიკის საგანი; პატიმრებს საშუალება აქვთ, მიიღონ უმაღლესი განათლება და შეიძინონ მოთხოვნადი პროფესიები; ჰქონდეთ სრულყოფილი სამედიცინო მომსახურება; მონაწილეობა მიიღონ სპორტულ შეჯიბრებებში; პენიტენციურ დაწესებულებებში ისარგებლონ იუსტიციის სახლის სერვისებით; დასაქმდნენ და ჰქონდეთ საკუთარი შემოსავალი.

დადებითად შეფასდა 2022 წელს განხორციელებული საკანონმდებლო ცვლილებები, რომელთა შედეგადაც საქართველოს სასამართლოები სტრასბურგის სასამართლოს პრეცედენტებს პროაქტიულად გამოიყენებენ და ამით ქართული მართლმსაჯულების სისტემა კიდევ უფრო მეტად დაუახლოვდება ევროპული სასამართლოს მიერ დადგენილ ადამიანის უფლებათა დაცვის სტანდარტებს. ასევე, ყურადღება გამახვილდა საქართველოს მიერ რუსეთის წინააღმდეგ მოგებული სახელმწიფოთაშორისი დავების აღსრულების მნიშვნელობაზე და ევროპის საბჭოს გენერალურმა მდივანმა ამ პროცესში საქართველოს სრული მხარდაჭერა აღუთქვა.

შეხვედრას ესწრებოდნენ იუსტიციის მინისტრის მოადგილე ბექა ძამაშვილი და ევროპის საბჭოში საქართველოს მუდმივი წარმომადგენელი თამარ ტალიაშვილი.

იუსტიციის სამინისტრო ადამიანის უფლებების გაძლიერებისა და სამართლის უზენაესობის განმტკიცების მიზნით ევროპულ სტრუქტურებთან მჭიდრო თანამშრომლობას მომავალშიც გააგრძელებს.

ოთხშაბათი, 28 ივნისი, 2023

იუსტიციის სახლების მშენებლობა ერთდროულად საქართველოს კიდევ 5 ქალაქში მიმდინარეობს

იუსტიციის სახლის სერვისებით სარგებლობას საკუთარ ქალაქებში სამტრედიის, თერჯოლის, ზესტაფონის, ხაშურისა და ახმეტის მოსახლეობა შეძლებს. ფილიალების მშენებლობა ერთდროულად საქართველოს რამდენიმე ქალაქში მიმდინარეობს.

სამტრედიაში, თერჯოლაში, ზესტაფონსა და ხაშურში მიმდინარე სამუშაოები იუსტიციის მინისტრმა რატი ბრეგაძემ მოადგილე ერეკლე ღვინიანიძესა და იუსტიციის სახლის თავმჯდომარე ლაშა ლობჯანიძესთან ერთად მოინახულა. მინისტრი სამუშაო პროცესს გაეცნო და სამშენებლო კომპანიის წარმომადგენლებს გაესაუბრა.

იუსტიციის სახლების ფილიალების გახსნა საქართველოს რეგიონებში კიდევ უფრო გაზრდის მოქალაქეებისათვის სახელმწიფო სერვისების ხელმისაწვდომობას, რაც იუსტიციის სამინისტროს სტრატეგიული პრიორიტეტია.

ამ მიზნით 2022-23 წლებში ახალი იუსტიციის სახლები გაიხსნა თბილისში – ვარკეთილში; სუფსაში, მშენებლობები მიმდინარეობს საქართველოს 5 ქალაქში; იგეგმება კიდევ 8 ფილიალის – საგარეჯოს, მცხეთის, ტოლების, ზოტის, ცაიშის, ხელვაჩაურის, შროშის და თბილისში გლდანის – მშენებლობის დაწყება.

2023 წელს იუსტიციის სახლები ზესტაფონში, ხაშურსა და სამტრედიაში გაიხსნება, 2024 წლის ბოლომდე კი – ყველა მუნიციპალურ ცენტრში

ორშაბათი, 26 ივნისი, 2023

ნოტარიუსთა საკვალიფიკაციო გამოცდა დაინიშნა

საქართველოს იუსტიციის მინისტრის 2022 წლის 22 ივნისის №324 ბრძანებით, მიმდინარე წლის 31 ივლისიდან 19 აგვისტომდე ნოტარიუსთა საკვალიფიკაციო გამოცდები ჩატარდება.

საკვალიფიკაციო გამოცდა იუსტიციის სასწავლო ცენტრში ორ ეტაპად გაიმართება. პირველი ეტაპი ზოგად უნარ-ჩვევებს მოიცავს (ვერბალური და მათემატიკური ნაწილები), მეორე კი − პროფესიულ ტესტირებას.

საბუთების მიღება წარმოებს 2023 წლის 26 ივნისიდან 2023 წლის 26 ივლისის ჩათვლით შემდეგ ელექტრონულ მისამართზე: trainingcenter@tcj.gov.ge.

  • გამოცდის ჩაბარების მსურველებმა ელექტრონულად უნდა წარმოადგინონ შემდეგი საბუთები:
  • უმაღლესი იურიდიული განათლების დამადასტურებელი დოკუმენტის – დიპლომის ასლი;
  • CV;
  • პირადობის დამადასტურებელი დოკუმენტის ასლი;
  • ფერადი ფოტოსურათი 3/4-ზე;
  • გამოცდაში მონაწილეობისათვის კანონით დადგენილი საფასურის გადახდის დამადასტურებელი ქვითარი 150 ლარის ოდენობით (იხ. საბანკო რეკვიზიტები მიმაგრებულ დოკუმენტებში).


საკვალიფიკაციო გამოცდასთან დაკავშირებული სამართლებრივი აქტები:


ა) „ნოტარიუსთა საკვალიფიკაციო გამოცდის დანიშვნის შესახებ“ საქართველოს იუსტიციის მინისტრის 2023 წლის 22 ივნისის №324 ბრძანება


ბ) „ნოტარიუსთა საკვალიფიკაციო გამოცდის ჩატარების წესის, საკვალიფიკაციო საგამოცდო კომისიის დებულებისა და ნოტარიუსთა საკვალიფიკაციო საგამოცდო პროგრამის დამტკიცების თაობაზე“ საქართველოს იუსტიციის მინისტრის 2010 წლის 31 მარტის №68 ბრძანება

ხუთშაბათი, 22 ივნისი, 2023

იუსტიციის მინისტრის მოადგილემ ადამიანის უფლებათა ევროპული სასამართლოს გადაწყვეტილებების აღსრულების დეპარტამენტის ხელმძღვანელთან წარმატებული თანამშრომლობის შედეგად მიღწეული შედეგები განიხილა

საქართველოში ადამიანის უფლებათა ევროპული სასამართლოს გადაწყვეტილებების აღსრულების დეპარტამენტის ვიზიტი იუსტიციის სამინისტროში შეხვედრით დაიწყო. ვიზიტის მიზანია ადამიანის უფლებათა ევროპული სასამართლოს გადაწყვეტილებების აღსრულებასთან დაკავშირებით მიღწეული პროგრესის შეფასება და საქართველოს ხელისუფლებასთან თანამშრომლობით სამომავლო ღონისძიებების დაგეგმვა.

დელეგაციის წევრები იუსტიციის მინისტრის მოადგილე ბექა ძამაშვილსა და საერთაშორისო სასამართლოებში სახელმწიფო წარმომადგენლობის დეპარტამენტის ხელმძღვანელ ნინო ნიკოლაიშვილს შეხვდნენ. შეხვედრის ფარგლებში მიმოხილულ იქნა ევროპული სასამართლოს გადაწყვეტილებების აღსრულების კუთხით მიღწეული პოზიტიური შედეგები და არსებული გამოწვევები.

შეხვედრისას დადებითად შეფასდა ევროკავშირის მე-11 რეკომენდაციის ფარგლებში მიღებული საკანონმდებლო ცვლილებები, რომელთა შედეგადაც საქართველოს სასამართლოები სტრასბურგის სასამართლოს პრეცედენტებს პროაქტიულად გამოიყენებენ და ამით ქართული მართლმსაჯულების სისტემა კიდევ უფრო მეტად დაუახლოვდება ევროპული სასამართლოს მიერ დადგენილ ადამიანის უფლებათა დაცვის სტანდარტებს. ასევე, საკანონმდებლო ცვლილებების შედეგად, საქართველოს საკანონმდებლო მაცნეს მიერ ქართულ ენაზე ითარგმნება საქართველოსთან მიმართებით გამოტანილი სტრასბურგის სასამართლოს ყველა გადაწყვეტილება და სხვა ქვეყნების მიმართ გამოტანილი მნიშნელოვანი პრეცედენტული გადაწყვეტილებები, რაც ხელს შეუწყობს იურიდიულ წრეებსა და საზოგადოებაში ცნობიერების ამაღლებას.

საკანონმდებლო ცვლილებების თვალსაზრისით, აგრეთვე, დადებითად აღინიშნა, რომ 2022 წლიდან ევროპული სასამართლოს მიერ დადგენილი ადამიანის უფლებათა და ძირითად თავისუფლებათა დაცვის კონვენციის ან მისი დამატებითი ოქმის დარღვევის ფაქტების გამოძიება სპეციალური საგამოძიებო სამსახურის ქვემდებარე გახდა.

როგორც შეხვედრაზე აღინიშნა, ოფიციალური სტატისტიკის თანახმად, მკვეთრად შემცირდა საქართველოს წინააღმდეგ ევროპულ სასამართლოში არსებული საქმეების საერთო რაოდენობა. კერძოდ, 2011 წლისთვის ადამიანის უფლებათა ევროპული სასამართლოს წარმოებაში იყო საქართველოს წინააღმდეგ შეტანილი 3045 საქმე, ხოლო 2023 წლის იანვრის მდგომარეობით, სტრასბურგის სასამართლოში განიხილება საქართველოს მიმართ შეტანილი მხოლოდ 147 საჩივარი, რაც ევროპის საბჭოს წევრობის განმავლობაში საქართველოსთვის ისტორიული მინიმუმია. შეხვედრის დროს განსაკუთრებული ყურადღება დაეთმო რუსეთის წინააღმდეგ საქართველოს სახელმწიფოთაშორის დავებზე მიღებული გადაწყვეტილებების აღსრულების საკითხებს და მათ მნიშვნელობას დაზარალებულებისა და ქართული საზოგადოებისათვის.

ვიზიტის ფარგლებში შეხვედრები გაიმართება ევროპული სასამართლოს გადაწყვეტილებების აღსრულების პროცესში ჩართულ ყველა შესაბამის უწყებასთან, მათ შორის, გენერალურ პროკურატურასთან, შინაგან საქმეთა სამინისტროსთან, სპეციალურ საგამოძიებო სამსახურთან, საქართველოს პარლამენტთან, უზენაეს სასამართლოსა და იუსტიციის უმაღლეს სკოლასთან. აღნიშნული შეხვედრები იუსტიციის სამინისტროს კოორდინაციითა და აქტიური ჩართულობით გაგრძელდება

ოთხშაბათი, 21 ივნისი, 2023

რატი ბრეგაძე: „კიბერუსაფრთხოება თანამედროვე სახელმწიფოს იმუნიტეტის განუყოფელი ნაწილია“

საქართველოს პრემიერ-მინისტრმა ირაკლი ღარიბაშვილმა „საქართველოს კიბერუსაფრთხოების ფორუმი – 2023“ გახსნა.
იუსტიციის სამინისტრო 2012 წლიდან საქართველოში კიბერუსაფრთხოების სფეროს ერთ-ერთი მთავარი მარეგულირებელი და ზედამხედველი უწყებაა. იუსტიციის სამინისტრო პასუხისმგებელია სახელმწიფო სერვისების უსაფრთხოდ მიწოდებასა და კიბერუსაფრთხოების სფეროში საზოგადოების ცნობიერების ამაღლებაზე.
კიბერუსაფრთხოების ფორუმზე სიტყვით გამოვიდა იუსტიციის მინისტრი რატი ბრეგაძე.

„21-ე საუკუნეში, ტექნოლოგიურ ეპოქაში, მრავალი სფეროს გაციფრულებამ, ერთი მხრივ, ცხოვრება მნიშვნელოვნად გაამარტივა, ხოლო მეორე მხრივ, წარმოშვა მრავალი გამოწვევაც. შეიძლება ვინმეს სულ რამდენიმე წლის წინ ფანტასტიკის სფეროდ მიეჩნია ნათქვამი, რომ საჯარო მმართველობა იქნებოდა სრულიად ციფრული, თუმცა, დღეს ეს უკვე რეალობაა. იუსტიციის სფეროში სულ მალე ადმინისტრაციული აქტები, კანონები, სასამართლო გადაწყვეტილებები მნიშვნელოვანწილად მომზადდება ხელოვნური ინტელექტის მეშვეობით. შესაბამისად, რაც უფრო მეტად იზრდება ციფრული სფერო, მით მეტი საფრთხე იქნება მომავალში. ამიტომ კიბერუსაფრთხოებას მომავალში კიდევ უფრო განსაკუთრებული მნიშვნელობა მიენიჭება. კიბერუსაფრთხოება თანამედროვე სახელმწიფოს იმუნიტეტის განუყოფელი ნაწილია და მასზე ზრუნვა ნებისმიერი ორგანიზმის გადასარჩენად არის ერთ-ერთი მთავარი გამოწვევა, რაც კი შეიძლება თანამედროვე სახელმწიფოს ჰქონდეს.


ადგილობრივის გარდა, უსაფრთხოებას, ასევე, აქვს საერთაშორისო განზომილება და სწორედ ამიტომ ჩვენს საერთაშორისო პარტნიორებთან მჭიდრო თანამშრომლობა საერთაშორისო უსაფრთხოებისთვისაც ერთ-ერთი მთავარი და პრიორიტეტული მიმართულებაა. მოხარული ვარ, რომ ამ ფორუმზე წარმოვადგენ იუსტიციის სამინისტროს, სადაც ციფრული მმართველობის სააგენტო ასრულებს ქვეყანაში ერთ-ერთ მნიშვნელოვან როლს, თუნდაც, კერძო სექტორის ციფრული უსაფრთხოების უზრუნველყოფაში. ამ ყველაფერს კი, სჭირდება ფართო ფორუმი, თანამშრომლობა როგორც უწყებათაშორის, ისე საერთაშორისო დონეზე და, შესაბამისად, პრემიერ-მინისტრს, რომელიც თავმჯდომარეობს ამ ფორუმს, ასევე, შინაგან საქმეთა მინისტრ ვახტანგ გომელაურს, ეროვნული უსაფრთხოების საბჭოს ყველა წევრს მადლობას ვუხდით იუსტიციის სამინისტროს სახელით როგორც ამ ფორუმის ორგანიზებისთვის, ისე სახელმწიფოს უსაფრთხოების უზრუნველსაყოფად გადადგმული თითოეული ნაბიჯისთვის. ვაცხადებთ სრულ მზაობას, რომ ყველა უწყებასთან ერთად ვითანამშრომლოთ მაქსიმალურად ჩვენი შესაძლებლობების ფარგლებში“, – განაცხადა რატი ბრეგაძემ.


ღონისძიებაში, ასევე, მონაწილეობენ კიბერუსაფრთხოების უზრუნველყოფაში ჩართული საქართველოს საჯარო უწყებების წარმომადგენლები, პარტნიორი ქვეყნების უცხოელი ექსპერტები და დიპლომატიური მისიების წარმომადგენლები.

შაბათი, 17 ივნისი, 2023

მიწის სისტემური რეგისტრაციის პროცესი

2022 წლიდან მთელი ქვეყნის მასშტაბით მიწის სისტემური რეგისტრაცია მიმდინარეობს. საჯარო რეესტრის ეროვნული სააგენტოს საველე ჯგუფების მიერ ნაკვეთების საკადასტრო აზომვით სამუშაოებს ლაგოდეხის მუნიციპალიტეტში იუსტიციის მინისტრი რატი ბრეგაძე და მინისტრის პირველი მოადგილე თამარ ტყეშელაშვილი საჯარო რეესტრის ეროვნული სააგენტოს თავმჯდომარე დავით დევიძესთან ერთად ადგილზე გაეცნენ. პროცესი სრულად ელექტრონულია – საამზომველო ჯგუფები შესაბამის ოქმებს ელექტრონულად ავსებენ, რაც ტექნიკური ხარვეზების შესაძლებლობას მინიმუმამდე ამცირებს.

რატი ბრეგაძე ადგილობრივ მოსახლეობას რეფორმის შედეგების შესახებ გაესაუბრა და მოქალაქეებს მიწის რეგისტრაციის დამადასტურებელი ამონაწერებიც გადასცა.

ლაგოდეხის მუნიციპალიტეტში მიწის სისტემური რეგისტრაციის რეფორმის ფარგლებში აიზომა 37 456 და დარეგისტრირდა 10 284 მიწის ნაკვეთი, ეტაპობრივად, გრძელდება დანარჩენი ნაკვეთების რეგისტრაციაც. მთელი ქვეყნის მასშტაბით კი, 2022 წლიდან დღემდე 351 204 მიწის ნაკვეთია აზომილი; საკუთრება დარეგისტრირდა 259 759 მიწის ნაკვეთზე. პროექტის ფარგლებში, შეიქმნა, 1000-მდე სამუშაო ადგილი.

მიწის სისტემური რეგისტრაცია ყველა მოქალაქისთვის სრულიად უფასოა. რეფორმით სარგებლობა შეუძლიათ დიასპორის წარმომადგენლებსაც.

ღონისძიებები

მაისი , 2024
  • ორ
  • სა
  • ოთ
  • ხუ
  • პა
  • შა
  • კვ
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 1
  • 2
  • 3